N%FAmeros 25
25
I aj Israel kkikoj u'ij i tiox Baal-peor
1Are xek'iji aj Israel chila Sitim, i achiyab' xe'ok chuminik kib' ku' ixoqib' aj Moab. 2Ixoqib' le kkisik'ij b'i aj Israel ku' chusujuxik kisipon chwach i kitiox. I aj Israel le kkitij i wa chi sujtal chke kitiox ixoqib' le, xaq xkikoj ki'ij. 3Keje uri ile chi aj Israel x-an tikilem chke chukojik u'ij i tiox chi Baal-peor; are uri i Ajwal lik xpe roywal chke konojel aj Israel. 4I Ajwal xub'ij che ma Moisés:
—Chamolo kichi' konojel aj-ok'al utzam i tinimit, lik pa'ij cheakamsaj chinwach Yin man keje ile kik'aw ni woywal chke aj Israel.
5Are uri ma Moisés xub'ij chke i atol tzij pkiwi aj Israel:
—Chijujunal chikamsaj konojel ni'pa je o pa taq i tzob'ajil chi x-an tikilem chke chukojik u'ij i tiox chi Baal-peor.
6Tz'aqat are ketijin ma Moisés xaq konojel aj Israel che o'ej pa okb'al che i ja re riqb'al ib' ru' i Dios, are uri jun achi aj Israel xuk'am b'i jun ixoq aj Madián chuxe' umujb'al chkiwach konojel aj Israel xaq chwach ma Moisés. 7Are xkil ile, are uri ma Finees chi uk'ojol ma Eleazar chi xaq ri umam ma Aarón chi ajsujul sipon, xel b'i chkixol i winaq aj Israel, xuk'am b'i jun ch'ich' chi lik jutz utzam; 8xterej b'i chrij i achi aj Israel chi xuk'am b'i ixoq le chuxe' umujb'al; xupon ku' k'a pa ja ipa je o wi, xujil b'i ch'ich' che upam i achi le xaq che i ixoq, are uri chekeb' xekamik. Keje usachik uwach i tojpen ile chi ktijin te'eq kikamik aj Israel rumal. 9Are xtani i kamik le je kamnaq chik oxchiy (24,000) aj Israel.
10Are uri i Ajwal xub'ij che ma Moisés:
11—Ru' i anik chi xu'an ma Finees le, xu'an chwe chi xik'aw woywal chke aj Israel, man ire xaq xpe roywal pacha Yin kumal ike chi xkikoj ti in-ij yin. Rumali xink'is ti kikamsaxik rumal woywal. 12Chab'ij uri che ma Finees le chi Yin kin-an jun trat ru' ire re chomb'al ib'. 13Rumali chab'ij che chi kinjach pu'ab' ire xaq pki'ab' umuq uxikin i chak re i ajsujul sipon k-e ij saq chrij, man ire xuk'utu chi xwi yin koksax in-ij man ru' i xu'ano le, Yin xinkuy kimak konojel aj Israel.
14I aj Israel chi xjil ch'ich' che junam ru' ixoq aj Madián, i achi le ma Zimri ub'i, uk'ojol ma Salu chi xaq aj-atzil re jun alk'uwal ke utzob'ajil ma Simeón. 15Ixoq aj Madián chi xkamik, ati Cozbi ub'i, umi'al ma Zur, chi aj-atzil chke jun tzob'aj alk'uwal chila Madián.
16Are uri i Ajwal xub'ij che ma Moisés:
17—Chi'ana ch'oj chkij aj Madián, cheikamsaj konojel, 18man ike je ajch'oj chiwij rumal i t'oronik chi xki'an chiwe yix, xaq rumal xki'an chiwe chi xikoj u'ij kitiox ike, chi Baal-peor ub'i. Xaq rumal xu'an ati Cozbi, chi umi'al i aj-atzil chke aj Madián, chi xkamsax ru' ch'ich' are xintaq b'i utojb'alil piwi rumal xikoj u'ij i Baal-peor.
Currently Selected:
N%FAmeros 25: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
N%FAmeros 25
25
I aj Israel kkikoj u'ij i tiox Baal-peor
1Are xek'iji aj Israel chila Sitim, i achiyab' xe'ok chuminik kib' ku' ixoqib' aj Moab. 2Ixoqib' le kkisik'ij b'i aj Israel ku' chusujuxik kisipon chwach i kitiox. I aj Israel le kkitij i wa chi sujtal chke kitiox ixoqib' le, xaq xkikoj ki'ij. 3Keje uri ile chi aj Israel x-an tikilem chke chukojik u'ij i tiox chi Baal-peor; are uri i Ajwal lik xpe roywal chke konojel aj Israel. 4I Ajwal xub'ij che ma Moisés:
—Chamolo kichi' konojel aj-ok'al utzam i tinimit, lik pa'ij cheakamsaj chinwach Yin man keje ile kik'aw ni woywal chke aj Israel.
5Are uri ma Moisés xub'ij chke i atol tzij pkiwi aj Israel:
—Chijujunal chikamsaj konojel ni'pa je o pa taq i tzob'ajil chi x-an tikilem chke chukojik u'ij i tiox chi Baal-peor.
6Tz'aqat are ketijin ma Moisés xaq konojel aj Israel che o'ej pa okb'al che i ja re riqb'al ib' ru' i Dios, are uri jun achi aj Israel xuk'am b'i jun ixoq aj Madián chuxe' umujb'al chkiwach konojel aj Israel xaq chwach ma Moisés. 7Are xkil ile, are uri ma Finees chi uk'ojol ma Eleazar chi xaq ri umam ma Aarón chi ajsujul sipon, xel b'i chkixol i winaq aj Israel, xuk'am b'i jun ch'ich' chi lik jutz utzam; 8xterej b'i chrij i achi aj Israel chi xuk'am b'i ixoq le chuxe' umujb'al; xupon ku' k'a pa ja ipa je o wi, xujil b'i ch'ich' che upam i achi le xaq che i ixoq, are uri chekeb' xekamik. Keje usachik uwach i tojpen ile chi ktijin te'eq kikamik aj Israel rumal. 9Are xtani i kamik le je kamnaq chik oxchiy (24,000) aj Israel.
10Are uri i Ajwal xub'ij che ma Moisés:
11—Ru' i anik chi xu'an ma Finees le, xu'an chwe chi xik'aw woywal chke aj Israel, man ire xaq xpe roywal pacha Yin kumal ike chi xkikoj ti in-ij yin. Rumali xink'is ti kikamsaxik rumal woywal. 12Chab'ij uri che ma Finees le chi Yin kin-an jun trat ru' ire re chomb'al ib'. 13Rumali chab'ij che chi kinjach pu'ab' ire xaq pki'ab' umuq uxikin i chak re i ajsujul sipon k-e ij saq chrij, man ire xuk'utu chi xwi yin koksax in-ij man ru' i xu'ano le, Yin xinkuy kimak konojel aj Israel.
14I aj Israel chi xjil ch'ich' che junam ru' ixoq aj Madián, i achi le ma Zimri ub'i, uk'ojol ma Salu chi xaq aj-atzil re jun alk'uwal ke utzob'ajil ma Simeón. 15Ixoq aj Madián chi xkamik, ati Cozbi ub'i, umi'al ma Zur, chi aj-atzil chke jun tzob'aj alk'uwal chila Madián.
16Are uri i Ajwal xub'ij che ma Moisés:
17—Chi'ana ch'oj chkij aj Madián, cheikamsaj konojel, 18man ike je ajch'oj chiwij rumal i t'oronik chi xki'an chiwe yix, xaq rumal xki'an chiwe chi xikoj u'ij kitiox ike, chi Baal-peor ub'i. Xaq rumal xu'an ati Cozbi, chi umi'al i aj-atzil chke aj Madián, chi xkamsax ru' ch'ich' are xintaq b'i utojb'alil piwi rumal xikoj u'ij i Baal-peor.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala