N%FAmeros 20
20
Relik i ya chupam i ab'aj
1Che i nab'e ik' re i junab' are xeupon aj Israel chila pa tz'inilik jyub' chaqij Zin, are uri xekanaj k'iyal taq ij chila Cades. Chila xkam wi ati Mariy xaq chila xmuq wi kanoq.
2Chila pa tz'inilik jyub' chaqij Cades le i winaq xkimol kib' xaq xe'ok chuch'ojixik che ma Moisés xaq che ma Aarón man nti kiya':
3Xkib'ij che ma Moisés:
—¡Utz te'eqi wetene xojkam kan chila junam ku' i qachi'il chi xeukamsaj i Ajwal! 4¿B'uchak xojik'am li yoj chi oj utinimit i Ajwal waral pa tz'inilik jyub' chaqiji? ¿Xatab'a kiwaj yix chi kojkam kan yoj waral qonojel junam ku' i qachikop? 5¿B'uchak xojiwesaj li pa Egipto, xojik'am li che i k'ijib'ali chi lik utz taj? Chi k-on ti utz i tikon, k-on ti utz i uva, k-on ti utz i higo xaq k-on ti utz granada chi pacha i karnatiy, xaq lik nti ya re kqatu'u' —xecha.
6Are uri ma Moisés xaq ma Aarón xe'el ku' i winaq, xe'e pan chwach i ja re riqb'al ib' ru' i Dios, chila xexuki wi xaq xkiqajsaj kipalaj k'a chwach ulew. Are uri u'ij uchomal i Ajwal xwinaqir an ku'. 7I Ajwal xub'ij che ma Moisés:
8—Chawok'aj ach'amiy pa'ab' xaq katuto ni awatz ma Aarón chkimolik konojel i winaq. Are uri chkiwach konojel i winaq le chab'ij che i nim laj ab'aj chi kuya kiya' konojel; are uri kkil na chi chupam ab'aj le kel li ya man keje ile konojel ike kkitu' ni kiya' xaq keje konojel i kichikop.
9Are uri ma Moisés xrok'aj uch'amiy pu'ab' chi o chwach i Ajwal chrij pacha xb'ix che. 10Te'uri ma Moisés xaq ma Aarón le xkimol kichi' konojel i winaq chwach i nim laj ab'aj, are uri ma Moisés xub'ij chke konojel i winaq:
—Chita ub'e iwonojel yix chi ix b'uy laj taq winaq, ¿Xatab'a kqesaj li ya chupam i nim laj ab'aji re kitu'u?
11Are xutzin ma Moisés chub'ixkil ile, kamul xub'uj uch'amiy chwach i nim laj ab'aj, are uri juntir xutikb'a li elik k'iyal ya chupam, te'uri konojel i winaq xaq konojel i chikop xkijeq utu'ik kiya'. 12Xwiri i Dios xub'ij che ma Moisés xaq che ma Aarón:
—Rumal xikub'a ti ik'ux chwe xaq xikoj ti in-ij chkiwach konojel aj Israel, wo'or kixok ti ku' i winaq le chwach ulew chi insujum chke ike —xcha.
13Ronojel ile xuk'ulmaj chila ipa xalax wi i ya chupam i nim laj ab'aj chi xkiya pub'i Meriba, chila ipa xkikoj wi uch'ojil kiya' aj Israel che i Ajwal; rumali i Ajwal xuk'ut u'ij uchomal chkiwach.
Aj Edom xkiya ti chke aj Israel xeik'awik
14Chila Cades i ma Moisés xeutaq b'i jub'an winaq chub'ixkil che i ajawinel re i tinimit Edom: “Iri are kkib'ij awatz acha' aj Israel: Yet aweta'am ni'pa i jalajuj taq k'ax chi oj ik'awnaq chupam. 15I qatit qamam xe'e pa jeqelem Egipto k'iyal junab', xwiri aj Egipto xki'an k'ax chke, xaq keje xki'an chqe yoj. 16Are uri xqatz'onoj qatob'al che i Ajwal, ire xuta i qasik'inik xaq xutaq li jun ángel chqelsaxik pa Egipto. Wo'or oj o chi Cades naqaj che atinimit. 17Rumali kqatz'onoj chawe chi chaya chqe kojik'aw pa awulew; kojik'aw ti puwi achak xaq kojik'aw ti chupam atikon ipa o wi a-uva; xaq kqatu' ti ya chupam ak'otom. Lik suk'ulik koj-e ni che i nim laj b'e k'a kojel ni chupam awulew”; xecha.
18Xwiri i ajawinel re i tinimit Edom xub'ij chke:
—¡Kinya ti chiwe chi kixik'aw chupam wulew, xwiri we kita ti ub'e, ki'an pen ik'awik, lik ke'e ni uri wajch'oj chiwij! —Xcha.
19Rumali aj Israel xkisaqij che i ajawinel re i tinimit Edom:
—Yoj lik kqo'taj ti b'e suk'ulik, xwiri we yoj xaq we qachikop kqatu' i ya chupam ak'otom kqatoj ni uri chawe, yoj xwi kqaj chi kaya ni chqe chi kojik'aw chupam awulew chaqan.
20Xwiri i ajawinel re i tinimit Edom xub'ij chke:
—Lik kinya ti chiwe chi kixik'aw chupam wulew —xcha.
Are uri xel li junam ku' uwinaq chi lik o kicho'ab' chi xaq lik je yij che i ch'oj, xe'e chki'atixik aj Israel. 21Keje ile xu'an i ajawinel re i tinimit Edom chi xuya ti chke aj Israel xeik'aw prulew, rumali aj Israel xkitzukuj chik jun b'e man x-atix chkiwach.
Ukamik ma Aarón
22Konojel aj Israel xe'el chila Cades, xe'e pusuk' i jyub' chi Hor ub'i. 23Chila chuchi' rulew ma Edom i Ajwal xub'ij che ma Moisés xaq che ma Aarón:
24“Yet ma Aarón katok ti che i tinimit chi inya'om chke aj Israel man katkam na, man chila ipa xalax wi i ya, chi Meriba ub'i, yix xixkojon ti chwe. 25Yet ma Moisés chak'ama b'i ma Aarón xaq i uk'ojol, chi ma Eleazar, puwi i jyub' Hor; 26are kixuponik, kawesaj ni u'u' ma Aarón che chi re ajsujul sipon, kakoj ni che ma Eleazar, man chrijil chik relsaxik u'u', kkam na.” Xcha.
27Are uri ma Moisés xu'an ronojel chrij pacha xb'ix che rumal i Ajwal. Lik chkiwach konojel aj Israel xe'el b'i puwi i jyub' Hor, 28Are xeupon puwi i jyub' le ma Moisés xresaj u'u' ma Aarón che, chi re ajsujul sipon, xukoj che ma Eleazar. Are xutzin relsaxik u'u' ma Aarón le, are uri xkamik. Chrijil chik ile, i ma Moisés xaq ma Eleazar junam xeqaj li chwi jyub'. 29Are xketamaj aj Israel chi ma Aarón xkamik, lik jun ik' xe'o' che.
Currently Selected:
N%FAmeros 20: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
N%FAmeros 20
20
Relik i ya chupam i ab'aj
1Che i nab'e ik' re i junab' are xeupon aj Israel chila pa tz'inilik jyub' chaqij Zin, are uri xekanaj k'iyal taq ij chila Cades. Chila xkam wi ati Mariy xaq chila xmuq wi kanoq.
2Chila pa tz'inilik jyub' chaqij Cades le i winaq xkimol kib' xaq xe'ok chuch'ojixik che ma Moisés xaq che ma Aarón man nti kiya':
3Xkib'ij che ma Moisés:
—¡Utz te'eqi wetene xojkam kan chila junam ku' i qachi'il chi xeukamsaj i Ajwal! 4¿B'uchak xojik'am li yoj chi oj utinimit i Ajwal waral pa tz'inilik jyub' chaqiji? ¿Xatab'a kiwaj yix chi kojkam kan yoj waral qonojel junam ku' i qachikop? 5¿B'uchak xojiwesaj li pa Egipto, xojik'am li che i k'ijib'ali chi lik utz taj? Chi k-on ti utz i tikon, k-on ti utz i uva, k-on ti utz i higo xaq k-on ti utz granada chi pacha i karnatiy, xaq lik nti ya re kqatu'u' —xecha.
6Are uri ma Moisés xaq ma Aarón xe'el ku' i winaq, xe'e pan chwach i ja re riqb'al ib' ru' i Dios, chila xexuki wi xaq xkiqajsaj kipalaj k'a chwach ulew. Are uri u'ij uchomal i Ajwal xwinaqir an ku'. 7I Ajwal xub'ij che ma Moisés:
8—Chawok'aj ach'amiy pa'ab' xaq katuto ni awatz ma Aarón chkimolik konojel i winaq. Are uri chkiwach konojel i winaq le chab'ij che i nim laj ab'aj chi kuya kiya' konojel; are uri kkil na chi chupam ab'aj le kel li ya man keje ile konojel ike kkitu' ni kiya' xaq keje konojel i kichikop.
9Are uri ma Moisés xrok'aj uch'amiy pu'ab' chi o chwach i Ajwal chrij pacha xb'ix che. 10Te'uri ma Moisés xaq ma Aarón le xkimol kichi' konojel i winaq chwach i nim laj ab'aj, are uri ma Moisés xub'ij chke konojel i winaq:
—Chita ub'e iwonojel yix chi ix b'uy laj taq winaq, ¿Xatab'a kqesaj li ya chupam i nim laj ab'aji re kitu'u?
11Are xutzin ma Moisés chub'ixkil ile, kamul xub'uj uch'amiy chwach i nim laj ab'aj, are uri juntir xutikb'a li elik k'iyal ya chupam, te'uri konojel i winaq xaq konojel i chikop xkijeq utu'ik kiya'. 12Xwiri i Dios xub'ij che ma Moisés xaq che ma Aarón:
—Rumal xikub'a ti ik'ux chwe xaq xikoj ti in-ij chkiwach konojel aj Israel, wo'or kixok ti ku' i winaq le chwach ulew chi insujum chke ike —xcha.
13Ronojel ile xuk'ulmaj chila ipa xalax wi i ya chupam i nim laj ab'aj chi xkiya pub'i Meriba, chila ipa xkikoj wi uch'ojil kiya' aj Israel che i Ajwal; rumali i Ajwal xuk'ut u'ij uchomal chkiwach.
Aj Edom xkiya ti chke aj Israel xeik'awik
14Chila Cades i ma Moisés xeutaq b'i jub'an winaq chub'ixkil che i ajawinel re i tinimit Edom: “Iri are kkib'ij awatz acha' aj Israel: Yet aweta'am ni'pa i jalajuj taq k'ax chi oj ik'awnaq chupam. 15I qatit qamam xe'e pa jeqelem Egipto k'iyal junab', xwiri aj Egipto xki'an k'ax chke, xaq keje xki'an chqe yoj. 16Are uri xqatz'onoj qatob'al che i Ajwal, ire xuta i qasik'inik xaq xutaq li jun ángel chqelsaxik pa Egipto. Wo'or oj o chi Cades naqaj che atinimit. 17Rumali kqatz'onoj chawe chi chaya chqe kojik'aw pa awulew; kojik'aw ti puwi achak xaq kojik'aw ti chupam atikon ipa o wi a-uva; xaq kqatu' ti ya chupam ak'otom. Lik suk'ulik koj-e ni che i nim laj b'e k'a kojel ni chupam awulew”; xecha.
18Xwiri i ajawinel re i tinimit Edom xub'ij chke:
—¡Kinya ti chiwe chi kixik'aw chupam wulew, xwiri we kita ti ub'e, ki'an pen ik'awik, lik ke'e ni uri wajch'oj chiwij! —Xcha.
19Rumali aj Israel xkisaqij che i ajawinel re i tinimit Edom:
—Yoj lik kqo'taj ti b'e suk'ulik, xwiri we yoj xaq we qachikop kqatu' i ya chupam ak'otom kqatoj ni uri chawe, yoj xwi kqaj chi kaya ni chqe chi kojik'aw chupam awulew chaqan.
20Xwiri i ajawinel re i tinimit Edom xub'ij chke:
—Lik kinya ti chiwe chi kixik'aw chupam wulew —xcha.
Are uri xel li junam ku' uwinaq chi lik o kicho'ab' chi xaq lik je yij che i ch'oj, xe'e chki'atixik aj Israel. 21Keje ile xu'an i ajawinel re i tinimit Edom chi xuya ti chke aj Israel xeik'aw prulew, rumali aj Israel xkitzukuj chik jun b'e man x-atix chkiwach.
Ukamik ma Aarón
22Konojel aj Israel xe'el chila Cades, xe'e pusuk' i jyub' chi Hor ub'i. 23Chila chuchi' rulew ma Edom i Ajwal xub'ij che ma Moisés xaq che ma Aarón:
24“Yet ma Aarón katok ti che i tinimit chi inya'om chke aj Israel man katkam na, man chila ipa xalax wi i ya, chi Meriba ub'i, yix xixkojon ti chwe. 25Yet ma Moisés chak'ama b'i ma Aarón xaq i uk'ojol, chi ma Eleazar, puwi i jyub' Hor; 26are kixuponik, kawesaj ni u'u' ma Aarón che chi re ajsujul sipon, kakoj ni che ma Eleazar, man chrijil chik relsaxik u'u', kkam na.” Xcha.
27Are uri ma Moisés xu'an ronojel chrij pacha xb'ix che rumal i Ajwal. Lik chkiwach konojel aj Israel xe'el b'i puwi i jyub' Hor, 28Are xeupon puwi i jyub' le ma Moisés xresaj u'u' ma Aarón che, chi re ajsujul sipon, xukoj che ma Eleazar. Are xutzin relsaxik u'u' ma Aarón le, are uri xkamik. Chrijil chik ile, i ma Moisés xaq ma Eleazar junam xeqaj li chwi jyub'. 29Are xketamaj aj Israel chi ma Aarón xkamik, lik jun ik' xe'o' che.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala