Matyo 21
21
Yeso nyi n Yerosalem tə̀ a loʼ Kədə̀ŋ
(Mak 11.1-11; Luk 19.28-40; Jɔn 12.12-19)
1Nghee tə̀ Yeso ghi ngəd tə wi tə kuʼlə ndòwnə n Yerosalem, ghə n ndòw bə n naʼ i Betfach n kaʼ u Oliv. Yeso n tûm ndòw ngəd tə wi təbəghə isə, 2dza tə̀ ghə nə̀, “Ndòw na n naʼ zey isə, ghaa i koʼ tsu fənjakas ghə faŋa naŋanə ghi waa fə wi fə, ghaa i zii tsu, ghaa ney bə fa tə̀ mə. 3Abə wù loʼ bəb bə ghaa n ghəə zə, dza ndòw na tə̀ wi nə̀ ‘Mûkəbii khə kəfwaʼ tii’, tə i daŋŋə zəghə ghaa nə̀ ghaa ney bə ghə.” 4Ghəə ghən ghə â shi ni luulə ghəə zey Wù tûm Kəzə̀ â naʼa naŋanə nə̀,
5Dza ndòw tə̀ naʼ i Zayɔn#21.5 Ghə â tɔŋŋə Yerosalem nə a loʼ naʼ i Zayɔn. zə nə̀,
Koʼo ndòw, Də̀ŋ kə ghaa kə key kə bəghənə n səə ghaa,
Nə ingɔɔmə, tə nyaʼnə nə fənjakas,
Nsə waa fə fənjakas fə.
6Ngəd tey n bɔɔmə ndòw ghəŋə ndòw tə̀ Yeso mə dzanə tə̀ ghə. 7Ghə n ney bə njakas fey nsə waa fə wi fə, zèyyə tsu sàŋ tə ghə n kow ghə, Yeso n kɔʼ doʼo kɔʼ tii. 8Nɔɔ kə aghə̂ kə n zeyyə kɔʼ ndòw saŋ tə ghə n jìi, a loʼ ghə n khə̀ə bə utsəghə zeyyə bə n jìi. 9Nɔɔ kə aghə̂ key kə â ndòwnə isə nsə a ghey ghə â bəghənə ibam n buʼu shiə kɔʼɔ nbɔŋ dza nə̀,
“Kali u loʼ tə̀ Waa Devid!
Zə̀ kə buulə wù wey tə bəghənə n zəd i Mûkəbii!
Kali u loʼ tə Zə̀ kə idəŋ kə!”
10Ambə Yeso nyi ndòwnə n Yerosalem, naʼ zə n noʼlə kɔʼ ndòw idzəm. Ghə̂ ghə n bəbə nə̀, “À wən loʼ ndee.”
11Nɔɔ kə aghə̂ key n beeli ndòw ghə dza nə̀, “À wən loʼ Yeso, wù tûm Kəzə̀ tə shinə n naʼ i Nazaled n mboʼo Galili.”
Yeso dzùm aghə̂ n Ndaw Kəzə̀ i nii zə n Yerosalem
(Mak 11.15-19; Luk 19.45-48; Jɔn 2.13-22)
12Yeso n ndòw n Ndaw Kəzə̀ i nii zə n Yerosalem, dzùm shi ghə̂ ghey ghə â zûlənə fə wə nsə ghə̂ ghey ghə â fìilənə fu. Tə n tuŋu maʼa baŋŋə u ghə̂ ghey ghə â kweyyənə khəə wə fu, nsə ndaŋ tə ghə̂ ghey ghə â fìilənə fə̀ wə. 13Tə n dza ndòw tə̀ ghə nə̀, “Zə̀ kə dza n màʼlə K-a-zə̀ nə̀, ‘Ghə î tɔŋŋə luʼu key ghə ngɔɔmənə mə tii nə̀ a loʼ ndaw i gɔŋŋə zə.’ Ghaa u fəd ney naŋa kɔʼnə nə̀ a loʼ luʼu k-a-nyi tə̀ ghə̂ a tsɔŋɔ ghə.”
14Sey, ghə̂ a fəbə ghə nsə kəŋŋə wə n bəghə fu n səə wi n ndaw Kəzə̀ ə tii, tə n baŋŋə ghə. 15Ambə ghə fɔɔngili a nii ghə nsə ghə̂ a dii a kəlaŋ a koʼ tsunə faalə mey tə ghəŋŋənə, nsə ghinətəghə ghey ghə â buʼlənə bɔŋ mə n ndaw Kəzə̀ i nii zə, dza nə̀, “Kali u loʼ tə̀ waa Devid.” Ghə n fəələ nay ndòw unəghə tii.
16Sey ghə n bəb ndòw tə̀ Yeso nə̀, “Wə̀ zownu ghəə ghən ghinətəghə ghən dzanə ə?”
Yeso n beeli ndòw ghə nə̀, “Ow n zownu. Ghaa ka kam tɔŋɔ koʼ n màʼlə K-a-zə̀ nə̀, ‘À loʼ aghinətəghə nsə waa ghey ghə nam nyɔŋɔnə ghii zə, ghə kɔʼlə dzɔbənə Zə̀ kə ə?’”
17Yeso n daŋŋə zəghə tsu ghə, nuu ndòw n naʼ i Betani, ndòw bweeli kɔʼ fu.
Yeso ləŋ naŋa kaʼ fə Fig
(Mak 11.12-14, 20-24)
18Ambə n bələbələ tə, Yeso n loʼ n jìi Betani, tə dzəŋŋə ndòwnə n Yerosalem, dzəŋ n zabə wi. 19Tə n koʼ ndòw kaʼ fə Fig fə loʼ fə n səə jìi, tə n ndòw fu moʼlə kə nə̀ tə i keelinu tam u loʼ wə fu, ka koʼ kəfə. À n loʼ tən kə təfəbə. Sey, tə n dza ndòw tə̀ kaʼ fə tii fə nə̀, “Wə nə̂ kəm mə̂ koʼ tsə way tam wə tə̀ mbi nə bə may.” Kaʼ fə tii fə n daŋŋə zum i kɔʼ.
20Nghee tə ngəd tə wi tə koʼ tsunə ghəə i tii zə, dzuu zə n zum ghə. Ghə n dza nə̀, “Kaʼ fə Fig fən kaʼ ngee ni maŋ zum kɔʼ sa ə?” 21Yeso n beeli ndòw ghə nə̀, “N kùm dza bə tə ghaa nə̀, abə ghaa khənə bəghəm i fə̀ŋ zə, nə̀ ghaa səmə way, ghaa i way kə ni ghəŋə ghəə ghən n ghəŋənə ghi kaʼ fən, ghaa i buʼ loʼ soʼo ni dza tə̀ kaʼ wən nə̀, ‘Nuu tsu fa, wə maʼa ndòw wû wə n dzuu i nii zə̀’, zə i bɔɔmə doʼo sey. 22Abə ghaa khənə bəghəm i fə̀ŋ zə, ghaa i keelinu fə̂ key ghaa bəbənə nə igɔŋŋə.”
Ghə bəb Yeso n ghəə ghə bòʼ daʼa kə wi
(Mak 11.27-33; Luk 20.1-8)
23Ambə Yeso ndòwnə n Ndaw Kəzə̀ i nii zə n Yerosalem, nghee tə̀ tə diinə ghəə ghə fu, ghə fɔɔngili a nii ghə nsə ngəd tə inaʼ tə n ndòw bə n səə wi, bəb tə̀ wi nə̀, “Wə khə daʼa kə ghaa kə ni ghəŋŋə ghəə ghən ə? Wə saʼ i ney n wɔ̂ ndee?”
24Yeso n beeli ndòw ghə dza nə̀, “N dza n bəb bə ghaa n ghəə zə imɔʼ, abə ghaa beelinə mə, mə i dza bə soʼo tə̀ ghaa wù wey tə fuunə mə n daʼa kə ni ghəŋə ghəə ghən. 25Jɔn â ney ghee daʼa kə ni fuu ghə̂ ghə n mmuu n Kəzə̀ mə ə? Â loʼ n wɔ Zə̀ kə idəŋ kə mɔ â loʼ n wɔ wù sɔŋtsuʼ ə?”
Ghə n ghɔɔmə n wû i ghə dza nə̀, “Abə a dza tsunə nə̀, ‘Â loʼ n wɔ Zə̀ kə idəŋ kə’, tə î bəbə bə tə̀ saa nə̀, ‘Ghaa â ka sə bəghəm tə̀ wi nə̀ a loʼ kee?’ 26Abə a dza tsunə nə̀, ‘Â loʼ n wɔɔ kə aghə̂,’ a khə dzə way ghəə zey ghə̂ ghə î ghəŋŋənə tə̀ saa, n təŋkey, ghə̂ ghə â khə nə̀ Jɔn â loʼ wù tûm Kəzə̀.” 27Sey ghə n beeli ndòw Yeso nə̀, “Ghey khə dzə way.”
Yeso n dza ndòw tə̀ ghə nə̀, “Mə i dza soʼo way tə̀ ghaa wù wey tə fuunə mə n daʼa kə nə̀ mə i ghəŋŋə ghəə ghən n ghəŋŋənə.”
Ghɔɔmə i fənkəfən bòʼ waa a nùm a loʼ ghə abəghə
28Yeso n dza tə ngəd tey nə̀, “Ghaa moʼlə nə̀ ngee? Wù loʼ â loʼnu, tə n khə waa a nùm ghə abəghə. Tə n ndòw n səə u sə isə wey, dza tə̀ wi nə̀, ‘N waa, wə khə ni ndòw fwaʼ na n sum wuŋ.’
29U sə isə wey n dza nə̀, ‘N soʼo way na,’ tə n kəm doʼo səə tsu ibam, kweyyə kɔʼ fə̀ŋ ə wi, nuu soʼ i ndòw.
30Sey, bày n ndòw n səə waa u loʼ wey, dza ndòw ghə i mɔʼɔ zə tə wi. Tə n dza tə wi nə̀, ‘Mə i soʼonu a bày’, kəm doʼo səə i tsu, ka soʼ.
31À loʼ waa u ghaa wə tə â ghəŋənə ghəə zey bày â ləghənə ə?” Ghə n dza, “U sə isə wey.”
Sey, Yeso n dza tə̀ ghə nə̀, “N kuum dza bə tə̀ ghaa nə̀, ghə̂ a kwɔɔ a màʼlə kə tsow kə nsə gheyzən a kəkpala a nə ndow nyiənu n Fɔɔ u Kəzə̀ isə n kow ghaa. 32Bòʼ nə̀, Jɔn â bə ni bə dii ghaa n jìi, nə̀ ghaa i loʼ tsətsəghə, ghaa n ka bəghəm tə̀ wi. A n fəd bəghəm kɔʼ ghə̂ a kwɔɔ a màʼlə kə tsow kə nsə gheyzən a kəkpala ghə. Nghee ghaa koʼ tsu kənə sey, ghaa ka nam kweyyə nuu bə fə̀ŋ tə ghaa tə n ghəə a bəbə ghə ni bəghəm tə̀ wi.”
Ghɔɔmə i fənkəfən bòʼ usum ghə â tsoʼo naŋanə
(Mak 12.1-12; Luk 20.9-19)
33Yeso n dza nə̀, “Zow na zəzəə fə fənkəfən fə loʼ fə, muu usum u loʼ wə â zəghə tsu sum u ndzoʼo lami tə loʼ tə ghə tɔŋŋə nə̀ à loʼ vayn, bay naŋa kɔʼ mbàa tii, bow naŋa kɔʼ kənyuʼ ni kammə lə mən n shiə bənə nə təlami fu tii. Tə n bəghə naŋa kɔʼ soʼo fəə fə loʼ fə n tow kə ndaw tə̀ ghə̂ a keyyə ghə. Sey, tə n tsòʼo naŋa ndòw sum u tii wə tə̀ ghə̂ ghə usum a loʼ ghə, bwey ndòw n naʼ i kətûm. 34Ambə nəŋə i təlami i kpii tsunə, tə n tûm ndòw ghə̂ a kəfwaʼ a wi n səə ghə nə̀ ghə fuu bə tuʼ i təlami i wi. 35Ghə̂ ghey tə â tsoʼo naŋanə sum wey n wɔ ghə n kwu tsu ghə̂ a kəfwaʼ ghey, bwɔd umɔʼ, wey maʼa tsu u loʼ wə, təmmə u loʼ wey nə atay. 36Sey, tə n tûm kpiʼi ndòw ghə̂ a kəfwaʼ a loʼ ghə, nə̀ taŋ a ghə n buʼ dow tsəghə ghə̂ a sə̂ isə ghey. Ghə̂ ghey fu nə usum n nam ghəŋə ndòw kə ghə i mɔʼɔ zə n kow ghə. 37Tə n baa ney tûm ndòw waa wi, dza, ‘N moʼo ghə î nyaʼi tsəŋənu waa wuŋ.’ 38Ambə ghə̂ ghey fəd koʼ tsunə waa wi, ghə n dza n wû i ghə nə̀, ‘À wən loʼ zə̂ə kəbii ə wi, bə na a wey tsu wi, tə a keeli ndòw fə̂ u wi.’ 39Sey ghə kwu tsu wi, ney maʼa shi ndòw wi n mbàa, wey tsu wi.”
40Yeso n bəb ndòw nya tə̀ ghə nə̀, “Abə muu usum wey î bənə, ghaa moʼlə nə̀ tə i jiə ngee ghi ghə̂ ghey tə â tsòʼo naŋa sum wey n wɔ ghə ə?”
41Ghə n beeli ndòw wi dza, “Tə î wey maʼa ghə̂ a bəbə ghey, tə ney kɔʼ sum u tii wə, tə tsòʼo naŋa ndow tə̀ ghə̂ a nuu ghə, tɔŋŋə ghə̂ ghey ghə i loʼnə ni dzaw fuu tuʼ zə ufə i wi abə nəŋə i kpii tsunə.”
42Yeso n dza ndòw tə̀ ghə nə̀, “ghaa ka kam tɔŋɔ koʼ n màʼlə K-a-zə̀ nə̀,
‘Tay zey ghə̂ a bɔm a təndaw â tuu maʼanə
Fəd bə doʼo bə tay i bow i ndaw.
A loʼ Mûkəbii, tə â ghəŋənə ghəə a tii ghə,
Ghəə a tii ghə a ngii laabənə n sə̂ a ghey.’”
43Sey, n dza bə tə̀ ghaa nə̀, “Ghə î ney nuulənu fɔɔ u Kəzə̀ wə n wɔɔ kə ghaa, ghə fuu ndòw tə̀ naʼa tey tə î ghəŋŋənə ghəə zey Zə̀ kə ləghənə.” 44[Wù wey tə bwunə n tay zən, tə nə sàalə tsu nə nsadla, abə tay i tii i kee bwu tsunə n kow wi, zə i njaʼlə tsu wi.]#21.44 Màʼlə u loʼ u khə way ghəllə zən. 45Ambə ghə̂ a tə Falasi nsə ghə fɔɔngili a nii a zow tsunə zəzəə n fənkəfən n Yeso mə, ghə n khə nə̀ tə sey ghɔɔmə bòʼ ghə. 46Sey, ghə n kəŋə jìi ni kwu wi, kee tsəŋə ghaʼa nɔɔ kə aghə̂ key, n təŋkey, ghə â khə nə̀ Yeso loʼ wù tûm Kəzə̀.
Currently Selected:
Matyo 21: WEH
Highlight
Share
Copy
Want to have your highlights saved across all your devices? Sign up or sign in
© 2022 CABTAL
Matyo 21
21
Yeso nyi n Yerosalem tə̀ a loʼ Kədə̀ŋ
(Mak 11.1-11; Luk 19.28-40; Jɔn 12.12-19)
1Nghee tə̀ Yeso ghi ngəd tə wi tə kuʼlə ndòwnə n Yerosalem, ghə n ndòw bə n naʼ i Betfach n kaʼ u Oliv. Yeso n tûm ndòw ngəd tə wi təbəghə isə, 2dza tə̀ ghə nə̀, “Ndòw na n naʼ zey isə, ghaa i koʼ tsu fənjakas ghə faŋa naŋanə ghi waa fə wi fə, ghaa i zii tsu, ghaa ney bə fa tə̀ mə. 3Abə wù loʼ bəb bə ghaa n ghəə zə, dza ndòw na tə̀ wi nə̀ ‘Mûkəbii khə kəfwaʼ tii’, tə i daŋŋə zəghə ghaa nə̀ ghaa ney bə ghə.” 4Ghəə ghən ghə â shi ni luulə ghəə zey Wù tûm Kəzə̀ â naʼa naŋanə nə̀,
5Dza ndòw tə̀ naʼ i Zayɔn#21.5 Ghə â tɔŋŋə Yerosalem nə a loʼ naʼ i Zayɔn. zə nə̀,
Koʼo ndòw, Də̀ŋ kə ghaa kə key kə bəghənə n səə ghaa,
Nə ingɔɔmə, tə nyaʼnə nə fənjakas,
Nsə waa fə fənjakas fə.
6Ngəd tey n bɔɔmə ndòw ghəŋə ndòw tə̀ Yeso mə dzanə tə̀ ghə. 7Ghə n ney bə njakas fey nsə waa fə wi fə, zèyyə tsu sàŋ tə ghə n kow ghə, Yeso n kɔʼ doʼo kɔʼ tii. 8Nɔɔ kə aghə̂ kə n zeyyə kɔʼ ndòw saŋ tə ghə n jìi, a loʼ ghə n khə̀ə bə utsəghə zeyyə bə n jìi. 9Nɔɔ kə aghə̂ key kə â ndòwnə isə nsə a ghey ghə â bəghənə ibam n buʼu shiə kɔʼɔ nbɔŋ dza nə̀,
“Kali u loʼ tə̀ Waa Devid!
Zə̀ kə buulə wù wey tə bəghənə n zəd i Mûkəbii!
Kali u loʼ tə Zə̀ kə idəŋ kə!”
10Ambə Yeso nyi ndòwnə n Yerosalem, naʼ zə n noʼlə kɔʼ ndòw idzəm. Ghə̂ ghə n bəbə nə̀, “À wən loʼ ndee.”
11Nɔɔ kə aghə̂ key n beeli ndòw ghə dza nə̀, “À wən loʼ Yeso, wù tûm Kəzə̀ tə shinə n naʼ i Nazaled n mboʼo Galili.”
Yeso dzùm aghə̂ n Ndaw Kəzə̀ i nii zə n Yerosalem
(Mak 11.15-19; Luk 19.45-48; Jɔn 2.13-22)
12Yeso n ndòw n Ndaw Kəzə̀ i nii zə n Yerosalem, dzùm shi ghə̂ ghey ghə â zûlənə fə wə nsə ghə̂ ghey ghə â fìilənə fu. Tə n tuŋu maʼa baŋŋə u ghə̂ ghey ghə â kweyyənə khəə wə fu, nsə ndaŋ tə ghə̂ ghey ghə â fìilənə fə̀ wə. 13Tə n dza ndòw tə̀ ghə nə̀, “Zə̀ kə dza n màʼlə K-a-zə̀ nə̀, ‘Ghə î tɔŋŋə luʼu key ghə ngɔɔmənə mə tii nə̀ a loʼ ndaw i gɔŋŋə zə.’ Ghaa u fəd ney naŋa kɔʼnə nə̀ a loʼ luʼu k-a-nyi tə̀ ghə̂ a tsɔŋɔ ghə.”
14Sey, ghə̂ a fəbə ghə nsə kəŋŋə wə n bəghə fu n səə wi n ndaw Kəzə̀ ə tii, tə n baŋŋə ghə. 15Ambə ghə fɔɔngili a nii ghə nsə ghə̂ a dii a kəlaŋ a koʼ tsunə faalə mey tə ghəŋŋənə, nsə ghinətəghə ghey ghə â buʼlənə bɔŋ mə n ndaw Kəzə̀ i nii zə, dza nə̀, “Kali u loʼ tə̀ waa Devid.” Ghə n fəələ nay ndòw unəghə tii.
16Sey ghə n bəb ndòw tə̀ Yeso nə̀, “Wə̀ zownu ghəə ghən ghinətəghə ghən dzanə ə?”
Yeso n beeli ndòw ghə nə̀, “Ow n zownu. Ghaa ka kam tɔŋɔ koʼ n màʼlə K-a-zə̀ nə̀, ‘À loʼ aghinətəghə nsə waa ghey ghə nam nyɔŋɔnə ghii zə, ghə kɔʼlə dzɔbənə Zə̀ kə ə?’”
17Yeso n daŋŋə zəghə tsu ghə, nuu ndòw n naʼ i Betani, ndòw bweeli kɔʼ fu.
Yeso ləŋ naŋa kaʼ fə Fig
(Mak 11.12-14, 20-24)
18Ambə n bələbələ tə, Yeso n loʼ n jìi Betani, tə dzəŋŋə ndòwnə n Yerosalem, dzəŋ n zabə wi. 19Tə n koʼ ndòw kaʼ fə Fig fə loʼ fə n səə jìi, tə n ndòw fu moʼlə kə nə̀ tə i keelinu tam u loʼ wə fu, ka koʼ kəfə. À n loʼ tən kə təfəbə. Sey, tə n dza ndòw tə̀ kaʼ fə tii fə nə̀, “Wə nə̂ kəm mə̂ koʼ tsə way tam wə tə̀ mbi nə bə may.” Kaʼ fə tii fə n daŋŋə zum i kɔʼ.
20Nghee tə ngəd tə wi tə koʼ tsunə ghəə i tii zə, dzuu zə n zum ghə. Ghə n dza nə̀, “Kaʼ fə Fig fən kaʼ ngee ni maŋ zum kɔʼ sa ə?” 21Yeso n beeli ndòw ghə nə̀, “N kùm dza bə tə ghaa nə̀, abə ghaa khənə bəghəm i fə̀ŋ zə, nə̀ ghaa səmə way, ghaa i way kə ni ghəŋə ghəə ghən n ghəŋənə ghi kaʼ fən, ghaa i buʼ loʼ soʼo ni dza tə̀ kaʼ wən nə̀, ‘Nuu tsu fa, wə maʼa ndòw wû wə n dzuu i nii zə̀’, zə i bɔɔmə doʼo sey. 22Abə ghaa khənə bəghəm i fə̀ŋ zə, ghaa i keelinu fə̂ key ghaa bəbənə nə igɔŋŋə.”
Ghə bəb Yeso n ghəə ghə bòʼ daʼa kə wi
(Mak 11.27-33; Luk 20.1-8)
23Ambə Yeso ndòwnə n Ndaw Kəzə̀ i nii zə n Yerosalem, nghee tə̀ tə diinə ghəə ghə fu, ghə fɔɔngili a nii ghə nsə ngəd tə inaʼ tə n ndòw bə n səə wi, bəb tə̀ wi nə̀, “Wə khə daʼa kə ghaa kə ni ghəŋŋə ghəə ghən ə? Wə saʼ i ney n wɔ̂ ndee?”
24Yeso n beeli ndòw ghə dza nə̀, “N dza n bəb bə ghaa n ghəə zə imɔʼ, abə ghaa beelinə mə, mə i dza bə soʼo tə̀ ghaa wù wey tə fuunə mə n daʼa kə ni ghəŋə ghəə ghən. 25Jɔn â ney ghee daʼa kə ni fuu ghə̂ ghə n mmuu n Kəzə̀ mə ə? Â loʼ n wɔ Zə̀ kə idəŋ kə mɔ â loʼ n wɔ wù sɔŋtsuʼ ə?”
Ghə n ghɔɔmə n wû i ghə dza nə̀, “Abə a dza tsunə nə̀, ‘Â loʼ n wɔ Zə̀ kə idəŋ kə’, tə î bəbə bə tə̀ saa nə̀, ‘Ghaa â ka sə bəghəm tə̀ wi nə̀ a loʼ kee?’ 26Abə a dza tsunə nə̀, ‘Â loʼ n wɔɔ kə aghə̂,’ a khə dzə way ghəə zey ghə̂ ghə î ghəŋŋənə tə̀ saa, n təŋkey, ghə̂ ghə â khə nə̀ Jɔn â loʼ wù tûm Kəzə̀.” 27Sey ghə n beeli ndòw Yeso nə̀, “Ghey khə dzə way.”
Yeso n dza ndòw tə̀ ghə nə̀, “Mə i dza soʼo way tə̀ ghaa wù wey tə fuunə mə n daʼa kə nə̀ mə i ghəŋŋə ghəə ghən n ghəŋŋənə.”
Ghɔɔmə i fənkəfən bòʼ waa a nùm a loʼ ghə abəghə
28Yeso n dza tə ngəd tey nə̀, “Ghaa moʼlə nə̀ ngee? Wù loʼ â loʼnu, tə n khə waa a nùm ghə abəghə. Tə n ndòw n səə u sə isə wey, dza tə̀ wi nə̀, ‘N waa, wə khə ni ndòw fwaʼ na n sum wuŋ.’
29U sə isə wey n dza nə̀, ‘N soʼo way na,’ tə n kəm doʼo səə tsu ibam, kweyyə kɔʼ fə̀ŋ ə wi, nuu soʼ i ndòw.
30Sey, bày n ndòw n səə waa u loʼ wey, dza ndòw ghə i mɔʼɔ zə tə wi. Tə n dza tə wi nə̀, ‘Mə i soʼonu a bày’, kəm doʼo səə i tsu, ka soʼ.
31À loʼ waa u ghaa wə tə â ghəŋənə ghəə zey bày â ləghənə ə?” Ghə n dza, “U sə isə wey.”
Sey, Yeso n dza tə̀ ghə nə̀, “N kuum dza bə tə̀ ghaa nə̀, ghə̂ a kwɔɔ a màʼlə kə tsow kə nsə gheyzən a kəkpala a nə ndow nyiənu n Fɔɔ u Kəzə̀ isə n kow ghaa. 32Bòʼ nə̀, Jɔn â bə ni bə dii ghaa n jìi, nə̀ ghaa i loʼ tsətsəghə, ghaa n ka bəghəm tə̀ wi. A n fəd bəghəm kɔʼ ghə̂ a kwɔɔ a màʼlə kə tsow kə nsə gheyzən a kəkpala ghə. Nghee ghaa koʼ tsu kənə sey, ghaa ka nam kweyyə nuu bə fə̀ŋ tə ghaa tə n ghəə a bəbə ghə ni bəghəm tə̀ wi.”
Ghɔɔmə i fənkəfən bòʼ usum ghə â tsoʼo naŋanə
(Mak 12.1-12; Luk 20.9-19)
33Yeso n dza nə̀, “Zow na zəzəə fə fənkəfən fə loʼ fə, muu usum u loʼ wə â zəghə tsu sum u ndzoʼo lami tə loʼ tə ghə tɔŋŋə nə̀ à loʼ vayn, bay naŋa kɔʼ mbàa tii, bow naŋa kɔʼ kənyuʼ ni kammə lə mən n shiə bənə nə təlami fu tii. Tə n bəghə naŋa kɔʼ soʼo fəə fə loʼ fə n tow kə ndaw tə̀ ghə̂ a keyyə ghə. Sey, tə n tsòʼo naŋa ndòw sum u tii wə tə̀ ghə̂ ghə usum a loʼ ghə, bwey ndòw n naʼ i kətûm. 34Ambə nəŋə i təlami i kpii tsunə, tə n tûm ndòw ghə̂ a kəfwaʼ a wi n səə ghə nə̀ ghə fuu bə tuʼ i təlami i wi. 35Ghə̂ ghey tə â tsoʼo naŋanə sum wey n wɔ ghə n kwu tsu ghə̂ a kəfwaʼ ghey, bwɔd umɔʼ, wey maʼa tsu u loʼ wə, təmmə u loʼ wey nə atay. 36Sey, tə n tûm kpiʼi ndòw ghə̂ a kəfwaʼ a loʼ ghə, nə̀ taŋ a ghə n buʼ dow tsəghə ghə̂ a sə̂ isə ghey. Ghə̂ ghey fu nə usum n nam ghəŋə ndòw kə ghə i mɔʼɔ zə n kow ghə. 37Tə n baa ney tûm ndòw waa wi, dza, ‘N moʼo ghə î nyaʼi tsəŋənu waa wuŋ.’ 38Ambə ghə̂ ghey fəd koʼ tsunə waa wi, ghə n dza n wû i ghə nə̀, ‘À wən loʼ zə̂ə kəbii ə wi, bə na a wey tsu wi, tə a keeli ndòw fə̂ u wi.’ 39Sey ghə kwu tsu wi, ney maʼa shi ndòw wi n mbàa, wey tsu wi.”
40Yeso n bəb ndòw nya tə̀ ghə nə̀, “Abə muu usum wey î bənə, ghaa moʼlə nə̀ tə i jiə ngee ghi ghə̂ ghey tə â tsòʼo naŋa sum wey n wɔ ghə ə?”
41Ghə n beeli ndòw wi dza, “Tə î wey maʼa ghə̂ a bəbə ghey, tə ney kɔʼ sum u tii wə, tə tsòʼo naŋa ndow tə̀ ghə̂ a nuu ghə, tɔŋŋə ghə̂ ghey ghə i loʼnə ni dzaw fuu tuʼ zə ufə i wi abə nəŋə i kpii tsunə.”
42Yeso n dza ndòw tə̀ ghə nə̀, “ghaa ka kam tɔŋɔ koʼ n màʼlə K-a-zə̀ nə̀,
‘Tay zey ghə̂ a bɔm a təndaw â tuu maʼanə
Fəd bə doʼo bə tay i bow i ndaw.
A loʼ Mûkəbii, tə â ghəŋənə ghəə a tii ghə,
Ghəə a tii ghə a ngii laabənə n sə̂ a ghey.’”
43Sey, n dza bə tə̀ ghaa nə̀, “Ghə î ney nuulənu fɔɔ u Kəzə̀ wə n wɔɔ kə ghaa, ghə fuu ndòw tə̀ naʼa tey tə î ghəŋŋənə ghəə zey Zə̀ kə ləghənə.” 44[Wù wey tə bwunə n tay zən, tə nə sàalə tsu nə nsadla, abə tay i tii i kee bwu tsunə n kow wi, zə i njaʼlə tsu wi.]#21.44 Màʼlə u loʼ u khə way ghəllə zən. 45Ambə ghə̂ a tə Falasi nsə ghə fɔɔngili a nii a zow tsunə zəzəə n fənkəfən n Yeso mə, ghə n khə nə̀ tə sey ghɔɔmə bòʼ ghə. 46Sey, ghə n kəŋə jìi ni kwu wi, kee tsəŋə ghaʼa nɔɔ kə aghə̂ key, n təŋkey, ghə â khə nə̀ Yeso loʼ wù tûm Kəzə̀.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 CABTAL