Lev%EDtico 3
3
I sipon porom re chomb'al ib'
1Jun we kusujuj usipon re riqb'al uxlanb'al k'uxij chwach i Ajwal rajwaxik uri chi kuk'am li jun b'aka o xaq we jun toro, re usipon re chomb'al ib', xwiri lik klis taj. 2I jun chi kyaw i sipon le kuya u'ab' puwi ujolom i chikop xaq kuwor ni puqul pa okb'al che i ja re riqb'al ib' ru' i Dios, te'uri i je ajsujul sipon kusu ukik'el i chikop le pa taq uxukut i sujb'al sipon.
3I rajaw i sipon le kusujuj ni chwach i Ajwal jun sipon chi kporoxik, re riqb'al chomb'al ib' ile are i jalajuj taq uch'akul i chikopi: Xepu chi uch'uqum rij ronojel i rixkol, 4keb' u-riñón xaq i xepu chi uch'uqum rij i loma xaq keje i useseb', ile kelsax na junam ru' u-riñón. 5Are uri i je ajsujul sipon kkiporoj ni ronojel ile chwi sujb'al sipon junam ru' i sipon chi poroxik re, chi o puwi i si' chi ktoqowik. Ile are jun sipon chi poroxik re, re umuyal uk'ok'al chi yix kisujuj ni chinwach Yin.
6We jun winaq kusujuj jun chij ma o jun atit re usipon chinwach, re riqb'al i chomb'al ib', rajwaxik uri chi i chikop le lik klis taj, xaq utz we ma o we atit. 7We o jun kusujuj jun chij ma re usipon chwach i Ajwal, 8rajwaxik uri chi kuya u'ab' puwi ujolom i chij le xaq kuwor ni puqul pa okb'al che i ja re riqb'al ib' ru' i Dios, te'uri i je ajsujul sipon chi je uk'ojol ma Aarón kkitixixej ukik'el i chij le chrij chwach i sujb'al sipon.
9I ajsujul sipon kusujuj ni usipon re chomb'al ib' chwach i Ajwal, jun sipon chi poroxik re, ile are i jalajuj taq uch'akul i chikopi: Xepu, ronojel uje xaq i xepu chi o chrij ronojel i rixkol. 10Xaq i keb' u-riñón rachi'ilam i xepu chi o chrij, xaq i xepu chi o chrij u-loma, xaq i xepu chi o chrij useseb' ronojel ile is kresaj. 11Te'uri i ajsujul sipon kuporoj ni ronojel ile puwi i sujb'al sipon. Ile are jun sipon ti'b'alil re kporoxik, chi kisujuj ni yix chinwach Yin chi in Ajwal.
12We o jun kusujuj jun chab'at atit re usipon chinwach, 13rajwaxik uri chi kuya u'ab' puwi ujolom i chikop le xaq kuwor ni puqul pa okb'al che i ja re riqb'al ib' ru' i Dios, te'uri i je uk'ojol ma Aarón chi je ajsujul sipon, kkikitzka ukik'el i chikop le pa taq uxukut i sujb'al sipon.
14I rajaw i sipon le kusujuj ni chwach i Ajwal, jun sipon chi poroxik re kojb'al u'ij i Ajwal, ile are i jalajuj taq uch'akul i chikop: Xepu chi uch'uqum rij i ronojel rixkol, 15chekeb' u-riñón rachi'ilam i xepu chi o chrij, xaq kresaj i xepu chi o chrij u-loma, xaq kresaj i xepu chi o chrij useseb'. 16Te'uri i ajsujul sipon kuporoj ni ronojel ile puwi i sujb'al sipon. Ile are jun sipon ti'b'al chi kporoxik re umuyal uk'ok'al, chi yix kisujuj ni chinwach Yin chi in Ajwal re kojb'al in-ij.
17Iri are jun atb'al tzij chi ronojel ij saq uwach chiwe yix xaq chke imuq ixikin: Xaipa kixjeqi wi lik mitij i xepu xaq lik mitij i kik'.
Currently Selected:
Lev%EDtico 3: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala