Lukas 5
5
Yeso tɔŋɔ tsətəndəghə tə wi tə sə isə tə
1Ambə n tsuʼ fə loʼ fə, Yeso n tey n nguŋə nyi i Jenesalet, nɔɔ kə aghə̂ kə n loʼ fu, tənə ndòw iwùu n səə wi ni zəllə ghɔɔmə i Kəzə̀. 2Yeso n koʼ ndòw ufən ubəghə n nguŋ i dzùu nə à naŋa ghə̂ a kwɔ̂ a tətsəghə ghə, ghə n kùʼlə loʼ fu sow wûu u tətsəghə 3Yeso n nyi kɔʼ n fə̀n kə lòʼ kə nə̀ a khə Shimun, dza ndòw tə̀ wi nə̀, tə bàŋ nyi ndòw kəfə̀n n fə̀ŋ ə dzùu fənyaŋi. Tə n doʼ fu nə kəfə̀n, dii bə aghə̂ n nguŋ i dzuu. 4Ambə tə dii may tsunə, tə n dza ndow tə Shimun nə̀, “Bàŋ nyi nay ndow n fəŋ ə dzuu, ghaa maʼa ndòw uwûu tə̀ ghaa kwu tətsəghə.” 5Shimun n beeli ndòw wi dza, “Ghey n fwàʼ bweeli, ghey ka fə kə kwu dzə, tə̀ wə dza dzənə, n maʼa kənu wûu u tii wə.” 6Ambə ghə maʼa ndownə, ghə n kwu tətsəghə sa, wûu tə tii tə n kaʼ ni tiilə, 7sey ghə n tɔŋɔ bə ghə̂ a loʼ ghey ghə â loʼ dzəŋinə ghi ghə nə̀ ghə bə tɔm ghə. Ambə ghə bənə, tsəghə tə n luu kɔʼ n fə̀n u tii wə ubəghə, wə n lòʼ tə̀ wə i məllə nyi tsu n dzùu. 8Nghee tə̀ Shimun, tɔŋŋə Pita koʼ tsunə sey, tə n təm ndòw tənguʼ n tənə Yeso dza, “Mûkəbii, nuu ndòw n səə mə a Bày n təŋkey n loʼ wù bəbə wə.” 9Tə â dza sey təŋkey ghə i tii zə̀ â ngii tsəghəshi Shimun ghi ghə̂ a wi ghə n ndzòʼò tsəghə tey ghə â kwunə. 10Ghə i tii zə̀ n tsəghəshi soʼo ghə̂ a loʼ ghey tɔŋŋə Jems ghi Jɔn, waa à Zebedii ghə â fwaʼa dzəŋinə ghi Shimun. Yeso n dza ndòw tə̀ Shimun nə̀, “Ka tsəŋ dzə, ni nuu tsu nya ndòw isə, wə i kwɔɔ aghə̂.” 11Ambə ghə bàŋ shi ndòwnə fə̀n u ghə wə n nguŋ ə dzùu, ghə n naŋa taʼa tsu fə u ghə udzəm fu, dzûmə ndòw wi.
Yeso baŋə wù ukə̀m
(Mat 8.1-4; Mak 1.40-45)
12N tsuʼ fə loʼ fə, Yeso ndow n naʼ i lòʼ zə, wù lòʼ n loʼ fu tə â khənə kə̀m wə n wû u wi udzəm. Ambə tə kòʼ ndòwnə Yeso, tə n bwù ndòw n tə̀nə̀ wi dza, “Mûkəbii, abə wə tsə̀mnə wə lòʼ ni baŋŋə mə̀ nə n taw.” 13Yeso n naalə shi ndòw kəwɔɔ mɔm tsu wi dza, “N ləghənu ni baŋŋə wɔ, taw kɔʼ.” Sey kə̀m u tii wə n daŋŋə may tsu. 14Yeso n dza tə wi nə̀, “Kə̂ wə nə dzanə ghə zən i shinə tə̀ wù loʼ, ndow dii wû wə wə̀ tə̀ fɔɔngili, wə fu naamə K-a-zə̀, tə̀ làŋ kə Mushi kə diinə ni dii tsu nə̀ wə n taw, tə ghə̂ adzəm a keeli tsu nə̀ wə nya zownu.” 15Seykə, zɔ̀ŋ u Yeso wə n fəd fuŋ nay ndòw, ghəŋə nɔɔ kə aghə̂ kə n dzəŋi bə ni zəllə ghɔɔmə i wi, nsə ni baŋŋə dzaŋa tə ghə. 16Yeso â bəghə tə n ndòw n luʼu k-a-nyi ni ndow gɔŋŋə.
Yeso baŋə wù nə wû u wi u kpu doʼonu
(Mat 9.1-8; Mak 2.1-12)
17Ambə n tsuʼ fə loʼ fə Yeso n dii aghəə, ghə̂ a tə Falasi nsə ghə̂ a dii ghə ulaŋ a loʼ ghə n lòʼ fu, ghə â nuu bənə n naʼa tə Galili, Judeya, nsə n Yerosalem. À n loʼ nə Zə̀ kə n wi n daʼa kə fu ni baŋə ghə̂ a dzaŋa ghə̀ 18Ghə̂ a loʼ ghə n ndòw bə fu ghi wù dzaŋa ghə boʼo keelinə nə̀ fəgham nə wû u wi wə n kpu doʼo, ghə n ləghə ni nyi naŋŋə wi n sə kə Yeso. 19Ambə ghə dəm kìi tsunə bòʼ nɔɔ key kə â loʼ fu, ghə n boʼo kɔʼ ndòw wi n tow kə ndaw, bwali nyi tsu, nyəələ nyi tsu ndòw wi n fəŋŋə kə aghə̂, a n bɔɔmə lòʼ n sə kə Yeso. 20Yeso n kòʼtsu nə̀ ghə ndzə̀m khənu bəghəm i fə̀ŋ zə̀. Sey, tə n dza ndòw tə wù dzaŋa wey nə̀, “A boo, ghə n bəb zə neyzəə.” 21Ghə̂ a tə Falasi nsə ghə̂ a dii ghə ulaŋ ghə n kaʼ ni dza n wû i ghə nə̀, “À wən lòʼ fə ndee fə tsayyənə Zə̀ kə? A kəm lòʼ ndee ni neyzəə bəb i wù ə, tsəghəshiə way Zə̀ kə ə?” 22Nghee tə̀ Yeso zowkeeli tsunə moʼlə tə ghə tə, tə n bəb ndòw tə̀ ghə nə̀, “Ghaa sey moʼlə ndzoʼo ghəə a ghaa ghə n fə̀ŋ tə ghaa a? 23A tsəghəshi ghə i ghaa zə̀ ni dza? ‘Ni dzanə ghə n bəb zə̀ i neyzəə’ nkee ‘ni dza nə̀ nuu kɔʼ idəŋ wə bwey ndow ə?’” 24“N dza n maŋ dii bə tə ghaa nə̀ Waa wù sɔŋtsuʼ khənu daʼa kə fa n mbi ni neyzəə bəb zə.” Sey tə n dza ndòw tə wù dzaŋa wey wû u wi wə â kpu doʼonə nə̀, “N dza tə wɔ nə̀, nuu kɔʼ, wə ney kɔʼ gham zə, wə ndòw dzəŋŋə n ndaw zə.” 25Wù tii n daŋŋə nuu kɔʼ n sə kə ghə, ney kɔʼ fə key tə â nyəŋnə tii, nuu ndòw n ndàw wi, bwey kali ndow Kəzə̀. 26Ghə i tii zə n ngii tsəghə shi ghə̂ ghey ghə â lòʼ fu, ghə n fuu ukali tə̀ Zə̀ kə, fəŋŋə khə itsəŋ n fə̀ŋ tə ghə, dza, “Ghey n koʼ ghə i faalə zə na.”
Yeso tɔŋɔ Levi nə tə doʼo dzûmə ə wi
(Mat 9.9-13; Mak 2.13-17)
27Ambə ghəə ghən tsəghə tsunə, Yeso n nuu shi bə, bə kòʼ tsu wù kwɔɔ u màʼlə kə tsow kə, ghə â tɔŋŋənə wi nə̀ a loʼ Levi, tə doʼnə n luʼu kə kwɔɔ k-a-màʼlə kə. Yeso n dza tə̀ wi nə̀, “dzûmə bə mə̀.” 28Sey, Levi n nuu ikɔ̀ʼ, naŋa sə̂ tsu fə u wi udzə̀m, dzûmə ndòw Yeso. 29Levi n ney ndòw Yeso n ndàw wi, ndòw zɔʼ tsu wi. Ghə̂ a kwɔɔ a màʼlə kə tsow kə n loʼ fu nsə ghə̂ a loʼ ghə soʼo, dzəŋi zəə. 30Ghə Falasi nsə ghə̂ a dii ghə ulaŋ ghey ghə â loʼ dzəŋinə ghi ghə n nyuŋə ghɔɔmə dza tə̀ dzûmə tə Klisto tə nə̀, “À loʼ kee ghaa zə̂ənə, məə dzəŋi ghi ghə̂ a kwɔɔ a kəmàʼlə ghə nsə ghə̂ a bəbə ghə ə?” 31Yeso n beeli ndòw ghə nə̀, “Ghə̂ ghey ghə dzaŋa way, ghə kəŋə tsə way wù ngàŋ, a loʼ ghə̂ ghey ghə dzaŋanə ghə kəŋənə wù ngàŋ. 32N ka bə dzə ni bə tɔŋɔ ghə̂ a dzuŋu ghə, n bə ni bə tɔŋɔ shi ghə̂ a bəbə ghə nə̀ ghə kwey fə̀ŋ tə ghə.”
Ghə i bam zə idzuu zə
(Mat 9.14-17; Mak 2.18-22)
33Ghə n dza ndòw tə̀ Yeso nə̀, “Dzûmə tə Jɔn nsə dzûmə tə ghə Falasi tə bam tsə idzuu, gɔŋŋə, a ghə ghə̀ a kee khə kə ni zəə, məə.” 34Yeso n beeli ndòw ghə nə̀, “fə̂ a nùm weyzən a bam tsə idzuu nə̀ tə loʼ fu ghi ghə ə? Ey Ngaŋ! 35Nəŋə i nə̀ bəghənu, ghə nə ney nuulənə nùm weyzən n wɔ ghə, sey, ghə nə bam idzuu n nəŋə i tii zə.” 36Yeso n dza ndòw soʼo ghɔɔmə i fənkəfən zən tə ghə, “Wù way dzə ni ney bad kə ndzə kə fəghə kə, tə taŋi ndòw ndzə tə̀ wey tə, n təŋkey, abə tə ghəŋənə sey, tə i bəəbə maʼa ndzə tə fəghə tey, nə a loʼ sey bad kə ndzə kə fəghə key ka buʼ kpiilə soʼo n ndzə tə wey tey. 37Ighələ tə̀ wù way ni ney kɔʼ səŋ nlə tə kuu ndòw n suʼ#5.37 N ntsuʼu n Yeso ghə â fwaʼa tsə suʼ nlə n gow mbɔŋ iwey zə, n təŋkey abə tə ghəŋənə sey, mə i bey buʼu maʼa kɔʼ suʼ nlə i tii zə, nlə n tii mə i kuŋ nay, suʼ i tii zə i bəb daŋŋə. 38Wù ney kɔʼɔ səŋ nlə tə n kuu tsu n suʼ i fəghə zə. 39Wù way dzə ni mə̂ bweeli kə nlə, tə i kəm ləghə ni mə̂ səŋ nlə, n təŋkey, tə̀ wi, a dzɔbə bweeli kə nlə.”
Currently Selected:
Lukas 5: WEH
Highlight
Share
Copy
Want to have your highlights saved across all your devices? Sign up or sign in
© 2022 CABTAL
Lukas 5
5
Yeso tɔŋɔ tsətəndəghə tə wi tə sə isə tə
1Ambə n tsuʼ fə loʼ fə, Yeso n tey n nguŋə nyi i Jenesalet, nɔɔ kə aghə̂ kə n loʼ fu, tənə ndòw iwùu n səə wi ni zəllə ghɔɔmə i Kəzə̀. 2Yeso n koʼ ndòw ufən ubəghə n nguŋ i dzùu nə à naŋa ghə̂ a kwɔ̂ a tətsəghə ghə, ghə n kùʼlə loʼ fu sow wûu u tətsəghə 3Yeso n nyi kɔʼ n fə̀n kə lòʼ kə nə̀ a khə Shimun, dza ndòw tə̀ wi nə̀, tə bàŋ nyi ndòw kəfə̀n n fə̀ŋ ə dzùu fənyaŋi. Tə n doʼ fu nə kəfə̀n, dii bə aghə̂ n nguŋ i dzuu. 4Ambə tə dii may tsunə, tə n dza ndow tə Shimun nə̀, “Bàŋ nyi nay ndow n fəŋ ə dzuu, ghaa maʼa ndòw uwûu tə̀ ghaa kwu tətsəghə.” 5Shimun n beeli ndòw wi dza, “Ghey n fwàʼ bweeli, ghey ka fə kə kwu dzə, tə̀ wə dza dzənə, n maʼa kənu wûu u tii wə.” 6Ambə ghə maʼa ndownə, ghə n kwu tətsəghə sa, wûu tə tii tə n kaʼ ni tiilə, 7sey ghə n tɔŋɔ bə ghə̂ a loʼ ghey ghə â loʼ dzəŋinə ghi ghə nə̀ ghə bə tɔm ghə. Ambə ghə bənə, tsəghə tə n luu kɔʼ n fə̀n u tii wə ubəghə, wə n lòʼ tə̀ wə i məllə nyi tsu n dzùu. 8Nghee tə̀ Shimun, tɔŋŋə Pita koʼ tsunə sey, tə n təm ndòw tənguʼ n tənə Yeso dza, “Mûkəbii, nuu ndòw n səə mə a Bày n təŋkey n loʼ wù bəbə wə.” 9Tə â dza sey təŋkey ghə i tii zə̀ â ngii tsəghəshi Shimun ghi ghə̂ a wi ghə n ndzòʼò tsəghə tey ghə â kwunə. 10Ghə i tii zə̀ n tsəghəshi soʼo ghə̂ a loʼ ghey tɔŋŋə Jems ghi Jɔn, waa à Zebedii ghə â fwaʼa dzəŋinə ghi Shimun. Yeso n dza ndòw tə̀ Shimun nə̀, “Ka tsəŋ dzə, ni nuu tsu nya ndòw isə, wə i kwɔɔ aghə̂.” 11Ambə ghə bàŋ shi ndòwnə fə̀n u ghə wə n nguŋ ə dzùu, ghə n naŋa taʼa tsu fə u ghə udzəm fu, dzûmə ndòw wi.
Yeso baŋə wù ukə̀m
(Mat 8.1-4; Mak 1.40-45)
12N tsuʼ fə loʼ fə, Yeso ndow n naʼ i lòʼ zə, wù lòʼ n loʼ fu tə â khənə kə̀m wə n wû u wi udzəm. Ambə tə kòʼ ndòwnə Yeso, tə n bwù ndòw n tə̀nə̀ wi dza, “Mûkəbii, abə wə tsə̀mnə wə lòʼ ni baŋŋə mə̀ nə n taw.” 13Yeso n naalə shi ndòw kəwɔɔ mɔm tsu wi dza, “N ləghənu ni baŋŋə wɔ, taw kɔʼ.” Sey kə̀m u tii wə n daŋŋə may tsu. 14Yeso n dza tə wi nə̀, “Kə̂ wə nə dzanə ghə zən i shinə tə̀ wù loʼ, ndow dii wû wə wə̀ tə̀ fɔɔngili, wə fu naamə K-a-zə̀, tə̀ làŋ kə Mushi kə diinə ni dii tsu nə̀ wə n taw, tə ghə̂ adzəm a keeli tsu nə̀ wə nya zownu.” 15Seykə, zɔ̀ŋ u Yeso wə n fəd fuŋ nay ndòw, ghəŋə nɔɔ kə aghə̂ kə n dzəŋi bə ni zəllə ghɔɔmə i wi, nsə ni baŋŋə dzaŋa tə ghə. 16Yeso â bəghə tə n ndòw n luʼu k-a-nyi ni ndow gɔŋŋə.
Yeso baŋə wù nə wû u wi u kpu doʼonu
(Mat 9.1-8; Mak 2.1-12)
17Ambə n tsuʼ fə loʼ fə Yeso n dii aghəə, ghə̂ a tə Falasi nsə ghə̂ a dii ghə ulaŋ a loʼ ghə n lòʼ fu, ghə â nuu bənə n naʼa tə Galili, Judeya, nsə n Yerosalem. À n loʼ nə Zə̀ kə n wi n daʼa kə fu ni baŋə ghə̂ a dzaŋa ghə̀ 18Ghə̂ a loʼ ghə n ndòw bə fu ghi wù dzaŋa ghə boʼo keelinə nə̀ fəgham nə wû u wi wə n kpu doʼo, ghə n ləghə ni nyi naŋŋə wi n sə kə Yeso. 19Ambə ghə dəm kìi tsunə bòʼ nɔɔ key kə â loʼ fu, ghə n boʼo kɔʼ ndòw wi n tow kə ndaw, bwali nyi tsu, nyəələ nyi tsu ndòw wi n fəŋŋə kə aghə̂, a n bɔɔmə lòʼ n sə kə Yeso. 20Yeso n kòʼtsu nə̀ ghə ndzə̀m khənu bəghəm i fə̀ŋ zə̀. Sey, tə n dza ndòw tə wù dzaŋa wey nə̀, “A boo, ghə n bəb zə neyzəə.” 21Ghə̂ a tə Falasi nsə ghə̂ a dii ghə ulaŋ ghə n kaʼ ni dza n wû i ghə nə̀, “À wən lòʼ fə ndee fə tsayyənə Zə̀ kə? A kəm lòʼ ndee ni neyzəə bəb i wù ə, tsəghəshiə way Zə̀ kə ə?” 22Nghee tə̀ Yeso zowkeeli tsunə moʼlə tə ghə tə, tə n bəb ndòw tə̀ ghə nə̀, “Ghaa sey moʼlə ndzoʼo ghəə a ghaa ghə n fə̀ŋ tə ghaa a? 23A tsəghəshi ghə i ghaa zə̀ ni dza? ‘Ni dzanə ghə n bəb zə̀ i neyzəə’ nkee ‘ni dza nə̀ nuu kɔʼ idəŋ wə bwey ndow ə?’” 24“N dza n maŋ dii bə tə ghaa nə̀ Waa wù sɔŋtsuʼ khənu daʼa kə fa n mbi ni neyzəə bəb zə.” Sey tə n dza ndòw tə wù dzaŋa wey wû u wi wə â kpu doʼonə nə̀, “N dza tə wɔ nə̀, nuu kɔʼ, wə ney kɔʼ gham zə, wə ndòw dzəŋŋə n ndaw zə.” 25Wù tii n daŋŋə nuu kɔʼ n sə kə ghə, ney kɔʼ fə key tə â nyəŋnə tii, nuu ndòw n ndàw wi, bwey kali ndow Kəzə̀. 26Ghə i tii zə n ngii tsəghə shi ghə̂ ghey ghə â lòʼ fu, ghə n fuu ukali tə̀ Zə̀ kə, fəŋŋə khə itsəŋ n fə̀ŋ tə ghə, dza, “Ghey n koʼ ghə i faalə zə na.”
Yeso tɔŋɔ Levi nə tə doʼo dzûmə ə wi
(Mat 9.9-13; Mak 2.13-17)
27Ambə ghəə ghən tsəghə tsunə, Yeso n nuu shi bə, bə kòʼ tsu wù kwɔɔ u màʼlə kə tsow kə, ghə â tɔŋŋənə wi nə̀ a loʼ Levi, tə doʼnə n luʼu kə kwɔɔ k-a-màʼlə kə. Yeso n dza tə̀ wi nə̀, “dzûmə bə mə̀.” 28Sey, Levi n nuu ikɔ̀ʼ, naŋa sə̂ tsu fə u wi udzə̀m, dzûmə ndòw Yeso. 29Levi n ney ndòw Yeso n ndàw wi, ndòw zɔʼ tsu wi. Ghə̂ a kwɔɔ a màʼlə kə tsow kə n loʼ fu nsə ghə̂ a loʼ ghə soʼo, dzəŋi zəə. 30Ghə Falasi nsə ghə̂ a dii ghə ulaŋ ghey ghə â loʼ dzəŋinə ghi ghə n nyuŋə ghɔɔmə dza tə̀ dzûmə tə Klisto tə nə̀, “À loʼ kee ghaa zə̂ənə, məə dzəŋi ghi ghə̂ a kwɔɔ a kəmàʼlə ghə nsə ghə̂ a bəbə ghə ə?” 31Yeso n beeli ndòw ghə nə̀, “Ghə̂ ghey ghə dzaŋa way, ghə kəŋə tsə way wù ngàŋ, a loʼ ghə̂ ghey ghə dzaŋanə ghə kəŋənə wù ngàŋ. 32N ka bə dzə ni bə tɔŋɔ ghə̂ a dzuŋu ghə, n bə ni bə tɔŋɔ shi ghə̂ a bəbə ghə nə̀ ghə kwey fə̀ŋ tə ghə.”
Ghə i bam zə idzuu zə
(Mat 9.14-17; Mak 2.18-22)
33Ghə n dza ndòw tə̀ Yeso nə̀, “Dzûmə tə Jɔn nsə dzûmə tə ghə Falasi tə bam tsə idzuu, gɔŋŋə, a ghə ghə̀ a kee khə kə ni zəə, məə.” 34Yeso n beeli ndòw ghə nə̀, “fə̂ a nùm weyzən a bam tsə idzuu nə̀ tə loʼ fu ghi ghə ə? Ey Ngaŋ! 35Nəŋə i nə̀ bəghənu, ghə nə ney nuulənə nùm weyzən n wɔ ghə, sey, ghə nə bam idzuu n nəŋə i tii zə.” 36Yeso n dza ndòw soʼo ghɔɔmə i fənkəfən zən tə ghə, “Wù way dzə ni ney bad kə ndzə kə fəghə kə, tə taŋi ndòw ndzə tə̀ wey tə, n təŋkey, abə tə ghəŋənə sey, tə i bəəbə maʼa ndzə tə fəghə tey, nə a loʼ sey bad kə ndzə kə fəghə key ka buʼ kpiilə soʼo n ndzə tə wey tey. 37Ighələ tə̀ wù way ni ney kɔʼ səŋ nlə tə kuu ndòw n suʼ#5.37 N ntsuʼu n Yeso ghə â fwaʼa tsə suʼ nlə n gow mbɔŋ iwey zə, n təŋkey abə tə ghəŋənə sey, mə i bey buʼu maʼa kɔʼ suʼ nlə i tii zə, nlə n tii mə i kuŋ nay, suʼ i tii zə i bəb daŋŋə. 38Wù ney kɔʼɔ səŋ nlə tə n kuu tsu n suʼ i fəghə zə. 39Wù way dzə ni mə̂ bweeli kə nlə, tə i kəm ləghə ni mə̂ səŋ nlə, n təŋkey, tə̀ wi, a dzɔbə bweeli kə nlə.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 CABTAL