Lev%EDtico 24
24
Aceite ke i tzunb'al
1I Ajwal xlapan ru' ma Moisés, xub'ij che:
2Cheataqa aj Israel chi chkik'ama li saqil aceite re oliva yitz'om, man keje ile arewi ktzun i wuqub' u'ab' i tzuk'b'al. 3Are ni ma Aarón kyijb'aw i tzunb'al a', man keje ile ronojel i a'ab' kjuluw i a' chwach i Ajwal Dios chila pa ja re riqb'al ib' ru' i Dios, chrij i kortin chi o chwach i Lo'laj ukaxa i Dios. Ile are jun atb'al tzij ronojel ij saq uwach chiwe yix xaq chke imuq ixikin. 4Rajwaxik chi lik utz uyijb'axik i wuqub' u'ab' i tzuk'b'al an-o'oj ku'an che, man keje ile arewi kejuluw chwach i Ajwal.
Wa re trigo chi ksujux chwach i Ajwal
5Chak'ama i utz laj arin, chacha'saj kab'lajuj lejom wa re trigo, rajwaxik chi b'elejeb' ral taq k'ox u'oral che i jun wa, 6chaya puwi i mexa an-o'oj chi o chwach i Ajwal, keb' cholaj ka'an che xaq waqib' lejom wa re trigo ka'an che i jun cholaj. 7Kakoj ni pom che i jutaq cholaj i wa re trigo le chi kajwax che man k-on ni jun sipon chi kuxtab'al natab'al chi kporoxik kojb'al u'ij i Ajwal. 8Ile rajwaxik chi arewi kya' chwach i Ajwal che taq i ij sábado. Ile are jun trat ronojel ij saq uwach chke aj Israel. 9I wa re trigo le lik re ni ma Aarón xaq ke ni umuq uxikin, ile rajwaxik chi kkitij che jun lo'laj k'ijib'al re i Dios, i sipon chi kporoxik kojb'al u'ij i Ajwal, ile are jun sipon chi lik mas o u'ij chwach i jub'an chik.
Tojb'alil pkiwi i winaq chi k'ax kech'aw chrij i Dios
10-11Chkixol aj Israel o jun achi chi aj Israel uchuch xwiri uqajaw aj Egipto. I achi le chi aj Egipto uqajaw xkichap kib' che i tzij ru' jun aj Israel chila ipa je o wi; ati Selomit ub'i uchuch, chi umi'al ma Dibri utzob'ajil ma Dan. Xwiri i rak'al i ixoq aj Israel k'ax xch'aw chrij ub'i i Ajwal xaq xuk'oqoj, rumali xk'am b'i chwach ma Moisés. 12Lik xkikoj chajal che tz'aqat xkoy-ej wach kub'ij i Ajwal chke chi rajwaxik kki'ano. 13I Ajwal xlapan ru' ma Moisés, xub'ij che:
14Chawesaj b'i achi chixol chi k'ax xch'aw chwij; konojel ni'pa i xkita wach i xub'ij, chkiya ki'ab' puwi ujolom, te'uri konojel ni'pa aj Israel chkikamsaj ni ru' ab'aj. 15-16Xaq keje iri chab'ij chke aj Israel: Xapachin k'ax kch'aw chrij ub'i i Rajwal Dios xaq we kuk'oqoj lik kreqaj ni uri umak; xaq kkamsax ni uri ru' ab'aj kumal konojel aj Israel. Nti k-ono we aj Israel xaq we aj Israel taj, we k'ax kch'aw chrij ub'i i Ajwal xaq we kuk'oqoj lik kkamsax ni uri chab'aj.
17Xapachin kresaj uk'aslemal jun rach lok'anij, lik kkamsax ni uri.
18Xapachin kukamsaj jun chikop, lik kuya ni uri uk'exel keje ile chikopil.
19Xapachin ku'an jun k'ax che jun rach lok'anij, xaq lik kik'aw chik ire uri chupam i k'ax le pacha xu'an che rach lok'anij le. 20We ub'aqil xupatz'o xaq kpatz' chik uri ub'aqil ire che, we ub'a'wach xupuch'u xaq kpuch'i chik uri ub'a'wach ire che, xaq we uware xub'oqo xaq kb'oq chik uri uware ire che; lik kuna ni uri jun nim laj uk'axk'ol pacha i k'ax chi xu'an ire che i rach lok'anij.
21Pachin kukamsaj jun chikop, lik rajwaxik uri chi kuya ni uk'exel. Pachin kukamsaj jun rach lok'anij lik kkamsax chik uri ire.
22Xaqjun u'anik i atb'al tzij k-ani che jun aj Israel xaq ru' jun chi aj Israel taj. Yin in Ajwal xinb'ij iri.
23I ma Moisés xub'ij chke aj Israel ronojel ni'pa xb'ix che rumal i Ajwal. Are uri ike xkesaj b'i achi chkixol chila ipa je o wi chi k'ax xch'aw chrij i Dios, te'uri xkikamsaj ru' ab'aj. I aj Israel lik xki'ano pacha xub'ij i Ajwal che ma Moisés.
Currently Selected:
Lev%EDtico 24: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala