Lukas 2
2
Ji i Yeso
(Mat 1.18-25)
1N nəŋŋə i tii zə, Kaysa Ogostus n tsəʼlə tsu kəlaŋ nə̀ ghə ney taŋ aghə̂ ghey adzəm ghə loʼnə n naʼ i Roma. 2Â wən loʼ nəŋə i sə̂ isə zə ni ney taŋ aghə̂ nə̀ Kwirinus loʼ Gɔvənɔ n naʼ i Sirya. 3Sey, kay wù n ndow kə n naʼ i wi nə ghə ney taŋ n kow wi. 4Sey, Yosef n nuu tsu soʼo n naʼ i Nazaled, n mboʼo Galili, kɔʼ ndòw n Betelehem, naʼ i Fɔɔ, Devid n mboʼo Judeya, n təŋkey tə â shi n sad i kəbii i Devid. 5Tə n ndòw ni ndòw tɔɔ izəd ghi Maria, wey wi tə â nyi naŋanə. A n loʼ sey nə̀ Maria loʼ nəghə u waa. 6Nghee tə ghə loʼnə fu n Betelehem, nəŋə zə n kpii tsu tə Maria ni ji. 7Tə n ji bə waa wi usə̂ isə wə̀, nə a loʼ waa u num wə. Tə n baŋ kɔʼ wi nə təndzə̂, nyəŋŋə naŋa tsu wi n kəŋ ufəzəə u tənyam, n təŋkey ghə â ka keeli bùʼ kə n ndaw i zayyə zə.
Tsəndəghə naʼa ji i Yeso tə̀ ghə̂ a baʼa a tənjì ghə
8Ghə̂ a baʼa a tənjì a loʼ ghə a kuʼlə loʼ fu n tsuʼu tə. Ghə n loʼ fu n kaʼ kə tənjì kə ghə kə ghə keyyənə. 9Tsəndəghə ə Kəzə̀ n təmi dii bə uwû tə ghə, sey tsə̂ u Kəzə̀ wə n taw dzəŋ naŋa kɔʼ ghə. Ghə n kaʼ ni tsəŋ. 10Tsəndəghə ə Kəzə̀ zey n dza tə̀ ghə nə̀, “kə̂ ghaa nə tsəŋənə, n bə ghaa n tûm i dzuŋu zə, zə i fuu duʼlə i nii zə tə ghə̂ ghə adzəm. 11Koʼo na! N tsuʼ u na wən, ghə ji bəghəshi ə ghaa n naʼ i Fɔɔ Devid. Tə loʼ Wù wey Zə̀ kə Tsuʼ naŋanə tɔŋɔ Klisto#2.11 Klisto sey dii nə̀ a loʼ wù wən Zə̀ kə tsuʼ naŋanə tə loʼ Mûkəbii. 12À wən loʼ tsəə zey ghaa i koʼo keelinə wi tii, ghaa i koʼo waa nə ghə n bàŋ nə təndzə̂, tə nyəŋnə n kəŋ u fəzəə u tənyam.” 13Nɔɔ kə tsətəndəghə tə Kəzə̀ kə n tsu bə idəŋ daŋŋə bə təmdzəŋi bə tsəndəghə ə Kəzə̀ zey, ghə n zey ndòw ni fu nkɔʼlə tə Zə̀ kə dza, 14“kɔʼlə n loʼ tə Zə̀ kə tə loʼ idəŋ, buulə i Kəzə̀ zə i loʼ tə̀ ghə̂ ghey ndzuŋ ə wi loʼ kow ghə fa n mbi.” 15Ambə tsətəndəghə tə Kəzə̀ tey zəghə tsunə ghə, ndòw dzəŋŋə idəŋ, ghə̂ a keyyə a tənjì ghey n dza n wû i ghə nə̀, “bəghə na a ndòw n Betelehem, a ndòw koʼ ghə zən i shi shinə fu, tə Bày chi dii bənə tə sa.” 16Sey, ghə n luumə ndòw, bə koʼ bə Maria, Yosef ghi waa tə nyəŋnə n kəŋ ufəzəə u tənyam 17Ambə ghə bə koʼ tsunə ghəə ghən, ghə n ndow kaʼ ni dza kaabə tə̀ ghə̂ ghə ghəə ghey tsəndəghə zey mə dzanə tə̀ ghə kûm waa tii. 18Dzuu zə n ngii zum ghə̂ ghey adzəm ghə â zownə ghəə ghən ghə̂ a keyyə a tənjì ghey ghə â dzanə. 19Maria, n ney naŋŋə kə ghəə a tii ghə n fəŋ ə wi, moʼlə tənə tsə. 20Sey ghə̂ a keyyə a tənjì ghey n nuu dzəŋŋə i ndòw, kɔʼlə ndow Kəzə̀, fuu kali u wi kuum ghəə ghey ghə â zownə. Sə̂ i koʼ ighələ tə tsəndəghə â dzanə. 21Ambə tsuʼu n tsəghə tsunə ifam, tsuʼ fə kpii tsunə ni faalə waa, ghə n tsə̀ tsu zəd i wi nə a loʼ Yeso. A n loʼ zəd zey tsəndəghə ə Kəzə̀ zey â fuunə nə̀ ghə ka kam bɔŋ wi.
Maria ghi Yosef bə dii Yeso n Ndaw Kəzə̀
22Laŋ kə Mushi kə â dii tsu nə̀ abə ghə ji tsunə waa, bày waa ghi nay waa khə ni ndòw tə̀ ghə sòw ghə. Ambə Yosef ghi Maria mayyə tsunə ghəə zən, ghə n ney ndòw waa n Yerosalem ni ndòw dii wi n sə kə Bày. 23Ghə â ndòw fu n təŋkey laŋ kə Bày kə â dii nə̀ “ghə khə ni fuu nuu ndòw waa u num u sə isə wə n wɔɔ K-a-zə̀.” 24Ghə n ndòw soʼo ni fu maʼlə u Kəzə̀ ni luulə laŋ u Bày wey wə̀ â diinə nə “wù khə ni fu ufə̀ ubəghə nkee waa n təbuŋə nbəghə.” 25Wù loʼ â loʼ fu n Yerosalem ghə â tɔŋŋənə nə̀ a loʼ Shimiɔŋ. Mû i wi zə n loʼ tsətsəghə n sə̂ K-a-zə̀. Tə n naŋŋə laŋ u Kəzə̀. Zay kə Zow kə n loʼ ghi wi. Tə n ləmmə tənə tsuʼ fey Zə̀ kə î bəghəshiənə ghə̂ ghə Izree ghə tii. 26Zay kə Zow kə mâ dii tə̀ wi nə̀, tə nə̂ kpu way nə̀ tə ka koʼ Klisto wey Bày Tsuʼ naŋanə. 27Zay kə Zow kə n ghəŋə nə̀ Shimiɔŋ nyi ndow n Ndaw Kəzə̀ i nii zə n Yerosalem. Ambə Maria ghi Yosef ney nyi bənə Yeso fu ni bə ghəŋə ghi wi nghee tə laŋ kə â diinə, 28Shimiɔŋ n ney ndòw waa n kpii i wi, fu kali u Kəzə̀ dza, 29“Bày, nya, wə loʼ ni ney ndòw mə wù kəfwaʼ wə̀ nə̀ ibuulə tə̀ wə â dza naŋanə, 30kùmnə mə n koʼ bəghəshi wə n sə̂ zuŋ zə, 31tə̀ wə â bayyə naŋanə tə̀ ghə̂ a Təjuu ghə nsə ghə̂ ghən ghə way ghə̂ a Təjuu ghə ni kòʼ. 32Tə loʼ tə a loʼ utsə̂ ni fu sə̂ a koʼo ghə tə ghə̂ ghən ghə way ghə̂ a Təjuu ghə tə ghə i khə wɔ, tə̀ i ney bə soʼo nkɔʼlə tə̀ ghə̂ ghə Izree ghə.” 33Dzuu zə n ngii zum bày waa ghi nay waa nghee ghə zow tsunə ghəə ghey Simiɔŋ dzanə kùm waa ghə. 34Sey Shimiɔŋ n buulə tsu ghə, dza ndòw tə̀ Maria nə̀, “waa wən, a tûm bə Kəzə̀. Bòʼ wi, ghə̂ a loʼ ghə î keeli tsɔɔmə i bəbə zə, a loʼ ghə i keeli ibəghəshi n naʼ zə Izree. Tə î loʼ tsəə ə Kəzə̀, seykə, ndəmə aghə̂ ghə i kɔɔbə wi, 35sey tə i dii fuu moʼlə tey tə loʼnə n fə̀ŋ tə aghə̂. Chɔt u nə saw wɔ n fəŋ, u nə loʼ tə̀ ghə saw wɔ n kɔb.” 36Tûm Kəzə̀ u zən u loʼ wə â loʼ soʼo fu, tɔŋŋə Anna waa Fanuel tə â shi n naʼ i Asha. Anna mâ ngii dən. Tə n loʼ nə tə mâ num ney, muu tsu ghi wi tənum təsəghəmbəghə, num wi n bə kpu tsu, 37sey tə n loʼ wey kpusə. Tə â nya loʼ ghəm n tənûm ifam n nûmtə təkaykə. Tə n muu tsə kə n Ndaw Kəzə̀ i nii zə n Yerosalem, gɔŋŋə zeeli tsuʼ ndzəm; n tsə nsə n tsuʼu tə, bam idzuu, ngɔɔmə Kə̀zə̀ nəŋə tədzəm. 38Nghee tə Maria ghi Yosef loʼnə fu ghi waa, Anna n bɔɔmə bə soʼo n nəŋə i tii zə, bə kaʼ ni fuu ukali tə̀ Zə̀ kə, khəə soʼo aghəə kùm Yeso tə̀ ghə̂ ghey adzəm ghə â ləmmənə bəghəshi ə Yerosalem.
Maria ghi Yosef dzəŋŋə ndòw ghi waa n Nazaled
39Ambə Yosef ghi Maria màyyə kɔʼnə ghəə ghey ghə â khənə ni ghəŋə tə̀ laŋ kə Bày kə ləghənə, ghə n nuu dzəŋŋə ndòw n naʼa fə ghə n Nazaled n naʼ i Galili. 40Waa tii n nyəmmə, taw, khə utɔb, Buulə i Kəzə̀ zə n loʼ i wi.
Yeso loʼ n Ndaw Kəzə̀ i nii zə n Yerosalem
41Nùm tədzəm bày Yeso ghi nay wi ghə â bəghə ghə n ndòw tsə n Yerosalem ni ndòw zə Zə̂ kə taa zaʼa kə. 42Ambə Yeso kùm tsunə nùm tə ighəm n nùmtə təbəghə ghə n ney kɔʼ ndòw ghi wi ni ndòw zə Zə̂ kə taa zaʼa kə tə ghə â ndow tsənə. 43Ambə tsuʼu n Kəzə̀ n may tsunə, ghə n nuu dzəŋŋə bə, Yeso n kee doʼo səə tsu n Yerosalem nə bày ghi zə̂ ka keeli. 44Ghə n bwey zeeli ndow moʼlə kə nə tə loʼ n fəŋŋə kə nɔɔ key kə â dzəŋi bənə. Sey, ghə n zey ni kəŋ wi n fəŋŋə kə awaazə a ghə nsə ghə̂ ghey ghə â muu dzəŋinə ghi ghə. 45Ambə ghə kəŋ kìi tsunə wi, ghə n nuu dzəŋŋə ndòw n Yerosalem ni ndòw kəŋ wi. 46Ambə tsuʼu n tsəghə tsunə ntəghə, ghə n bə koʼ bə wi n Ndaw Kəzə̀ i nii zə n Yerosalem. Tə n doʼ n fəŋŋə kə ghə̂ a dii ghə, zəllə ghəə ghey ghə khəənə, bəbə soʼo ghə n ghəə ghə. 47Dzuu zə n ngii zum ghə̂ ghey adzəm ghə â zownə wi kùmnə tə â zowkeeli aghəə, nsə n ji zey tə â beelinə tii. 48Ambə bày wi ghi nay wi koʼ tsunə wi, ghə i tii zə n tsəghəshi ghə. Nay wi n bəb ndòw tə̀ wi nə̀, “n waa, a loʼ kee wə ghəŋənə sa tə ghey ə? Mə ghi bày wə, n wɔ kuum kəŋ, fə̀ŋ tə mə baŋa ghey bòʼ wɔ.” 49Tə n beeli ndow ghə dza, “ghaa mə kəŋə mə bòʼ kee? Ghaa mə khə way nə n mə khə ni loʼ n ndaw bày wùŋ ə?” 50Ghə n ka buʼ zowkeeli ghəə ghey tə dzanə. 51Sey tə n nuu dzəŋŋə ndòw ghi ghə n Nazaled, zow tə ghə. Zə̂ n kee ney naŋŋə kə ghəə a tii ghə adzəm n fə̀ŋ ə wi. 52Yeso n nyîmmə kɔʼɔ bə, nyîmmə kɔʼɔ bə soʼo nə utɔb, buulə i Kəzə̀ zə n loʼ ghi wi, buulə zə aghə̂ zə n loʼ soʼo ghi wi.
Currently Selected:
Lukas 2: WEH
Highlight
Share
Copy
Want to have your highlights saved across all your devices? Sign up or sign in
© 2022 CABTAL
Lukas 2
2
Ji i Yeso
(Mat 1.18-25)
1N nəŋŋə i tii zə, Kaysa Ogostus n tsəʼlə tsu kəlaŋ nə̀ ghə ney taŋ aghə̂ ghey adzəm ghə loʼnə n naʼ i Roma. 2Â wən loʼ nəŋə i sə̂ isə zə ni ney taŋ aghə̂ nə̀ Kwirinus loʼ Gɔvənɔ n naʼ i Sirya. 3Sey, kay wù n ndow kə n naʼ i wi nə ghə ney taŋ n kow wi. 4Sey, Yosef n nuu tsu soʼo n naʼ i Nazaled, n mboʼo Galili, kɔʼ ndòw n Betelehem, naʼ i Fɔɔ, Devid n mboʼo Judeya, n təŋkey tə â shi n sad i kəbii i Devid. 5Tə n ndòw ni ndòw tɔɔ izəd ghi Maria, wey wi tə â nyi naŋanə. A n loʼ sey nə̀ Maria loʼ nəghə u waa. 6Nghee tə ghə loʼnə fu n Betelehem, nəŋə zə n kpii tsu tə Maria ni ji. 7Tə n ji bə waa wi usə̂ isə wə̀, nə a loʼ waa u num wə. Tə n baŋ kɔʼ wi nə təndzə̂, nyəŋŋə naŋa tsu wi n kəŋ ufəzəə u tənyam, n təŋkey ghə â ka keeli bùʼ kə n ndaw i zayyə zə.
Tsəndəghə naʼa ji i Yeso tə̀ ghə̂ a baʼa a tənjì ghə
8Ghə̂ a baʼa a tənjì a loʼ ghə a kuʼlə loʼ fu n tsuʼu tə. Ghə n loʼ fu n kaʼ kə tənjì kə ghə kə ghə keyyənə. 9Tsəndəghə ə Kəzə̀ n təmi dii bə uwû tə ghə, sey tsə̂ u Kəzə̀ wə n taw dzəŋ naŋa kɔʼ ghə. Ghə n kaʼ ni tsəŋ. 10Tsəndəghə ə Kəzə̀ zey n dza tə̀ ghə nə̀, “kə̂ ghaa nə tsəŋənə, n bə ghaa n tûm i dzuŋu zə, zə i fuu duʼlə i nii zə tə ghə̂ ghə adzəm. 11Koʼo na! N tsuʼ u na wən, ghə ji bəghəshi ə ghaa n naʼ i Fɔɔ Devid. Tə loʼ Wù wey Zə̀ kə Tsuʼ naŋanə tɔŋɔ Klisto#2.11 Klisto sey dii nə̀ a loʼ wù wən Zə̀ kə tsuʼ naŋanə tə loʼ Mûkəbii. 12À wən loʼ tsəə zey ghaa i koʼo keelinə wi tii, ghaa i koʼo waa nə ghə n bàŋ nə təndzə̂, tə nyəŋnə n kəŋ u fəzəə u tənyam.” 13Nɔɔ kə tsətəndəghə tə Kəzə̀ kə n tsu bə idəŋ daŋŋə bə təmdzəŋi bə tsəndəghə ə Kəzə̀ zey, ghə n zey ndòw ni fu nkɔʼlə tə Zə̀ kə dza, 14“kɔʼlə n loʼ tə Zə̀ kə tə loʼ idəŋ, buulə i Kəzə̀ zə i loʼ tə̀ ghə̂ ghey ndzuŋ ə wi loʼ kow ghə fa n mbi.” 15Ambə tsətəndəghə tə Kəzə̀ tey zəghə tsunə ghə, ndòw dzəŋŋə idəŋ, ghə̂ a keyyə a tənjì ghey n dza n wû i ghə nə̀, “bəghə na a ndòw n Betelehem, a ndòw koʼ ghə zən i shi shinə fu, tə Bày chi dii bənə tə sa.” 16Sey, ghə n luumə ndòw, bə koʼ bə Maria, Yosef ghi waa tə nyəŋnə n kəŋ ufəzəə u tənyam 17Ambə ghə bə koʼ tsunə ghəə ghən, ghə n ndow kaʼ ni dza kaabə tə̀ ghə̂ ghə ghəə ghey tsəndəghə zey mə dzanə tə̀ ghə kûm waa tii. 18Dzuu zə n ngii zum ghə̂ ghey adzəm ghə â zownə ghəə ghən ghə̂ a keyyə a tənjì ghey ghə â dzanə. 19Maria, n ney naŋŋə kə ghəə a tii ghə n fəŋ ə wi, moʼlə tənə tsə. 20Sey ghə̂ a keyyə a tənjì ghey n nuu dzəŋŋə i ndòw, kɔʼlə ndow Kəzə̀, fuu kali u wi kuum ghəə ghey ghə â zownə. Sə̂ i koʼ ighələ tə tsəndəghə â dzanə. 21Ambə tsuʼu n tsəghə tsunə ifam, tsuʼ fə kpii tsunə ni faalə waa, ghə n tsə̀ tsu zəd i wi nə a loʼ Yeso. A n loʼ zəd zey tsəndəghə ə Kəzə̀ zey â fuunə nə̀ ghə ka kam bɔŋ wi.
Maria ghi Yosef bə dii Yeso n Ndaw Kəzə̀
22Laŋ kə Mushi kə â dii tsu nə̀ abə ghə ji tsunə waa, bày waa ghi nay waa khə ni ndòw tə̀ ghə sòw ghə. Ambə Yosef ghi Maria mayyə tsunə ghəə zən, ghə n ney ndòw waa n Yerosalem ni ndòw dii wi n sə kə Bày. 23Ghə â ndòw fu n təŋkey laŋ kə Bày kə â dii nə̀ “ghə khə ni fuu nuu ndòw waa u num u sə isə wə n wɔɔ K-a-zə̀.” 24Ghə n ndòw soʼo ni fu maʼlə u Kəzə̀ ni luulə laŋ u Bày wey wə̀ â diinə nə “wù khə ni fu ufə̀ ubəghə nkee waa n təbuŋə nbəghə.” 25Wù loʼ â loʼ fu n Yerosalem ghə â tɔŋŋənə nə̀ a loʼ Shimiɔŋ. Mû i wi zə n loʼ tsətsəghə n sə̂ K-a-zə̀. Tə n naŋŋə laŋ u Kəzə̀. Zay kə Zow kə n loʼ ghi wi. Tə n ləmmə tənə tsuʼ fey Zə̀ kə î bəghəshiənə ghə̂ ghə Izree ghə tii. 26Zay kə Zow kə mâ dii tə̀ wi nə̀, tə nə̂ kpu way nə̀ tə ka koʼ Klisto wey Bày Tsuʼ naŋanə. 27Zay kə Zow kə n ghəŋə nə̀ Shimiɔŋ nyi ndow n Ndaw Kəzə̀ i nii zə n Yerosalem. Ambə Maria ghi Yosef ney nyi bənə Yeso fu ni bə ghəŋə ghi wi nghee tə laŋ kə â diinə, 28Shimiɔŋ n ney ndòw waa n kpii i wi, fu kali u Kəzə̀ dza, 29“Bày, nya, wə loʼ ni ney ndòw mə wù kəfwaʼ wə̀ nə̀ ibuulə tə̀ wə â dza naŋanə, 30kùmnə mə n koʼ bəghəshi wə n sə̂ zuŋ zə, 31tə̀ wə â bayyə naŋanə tə̀ ghə̂ a Təjuu ghə nsə ghə̂ ghən ghə way ghə̂ a Təjuu ghə ni kòʼ. 32Tə loʼ tə a loʼ utsə̂ ni fu sə̂ a koʼo ghə tə ghə̂ ghən ghə way ghə̂ a Təjuu ghə tə ghə i khə wɔ, tə̀ i ney bə soʼo nkɔʼlə tə̀ ghə̂ ghə Izree ghə.” 33Dzuu zə n ngii zum bày waa ghi nay waa nghee ghə zow tsunə ghəə ghey Simiɔŋ dzanə kùm waa ghə. 34Sey Shimiɔŋ n buulə tsu ghə, dza ndòw tə̀ Maria nə̀, “waa wən, a tûm bə Kəzə̀. Bòʼ wi, ghə̂ a loʼ ghə î keeli tsɔɔmə i bəbə zə, a loʼ ghə i keeli ibəghəshi n naʼ zə Izree. Tə î loʼ tsəə ə Kəzə̀, seykə, ndəmə aghə̂ ghə i kɔɔbə wi, 35sey tə i dii fuu moʼlə tey tə loʼnə n fə̀ŋ tə aghə̂. Chɔt u nə saw wɔ n fəŋ, u nə loʼ tə̀ ghə saw wɔ n kɔb.” 36Tûm Kəzə̀ u zən u loʼ wə â loʼ soʼo fu, tɔŋŋə Anna waa Fanuel tə â shi n naʼ i Asha. Anna mâ ngii dən. Tə n loʼ nə tə mâ num ney, muu tsu ghi wi tənum təsəghəmbəghə, num wi n bə kpu tsu, 37sey tə n loʼ wey kpusə. Tə â nya loʼ ghəm n tənûm ifam n nûmtə təkaykə. Tə n muu tsə kə n Ndaw Kəzə̀ i nii zə n Yerosalem, gɔŋŋə zeeli tsuʼ ndzəm; n tsə nsə n tsuʼu tə, bam idzuu, ngɔɔmə Kə̀zə̀ nəŋə tədzəm. 38Nghee tə Maria ghi Yosef loʼnə fu ghi waa, Anna n bɔɔmə bə soʼo n nəŋə i tii zə, bə kaʼ ni fuu ukali tə̀ Zə̀ kə, khəə soʼo aghəə kùm Yeso tə̀ ghə̂ ghey adzəm ghə â ləmmənə bəghəshi ə Yerosalem.
Maria ghi Yosef dzəŋŋə ndòw ghi waa n Nazaled
39Ambə Yosef ghi Maria màyyə kɔʼnə ghəə ghey ghə â khənə ni ghəŋə tə̀ laŋ kə Bày kə ləghənə, ghə n nuu dzəŋŋə ndòw n naʼa fə ghə n Nazaled n naʼ i Galili. 40Waa tii n nyəmmə, taw, khə utɔb, Buulə i Kəzə̀ zə n loʼ i wi.
Yeso loʼ n Ndaw Kəzə̀ i nii zə n Yerosalem
41Nùm tədzəm bày Yeso ghi nay wi ghə â bəghə ghə n ndòw tsə n Yerosalem ni ndòw zə Zə̂ kə taa zaʼa kə. 42Ambə Yeso kùm tsunə nùm tə ighəm n nùmtə təbəghə ghə n ney kɔʼ ndòw ghi wi ni ndòw zə Zə̂ kə taa zaʼa kə tə ghə â ndow tsənə. 43Ambə tsuʼu n Kəzə̀ n may tsunə, ghə n nuu dzəŋŋə bə, Yeso n kee doʼo səə tsu n Yerosalem nə bày ghi zə̂ ka keeli. 44Ghə n bwey zeeli ndow moʼlə kə nə tə loʼ n fəŋŋə kə nɔɔ key kə â dzəŋi bənə. Sey, ghə n zey ni kəŋ wi n fəŋŋə kə awaazə a ghə nsə ghə̂ ghey ghə â muu dzəŋinə ghi ghə. 45Ambə ghə kəŋ kìi tsunə wi, ghə n nuu dzəŋŋə ndòw n Yerosalem ni ndòw kəŋ wi. 46Ambə tsuʼu n tsəghə tsunə ntəghə, ghə n bə koʼ bə wi n Ndaw Kəzə̀ i nii zə n Yerosalem. Tə n doʼ n fəŋŋə kə ghə̂ a dii ghə, zəllə ghəə ghey ghə khəənə, bəbə soʼo ghə n ghəə ghə. 47Dzuu zə n ngii zum ghə̂ ghey adzəm ghə â zownə wi kùmnə tə â zowkeeli aghəə, nsə n ji zey tə â beelinə tii. 48Ambə bày wi ghi nay wi koʼ tsunə wi, ghə i tii zə n tsəghəshi ghə. Nay wi n bəb ndòw tə̀ wi nə̀, “n waa, a loʼ kee wə ghəŋənə sa tə ghey ə? Mə ghi bày wə, n wɔ kuum kəŋ, fə̀ŋ tə mə baŋa ghey bòʼ wɔ.” 49Tə n beeli ndow ghə dza, “ghaa mə kəŋə mə bòʼ kee? Ghaa mə khə way nə n mə khə ni loʼ n ndaw bày wùŋ ə?” 50Ghə n ka buʼ zowkeeli ghəə ghey tə dzanə. 51Sey tə n nuu dzəŋŋə ndòw ghi ghə n Nazaled, zow tə ghə. Zə̂ n kee ney naŋŋə kə ghəə a tii ghə adzəm n fə̀ŋ ə wi. 52Yeso n nyîmmə kɔʼɔ bə, nyîmmə kɔʼɔ bə soʼo nə utɔb, buulə i Kəzə̀ zə n loʼ ghi wi, buulə zə aghə̂ zə n loʼ soʼo ghi wi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 CABTAL