Lukas 4
4
Mɔɔmə koʼ i Yeso
1Ambə Yeso nuu dzəŋŋə bənə n dzuu Jordan, Zay kə Zow kə n loʼ ghi wi, kə n taali ndòw wi n mbvən ə ntsaŋ. 2Tə n doʼo fu nə ntsuʼu nghəm nkaykə, vəətsəə ghə n mɔɔmə koʼo wi. Tə n tsəmə zəə way fə kə loʼ kə n tsuʼu n tii mə. Ambə tsuʼu n tii n may tsunə, dzəŋ n zabə wi. 3Vəətsəə ghə n dza ndòw tə̀ wi nə̀, “Abə wə loʼnə Waa Kəzə̀, dza ndòw tə̀ tay zən nə̀ i fəd kɔʼ nə kəbaa, wə zə̂.” 4Yeso n beeli ndòw wi nə̀, “I loʼ n màʼlə K-a-zə̀ nə̀, ‘Wù kad muu way nə a loʼ ufəzəə.’” 5Vəətsəə ghə n ney kɔʼ ndòw wi idəŋ, dii may ndòw naʼa tə mbi tədzəm tə̀ wi n tɔŋɔ fə inəŋə. 6Vəətsəə ghey n dza ndòw tə̀ wi nə̀, “Ghə n fu mə n daʼa kə tii kə ni saʼ fə wən udzəm, n loʼ ni fuu tə̀ wù wey n ləghənə. Mə i fuunu daʼa kə tii kə nsə kûm i tii zə tə̀ wɔ. 7Sey, abə wə ngɔɔmə bənə mə, wə̀ i keeli fə u tii wə udzəm.” 8Yeso n beeli ndòw wi nə̀, “I loʼ n màʼlə K-a-zə̀ nə̀, ‘Wə khə ni ngɔɔmə Bày, Zə̀ kə kə̀, fwaʼa tənə kə tə̀ wi.’” 9Vəətsəə ghə n ney ndòw wi n Yerosalem. Ghə n ndòw təmi tsu n gɔŋ kə ndaw kə Ndaw Kəzə̀ i nii zə n Yerosalem. Vəətsəə ghə n dza tə wi nə̀, “Abə wə loʼnə Waa Kəzə̀, taa tsu ndòw aghəd, 10təŋkey i loʼ n màʼlə K-a-zə̀ nə̀, ‘Zə̀ kə î tsəʼlə tsu kəlaŋ tə̀ tsətəndəghə tə Kəzə̀ tə nə̀ ghə i Keyyə wɔ, 11ghə i bɔɔmə keeli kɔʼ wɔ̀ sa n wɔ, kə wə nə tsɔbənə ghow kə kə̀ nə itay.’” 12Yeso n beeli ndòw wi nə̀, “I loʼ soʼo n màʼlə K-a-zə̀ nə̀, ‘Kə wə nə mɔm koʼonə Bày Zə̀ kə kə̀.’” 13Ambə vəətsəə a mɔm koʼ may tsunə Yeso n jii tədzəm, tə n nuu i ndòw, fu tsu wi n buʼ kə.
Yeso kaʼ fwaʼ kə wi n naʼ i Galili
14Nghee Yeso nyi dzəŋŋə bənə n Galili, Zay kə Zow kə n loʼ ghi wi, zɔŋ u wi wə n fuŋ tsəghə kaabə ndow n mboʼ i tii zə idzəm. 15Tə n dii n ndaw tə udzəŋi, ghə̂ adzəm ghə n kali wi.
Ghə tuu maʼa Yeso n Nazaled
16Yeso n nuu ndow n Nazaled, naʼ zey tə â nyəm kɔʼ bənə tii. Ambə n tsuʼ inaʼ, tə n ndòw n ndaw Kədzəŋi, tə̀ tə â ghəŋə tsənə, tə n təmi kɔʼ ni tɔŋɔ ghɔɔmə i Kəzə̀. 17Ghə n fu ndòw maʼlə kə tûm Kəzə̀ Ayzaya tə̀ wi, tə n chi kɔʼ n luʼu key ghə tɔ̀ɔ naŋanə tii nə̀, 18“Zay kə Zow kə loʼ ghi mə təŋkey Zə̀ kə n mə sày nə̀ n naʼa tûm Kəzə̀ tə̀ ghə̂ a laa ghə, tə tûm mə nə̀ n ndòw naʼa bəghəshi i Kəzə̀ tə kɔt wə, n fù sə̂ a koʼo ghə tə̀ ghə̂ a fəbəghə, n bəghəshi ghə̂ ghey ghə loʼnə nə uchɔd, 19n naʼa tûm nə̀ nəŋə zə n kpii tə̀ Zə̀ kə ni ghəŋə ndzuŋ tə̀ ghə̂ a wi ghə.” 20Yeso n tsəd dzəŋŋə tsu màʼlə key, fuu dzəŋŋə ndòw tə̀ wù wey tə naŋŋənə, tsu doʼo tsu. Ghə̂ ghey ghə â loʼnə fu n ndaw kədzəŋi n suu laalə kə wi. 21Tə n dza tə̀ ghə nə̀, “Ghɔɔmə i Kəzə̀ zən ghaa zownə na, ghəə a tii ghə n ney bənə kə.” 22Ghə̂ ghey ghə â loʼnə fu, n ghɔɔmə ghəə a dzuŋu ghə bòʼ wi, ngii duʼlə ndzoʼo kɔb kə ighɔɔmə key kə a shiə bənə n dzuu i wi. Ghə n bəbə tiilə n wû i ghə nə̀, “À wən way waa Yosef ə?” 23Yeso n dza ndòw tə̀ ghə nə̀, “N khənu nə ghaa i fə̀nnə dza bənu tə̀ mə̀ nə̀, a wù Ngaŋ, bɔɔlə dzəm zə, ghəŋə soʼo ghəə ghey â zownə nə̀ wə a ghəŋə n Kapenum fa n naʼ zə.” 24Tə n kəm dza tsu tə̀ ghə nə̀, “Isəŋə kee loʼ nə, ghə bəghəm naŋŋə tsə way wù tûm Kəzə̀ n naʼ i wi. 25N kùm dza bə tə ghaa nə n tsuʼu mə Elayja, ghey a kpusə ghə â kəmənu n naʼ zə Izree, bikighow kə n fii doʼo ndòw, kùm kɔʼɔ ndow tənùm tətəghə n bad kə nə ghow i tsuu way, dzəŋ n ngii loʼ nə inaʼ, 26Zə̀ kə n ka nam tûm dzə Elayja n səə wù ghə umɔʼ, fəd tûm ndòw wi n səə wey kpusə n naʼ i Zerafat n mboʼo Sidɔn. 27Ghə̂ ghə ukə̀m ghə â kə̀mə̀nu n naʼ zə Izree n tsuʼu n wù tûm Kəzə̀ Elisha, Zə̀ kə n ka kee baŋŋə dzə wù ghə umɔ̀ tsəghəshiə way Naman wù Sirya.” 28Nghee tə̀ ghə̂ ghey fu n ndaw Kədzəŋi zow tsunə sey, ghə n fəələ ndòw nnəghə, 29daŋŋə nuu kɔʼ, dzùm shi ndòw wi fu nə inaʼ, ney kɔʼ ndòw wi n kàʼ wey naʼ i ghə zə â bəghə doʼonə tii, nə̀ ghə ndòw tuŋu maʼa tsu ndòw wi nə iwad, 30tə n fəd nyi dzəŋŋə bə n fəŋŋə kə ghə, nuu ndòw luʼu tə wi.
Yeso dzùm shi avəətsəə n kow wù loʼ
31Sey, Yeso n nuu ndòw n Kapenum n mboʼo Galili, dii aghə̂ fu n tsuʼ inaʼ u ghə. 32Dzuu zə n ngii zum ghə n ghɔɔmə i wi, kùmnə ghɔɔmə wi zə â khə kədaʼa. 33Tsuʼ fə loʼ fə, Yeso n loʼ n ndaw Kədzəŋi, wù loʼ n loʼ fu nə vəətsəə ghə n nyi doʼo n kow wi. Ambə tə koʼ tsunə Yeso, tə n kii kəbɔŋ dza, 34“Wey yey, zəghə maʼa ghey ley! A Yeso ə Nazaled, wə bə ni bə wey maʼa ghey ə? N khənu wù wey wə loʼnə ghii wə, wə loʼ wù zow wən Zə̀ kə tûm bənə.” 35Yeso n kii naʼa ndòw wi dza, “Doʼo mɔŋ, wə bə tsəghə shi.” Sey vəətsəə a tii ghə n ney maʼa bə wù wey aghəd, nuu shi bə nə̀ a ka wi nyəmmə. 36Dzuu zə n ngii zùm ghə̂ ghey fu, ghə n bəbə n wû i ghə nə̀, “À wən loʼ ndzoʼo ghɔɔmə i ghaa zə n daʼa kə sa a? Wù wən tsəʼlə kəlaŋ tə vəətsəə ghə n shiə nuulə bə.” 37Zɔŋ u wi wə n fuŋ tsəghə ndòw n mboʼ i tii zə idzəm.
Yeso baŋŋə ndəmə aghə̂
(Mat 8.14-17; Mak 1.29-34)
38Ambə Yeso nuu tsunə n ndaw Kədzəŋi, tə n ndòw n ndaw Shimun. À n loʼ sey nə̀ nəwey Shimun loʼ n wû wə̀. Ghə n dey dza ndòw ghəə a tii ghə tə Yeso. 39Yeso n təmi ndow n səə wi, kii ndòw wû u tii wə, wə n daŋŋə zəghə tsu wi. Tə n nuu kɔʼ kə n nəŋə i tii zə, khəələ fu ndòw ghə. 40Ambə n nəŋə i fənə zə, ghə̂ ghə n kaʼ ni ney bə ghə̂ a ghə a dzaŋa ghə n səə Yeso. Tə n mɔm kə kay, wù tii n taw kɔʼ. 41Vəətsəə ghə n maŋa shiə nuulə n kow ndəmə aghə̂, buʼlə nbɔŋ dza, “Wə loʼ waa Kəzə̀.” Yeso n kii naŋa ndòw ghə, tsəmə bəghəm way nə̀ ghə ghɔɔmə shi kɔʼ, n təŋkey ghə â khənu nə̀ tə loʼ Klisto. 42Ambə tsuʼ u zow tsunə, tə n nuu ndòw n luʼu k-a-nyi. Nɔɔ kə aghə̂ kə n kaʼ wi nə̀ u kəŋə kaabə wə, bə koʼ bə wi n luʼu key tə â loʼnə tii, ghə n dəmə ni kwu naŋa tsu wi kə̂ tə nə̀ zəghənə ghə. 43Tə̂ n fəd dza ndòw tə̀ ghə nə̀, “N khə ni teeli naʼa tûm i dzuŋu zən bòʼ ghə i fɔɔ u Kəzə̀ n naʼa tə loʼ tən təŋkey a wən loʼ ghə zey Zə̀ kə tûmnə mə nə̀ n bə fwaʼ fa n mbi.” 44Yeso n tsəghə ndòw kə n sə kə, naʼlə kaabə ndòw tûm i tii zə n ndaw tə udzəŋi n mboʼo Judiya.
Currently Selected:
Lukas 4: WEH
Highlight
Share
Copy
Want to have your highlights saved across all your devices? Sign up or sign in
© 2022 CABTAL
Lukas 4
4
Mɔɔmə koʼ i Yeso
1Ambə Yeso nuu dzəŋŋə bənə n dzuu Jordan, Zay kə Zow kə n loʼ ghi wi, kə n taali ndòw wi n mbvən ə ntsaŋ. 2Tə n doʼo fu nə ntsuʼu nghəm nkaykə, vəətsəə ghə n mɔɔmə koʼo wi. Tə n tsəmə zəə way fə kə loʼ kə n tsuʼu n tii mə. Ambə tsuʼu n tii n may tsunə, dzəŋ n zabə wi. 3Vəətsəə ghə n dza ndòw tə̀ wi nə̀, “Abə wə loʼnə Waa Kəzə̀, dza ndòw tə̀ tay zən nə̀ i fəd kɔʼ nə kəbaa, wə zə̂.” 4Yeso n beeli ndòw wi nə̀, “I loʼ n màʼlə K-a-zə̀ nə̀, ‘Wù kad muu way nə a loʼ ufəzəə.’” 5Vəətsəə ghə n ney kɔʼ ndòw wi idəŋ, dii may ndòw naʼa tə mbi tədzəm tə̀ wi n tɔŋɔ fə inəŋə. 6Vəətsəə ghey n dza ndòw tə̀ wi nə̀, “Ghə n fu mə n daʼa kə tii kə ni saʼ fə wən udzəm, n loʼ ni fuu tə̀ wù wey n ləghənə. Mə i fuunu daʼa kə tii kə nsə kûm i tii zə tə̀ wɔ. 7Sey, abə wə ngɔɔmə bənə mə, wə̀ i keeli fə u tii wə udzəm.” 8Yeso n beeli ndòw wi nə̀, “I loʼ n màʼlə K-a-zə̀ nə̀, ‘Wə khə ni ngɔɔmə Bày, Zə̀ kə kə̀, fwaʼa tənə kə tə̀ wi.’” 9Vəətsəə ghə n ney ndòw wi n Yerosalem. Ghə n ndòw təmi tsu n gɔŋ kə ndaw kə Ndaw Kəzə̀ i nii zə n Yerosalem. Vəətsəə ghə n dza tə wi nə̀, “Abə wə loʼnə Waa Kəzə̀, taa tsu ndòw aghəd, 10təŋkey i loʼ n màʼlə K-a-zə̀ nə̀, ‘Zə̀ kə î tsəʼlə tsu kəlaŋ tə̀ tsətəndəghə tə Kəzə̀ tə nə̀ ghə i Keyyə wɔ, 11ghə i bɔɔmə keeli kɔʼ wɔ̀ sa n wɔ, kə wə nə tsɔbənə ghow kə kə̀ nə itay.’” 12Yeso n beeli ndòw wi nə̀, “I loʼ soʼo n màʼlə K-a-zə̀ nə̀, ‘Kə wə nə mɔm koʼonə Bày Zə̀ kə kə̀.’” 13Ambə vəətsəə a mɔm koʼ may tsunə Yeso n jii tədzəm, tə n nuu i ndòw, fu tsu wi n buʼ kə.
Yeso kaʼ fwaʼ kə wi n naʼ i Galili
14Nghee Yeso nyi dzəŋŋə bənə n Galili, Zay kə Zow kə n loʼ ghi wi, zɔŋ u wi wə n fuŋ tsəghə kaabə ndow n mboʼ i tii zə idzəm. 15Tə n dii n ndaw tə udzəŋi, ghə̂ adzəm ghə n kali wi.
Ghə tuu maʼa Yeso n Nazaled
16Yeso n nuu ndow n Nazaled, naʼ zey tə â nyəm kɔʼ bənə tii. Ambə n tsuʼ inaʼ, tə n ndòw n ndaw Kədzəŋi, tə̀ tə â ghəŋə tsənə, tə n təmi kɔʼ ni tɔŋɔ ghɔɔmə i Kəzə̀. 17Ghə n fu ndòw maʼlə kə tûm Kəzə̀ Ayzaya tə̀ wi, tə n chi kɔʼ n luʼu key ghə tɔ̀ɔ naŋanə tii nə̀, 18“Zay kə Zow kə loʼ ghi mə təŋkey Zə̀ kə n mə sày nə̀ n naʼa tûm Kəzə̀ tə̀ ghə̂ a laa ghə, tə tûm mə nə̀ n ndòw naʼa bəghəshi i Kəzə̀ tə kɔt wə, n fù sə̂ a koʼo ghə tə̀ ghə̂ a fəbəghə, n bəghəshi ghə̂ ghey ghə loʼnə nə uchɔd, 19n naʼa tûm nə̀ nəŋə zə n kpii tə̀ Zə̀ kə ni ghəŋə ndzuŋ tə̀ ghə̂ a wi ghə.” 20Yeso n tsəd dzəŋŋə tsu màʼlə key, fuu dzəŋŋə ndòw tə̀ wù wey tə naŋŋənə, tsu doʼo tsu. Ghə̂ ghey ghə â loʼnə fu n ndaw kədzəŋi n suu laalə kə wi. 21Tə n dza tə̀ ghə nə̀, “Ghɔɔmə i Kəzə̀ zən ghaa zownə na, ghəə a tii ghə n ney bənə kə.” 22Ghə̂ ghey ghə â loʼnə fu, n ghɔɔmə ghəə a dzuŋu ghə bòʼ wi, ngii duʼlə ndzoʼo kɔb kə ighɔɔmə key kə a shiə bənə n dzuu i wi. Ghə n bəbə tiilə n wû i ghə nə̀, “À wən way waa Yosef ə?” 23Yeso n dza ndòw tə̀ ghə nə̀, “N khənu nə ghaa i fə̀nnə dza bənu tə̀ mə̀ nə̀, a wù Ngaŋ, bɔɔlə dzəm zə, ghəŋə soʼo ghəə ghey â zownə nə̀ wə a ghəŋə n Kapenum fa n naʼ zə.” 24Tə n kəm dza tsu tə̀ ghə nə̀, “Isəŋə kee loʼ nə, ghə bəghəm naŋŋə tsə way wù tûm Kəzə̀ n naʼ i wi. 25N kùm dza bə tə ghaa nə n tsuʼu mə Elayja, ghey a kpusə ghə â kəmənu n naʼ zə Izree, bikighow kə n fii doʼo ndòw, kùm kɔʼɔ ndow tənùm tətəghə n bad kə nə ghow i tsuu way, dzəŋ n ngii loʼ nə inaʼ, 26Zə̀ kə n ka nam tûm dzə Elayja n səə wù ghə umɔʼ, fəd tûm ndòw wi n səə wey kpusə n naʼ i Zerafat n mboʼo Sidɔn. 27Ghə̂ ghə ukə̀m ghə â kə̀mə̀nu n naʼ zə Izree n tsuʼu n wù tûm Kəzə̀ Elisha, Zə̀ kə n ka kee baŋŋə dzə wù ghə umɔ̀ tsəghəshiə way Naman wù Sirya.” 28Nghee tə̀ ghə̂ ghey fu n ndaw Kədzəŋi zow tsunə sey, ghə n fəələ ndòw nnəghə, 29daŋŋə nuu kɔʼ, dzùm shi ndòw wi fu nə inaʼ, ney kɔʼ ndòw wi n kàʼ wey naʼ i ghə zə â bəghə doʼonə tii, nə̀ ghə ndòw tuŋu maʼa tsu ndòw wi nə iwad, 30tə n fəd nyi dzəŋŋə bə n fəŋŋə kə ghə, nuu ndòw luʼu tə wi.
Yeso dzùm shi avəətsəə n kow wù loʼ
31Sey, Yeso n nuu ndòw n Kapenum n mboʼo Galili, dii aghə̂ fu n tsuʼ inaʼ u ghə. 32Dzuu zə n ngii zum ghə n ghɔɔmə i wi, kùmnə ghɔɔmə wi zə â khə kədaʼa. 33Tsuʼ fə loʼ fə, Yeso n loʼ n ndaw Kədzəŋi, wù loʼ n loʼ fu nə vəətsəə ghə n nyi doʼo n kow wi. Ambə tə koʼ tsunə Yeso, tə n kii kəbɔŋ dza, 34“Wey yey, zəghə maʼa ghey ley! A Yeso ə Nazaled, wə bə ni bə wey maʼa ghey ə? N khənu wù wey wə loʼnə ghii wə, wə loʼ wù zow wən Zə̀ kə tûm bənə.” 35Yeso n kii naʼa ndòw wi dza, “Doʼo mɔŋ, wə bə tsəghə shi.” Sey vəətsəə a tii ghə n ney maʼa bə wù wey aghəd, nuu shi bə nə̀ a ka wi nyəmmə. 36Dzuu zə n ngii zùm ghə̂ ghey fu, ghə n bəbə n wû i ghə nə̀, “À wən loʼ ndzoʼo ghɔɔmə i ghaa zə n daʼa kə sa a? Wù wən tsəʼlə kəlaŋ tə vəətsəə ghə n shiə nuulə bə.” 37Zɔŋ u wi wə n fuŋ tsəghə ndòw n mboʼ i tii zə idzəm.
Yeso baŋŋə ndəmə aghə̂
(Mat 8.14-17; Mak 1.29-34)
38Ambə Yeso nuu tsunə n ndaw Kədzəŋi, tə n ndòw n ndaw Shimun. À n loʼ sey nə̀ nəwey Shimun loʼ n wû wə̀. Ghə n dey dza ndòw ghəə a tii ghə tə Yeso. 39Yeso n təmi ndow n səə wi, kii ndòw wû u tii wə, wə n daŋŋə zəghə tsu wi. Tə n nuu kɔʼ kə n nəŋə i tii zə, khəələ fu ndòw ghə. 40Ambə n nəŋə i fənə zə, ghə̂ ghə n kaʼ ni ney bə ghə̂ a ghə a dzaŋa ghə n səə Yeso. Tə n mɔm kə kay, wù tii n taw kɔʼ. 41Vəətsəə ghə n maŋa shiə nuulə n kow ndəmə aghə̂, buʼlə nbɔŋ dza, “Wə loʼ waa Kəzə̀.” Yeso n kii naŋa ndòw ghə, tsəmə bəghəm way nə̀ ghə ghɔɔmə shi kɔʼ, n təŋkey ghə â khənu nə̀ tə loʼ Klisto. 42Ambə tsuʼ u zow tsunə, tə n nuu ndòw n luʼu k-a-nyi. Nɔɔ kə aghə̂ kə n kaʼ wi nə̀ u kəŋə kaabə wə, bə koʼ bə wi n luʼu key tə â loʼnə tii, ghə n dəmə ni kwu naŋa tsu wi kə̂ tə nə̀ zəghənə ghə. 43Tə̂ n fəd dza ndòw tə̀ ghə nə̀, “N khə ni teeli naʼa tûm i dzuŋu zən bòʼ ghə i fɔɔ u Kəzə̀ n naʼa tə loʼ tən təŋkey a wən loʼ ghə zey Zə̀ kə tûmnə mə nə̀ n bə fwaʼ fa n mbi.” 44Yeso n tsəghə ndòw kə n sə kə, naʼlə kaabə ndòw tûm i tii zə n ndaw tə udzəŋi n mboʼo Judiya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 CABTAL