Jáaŋ 18
18
Mɛ́ é ega ŋgɔ̄ɔ á Yɛɛ́so
(Mat 26.47-56; Mlk 14.43-50; Lúk 22.47-53)
1Yɛɛ́so á swíŋte á Mɔʼɔ́ yi épúp, pɔ́ a megaŋ nnɔ pí é gʉɔ mé nzéŋ ntsiá‑metsyɛt, mɛ́ tɔ́ŋ lɛ Sɛdelɔŋ. Mmɔʼ ŋkāʼ methʉ́ é gɔ́ éwú, pɔ́ tɔ́k ŋkó éwú. 2A ge egɔ́ épúp, Yúdas, á ŋiŋ yīi, a swiŋɛ á Yɛɛ́so, á nɔŋ nzhɛ́ɛ ajʉʼ mɛ́t, melaʼ mīi, Yɛɛ́so pɔ́ a megaŋ nnɔ pí, é lé zi ncúʼte éwú tɛ ŋgʉɔ é záne. 3Yúdas á gʉɔ azí mé ŋkāʼ mɛ́t. Ŋ́gē egʉɔ, ńtshí á athū mvhɔ, ánɛ nnɔ ncu mbɔɔ nnɔ wɔ píp‑Mía Ŋgyā Ndém pīi, wɔ nɔŋ‑epɔʼ epi melʉɛ pɔ́ a epuɔ Falísia é ŋgyá, pɔ́ ge egʉɔ épúp, ŋ́gwɛ̄te meŋkaʼ mmók, mbɔɔ meláam, pɔ́ tsitsi ncu. 4Yɛɛ́so á nɔŋ nzhɛ́ɛ ajūɔ tsem zīi, á gɔ á ŋghʉʉ̄ á yí, ńtshóte nnɛ̄t mé mvhɔ zɔp, ńdé á mbū pɔ́p ŋ́gɛ: «Pɛ faʼa awɔ́?» 5Pɔ́ pwɛt á mbū yí ŋ́gɛ: «Á Yɛɛ́so ŋiŋ Naázalɛt. » Á lé mé pɔ́p ŋ́gɛ: «Meŋ mé á yí. » Ŋ́gē elé épúp, Yúdas, á ŋiŋ yīi a swiŋɛ á yí, á tshí á nnɔ pɔ́p. 6Yɛɛ́so á lɛ ŋgē elé mé pɔ́p ŋ́gɛ: «Meŋ mé yí. » Pɔ́ soʼte nnɛ̄t nzemɛnzemɛ, ŋ́gwhʉ̄te á esī. 7Á zéŋ nzɛ́tte á wɔ́p leswhī leswhī ŋ́gɛ: «Pɛ faʼa awɔ́?» Pɔ́ tsɔ́ʼ ŋ́gɛ: «Á Yɛɛ́so ŋiŋ Naázalɛt. » 8Á lé mé pɔ́p ŋ́gɛ: «Meŋ á ndáʼ eshúŋ á wɛ́. Meŋ mé á yí. A gɔ́ éyi meŋ tɛ́ pɛ faʼa, pɛ etshi megaŋ nnɔ pá néŋ, pɔ́ gʉɔte. »
9Á lɛ páʼā, anu zīi Yɛɛ́so a le lé á mbū Mɔʼɔ́ yi, á lɔkɔ mbūɔ̄. A le lé ŋ́gɛ: «Meŋ kɛ te cʉ́ʼ tsɔ taʼ ŋiŋ á nnɔ epuɔ pīi, o ke yá me meŋ, á pí í. » 10Simɔŋ Piɛ, mbɔ a á ŋgīp ŋŋí ncu, á lɛ esɔ̄ŋ ŋŋí á mbā, ŋ́gɔ̄ elɔk ekʉɔ́ʼ á ŋiŋ, ŋ́kó mbāŋ letuúŋ ŋiŋ yīi tɛŋgyā wɔ nɔŋ‑epɔʼ a á nzāp ŋkaʼte yí, étsi ŋkɔʼɔ́ apū ete, lezēŋ tsí é gɔ́ lɛ Málshúsi. 11Tɛ́ Yɛɛ́so á lé á mbū Piɛ ŋ́gɛ: «Piŋne ŋŋí ncu ju á mbā. Meŋ a nú ntūʼ ŋgʉɔ̄ʼ zīi, Mɔʼɔ́ ga a á si ŋkɔ̄ŋɔ ŋ́gɛ meŋ enú. » 12Tɛŋgyā nnɔ ncu wɔ̄ pɔ́ nnɔ yí, mbɔɔ wɔ píp‑Mía Ŋgyā Ndém, é lɛ ŋgɔ̄ á Yɛɛ́so, ŋ́kwɛ́t mbū mí.
Mɛ́ é lɔk á Yɛɛ́so ŋgʉ̄ɔ mé mba Hána, tɛŋgyā wɔ nɔŋ‑epɔʼ
(Mat 26.57-58; Mlk 14.53-54; Lúk 22.54)
13Pɔ́ kwɛ́t á Yɛɛ́so épúp, ńdɔ̄k á yí nzī mvhɔ, ŋgʉ̄ɔ mé mba Hána. Hána wuɔ mɛ́t, a á si ŋgɔ́ á ntshɛ Kayif. Kayif a lɛ á tɛŋgyā wɔ nɔŋ‑epɔʼ ánɛ ŋguʼ mɛ́t. 14Kayif mɛ́t mé ŋiŋ yīi, a le lé á mbū mekém epuɔ Yúda ŋ́gɛ, á mbɔŋ ŋ́gɛ taʼ ŋiŋ, a ekwhʉ́ á athū alāʼ.
Piɛ a á ega ndɛ̄ʼtɛ ŋ́gɛ, yí té á ŋiŋ nnɔ Yɛɛ́so ó
(Mat 26.69-70; Mlk 14.66-68; Lúk 22.55-57)
15Simɔŋ Piɛ pɔ́ mmɔʼ ŋiŋ nnɔ Yɛɛ́so é le nɔŋ nzhɛ̄nɛ á Yɛɛ́so. Páʼ tɛŋgyā wɔ nɔŋ‑epɔʼ a le nɔ̄ŋ nzhɛ́ɛ á ŋiŋ nnɔ Yɛɛ́so wuɔ mɛ́t lā, mɛ́ ge elɔk á Yɛɛ́so ekó á mba tɛŋgyā wɔ nɔŋ‑epɔʼ, ŋiŋ nnɔ Yɛɛ́so wuɔ mɛ́t á kó azí éwú. 16Piɛ á cʉ́ʼ nzɛ́t á apɛ́, á legʉ̄ŋ nchu atetá. Ŋiŋ nnɔ Yɛɛ́so wɔ̄ yīi, tɛŋgyā wɔ nɔŋ‑epɔʼ a le nɔ̄ŋ nzhɛ́ɛ á yí lā, á tó, éshúŋne á mbū menzwí yīi, a le nɔ̄ŋ mbípɛ nchu atetá, á lɛ ncʉ́ʼ Piɛ á kó azí á atetá mɛ́t. 17Ŋgaŋ afaʼ wuɔ mɛ́t yīi, a le nɔ̄ŋ mbípɛ nchu atetá lā, á lé mé yí ŋ́gɛ: «Tɛ o te páʼa ŋgɔ́ ajú mmɔʼ ŋiŋ nnɔ ŋiŋ yīi, mɛ́ gɔ á yí lā a?» Piɛ á pwɛt ŋ́gɛ: «Meŋ te ŋiŋ nnɔ yí í. » 18A ge egɔ́, mbɔ megaŋ afaʼ mbɔɔ wɔ píp‑Mía Ŋgyā Ndém, é lʉʼte á mía mía mmók, ńnɔŋ nzɔ́kɔ, melaʼ mīi efwɔ̄k e le nɔ̄ŋ ŋkúu tɛʼ. Piɛ á tshí á nnɔ pɔ́p, ńnɔŋ nzɔ́kɔ azí.
Tɛŋgyā wɔ nɔŋ‑epɔʼ a á ega ŋŋāka á Yɛɛ́so
(Mat 26.59-66; Mlk 14.55-64; Lúk 22.66-71)
19Tɛŋgyā wɔ nɔŋ‑epɔʼ á zi á leŋak á Yɛɛ́so, ńzɛ́tte á yí menu ánɛ megaŋ nnɔ pí, mbɔɔ ánɛ menu mīi, a zíʼnɛ epuɔ. 20Yɛɛ́so á pwɛt á mbū yí ŋ́gɛ: «Meŋ ke shuŋné esa saá á mbū alāʼ. Meŋ kɛ efʉʼ metsem, ńnɔŋ nzíʼnɛ epuɔ, á ntē meŋgyā aswiŋte mbɔɔ á ntē Mía Ŋgyā Ndém, ájʉʼ zīi epuɔ Yúda metsem é gɛ ncúʼtɛ éwú. Meŋ kɛ te lʉɔne tɛ́ eshúŋ amɔ̄ʼ anu ú. 21Melaʼ akɔ̄ o ŋaka áa gá á? Anu zīi meŋ ke léē, lhu nzɛ́tte á mbū epuɔ pīi, pɔ́ ke nɔ̄ŋ njúʼɔ á gá. Anu zīi meŋ ke léē, pɔ́ é si nzhɛ́ɛ á mbɔŋɔ́. » 22Yɛɛ́so á lé épúp, taʼ ŋiŋ á nnɔ wɔ píp‑Mía Ŋgyā Ndém yīi, a á ntshí á ajʉʼ mɛ́t, á ge etém apū á metuúŋ yí, ńnɔŋ ndʉ́ɛ́ ŋ́gɛ: «O ó gaá, éshúŋne páʼa á mbū tɛŋgyā wɔ nɔŋ‑epɔʼ ē?» 23Yɛɛ́so á tsɔ́ʼ á mbū yí ŋ́gɛ: «A gɔ́ éyi meŋ á shúŋne tépɔŋ, o eshúŋ á gá á anu zīi, meŋ á fa. Ḿbiŋ ŋgɔ́ éyi meŋ á shúŋne á mbɔŋɔ́, mbɔ o piŋɛ ntémɛ apū á metuúŋ meŋ melaʼ akɔ̄?» 24Mbū Yɛɛ́so é zɛ́t ŋkwɛt kwɛté, Hána á lɛ ntó á yí ŋgyá á mbū Kayif, á tɛŋgyā wɔ nɔŋ‑epɔʼ ánɛ ŋguʼ mɛ́t.
Piɛ a á ega nzéŋɛ mbūŋnɛ á Yɛɛ́so
(Mat 26.71-75; Mlk 14.69-72; Lúk 22.58-62)
25Á ge egɔ́ épúp, Simɔŋ Piɛ á ké ŋgɔ́ si nzɔ́kɔ áa mmók yí. Mɛ́ shʉʼ ndé á mbū yí ŋ́gɛ: «O te ajú mmɔʼ ŋiŋ nnɔ ŋiŋ yīi, mɛ́ gɔ á yí lā lɛ̄?» Piɛ á lɛʼte ŋ́gɛ: «Meŋ te á ŋiŋ nnɔ yi í. » 26Mmɔʼ ŋgaŋ afaʼ tɛŋgyā wɔ nɔŋ‑epɔʼ, ŋ́gɔ́ á méŋ mɔ́ ŋiŋ wɔ̄ yīi, Piɛ a á mbāŋ letuúŋ tsí lā, á lé á mbū Piɛ ŋ́gɛ: «Tɔ́ŋ ŋ́gɛ meŋ á njʉ́ɔ á wɛ́ Yɛɛ́so, á ŋkāʼ methʉ́. » 27Piɛ á zéŋ ndɛ̄ʼte leswhī leswhī, ŋkʉɔʼ á liɛ ntɔ́ŋɔ.
Yɛɛ́so a á ega á mvhɔ Pilat
(Mat 27.1-2, 11-14; Mlk 15.1-5; Lúk 23.1-5)
28Mekém epuɔ Yúda, é le lɔ̄k á Yɛɛ́so efhó á mba Kayif nzemɛ́nzēm, ŋ́gʉ̄ɔ mé mba ŋgɔpna. Epuɔ pīi pɔ́ é lɔk á yí ŋgʉ̄ɔ, pɔ́ té á mba kó, ḿbɔ́k á wɔ́p á lekʉɛ epe, é vɛ́ne á wɔ́p á lejhʉ̄ lekāk Páska. 29Pilat, á ŋgɔpna wuɔ mɛ́t, á tó eshʉ̄ʼ ńzɛ́tte á wɔ́p ŋ́gɛ: «Pɛ swiŋɛ á ŋiŋ wuɔ páʼa, ŋ́gɛ akɔ̄?» 30Pɔ́ pwɛt á mbū yí ŋ́gɛ: «Ŋiŋ wuɔ, a á ŋgwíʼe a te anu tepɔŋ ghʉ̄ʉ, mbɔ pek ka lɔ̄k á yí eshʉ̄ʼ á mvhɔ wu ú. » 31Á lé mé pɔ́p ŋ́gɛ: «Pɛ méŋwɛ̄t e elɔ̄k á yí ŋgʉɔ nzáʼ ntsaŋ, páʼ lepé alāʼ tsɛ́, é zɛtteé épúp. » Mekém epuɔ Yúda é lé á mbū yí ŋ́gɛ: «Pɛ epuɔ Lóma, é té véŋ á légɛ, pek ezwhí á ŋiŋ ɛ́. » 32Á páʼa tɛ́, anu zīi Yɛɛ́so a le shúŋ ánɛ ntií lewhʉ̄ zīi, a a láʼ ekwhʉ́, á le pōō.
33Pilat á piŋ nzem mé mba. Ńtswī mɛ́ lɔk á Yɛɛ́so eshʉ̄ʼ. Pilat á zɛ́tte á yí ŋ́gɛ: «Wu mé efɔ epuɔ Yúda lɛ́?» 34Yɛɛ́so á pwɛt á mbū yí ŋ́gɛ: «Anu jɔ̄ mɛ́t á túɔ́ á ntē wu, kɛɛ emɔ̄ʼ epuɔ mé shúŋ á wú ŋ́gɛ, meŋ á efɔ ɔ̄?» 35Á gɛ: «O ó jʉ́ɔ, meŋ gɔ́ á ŋiŋ Yúda lɛ́? Epuɔ alāʼ pɛ́, mbɔɔ wɔ nɔŋ‑epɔʼ epi melʉɛ, é ge eswiŋ á wú á mbū meŋ, mbɔ o ó fa áa akɔ̄?» 36Á tsɔ́ʼ ŋ́gɛ: «Lefɔ tsá é té fhɔ́ɔ á mbū epuɔ ŋgɔŋ puɔ ɔ́. Á ŋgwíʼe ŋgɔ́ éyi, lefɔ tsá é fhɔ́ɔ á mbū epuɔ ŋgɔŋ puɔ, mbɔ mecɔʼ pá e lʉɔ́ʼe, tɛ mɛ́ le yá á gá á mbū mekém epuɔ Yúda á. Ŋgáŋ, lefɔ tsá é té fhɔ́ɔ á esī atsetsáʼ ega á. » 37Pilat á lɛ nzɛ́tte á yí ŋ́gɛ: «O ó páʼa ndɔ̄kɔ ŋ́gɛ, o ó efɔ ká. » Á pwɛt ŋ́gɛ: «Wu mé lé ŋ́gɛ, meŋ á efɔ. Mɛ́ le zhí á gá, meŋ eshʉ̄ʉʼ á ŋgɔŋ, éshʉ̄ʼɛ épúp, á eshúŋ anuúnē zīi meŋ á si nzhɛ́ɛ. A piŋɛ ŋgɔ́ éyi ŋiŋ a á ŋgaŋ anuúnē, mbɔ a a kúʼte á anu zīi, meŋ shúŋɔ. » 38Pilat á zɛ́tte á yí ŋ́gɛ: «Anuúne á páʼa ŋgɔ́ akɔ̄?»
Mɛ́ é zápa ŋ́gɛ mɛ́ ezwhí á Yɛɛ́so
(Mat 27.15-31; Mlk 15.6-20; Lúk 23.13-25)
Pilat á lé épúp, ńzéŋ efhó á mba ntó. Ńjʉ́ɔ mekém epuɔ Yúda, ńdé mé pɔ́p ŋ́gɛ: «Á gɔ́ mé meŋ, mbɔ meŋ ká pú njʉ́ɔ amɔ̄ʼ anu zīi, a á fa á. 39Páʼ á ké ŋgɔ́ á mɛt á mbū pɛ, á légɛ meŋ efhó á ŋgyā atʉɛ́ efók á ŋgaŋ atʉɛ́, ánɛ afʉʼ lekāk Páska, ḿbú ntshī á yí nnéŋ lā, pɛ é kɔŋ ŋ́gɛ, meŋ efók á efɔ wɛ lɛ́?» 40Pɔ́ lɛ nzī á lelē mé ŋghi teté ŋ́gɛ: «Ndɛ́ʼ o etshīi á ŋiŋ wuɔ néŋ, tshi áa Balabas. » Balabas wuɔ mɛ́t, a lɛ á taʼ efwɛ̄t.
Currently Selected:
Jáaŋ 18: ybb
Highlight
Share
Copy
Want to have your highlights saved across all your devices? Sign up or sign in
© CABTAL
Jáaŋ 18
18
Mɛ́ é ega ŋgɔ̄ɔ á Yɛɛ́so
(Mat 26.47-56; Mlk 14.43-50; Lúk 22.47-53)
1Yɛɛ́so á swíŋte á Mɔʼɔ́ yi épúp, pɔ́ a megaŋ nnɔ pí é gʉɔ mé nzéŋ ntsiá‑metsyɛt, mɛ́ tɔ́ŋ lɛ Sɛdelɔŋ. Mmɔʼ ŋkāʼ methʉ́ é gɔ́ éwú, pɔ́ tɔ́k ŋkó éwú. 2A ge egɔ́ épúp, Yúdas, á ŋiŋ yīi, a swiŋɛ á Yɛɛ́so, á nɔŋ nzhɛ́ɛ ajʉʼ mɛ́t, melaʼ mīi, Yɛɛ́so pɔ́ a megaŋ nnɔ pí, é lé zi ncúʼte éwú tɛ ŋgʉɔ é záne. 3Yúdas á gʉɔ azí mé ŋkāʼ mɛ́t. Ŋ́gē egʉɔ, ńtshí á athū mvhɔ, ánɛ nnɔ ncu mbɔɔ nnɔ wɔ píp‑Mía Ŋgyā Ndém pīi, wɔ nɔŋ‑epɔʼ epi melʉɛ pɔ́ a epuɔ Falísia é ŋgyá, pɔ́ ge egʉɔ épúp, ŋ́gwɛ̄te meŋkaʼ mmók, mbɔɔ meláam, pɔ́ tsitsi ncu. 4Yɛɛ́so á nɔŋ nzhɛ́ɛ ajūɔ tsem zīi, á gɔ á ŋghʉʉ̄ á yí, ńtshóte nnɛ̄t mé mvhɔ zɔp, ńdé á mbū pɔ́p ŋ́gɛ: «Pɛ faʼa awɔ́?» 5Pɔ́ pwɛt á mbū yí ŋ́gɛ: «Á Yɛɛ́so ŋiŋ Naázalɛt. » Á lé mé pɔ́p ŋ́gɛ: «Meŋ mé á yí. » Ŋ́gē elé épúp, Yúdas, á ŋiŋ yīi a swiŋɛ á yí, á tshí á nnɔ pɔ́p. 6Yɛɛ́so á lɛ ŋgē elé mé pɔ́p ŋ́gɛ: «Meŋ mé yí. » Pɔ́ soʼte nnɛ̄t nzemɛnzemɛ, ŋ́gwhʉ̄te á esī. 7Á zéŋ nzɛ́tte á wɔ́p leswhī leswhī ŋ́gɛ: «Pɛ faʼa awɔ́?» Pɔ́ tsɔ́ʼ ŋ́gɛ: «Á Yɛɛ́so ŋiŋ Naázalɛt. » 8Á lé mé pɔ́p ŋ́gɛ: «Meŋ á ndáʼ eshúŋ á wɛ́. Meŋ mé á yí. A gɔ́ éyi meŋ tɛ́ pɛ faʼa, pɛ etshi megaŋ nnɔ pá néŋ, pɔ́ gʉɔte. »
9Á lɛ páʼā, anu zīi Yɛɛ́so a le lé á mbū Mɔʼɔ́ yi, á lɔkɔ mbūɔ̄. A le lé ŋ́gɛ: «Meŋ kɛ te cʉ́ʼ tsɔ taʼ ŋiŋ á nnɔ epuɔ pīi, o ke yá me meŋ, á pí í. » 10Simɔŋ Piɛ, mbɔ a á ŋgīp ŋŋí ncu, á lɛ esɔ̄ŋ ŋŋí á mbā, ŋ́gɔ̄ elɔk ekʉɔ́ʼ á ŋiŋ, ŋ́kó mbāŋ letuúŋ ŋiŋ yīi tɛŋgyā wɔ nɔŋ‑epɔʼ a á nzāp ŋkaʼte yí, étsi ŋkɔʼɔ́ apū ete, lezēŋ tsí é gɔ́ lɛ Málshúsi. 11Tɛ́ Yɛɛ́so á lé á mbū Piɛ ŋ́gɛ: «Piŋne ŋŋí ncu ju á mbā. Meŋ a nú ntūʼ ŋgʉɔ̄ʼ zīi, Mɔʼɔ́ ga a á si ŋkɔ̄ŋɔ ŋ́gɛ meŋ enú. » 12Tɛŋgyā nnɔ ncu wɔ̄ pɔ́ nnɔ yí, mbɔɔ wɔ píp‑Mía Ŋgyā Ndém, é lɛ ŋgɔ̄ á Yɛɛ́so, ŋ́kwɛ́t mbū mí.
Mɛ́ é lɔk á Yɛɛ́so ŋgʉ̄ɔ mé mba Hána, tɛŋgyā wɔ nɔŋ‑epɔʼ
(Mat 26.57-58; Mlk 14.53-54; Lúk 22.54)
13Pɔ́ kwɛ́t á Yɛɛ́so épúp, ńdɔ̄k á yí nzī mvhɔ, ŋgʉ̄ɔ mé mba Hána. Hána wuɔ mɛ́t, a á si ŋgɔ́ á ntshɛ Kayif. Kayif a lɛ á tɛŋgyā wɔ nɔŋ‑epɔʼ ánɛ ŋguʼ mɛ́t. 14Kayif mɛ́t mé ŋiŋ yīi, a le lé á mbū mekém epuɔ Yúda ŋ́gɛ, á mbɔŋ ŋ́gɛ taʼ ŋiŋ, a ekwhʉ́ á athū alāʼ.
Piɛ a á ega ndɛ̄ʼtɛ ŋ́gɛ, yí té á ŋiŋ nnɔ Yɛɛ́so ó
(Mat 26.69-70; Mlk 14.66-68; Lúk 22.55-57)
15Simɔŋ Piɛ pɔ́ mmɔʼ ŋiŋ nnɔ Yɛɛ́so é le nɔŋ nzhɛ̄nɛ á Yɛɛ́so. Páʼ tɛŋgyā wɔ nɔŋ‑epɔʼ a le nɔ̄ŋ nzhɛ́ɛ á ŋiŋ nnɔ Yɛɛ́so wuɔ mɛ́t lā, mɛ́ ge elɔk á Yɛɛ́so ekó á mba tɛŋgyā wɔ nɔŋ‑epɔʼ, ŋiŋ nnɔ Yɛɛ́so wuɔ mɛ́t á kó azí éwú. 16Piɛ á cʉ́ʼ nzɛ́t á apɛ́, á legʉ̄ŋ nchu atetá. Ŋiŋ nnɔ Yɛɛ́so wɔ̄ yīi, tɛŋgyā wɔ nɔŋ‑epɔʼ a le nɔ̄ŋ nzhɛ́ɛ á yí lā, á tó, éshúŋne á mbū menzwí yīi, a le nɔ̄ŋ mbípɛ nchu atetá, á lɛ ncʉ́ʼ Piɛ á kó azí á atetá mɛ́t. 17Ŋgaŋ afaʼ wuɔ mɛ́t yīi, a le nɔ̄ŋ mbípɛ nchu atetá lā, á lé mé yí ŋ́gɛ: «Tɛ o te páʼa ŋgɔ́ ajú mmɔʼ ŋiŋ nnɔ ŋiŋ yīi, mɛ́ gɔ á yí lā a?» Piɛ á pwɛt ŋ́gɛ: «Meŋ te ŋiŋ nnɔ yí í. » 18A ge egɔ́, mbɔ megaŋ afaʼ mbɔɔ wɔ píp‑Mía Ŋgyā Ndém, é lʉʼte á mía mía mmók, ńnɔŋ nzɔ́kɔ, melaʼ mīi efwɔ̄k e le nɔ̄ŋ ŋkúu tɛʼ. Piɛ á tshí á nnɔ pɔ́p, ńnɔŋ nzɔ́kɔ azí.
Tɛŋgyā wɔ nɔŋ‑epɔʼ a á ega ŋŋāka á Yɛɛ́so
(Mat 26.59-66; Mlk 14.55-64; Lúk 22.66-71)
19Tɛŋgyā wɔ nɔŋ‑epɔʼ á zi á leŋak á Yɛɛ́so, ńzɛ́tte á yí menu ánɛ megaŋ nnɔ pí, mbɔɔ ánɛ menu mīi, a zíʼnɛ epuɔ. 20Yɛɛ́so á pwɛt á mbū yí ŋ́gɛ: «Meŋ ke shuŋné esa saá á mbū alāʼ. Meŋ kɛ efʉʼ metsem, ńnɔŋ nzíʼnɛ epuɔ, á ntē meŋgyā aswiŋte mbɔɔ á ntē Mía Ŋgyā Ndém, ájʉʼ zīi epuɔ Yúda metsem é gɛ ncúʼtɛ éwú. Meŋ kɛ te lʉɔne tɛ́ eshúŋ amɔ̄ʼ anu ú. 21Melaʼ akɔ̄ o ŋaka áa gá á? Anu zīi meŋ ke léē, lhu nzɛ́tte á mbū epuɔ pīi, pɔ́ ke nɔ̄ŋ njúʼɔ á gá. Anu zīi meŋ ke léē, pɔ́ é si nzhɛ́ɛ á mbɔŋɔ́. » 22Yɛɛ́so á lé épúp, taʼ ŋiŋ á nnɔ wɔ píp‑Mía Ŋgyā Ndém yīi, a á ntshí á ajʉʼ mɛ́t, á ge etém apū á metuúŋ yí, ńnɔŋ ndʉ́ɛ́ ŋ́gɛ: «O ó gaá, éshúŋne páʼa á mbū tɛŋgyā wɔ nɔŋ‑epɔʼ ē?» 23Yɛɛ́so á tsɔ́ʼ á mbū yí ŋ́gɛ: «A gɔ́ éyi meŋ á shúŋne tépɔŋ, o eshúŋ á gá á anu zīi, meŋ á fa. Ḿbiŋ ŋgɔ́ éyi meŋ á shúŋne á mbɔŋɔ́, mbɔ o piŋɛ ntémɛ apū á metuúŋ meŋ melaʼ akɔ̄?» 24Mbū Yɛɛ́so é zɛ́t ŋkwɛt kwɛté, Hána á lɛ ntó á yí ŋgyá á mbū Kayif, á tɛŋgyā wɔ nɔŋ‑epɔʼ ánɛ ŋguʼ mɛ́t.
Piɛ a á ega nzéŋɛ mbūŋnɛ á Yɛɛ́so
(Mat 26.71-75; Mlk 14.69-72; Lúk 22.58-62)
25Á ge egɔ́ épúp, Simɔŋ Piɛ á ké ŋgɔ́ si nzɔ́kɔ áa mmók yí. Mɛ́ shʉʼ ndé á mbū yí ŋ́gɛ: «O te ajú mmɔʼ ŋiŋ nnɔ ŋiŋ yīi, mɛ́ gɔ á yí lā lɛ̄?» Piɛ á lɛʼte ŋ́gɛ: «Meŋ te á ŋiŋ nnɔ yi í. » 26Mmɔʼ ŋgaŋ afaʼ tɛŋgyā wɔ nɔŋ‑epɔʼ, ŋ́gɔ́ á méŋ mɔ́ ŋiŋ wɔ̄ yīi, Piɛ a á mbāŋ letuúŋ tsí lā, á lé á mbū Piɛ ŋ́gɛ: «Tɔ́ŋ ŋ́gɛ meŋ á njʉ́ɔ á wɛ́ Yɛɛ́so, á ŋkāʼ methʉ́. » 27Piɛ á zéŋ ndɛ̄ʼte leswhī leswhī, ŋkʉɔʼ á liɛ ntɔ́ŋɔ.
Yɛɛ́so a á ega á mvhɔ Pilat
(Mat 27.1-2, 11-14; Mlk 15.1-5; Lúk 23.1-5)
28Mekém epuɔ Yúda, é le lɔ̄k á Yɛɛ́so efhó á mba Kayif nzemɛ́nzēm, ŋ́gʉ̄ɔ mé mba ŋgɔpna. Epuɔ pīi pɔ́ é lɔk á yí ŋgʉ̄ɔ, pɔ́ té á mba kó, ḿbɔ́k á wɔ́p á lekʉɛ epe, é vɛ́ne á wɔ́p á lejhʉ̄ lekāk Páska. 29Pilat, á ŋgɔpna wuɔ mɛ́t, á tó eshʉ̄ʼ ńzɛ́tte á wɔ́p ŋ́gɛ: «Pɛ swiŋɛ á ŋiŋ wuɔ páʼa, ŋ́gɛ akɔ̄?» 30Pɔ́ pwɛt á mbū yí ŋ́gɛ: «Ŋiŋ wuɔ, a á ŋgwíʼe a te anu tepɔŋ ghʉ̄ʉ, mbɔ pek ka lɔ̄k á yí eshʉ̄ʼ á mvhɔ wu ú. » 31Á lé mé pɔ́p ŋ́gɛ: «Pɛ méŋwɛ̄t e elɔ̄k á yí ŋgʉɔ nzáʼ ntsaŋ, páʼ lepé alāʼ tsɛ́, é zɛtteé épúp. » Mekém epuɔ Yúda é lé á mbū yí ŋ́gɛ: «Pɛ epuɔ Lóma, é té véŋ á légɛ, pek ezwhí á ŋiŋ ɛ́. » 32Á páʼa tɛ́, anu zīi Yɛɛ́so a le shúŋ ánɛ ntií lewhʉ̄ zīi, a a láʼ ekwhʉ́, á le pōō.
33Pilat á piŋ nzem mé mba. Ńtswī mɛ́ lɔk á Yɛɛ́so eshʉ̄ʼ. Pilat á zɛ́tte á yí ŋ́gɛ: «Wu mé efɔ epuɔ Yúda lɛ́?» 34Yɛɛ́so á pwɛt á mbū yí ŋ́gɛ: «Anu jɔ̄ mɛ́t á túɔ́ á ntē wu, kɛɛ emɔ̄ʼ epuɔ mé shúŋ á wú ŋ́gɛ, meŋ á efɔ ɔ̄?» 35Á gɛ: «O ó jʉ́ɔ, meŋ gɔ́ á ŋiŋ Yúda lɛ́? Epuɔ alāʼ pɛ́, mbɔɔ wɔ nɔŋ‑epɔʼ epi melʉɛ, é ge eswiŋ á wú á mbū meŋ, mbɔ o ó fa áa akɔ̄?» 36Á tsɔ́ʼ ŋ́gɛ: «Lefɔ tsá é té fhɔ́ɔ á mbū epuɔ ŋgɔŋ puɔ ɔ́. Á ŋgwíʼe ŋgɔ́ éyi, lefɔ tsá é fhɔ́ɔ á mbū epuɔ ŋgɔŋ puɔ, mbɔ mecɔʼ pá e lʉɔ́ʼe, tɛ mɛ́ le yá á gá á mbū mekém epuɔ Yúda á. Ŋgáŋ, lefɔ tsá é té fhɔ́ɔ á esī atsetsáʼ ega á. » 37Pilat á lɛ nzɛ́tte á yí ŋ́gɛ: «O ó páʼa ndɔ̄kɔ ŋ́gɛ, o ó efɔ ká. » Á pwɛt ŋ́gɛ: «Wu mé lé ŋ́gɛ, meŋ á efɔ. Mɛ́ le zhí á gá, meŋ eshʉ̄ʉʼ á ŋgɔŋ, éshʉ̄ʼɛ épúp, á eshúŋ anuúnē zīi meŋ á si nzhɛ́ɛ. A piŋɛ ŋgɔ́ éyi ŋiŋ a á ŋgaŋ anuúnē, mbɔ a a kúʼte á anu zīi, meŋ shúŋɔ. » 38Pilat á zɛ́tte á yí ŋ́gɛ: «Anuúne á páʼa ŋgɔ́ akɔ̄?»
Mɛ́ é zápa ŋ́gɛ mɛ́ ezwhí á Yɛɛ́so
(Mat 27.15-31; Mlk 15.6-20; Lúk 23.13-25)
Pilat á lé épúp, ńzéŋ efhó á mba ntó. Ńjʉ́ɔ mekém epuɔ Yúda, ńdé mé pɔ́p ŋ́gɛ: «Á gɔ́ mé meŋ, mbɔ meŋ ká pú njʉ́ɔ amɔ̄ʼ anu zīi, a á fa á. 39Páʼ á ké ŋgɔ́ á mɛt á mbū pɛ, á légɛ meŋ efhó á ŋgyā atʉɛ́ efók á ŋgaŋ atʉɛ́, ánɛ afʉʼ lekāk Páska, ḿbú ntshī á yí nnéŋ lā, pɛ é kɔŋ ŋ́gɛ, meŋ efók á efɔ wɛ lɛ́?» 40Pɔ́ lɛ nzī á lelē mé ŋghi teté ŋ́gɛ: «Ndɛ́ʼ o etshīi á ŋiŋ wuɔ néŋ, tshi áa Balabas. » Balabas wuɔ mɛ́t, a lɛ á taʼ efwɛ̄t.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© CABTAL