N%FAmeros 19
19
Atb'al tzij re u'anik i rawasil i ch'am
1I Ajwal xlapan ru' ma Moisés xaq ru' ma Aarón, xub'ij chke:
2Yin in Ajwal kinya i taqaniki: Chib'ij chke aj Israel chi chkik'ama li jun b'aka chiwe chi kaqkoj rij, klis taj chakunsam taj xaq lik kojom ti yuku che. 3Te'uri yix kijach ni che ma Eleazar chi wajsujul sipon Yin, man ire kuk'am nu b'i k'a naj che i k'ijib'al ipa je o wi aj Israel, xaq kutaq ni ukamsaxik chila; xwiri lik kk'iji ire chutaqexik are kkamsaxik. 4I ma Eleazar chi wajsujul sipon Yin, kumu ni uwi u'ab' chupam ukik'el i b'aka le, kukitzka ni wuqmul pusuk' b'i ja re riqb'al ib' ru' i Dios. 5Te'uri kkiporoj ni i b'aka le: Kkiporoj b'i utz'umalil, uti'lal, ukik'el xaq i ukis, xwiri lik kk'iji ire chutaqexik are kporoxik. 6Are uri i wajsujul sipon Yin le kuk'am jun che' chakalte', jun u'ab' hisopo pacha es re mesb'al xaq i k'ul kaq, kuk'aq qaj pa a' ipa kporox i b'aka. 7Are kportaj ile i wajsujul sipon Yin kuch'aj ni u'u' xaq katin na, te'uri ktzalij chik chila che i k'ijib'al ipa je o wi aj Israel, k-an ni rawasil che tupu kkanaj na chi ch'am taj k'a kok a'ab'. 8Xaq keje i achi chi xporow i b'aka kuch'aj ni u'u', katin na xaq k-an ni rawasil che tupu kkanaj na chi ch'am taj k'a kok a'ab'. 9Jun chik achi chi antal rawasil che xaq lik ch'am kjokow b'i uchajil i b'aka chi xporoxik, kuya ni che jun k'ijib'al ch'am k'a naj che i k'ijib'al ipa je o wi aj Israel. I chaj le are ni kkikoj aj Israel ru' i ya chi re anb'al ch'am. Ronojel ile are jun sipon re riqb'al kuyb'al mak. 10Xaq i achi chi xjokow i chaj le kuch'aj ni u'u' xaq k-an ni rawasil che xwiri kkanaj na chi ch'am taj k'a kok a'ab'. Ile are jun atb'al tzij ronojel ij saq uwach, chi kuriq ni uchak chiwe yix chi ix aj Israel, xaq kuriq ni uchak chke i winaq chi aj Israel taj chi je o chixol yix.
11Xapachin kchapaw jun winaq kamnaq, kkanaj uri chi ch'am taj wuqub' ij. 12Che urox ij xaq che uwuq ij, kkitzkax ni ya che re anb'al ch'am, keje uri ile chi k-on ni ch'am. Xwiri we k-on ti chekeb' ij le, k-on ti uri ch'am. 13Xapachin kuyin jun kamnaq we k-ani ti ch'am che, kuqajsaj uri u'ij i ja re riqb'al ib' ru' i Dios, rumali kelsax nu b'i chkixol aj Israel. Man xkitzkax ti ya chrij chi re anb'al ch'am che, rumali uwach wi ch'am taj.
14Are atb'al tzij iri k-ani na are kkam jun winaq: Konojel ni'pa je o chupam i ja le ipa kkam wi jun winaq xaq konojel ni'pa ke'ok b'i chupam i ja le, kekanaj ni uri chi je ch'am taj wuqub' ij. 15Ronojel ni'pa i yab'al chi jaqalik xaq tupu tz'apil uwi xwiri we utz ti chik i tz'apb'al uchi', lik kkanaj uri ch'am ti chik wach o chupam.
16Xapachin jun winaq chi k-e pa malkatik pa taq es, we xuchap jun kamnaq chi kamsam xaq we lik chukamik i winaq le xkam pa taq es, xaq we xuchap ub'aqil jun kamnaq xaq we ujulil, lik kkanaj uri chi ch'am taj wuqub' ij.
17Are kuk'ulmaj ile, rajwaxik uri chi kk'am jub'i' che uchajil i b'aka chi xporoxik rumal i riqb'al kuyb'al mak, kya' chupam jun yab'al, te'uri koksax i ch'am laj ya puwi. 18Are uri jun chik achi chi ch'am kuk'am jun u'ab' hisopo pacha es re mesb'al, kumu ni chupam i ya te'uri kukitzka che i ja, che jalajuj taq yab'al xaq kukitzka ni chkij i winaq chi je o chila xaq chrij i winaq chi xuchap ub'aqil jun kamnaq, ub'aqil jun kamnaq chi kamsam, we chukamik xaq we ujulil kamnaq uyinom. 19I achi chi antal rawasil che xaq lik ch'am rajwaxik chi are kel oxib' ij kukitzka ni ya chi yijb'am re anb'al ch'am chrij i achi chi ch'am taj; man keje ile are kel uwuq ij k-on chik uri ch'am. Are uri i achi chi ch'am taj kuch'aj ni u'u' xaq katin na i k-an ni rawasil che xwiri kkanaj na ch'am taj k'a kok a'ab'. 20Jun winaq chi ch'am taj xaq we k-ani ti ch'am che, rajwaxik uri kelsax b'i putinimit, man xa kuqajsaj u'ij i ja re riqb'al ib' ru' i Dios chi re i Ajwal. Man xkitzkax ti ya chrij chi re anb'al ch'am che, rumali uwach wi chi lik ch'am taj. 21Ile lik are jun atb'al tzij chi ronojel ij saq uwach, i jun chi xkitzkaw i ya re anb'al ch'am chrij i jun chi ch'am taj rajwaxik uri chi kuch'aj u'u'. Xaq keje i jun chi kuyin i ya chi re anb'al ch'am, k-an ni rawasil che tupu kkanajik ch'am taj k'a kok a'ab'. 22Ronojel ni'pa i kchapi rumal jun winaq chi ch'am taj, lik kkanaj uri ch'am taj; xaq xapachin kchapaw i winaq le chi ch'am taj lik k-an ni rawasil che xwiri kkanaj uri chi ch'am taj k'a kok a'ab'.
Currently Selected:
N%FAmeros 19: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
N%FAmeros 19
19
Atb'al tzij re u'anik i rawasil i ch'am
1I Ajwal xlapan ru' ma Moisés xaq ru' ma Aarón, xub'ij chke:
2Yin in Ajwal kinya i taqaniki: Chib'ij chke aj Israel chi chkik'ama li jun b'aka chiwe chi kaqkoj rij, klis taj chakunsam taj xaq lik kojom ti yuku che. 3Te'uri yix kijach ni che ma Eleazar chi wajsujul sipon Yin, man ire kuk'am nu b'i k'a naj che i k'ijib'al ipa je o wi aj Israel, xaq kutaq ni ukamsaxik chila; xwiri lik kk'iji ire chutaqexik are kkamsaxik. 4I ma Eleazar chi wajsujul sipon Yin, kumu ni uwi u'ab' chupam ukik'el i b'aka le, kukitzka ni wuqmul pusuk' b'i ja re riqb'al ib' ru' i Dios. 5Te'uri kkiporoj ni i b'aka le: Kkiporoj b'i utz'umalil, uti'lal, ukik'el xaq i ukis, xwiri lik kk'iji ire chutaqexik are kporoxik. 6Are uri i wajsujul sipon Yin le kuk'am jun che' chakalte', jun u'ab' hisopo pacha es re mesb'al xaq i k'ul kaq, kuk'aq qaj pa a' ipa kporox i b'aka. 7Are kportaj ile i wajsujul sipon Yin kuch'aj ni u'u' xaq katin na, te'uri ktzalij chik chila che i k'ijib'al ipa je o wi aj Israel, k-an ni rawasil che tupu kkanaj na chi ch'am taj k'a kok a'ab'. 8Xaq keje i achi chi xporow i b'aka kuch'aj ni u'u', katin na xaq k-an ni rawasil che tupu kkanaj na chi ch'am taj k'a kok a'ab'. 9Jun chik achi chi antal rawasil che xaq lik ch'am kjokow b'i uchajil i b'aka chi xporoxik, kuya ni che jun k'ijib'al ch'am k'a naj che i k'ijib'al ipa je o wi aj Israel. I chaj le are ni kkikoj aj Israel ru' i ya chi re anb'al ch'am. Ronojel ile are jun sipon re riqb'al kuyb'al mak. 10Xaq i achi chi xjokow i chaj le kuch'aj ni u'u' xaq k-an ni rawasil che xwiri kkanaj na chi ch'am taj k'a kok a'ab'. Ile are jun atb'al tzij ronojel ij saq uwach, chi kuriq ni uchak chiwe yix chi ix aj Israel, xaq kuriq ni uchak chke i winaq chi aj Israel taj chi je o chixol yix.
11Xapachin kchapaw jun winaq kamnaq, kkanaj uri chi ch'am taj wuqub' ij. 12Che urox ij xaq che uwuq ij, kkitzkax ni ya che re anb'al ch'am, keje uri ile chi k-on ni ch'am. Xwiri we k-on ti chekeb' ij le, k-on ti uri ch'am. 13Xapachin kuyin jun kamnaq we k-ani ti ch'am che, kuqajsaj uri u'ij i ja re riqb'al ib' ru' i Dios, rumali kelsax nu b'i chkixol aj Israel. Man xkitzkax ti ya chrij chi re anb'al ch'am che, rumali uwach wi ch'am taj.
14Are atb'al tzij iri k-ani na are kkam jun winaq: Konojel ni'pa je o chupam i ja le ipa kkam wi jun winaq xaq konojel ni'pa ke'ok b'i chupam i ja le, kekanaj ni uri chi je ch'am taj wuqub' ij. 15Ronojel ni'pa i yab'al chi jaqalik xaq tupu tz'apil uwi xwiri we utz ti chik i tz'apb'al uchi', lik kkanaj uri ch'am ti chik wach o chupam.
16Xapachin jun winaq chi k-e pa malkatik pa taq es, we xuchap jun kamnaq chi kamsam xaq we lik chukamik i winaq le xkam pa taq es, xaq we xuchap ub'aqil jun kamnaq xaq we ujulil, lik kkanaj uri chi ch'am taj wuqub' ij.
17Are kuk'ulmaj ile, rajwaxik uri chi kk'am jub'i' che uchajil i b'aka chi xporoxik rumal i riqb'al kuyb'al mak, kya' chupam jun yab'al, te'uri koksax i ch'am laj ya puwi. 18Are uri jun chik achi chi ch'am kuk'am jun u'ab' hisopo pacha es re mesb'al, kumu ni chupam i ya te'uri kukitzka che i ja, che jalajuj taq yab'al xaq kukitzka ni chkij i winaq chi je o chila xaq chrij i winaq chi xuchap ub'aqil jun kamnaq, ub'aqil jun kamnaq chi kamsam, we chukamik xaq we ujulil kamnaq uyinom. 19I achi chi antal rawasil che xaq lik ch'am rajwaxik chi are kel oxib' ij kukitzka ni ya chi yijb'am re anb'al ch'am chrij i achi chi ch'am taj; man keje ile are kel uwuq ij k-on chik uri ch'am. Are uri i achi chi ch'am taj kuch'aj ni u'u' xaq katin na i k-an ni rawasil che xwiri kkanaj na ch'am taj k'a kok a'ab'. 20Jun winaq chi ch'am taj xaq we k-ani ti ch'am che, rajwaxik uri kelsax b'i putinimit, man xa kuqajsaj u'ij i ja re riqb'al ib' ru' i Dios chi re i Ajwal. Man xkitzkax ti ya chrij chi re anb'al ch'am che, rumali uwach wi chi lik ch'am taj. 21Ile lik are jun atb'al tzij chi ronojel ij saq uwach, i jun chi xkitzkaw i ya re anb'al ch'am chrij i jun chi ch'am taj rajwaxik uri chi kuch'aj u'u'. Xaq keje i jun chi kuyin i ya chi re anb'al ch'am, k-an ni rawasil che tupu kkanajik ch'am taj k'a kok a'ab'. 22Ronojel ni'pa i kchapi rumal jun winaq chi ch'am taj, lik kkanaj uri ch'am taj; xaq xapachin kchapaw i winaq le chi ch'am taj lik k-an ni rawasil che xwiri kkanaj uri chi ch'am taj k'a kok a'ab'.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala