N%FAmeros 15
15
Atb'al tzij chrij i porom sipon
1I Ajwal xlapan ru' ma Moisés, xub'ij che:
2Chab'ij i tziji chke aj Israel: Are kixok yix chwach ulew chi kuya i Ajwal chiwe re kixjeqi chwach, 3we o jun kraj kusujuj jun usipon chwe, toro xaq we jun chij poroxik re kojb'al in-ij Yin chi in Ajwal, are o jun nima'ij, xaq we lik pik'ux kpe wi u'anik, 4i winaq chi ksujuw i sipon le rajwaxik chi kukoj b'i kajib' ral taq k'ox rutzil jok'om trigo ru', xaq kyot' b'i oxib' ral taq k'ox aceite chupam. 5I sipon le rajwaxik koksax b'i oxib' ral taq k'ox uwa'al uva muqb'am ru' jujun chij. 6I sipon le we are jun chij ma, rajwaxik uri koksax wajxaqib' ral taq k'ox jok'om trigo chi yot'om b'i oxib' ral taq k'ox aceite chupam. 7Xaq rajwaxik koksax b'i keb' k'ox uwa'al uva muqb'am ru', pacha jun sipon re umuyal uk'ok'al re i Ajwal. 8I sipon le we are jun me' poroxik re, chi xaq are jun sipon re chomb'al ib', chi lik ax sujtal wi uya'ik, 9koksax b'i uri jun almul jok'om trigo ru' yot'om b'i waqib' ral taq k'ox aceite chupam, 10xaq koksax b'i waqib' ral taq k'ox uwa'al uva muqb'am ru', pacha jun sipon porom re umuyal uk'ok'al re i Ajwal. 11Are rajwaxik ile chi k-ani chke jujun me', jujun mama'ib' chij, jujun ral taq chij xaq we jujun ral taq chab'at chi ksujux chwach i Ajwal. 12Chkijujunal i chikop chi kesujuxik, xaq keje uri uk'iyal i mololem chi k-e ru' xaq chrij i kik'iyal. 13Konojel aj Israel rajwaxik kki'an na pacha kub'ij i atb'al tziji, are kkisujuj jun sipon porom re umuyal uk'ok'al re i Ajwal.
14Xapachinoq nti k-ono we aj naj chi to' ik'awel xaq we lik jeqel chik chixol, ire we kraj kusujuj jun sipon porom re umuyal uk'ok'al chwach i Ajwal, rajwaxik uri ku'an na pacha kub'ij i atb'al tzij iwe yix. 15Lik are i atb'al tzij ile chi rajwaxik kixkojon yix che xaq keje i je aj naj; ile lik jun atb'al tzij chi k-e ij saq chrij pa taq lemajil. 16Lik jun ni atb'al tzij olik iwe yix xaq ke i je aj naj chi je o chixol.
17I Ajwal xlapan ru' ma Moisés, xub'ij che:
18Chab'ij i tziji chke aj Israel: Are kixok chwach ulew chi ipa kixink'am wi b'ik, 19xaq are kijeq utijawik i trigo chi k-on chila, rajwaxik uri kiwesaj jub'i' che, re isipon che i Ajwal. 20Keje pacha i nab'e trigo chi ki'osij kisujuj ni chwach i Ajwal, xaq keje ki'an che i nab'e taq wa re trigo chi kicha'saj. 21I sipon le rajwaxik chi lik arewi kisujuj pa taq lemajil.
22Xwiri we chu'anik taj ki'an ile, chi ki'an taj pacha kub'ij i atb'al tzij chi xuya i Dios chiwe rumal ma Moisés, 23Che i nab'e ij, lik arewi ronojel ni'pa i atb'al tzij chi xuya i Ajwal chiwe yix rumal ma Moisés, xub'ij i Ajwal chi kixkojon ni che xaq keje i lemajil, 24Xwiri we chu'anik taj ki'ano, chi konojel chik i winaq kiqel i atb'al tzij, iwonojel uri yix che i tinimit le, kisujuj ni jun me' re sipon chi poroxik re, re lo'laj umuyal uk'ok'al chwach i Dios, rachi'ilam uri i sipon ch'irajil xaq i uwa'al uva muqb'am chi koksax b'i ru' chrij pacha kub'ij i atb'al tzij. Xwi ta la ile, xaq kisujuj ni jun chab'at ma rumal ni'pa i mak chi i'anom. 25Te'uri i ajsujul sipon kok chu'anik i rawasil pacha ax ku'an wi, re i riqb'al kuyb'al imak yix iwonojel aj Israel, i Ajwal kukuy ni uri imak chiwe man chu'anik taj xi'ano, xaq rumal ya xisujuj isipon rumal imak le. 26Lik iwonojel uri yix chi ix aj Israel kkuytaj ni imak xaq kkuytaj ni kimak aj naj chi je o chixol man chu'anik taj, xixmakunik.
27I makunik le we jun to' winaq, x-anawik xaq we chu'anik taj xu'ano, rajwaxik uri kusujuj jun ral chab'at atit aj jun junab' rumal ni'pa umak xu'ano. 28I ajsujul sipon ku'an ni uri i sujunik re rawasil chwach i Ajwal pacha ax ku'an wi, re tz'onb'al kuyb'al mak puwi i winaq le chi chu'anik taj xmakunik, i Dios kukuy uri umak. 29Lik are i atb'al tzij ile chi rajwaxik kixkojon yix che xaq keje i je aj naj chi je jeqel chixol, we chu'anik taj xemakunik.
30Xwiri jun winaq we chu'anik kmakunik, nti k-ono we aj Israel xaq we aj Israel taj, lik kuqajsaj uri u'ij i Ajwal. Rumali i winaq le kelsax b'i chkixol uwinaq, 31man xuqel utaqanik i Ajwal xaq xuk'aq b'i u'ij utzij, rumali lik kelsax b'i chkixol uwinaq nti chik ilb'al tob'al uwach, lik kreqaj ni uri umak.
Tojb'alil rumal uqelik i ij sábado
32I aj Israel are je o pa tz'inilik jyub' chaqij xkiriq jun achi ktijin chutzukuxik usi' che i ij sábado. 33I xeriqawik le xkik'am b'i chwach ma Moisés xaq chwach ma Aarón, xaq chkiwach konojel aj Israel, 34ike le to' xkichajij man maja kkich'ob'o wach kki'an che. 35Are uri i Ajwal xub'ij che ma Moisés: “I achi le rajwaxik kkamsax na. Konojel aj Israel kkikamsaj ni ru' ab'aj k'a naj che i k'ijib'al ipa je o wi.” 36Are uri aj Israel xkesaj b'i che i k'ijib'al ipa je o wi, xe'ok chupuk'ik che ab'aj k'a xkikamsaj na, chrij pacha xub'ij i Ajwal che ma Moisés.
Chiychaq che uchi' i k'ul
37I Ajwal xlapan ru' ma Moisés, xub'ij che:
38“Chab'ij i tziji chke aj Israel: Yix xaq konojel imuq ixikin rajwaxik chi kikoj chiychaq che uchi' i'u', i chiychaq le rajwaxik chij kaqxar ktzunik. 39Yix are kiwil i chiychaq le, kk'un ni ronojel utzij upixab' i Ajwal chik'ux xaq ki'an na pacha kub'ij, man keje ile to' ti ki'ano pacha i kiwaj yix, xaq ki'an ti ni'pa taq i qus kiwilo, man yix lik ix kojonnaq ti chik che i Ajwal. 40Keje ile kk'un ni chik'ux ronojel utzij upixab' i Ajwal xaq ki'an na pacha i kub'ij, xaq lik ix re ni uri Ire man are Ire i-Dios. 41Yin in Iwajwal Dios chi xixwesaj li pa Egipto, man ki'an ni i-Dios chwe. Yin in Iwajwal Dios xinb'ij iri chiwe.”
Currently Selected:
N%FAmeros 15: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala