N%FAmeros 21
21
Kich'akik aj Horma
1I ajawinel aj Canaán re i tinimit Arad chi jeqel chila pa Neguev, are xuta kb'ixik chi aj Israel je petnaq che i b'e re Atarim, are uri x-e chu'anik ch'oj chkij, xaq xtiki chkichapik keb' oxib' chke aj Israel le. 2Are uri aj Israel lik xkib'ij che i Ajwal: Yet we kojato chuch'akik i tinimit le, yoj lik kqachup uri uwach ronojel ni'pa i tinimit le. 3Are uri i Ajwal xuya chke aj Israel pacha xkitz'onoj, rumali xeuto chkich'akik aj Canaán, ike xkichup kiwach konojel aj Canaán xaq ronojel kitinimit, rumali i k'ijib'al le xkiya pub'i Horma.
I kumatz anch'ich'
4I aj Israel xe'el chila che i jyub' Hor xe'e pusuk' i Mar Kaq, xesutin chrij i tinimit Edom, man xya' ti chke chi keik'aw chila; are ketijin che i b'e i winaq xb'a'krij kik'ux, 5xkijeqo chi k'ax kech'aw chrij i Dios xaq chrij ma Moisés, xkib'ij i tziji:
—¿B'uchak xojiwesaj li yix pa Egipto? ¿Kamsab'al b'ari qe waral pa tz'inilik jyub' chaqij ki'ano? Man nti qaya', nti qawa, kmuluw chik qak'ux chutijawik cha jun chi ti'b'alil.
6Are uri i Ajwal xutaq li k'iyal b'enen laj taq kumatz chi kekich'opij aj Israel, rumali je k'i chke xekamik. 7Are uri konojel aj Israel xe'e ru' ma Moisés, xkib'ij che:
—Yoj oj makunnaq man k'ax xojch'aw chrij i Ajwal xaq chawij yet. Chatz'onoj che i Ajwal chi cheresaj b'i kumatz qu'.
Are uri ma Moisés xutz'onoj che i Ajwal chi chukuyu ni kimak aj Israel. 8I Ajwal xub'ij che ma Moisés:
Cha'ana jun kumatz pacha i jub'an le xaq kaya an tzam che', man xapachin kch'opix kumal i kumatz, xwi kutaqej an i kumatz chi o tzam che' le, kkam ti uri.
9Are uri ma Moisés xu'an jun kumatz re anch'ich' xuya an chutzam jun che', man xapachin kch'opix rumal jun kumatz, xwi kutaqej an i kumatz re anch'ich' chi o tzam che' kkam ti uri.
Aj Israel kesutin chrij i tinimit Moab
10Are uri aj Israel xkimaj chub'i kib'e, are xeupon chila pa Obot xe'uxlanik. 11Are xe'el chila pa Obot xe'uxlan chik k'a pa Ije-abarim, chila pa tz'inilik jyub' chaqij pusuk' i relb'al ij, k'a chuchi' kulew aj Moab. 12Xe'el chila pa Ije-abarim, xe'e chwa ta'aj Zered. 13Te'uri xkimaj chub'i kib'e xe'ax ch'aqap che i raqana Arnón. I raqana le kik'aw pa tz'inilik jyub' chaqij, are atawnaq uxol kulew aj Moab ru' kulew aj Hamor. 14Rumali kub'ij uwujil i ch'oj re i Ajwal:
“Chi xeik'aw naqaj che uchi' i Mar Kaq,
xaq chuchi' i raqana chi je o pa Arnón,
15xaq xojik'aw chuchi' i raqana chi kupon k'a chila pa Ar,
chi xaq kupon k'a chuchi' ulew Moab.”
16Are uri aj Israel le xe'el chik chila chi raqana Arnón, xe'e k'a pa Beer. Chila chi k'otom le i Ajwal xub'ij che ma Moisés: Chamolo kichi' konojel aj Israel man kinya kiya'. 17Are uri aj Israel xkib'ixaj i b'ixi:
¡Chatel loq, ya!
¡Yoj katqab'ixaj na!
18I aj-atzil xatkiwor ru' i atb'al tzij chi o pki'ab';
chi xaq xatkiwor ru' i kich'amiy i kiwi kijolom i tinimit.
Are xkib'ixaj aj Israel ile. Te'uri xe'el chik chila pa tz'inilik jyub' chaqij, xkimaj chub'i kib'e xeupon k'a che ulew Matana. 19Kelik chila pa Matana xe'e che ulew Nahaliel, xe'el chik chila Nahaliel le, xe'e che ulew Bamot; 20Kelik chila che ulew Bamot, xe'e chwa ta'aj Moab, te'uri xe'el b'i chwi jyub' Pisga, puwi jyub' le lik k-aljin ronojel i tz'inilik jyub' chaqij.
I aj Israel xekich'ak aj Sehón
21I aj Israel xekitaq b'i jub'an achiyab' ru' ma Sehón, chi ajawinel ke aj Hamor, chub'ixkil i tziji: 22“Rumali kqatz'onoj chawe chi chaya chqe chi kojik'aw pawulew; kojik'aw ti puwi achak xaq kojik'aw ti chupam atikon ipa o wi a-uva; xaq kqatu' ti ya chupam ak'otom. Lik suk'ulik koj-e ni che i nim laj b'e k'a kojel ni chupam awulew.”
23Xwiri i ajawinel re i tinimit Sehón xuya ti chke aj Israel chi keik'aw chupam rulew: I ajawinel le xumol kichi' konojel i uwinaq, x-e chu'atixik chkiwach je aj Israel chila pa tz'inilik jyub' chaqij, are xeupon che ulew Jahaza, xu'an ch'oj chkij. 24Xwiri aj Israel xkito kib' che i ch'oj xaq xekich'ak ike le xaq xkik'am kan kulew chke chi xjeqan b'i uchi' chila che i raqana Arnón, xupon k'a chila che i raqana Jaboc, ke'eloq chi k'a chuchi' kulew aj Amón, chi sutim rij ru' tapial chi nim uwach. 25Are uri aj Israel xkik'am kan i tinimit Hesbón rachi'ilam ronojel ukomon chi ke aj Hamor xaq xejeqi chwach. 26Hesbón are i tinimit ipa jeqel wi te'eq ma Sehón, chi ajawinel ke aj Hamor. I ma Sehón le u'anom ch'oj ru' i ajawinel chi o te'eq puwi i Moab xaq umajom kan ronojel ulew che chi kupon uchi' k'a che i raqana Arnón. 27Rumali kkib'ij ajb'inel chomiq taq tzij:
“¡Chixpet yix iwonojel pa tinimit Hesbón
chi are i tinimit ipa o wi i ajawinel ma Sehón!
¡Chiyaka chik xaq chikub'a chik i tinimit le!
28I a' xujeq b'i uk'atik i tinimit Hesbón, chi are utinimit ma ajawinel Sehón,
chila xwinaqir wi i a'
chi xuk'at b'i tinimit Ar chi o chila che ulew Moab,
xaq xk'at b'i jalajuj taq jyub' chi re i jyub' Arnón.
29¡To' awach, yet, ulew Moab!
¡Lik at kamnaq chik, chi at utinimital i tiox Quemos!
I tiox le xuya chke achiyab' chi xe'anmajik,
xaq xuya chke ixoqib' chi xetzaq pu'ab' i ajawinel Sehón.
30Xqajsax ucho'ab' u'atb'al tzij Hesbón,
xaq i Dibón xaq i Nofa, lik ronojel is xk'atik;
i a' xupon k'a pa tinimit Medeba.”
Aj Israel xekich'ak ma Og chi ajawinel re i tinimit Basán
31Are uri aj Israel xekanaj chwach kulew aj Hamor. 32Xaq ma Moisés xeutaq b'i jub'an achiyab' chrilik i tinimit Jazer, are uri aj Israel xetiki kan chuk'amik i jalajuj taq tinimit chi je o chrij chwach i Jazer le, xaq xekesaj b'i konojel aj Hamor chi je jeqel te'eq chila. 33Chrijil chik ile aj Israel xetzalij li pusuk' i tinimit Basán, xwiri i ma Og, chi ajawinel re i tinimit Basán le, xeuk'am li konojel uwinaq chi je yij che i ch'oj, man kki'anb'ej ch'oj chkij ike chila che i k'ijib'al chi Edrei ub'i. 34Are uri i Ajwal xub'ij che ma Moisés: “Maxij awib' che man Yin kinya ni pa'ab' junam ku' konojel uwinaq xaq ronojel i rulew, xaq ka'an ni che pacha xa'an che ma Sehón, chi ajawinel ke aj Hamor, chi jeqel te'eq pa tinimit Hesbón.” 35I aj Israel keje ukamsaxik ma Og, ile xki'ano junam ku' rak'al xaq konojel uwinaq. Mijun xkik'asb'a kanoq, konojel is xekikamsaj xaq xkik'am kan rulew.
Currently Selected:
N%FAmeros 21: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
N%FAmeros 21
21
Kich'akik aj Horma
1I ajawinel aj Canaán re i tinimit Arad chi jeqel chila pa Neguev, are xuta kb'ixik chi aj Israel je petnaq che i b'e re Atarim, are uri x-e chu'anik ch'oj chkij, xaq xtiki chkichapik keb' oxib' chke aj Israel le. 2Are uri aj Israel lik xkib'ij che i Ajwal: Yet we kojato chuch'akik i tinimit le, yoj lik kqachup uri uwach ronojel ni'pa i tinimit le. 3Are uri i Ajwal xuya chke aj Israel pacha xkitz'onoj, rumali xeuto chkich'akik aj Canaán, ike xkichup kiwach konojel aj Canaán xaq ronojel kitinimit, rumali i k'ijib'al le xkiya pub'i Horma.
I kumatz anch'ich'
4I aj Israel xe'el chila che i jyub' Hor xe'e pusuk' i Mar Kaq, xesutin chrij i tinimit Edom, man xya' ti chke chi keik'aw chila; are ketijin che i b'e i winaq xb'a'krij kik'ux, 5xkijeqo chi k'ax kech'aw chrij i Dios xaq chrij ma Moisés, xkib'ij i tziji:
—¿B'uchak xojiwesaj li yix pa Egipto? ¿Kamsab'al b'ari qe waral pa tz'inilik jyub' chaqij ki'ano? Man nti qaya', nti qawa, kmuluw chik qak'ux chutijawik cha jun chi ti'b'alil.
6Are uri i Ajwal xutaq li k'iyal b'enen laj taq kumatz chi kekich'opij aj Israel, rumali je k'i chke xekamik. 7Are uri konojel aj Israel xe'e ru' ma Moisés, xkib'ij che:
—Yoj oj makunnaq man k'ax xojch'aw chrij i Ajwal xaq chawij yet. Chatz'onoj che i Ajwal chi cheresaj b'i kumatz qu'.
Are uri ma Moisés xutz'onoj che i Ajwal chi chukuyu ni kimak aj Israel. 8I Ajwal xub'ij che ma Moisés:
Cha'ana jun kumatz pacha i jub'an le xaq kaya an tzam che', man xapachin kch'opix kumal i kumatz, xwi kutaqej an i kumatz chi o tzam che' le, kkam ti uri.
9Are uri ma Moisés xu'an jun kumatz re anch'ich' xuya an chutzam jun che', man xapachin kch'opix rumal jun kumatz, xwi kutaqej an i kumatz re anch'ich' chi o tzam che' kkam ti uri.
Aj Israel kesutin chrij i tinimit Moab
10Are uri aj Israel xkimaj chub'i kib'e, are xeupon chila pa Obot xe'uxlanik. 11Are xe'el chila pa Obot xe'uxlan chik k'a pa Ije-abarim, chila pa tz'inilik jyub' chaqij pusuk' i relb'al ij, k'a chuchi' kulew aj Moab. 12Xe'el chila pa Ije-abarim, xe'e chwa ta'aj Zered. 13Te'uri xkimaj chub'i kib'e xe'ax ch'aqap che i raqana Arnón. I raqana le kik'aw pa tz'inilik jyub' chaqij, are atawnaq uxol kulew aj Moab ru' kulew aj Hamor. 14Rumali kub'ij uwujil i ch'oj re i Ajwal:
“Chi xeik'aw naqaj che uchi' i Mar Kaq,
xaq chuchi' i raqana chi je o pa Arnón,
15xaq xojik'aw chuchi' i raqana chi kupon k'a chila pa Ar,
chi xaq kupon k'a chuchi' ulew Moab.”
16Are uri aj Israel le xe'el chik chila chi raqana Arnón, xe'e k'a pa Beer. Chila chi k'otom le i Ajwal xub'ij che ma Moisés: Chamolo kichi' konojel aj Israel man kinya kiya'. 17Are uri aj Israel xkib'ixaj i b'ixi:
¡Chatel loq, ya!
¡Yoj katqab'ixaj na!
18I aj-atzil xatkiwor ru' i atb'al tzij chi o pki'ab';
chi xaq xatkiwor ru' i kich'amiy i kiwi kijolom i tinimit.
Are xkib'ixaj aj Israel ile. Te'uri xe'el chik chila pa tz'inilik jyub' chaqij, xkimaj chub'i kib'e xeupon k'a che ulew Matana. 19Kelik chila pa Matana xe'e che ulew Nahaliel, xe'el chik chila Nahaliel le, xe'e che ulew Bamot; 20Kelik chila che ulew Bamot, xe'e chwa ta'aj Moab, te'uri xe'el b'i chwi jyub' Pisga, puwi jyub' le lik k-aljin ronojel i tz'inilik jyub' chaqij.
I aj Israel xekich'ak aj Sehón
21I aj Israel xekitaq b'i jub'an achiyab' ru' ma Sehón, chi ajawinel ke aj Hamor, chub'ixkil i tziji: 22“Rumali kqatz'onoj chawe chi chaya chqe chi kojik'aw pawulew; kojik'aw ti puwi achak xaq kojik'aw ti chupam atikon ipa o wi a-uva; xaq kqatu' ti ya chupam ak'otom. Lik suk'ulik koj-e ni che i nim laj b'e k'a kojel ni chupam awulew.”
23Xwiri i ajawinel re i tinimit Sehón xuya ti chke aj Israel chi keik'aw chupam rulew: I ajawinel le xumol kichi' konojel i uwinaq, x-e chu'atixik chkiwach je aj Israel chila pa tz'inilik jyub' chaqij, are xeupon che ulew Jahaza, xu'an ch'oj chkij. 24Xwiri aj Israel xkito kib' che i ch'oj xaq xekich'ak ike le xaq xkik'am kan kulew chke chi xjeqan b'i uchi' chila che i raqana Arnón, xupon k'a chila che i raqana Jaboc, ke'eloq chi k'a chuchi' kulew aj Amón, chi sutim rij ru' tapial chi nim uwach. 25Are uri aj Israel xkik'am kan i tinimit Hesbón rachi'ilam ronojel ukomon chi ke aj Hamor xaq xejeqi chwach. 26Hesbón are i tinimit ipa jeqel wi te'eq ma Sehón, chi ajawinel ke aj Hamor. I ma Sehón le u'anom ch'oj ru' i ajawinel chi o te'eq puwi i Moab xaq umajom kan ronojel ulew che chi kupon uchi' k'a che i raqana Arnón. 27Rumali kkib'ij ajb'inel chomiq taq tzij:
“¡Chixpet yix iwonojel pa tinimit Hesbón
chi are i tinimit ipa o wi i ajawinel ma Sehón!
¡Chiyaka chik xaq chikub'a chik i tinimit le!
28I a' xujeq b'i uk'atik i tinimit Hesbón, chi are utinimit ma ajawinel Sehón,
chila xwinaqir wi i a'
chi xuk'at b'i tinimit Ar chi o chila che ulew Moab,
xaq xk'at b'i jalajuj taq jyub' chi re i jyub' Arnón.
29¡To' awach, yet, ulew Moab!
¡Lik at kamnaq chik, chi at utinimital i tiox Quemos!
I tiox le xuya chke achiyab' chi xe'anmajik,
xaq xuya chke ixoqib' chi xetzaq pu'ab' i ajawinel Sehón.
30Xqajsax ucho'ab' u'atb'al tzij Hesbón,
xaq i Dibón xaq i Nofa, lik ronojel is xk'atik;
i a' xupon k'a pa tinimit Medeba.”
Aj Israel xekich'ak ma Og chi ajawinel re i tinimit Basán
31Are uri aj Israel xekanaj chwach kulew aj Hamor. 32Xaq ma Moisés xeutaq b'i jub'an achiyab' chrilik i tinimit Jazer, are uri aj Israel xetiki kan chuk'amik i jalajuj taq tinimit chi je o chrij chwach i Jazer le, xaq xekesaj b'i konojel aj Hamor chi je jeqel te'eq chila. 33Chrijil chik ile aj Israel xetzalij li pusuk' i tinimit Basán, xwiri i ma Og, chi ajawinel re i tinimit Basán le, xeuk'am li konojel uwinaq chi je yij che i ch'oj, man kki'anb'ej ch'oj chkij ike chila che i k'ijib'al chi Edrei ub'i. 34Are uri i Ajwal xub'ij che ma Moisés: “Maxij awib' che man Yin kinya ni pa'ab' junam ku' konojel uwinaq xaq ronojel i rulew, xaq ka'an ni che pacha xa'an che ma Sehón, chi ajawinel ke aj Hamor, chi jeqel te'eq pa tinimit Hesbón.” 35I aj Israel keje ukamsaxik ma Og, ile xki'ano junam ku' rak'al xaq konojel uwinaq. Mijun xkik'asb'a kanoq, konojel is xekikamsaj xaq xkik'am kan rulew.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala