N%FAmeros 24
24
1Xwiri ma Balaam rilom chik chi Ajwal lik kraj uya'ik utzil chomal pkiwi aj Israel, rumali chi x-e ti chik che i lapanik ru' pacha ax ku'an wi te'eq. Xwi xuk'am utaqexik i tz'inilik jyub' chaqij. 2Are xril ma Balaam chi i tinimit Israel kok'am kib' pa taq tzob'ajil, i Utewal i Dios xpe puwi ire. 3Are uri ma Balaam xub'ij i tzijonik re i Ajwal:
“Iri are utzij ma Balaam, chi uk'ojol ma Beor,
utzij jun achi chi kril puwach wach kk'ulmax na,
4chi are kmajaj ujolom rumal Utewal i Ajwal,
lik kuta uch'awb'al i Dios,
lik kril usuk' i jalajuj taq b'iroxik,
xaq kril puwach wach kraj uk'utik i Dios chi ronojel ktiki che.
5¡Yet ma Jacob, lik chomiq amujb'al!
¡Lik chom ak'ijib'al, ma Israel!
6Lik keje pacha u'anom i palma chi lik cholol;
pacha i kotz'ij chi o chi taq ya,
pacha uche'lal i áloe chi utikom i Ajwal,
xaq keje pacha i chakalte' chi o chi taq ya.
7Aj Israel lik o ni kiya' re kkitu'u
xaq re ja'b'al kitikon.
I kajawinel lik kuch'ak ni ma ajawinel Agag
man i ucho'ab' lik knimar na.
8I Dios chi xeresaj li pa Egipto, ru' pacha ucho'ab'
jun nim laj toro aj pa taq es chi búfalo ub'i.
I aj Israel kuchup ni kiwach i nimaq taq tinimit chi je ajch'oj chrij,
kkipatz' ni ronojel kib'aqil,
xaq kkich'ik ni i ch'ab' chke.
9Are kkotz'i'ik keje pacha jun koj,
are kpuyi che i waram, mijun kukowij rib' chuk'astaxik,
kya' ni utzil chomal puwi i jun chi kuya utzil chomal pawi
xaq kya' ni k'oqb'al puwi i jun chi kuya i k'oqb'al pawi.”
Ma Balaam kub'ij i tzijonik re i Ajwal
10I ma Balac are xuta ile, lik xpe roywal che ma Balaam, rumali xupok'ij pu'ab' chub'ixkil che:
—Yin xintaq ak'amik man keak'oqoj ajch'oj chwij, xwiri yet are oxmul iri chi utzil chomal kaya pkiwi. 11Wo'or utz we kattzalij chik chi awachoch man yin kinya te'eq a'ij xwiri i Ajwal xuya taj.
12Ma Balaam xub'ij che ma Balac:
—Yin inb'im chik chke ajb'il atzij, 13chi tupu kaya ronojel i an-o'oj xaq i saq-o'oj chwe chi o awu' chupam nim laj awachoch, yin lik kin-an ti ile chi kinqelo wach kub'ij i Ajwal, xaq kin-an ti utz xaq i utz taj ru' incho'ab' yin, yin xwi kin-ano pacha kub'ij i Ajwal chwe. 14Utzi', kintzalij b'i pintinimit xwiri chuxe'el in-enam kwaj kinb'ij kan chawe wach ku'an i tinimit Israel che atinimit yet k-on panoq.
15Are uri ma Balaam xub'ij i tzijonik re i Ajwal:
Iri are utzij ma Balaam, chi uk'ojol ma Beor,
utzij jun achi chi kril puwach wach kk'ulmax na,
16are kmajaj ujolom rumal Utewal i Ajwal lik kril usuk' i jalajuj taq b'iroxik,
reta'am ronojel ni'pa reta'am i Ajwal chi o chila chikaj,
lik kuta uch'awb'al i Ajwal
xaq kril puwach wach kraj uk'utik i Ajwal che chi Ronojel lik Ktiki che.
17O jun b'iroxik kwilo chi k-antaj na k-on panoq,
kwil pinwach chi o kk'ulmaxik xwiri lik k'a naj na o wi, are jun ch'umil chi kel ni chkixol rak'al ma Jacob,
jun ajawinel chi kel ni chkixol aj Israel.
Kuchup ni kiwach aj Moab,
xaq konojel umuq uxikin ma Set.
18Ktiki ni chuk'amik i tinimit Edom
xaq lik kuk'am i tinimit Seir, chi are ajch'oj chrij.
I tinimit Israel le lik kuk'ut ni ucho'ab'.
19Chuxol utinimit ma Jacob kel wi jun achi,
chi lik arewi kch'akanik xaq kusach ni kiwach konojel ni'pa k'a kekanaj kan pa tinimit.
20Chrijil chik ub'ixkil ile ma Balaam, are xril i tinimit Amalec, xub'ij i tzijonik re i Ajwal:
I tinimit Amalec lik nim te'eq u'ij
xwiri lik ksachsax ni uwach ronojel.
21Te'uri ma Balaam xeril aj Caín, are uri xub'ij i tzijonik re i Ajwal:
Yix chi ix umuq uxikin ma Caín,
tupu iwachoch lik kulik,
tupu puwi jun nim laj ab'aj iya'om wi,
22iwachoch le kk'at ni rumal i a'
are kixchaptaj b'i kumal aj Asiria re kixkik'am b'i prexil.
23Te'uri xub'ij chik i tzijoniki re i Ajwal:
¿Pachin taq wa kk'asi kanoq
are ku'an i Dios iri?
24Kek'un ni nimaq taq barco che i tinimit Quitim, ike kkichup ni kan kiwach i tinimit Asiria xaq i tinimit Heber.
Man i tinimit Heber le xaq kchup ni uwach ronojel.
25Chrijil chik ile i ma Balaam x-e chi rachoch, xaq keje ile xu'an ma Balac.
Currently Selected:
N%FAmeros 24: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
N%FAmeros 24
24
1Xwiri ma Balaam rilom chik chi Ajwal lik kraj uya'ik utzil chomal pkiwi aj Israel, rumali chi x-e ti chik che i lapanik ru' pacha ax ku'an wi te'eq. Xwi xuk'am utaqexik i tz'inilik jyub' chaqij. 2Are xril ma Balaam chi i tinimit Israel kok'am kib' pa taq tzob'ajil, i Utewal i Dios xpe puwi ire. 3Are uri ma Balaam xub'ij i tzijonik re i Ajwal:
“Iri are utzij ma Balaam, chi uk'ojol ma Beor,
utzij jun achi chi kril puwach wach kk'ulmax na,
4chi are kmajaj ujolom rumal Utewal i Ajwal,
lik kuta uch'awb'al i Dios,
lik kril usuk' i jalajuj taq b'iroxik,
xaq kril puwach wach kraj uk'utik i Dios chi ronojel ktiki che.
5¡Yet ma Jacob, lik chomiq amujb'al!
¡Lik chom ak'ijib'al, ma Israel!
6Lik keje pacha u'anom i palma chi lik cholol;
pacha i kotz'ij chi o chi taq ya,
pacha uche'lal i áloe chi utikom i Ajwal,
xaq keje pacha i chakalte' chi o chi taq ya.
7Aj Israel lik o ni kiya' re kkitu'u
xaq re ja'b'al kitikon.
I kajawinel lik kuch'ak ni ma ajawinel Agag
man i ucho'ab' lik knimar na.
8I Dios chi xeresaj li pa Egipto, ru' pacha ucho'ab'
jun nim laj toro aj pa taq es chi búfalo ub'i.
I aj Israel kuchup ni kiwach i nimaq taq tinimit chi je ajch'oj chrij,
kkipatz' ni ronojel kib'aqil,
xaq kkich'ik ni i ch'ab' chke.
9Are kkotz'i'ik keje pacha jun koj,
are kpuyi che i waram, mijun kukowij rib' chuk'astaxik,
kya' ni utzil chomal puwi i jun chi kuya utzil chomal pawi
xaq kya' ni k'oqb'al puwi i jun chi kuya i k'oqb'al pawi.”
Ma Balaam kub'ij i tzijonik re i Ajwal
10I ma Balac are xuta ile, lik xpe roywal che ma Balaam, rumali xupok'ij pu'ab' chub'ixkil che:
—Yin xintaq ak'amik man keak'oqoj ajch'oj chwij, xwiri yet are oxmul iri chi utzil chomal kaya pkiwi. 11Wo'or utz we kattzalij chik chi awachoch man yin kinya te'eq a'ij xwiri i Ajwal xuya taj.
12Ma Balaam xub'ij che ma Balac:
—Yin inb'im chik chke ajb'il atzij, 13chi tupu kaya ronojel i an-o'oj xaq i saq-o'oj chwe chi o awu' chupam nim laj awachoch, yin lik kin-an ti ile chi kinqelo wach kub'ij i Ajwal, xaq kin-an ti utz xaq i utz taj ru' incho'ab' yin, yin xwi kin-ano pacha kub'ij i Ajwal chwe. 14Utzi', kintzalij b'i pintinimit xwiri chuxe'el in-enam kwaj kinb'ij kan chawe wach ku'an i tinimit Israel che atinimit yet k-on panoq.
15Are uri ma Balaam xub'ij i tzijonik re i Ajwal:
Iri are utzij ma Balaam, chi uk'ojol ma Beor,
utzij jun achi chi kril puwach wach kk'ulmax na,
16are kmajaj ujolom rumal Utewal i Ajwal lik kril usuk' i jalajuj taq b'iroxik,
reta'am ronojel ni'pa reta'am i Ajwal chi o chila chikaj,
lik kuta uch'awb'al i Ajwal
xaq kril puwach wach kraj uk'utik i Ajwal che chi Ronojel lik Ktiki che.
17O jun b'iroxik kwilo chi k-antaj na k-on panoq,
kwil pinwach chi o kk'ulmaxik xwiri lik k'a naj na o wi, are jun ch'umil chi kel ni chkixol rak'al ma Jacob,
jun ajawinel chi kel ni chkixol aj Israel.
Kuchup ni kiwach aj Moab,
xaq konojel umuq uxikin ma Set.
18Ktiki ni chuk'amik i tinimit Edom
xaq lik kuk'am i tinimit Seir, chi are ajch'oj chrij.
I tinimit Israel le lik kuk'ut ni ucho'ab'.
19Chuxol utinimit ma Jacob kel wi jun achi,
chi lik arewi kch'akanik xaq kusach ni kiwach konojel ni'pa k'a kekanaj kan pa tinimit.
20Chrijil chik ub'ixkil ile ma Balaam, are xril i tinimit Amalec, xub'ij i tzijonik re i Ajwal:
I tinimit Amalec lik nim te'eq u'ij
xwiri lik ksachsax ni uwach ronojel.
21Te'uri ma Balaam xeril aj Caín, are uri xub'ij i tzijonik re i Ajwal:
Yix chi ix umuq uxikin ma Caín,
tupu iwachoch lik kulik,
tupu puwi jun nim laj ab'aj iya'om wi,
22iwachoch le kk'at ni rumal i a'
are kixchaptaj b'i kumal aj Asiria re kixkik'am b'i prexil.
23Te'uri xub'ij chik i tzijoniki re i Ajwal:
¿Pachin taq wa kk'asi kanoq
are ku'an i Dios iri?
24Kek'un ni nimaq taq barco che i tinimit Quitim, ike kkichup ni kan kiwach i tinimit Asiria xaq i tinimit Heber.
Man i tinimit Heber le xaq kchup ni uwach ronojel.
25Chrijil chik ile i ma Balaam x-e chi rachoch, xaq keje ile xu'an ma Balac.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala