N%FAmeros 26
26
K'ak' tan chik kajlaxik aj Israel
1Chrijil chik uk'iyal kamik, i Ajwal xub'ij ma Moisés xaq che ma Eleazar, chi uk'ojol ma Aarón chi ajsujul sipon.
2“Cheiwajlaj konojel aj Israel pa taq alk'uwalil, chi o chik juwinaq junab' chke, chi je utz chik re i ch'oj.”
3Are uri ma Moisés xaq ma Eleazar xekitaq konojel aj Israel chutz'ib'axik kib'i chila chwa ta'aj Moab, chuchi' i raqana Jordán, chwach i tinimit Jericó, 4konojel ni'pa o chik juwinaq junab' chke; ile are jun taqanik chi xuya i Ajwal che ma Moisés.
I aj Israel chi xe'el li pa Egipto je are iri:
5I rak'al ma Rubén, chi nab'e uk'ojol ma Jacob, je are iri: Aj Enoc chi je rak'al ma Enoc, aj Falú chi je rak'al ma Falú, 6aj Hezrón chi je rak'al ma Hezrón, xaq aj Carmi chi je rak'al ma Carmi. 7Chrij pacha i ajlanik chi x-anik, i umuq uxikin ma Rubén je lajuj waqwinaq b'elejmo' jo'chiy (43,730) achiyab' konojel. 8I ma Falú xuk'uwalij jun rak'al chi ma Eliab ub'i, 9I ma Eliab xeuk'uwalij ma Nemuel, ma Datán xaq i ma Abiram. I ma Datán, ma Abiram xaq ma Coré le je are jutzob'aj ajpixb'anel chi xkiqel i Ajwal, xkiqel ma Moisés xaq xkiqel ma Aarón. 10Xwiri xjaqtaj upam i ulew xaq xeub'i' b'i che oxib', i xsach kiwach jutzob'aj le man xekam lajuj kab'lajujwinaq (250) achiyab' rumal i a'. I anik le are jun ilb'al re chke aj Israel chi utz taj kki'an keje ile. 11Xwiri xekam ti rak'al ma Coré.
12I rak'al ma Simeón je are iri: Aj Nemuel chi je rak'al ma Nemuel, aj Jamín chi je rak'al ma Jamín, aj Jaquín chi je rak'al ma Jaquín, 13aj Zera chi je rak'al ma Zera, xaq aj Saúl chi je rak'al ma Saúl; 14Chrij pacha i ajlanik chi x-anik, i umuq uxikin ma Simeón je lajujwinaq jo'lajujmo' kachiy (22,200) achiyab' konojel.
15I rak'al ma Gad je are iri: Aj Zefón chi je rak'al ma Zefón, aj Hagui chi je rak'al ma Hagui, aj Suni chi je rak'al ma Suni, 16aj Ozni chi je rak'al ma Ozni, aj Eri chi je rak'al ma Eri, 17aj Arod chi je rak'al ma Arod xaq aj Areli chi je rak'al ma Areli. 18Chrij pacha i ajlanik chi x-anik konojel umuq uxikin ma Gad je jo'winaq jumo' jo'chiy (40,500) achiyab'.
19Keb' chke i rak'al ma Judá, xekam chila pa tinimit Canaán, chi a Er xaq a Onán. 20I rak'al ma Judá pa taq alk'uwalil je are iri: Aj Sela chi je rak'al ma Sela, aj Fares chi je rak'al ma Fares xaq aj Zera chi je rak'al ma Zera. 21I rak'al ma Fares pa taq alk'uwalil je are iri: Aj Hezrón chi je rak'al ma Hezrón xaq aj Hamul chi je rak'al ma Hamul. 22Chrij pacha i ajlanik chi x-anik, konojel umuq uxikin ma Judá, je jo'winaq julajujmo' b'elejchiy (76,500) achiyab'.
23I rak'al ma Isacar je are iri: Aj Tola chi je rak'al ma Tola, aj Fúa chi je rak'al ma Fúa, 24aj Jasub chi je rak'al ma Jasub, xaq aj Simrón chi je rak'al ma Simrón. 25Chrij pacha i ajlanik chi x-anik konojel umuq uxikin ma Isacar je jo'lajujwinaq wajxaqchiy (64,300) achiyab'.
26I rak'al ma Zabulón je are iri: Aj Sered chi je rak'al ma Sered, aj Elón chi je rak'al ma Elón, aj Jahleel chi je rak'al ma Jahleel. 27Chrij pacha i ajlanik chi x-anik konojel umuq uxikin ma Zabulón je jo'winaq julajujmo' wuqchiy (60,500) achiyab'.
28I je rak'al ma José je are iri: Aj Manasés chi je rak'al ma Manasés, xaq aj Efraín chi je rak'al ma Efraín. 29I rak'al ma Manasés are iri: Aj Maquir chi je rak'al ma Maquir; aj Galaad chi je rak'al ma Galaad. 30I rak'al ma Galaad je are iri: Aj Jezer chi je rak'al ma Jezer, aj Helec chi je rak'al ma Helec, 31aj Asriel chi je rak'al ma Asriel, aj Siquem chi je rak'al ma Siquem, 32aj Semida chi je rak'al ma Semida xaq aj Hefer chi je rak'al ma Hefer. 33Ma Zelofehad chi uk'ojol ma Hefer nti jun uk'ojol xuk'uwalij, xwi altom chi are kib'i iri: Al Maala, al Noa, al Hogla, al Milca xaq al Tirsa. 34Chrij pacha i ajlanik chi x-anik konojel umuq uxikin ma Manasés je jo'lajujwinaq julajujmo' waqchiy (52,700) achiyab'. 35I je rak'al ma Efraín je are iri: Aj Sutela chi je rak'al ma Sutela, aj Bequer chi je rak'al ma Bequer xaq aj Tahán chi je rak'al ma Tahán. 36I rak'al ma Sutela are iri: Aj Erán chi je rak'al ma Erán. 37Chrij pacha i ajlanik chi x-anik, konojel i rak'al ma Efraín je jo'winaq jumo' kajchiy (32,500) achiyab'. Konojel i winaq le je are rak'al ma José chrij pacha alaxik ki'anom.
38I je rak'al ma Benjamín pa taq kalk'uwalil je are iri: Aj Bela chi je rak'al ma Bela, aj Asbel chi je rak'al ma Asbel, aj Ahiram chi je rak'al ma Ahiram, 39aj Sufam chi je rak'al ma Sufam xaq aj Hufam chi je rak'al ma Hufam. 40I je rak'al ma Bela pa taq kalk'uwalil je are iri: Aj Ard chi je rak'al ma Ard xaq aj Naamán chi je rak'al ma Naamán. 41Chrij pacha i ajlanik chi x-anik konojel i umuq uxikin ma Benjamín je kajlajujmo' jo'chiy (45,600) achiyab'.
42I rak'al ma Dan are iri: Aj Súham chi je rak'al ma Súham. 43Chrij pacha i ajlanik chi x-anik konojel i rak'al ma Súham je jumo' wajxaqchiy (64,400) achiyab'.
44I je rak'al ma Aser pa taq kalk'uwalil je are iri: Aj Imna chi je rak'al ma Imna, aj Isúi chi je rak'al ma Isúi xaq aj Bería chi je rak'al ma Bería. 45I je rak'al ma Bería pa taq kalk'uwalil je are iri: Aj Heber chi je rak'al ma Heber xaq aj Malquiel chi je rak'al ma Malquiel. 46Ma Aser xuk'uwalij jun umi'al chi xkiya pub'i al Sera. 47Chrij pacha i ajlanik chi x-anik konojel i rak'al ma Aser je lajujwinaq oxlajujmo' waqchiy (53,400) achiyab'.
48I je rak'al ma Neftalí pa taq kalk'uwalil je are iri: Aj Jahzeel chi je rak'al ma Jahzeel, aj Guni chi je rak'al ma Guni, 49aj Jezer chi je rak'al ma Jezer xaq aj Silem chi je rak'al ma Silem. 50Chrij pacha i ajlanik chi x-anik konojel i rak'al ma Neftalí je lajujwinaq oxlajujmo' jo'chiy (45,400) achiyab'.
51Chrij pacha i ajlanik ronojel chi x-anik, je lajuj waqwinaq kajmo' jo'lajujchiy oxt'ub' (601, 730) achiyab' aj Israel konojel chi xtz'ib'ax kib'i.
Atb'al tzij re ujachik ulew
52I Ajwal xub'ij che ma Moisés:
53Kjach ni ulew chke konojel i winaq le chrij ni'pa kik'iyal chi xtz'ib'axik. 54I jutzob'aj chi lik je k'i xaq lik k'i ni uri i ulew kya' chke, xaq i jutzob'aj chi je k'i taj xa jub'i' uri i ulew kya' chke. Pa taq tzob'ajil kya' ni kulew chrij ni'pa kik'iyal chi tz'ib'talik. 55I jachanik re ulew ru' i sakinik k-ani na, chrij pacha i tzob'ajil ke kiqajaw 56ksakix ni ulew le chke i tzob'aj chi lik je k'i xaq ksakix chke i tzob'aj chi je k'i taj.
Kajlaxik aj Leví
57I alk'uwal re utzob'ajil ma Leví chi xe'ajlaxik je are iri: Aj Gersón chi je rak'al ma Gersón, aj Coat chi je rak'al ma Coat xaq aj Merari chi je rak'al ma Merari. 58I je umuq uxikin ma Leví je are iri: Aj Libni, aj Hebrón, aj Mahli, aj Mus xaq aj Coré.
I uqajaw ma Amram are ma Coat. 59Ma Amram xk'uli ru' jun umi'al ma Leví, chi ati Jocabed ub'i, chi xalaxik are k'a o ma Leví chila pa Egipto. I ma Amram xaq ati Jocabed le xe'alax oxib' kak'al chi je are: Ma Aarón, ma Moisés xaq ati Mariy. 60I rak'al ma Aarón chi xealaxik je are iri: A Nadab, a Abiú, a Eleazar xaq i a Itamar, 61A Nadab xaq i a Abiú xekamik are xkisujuj jun sipon chwach i Ajwal chi xetaq ti che.
62Konojel umuq uxikin ma Leví chi je alab'om chi o chik jun ik' chke je lajujwinaq wuqlajujmo' kachiy (23,000) Konojel ike le tz'ib'tal ti kib'i ku' i jub'an chik aj Israel, man ike le lik kya' ti kulew.
63Are kik'iyal aj Israel ile x-etamaxik are x-ani i ajlanik rumal ma Moisés xaq rumal ma Eleazar chi ajsujul sipon, chi xki'an chila chwa taq ta'aj Moab, chunaqaj i raqana Jordán, chwach i Jericó. 64Konojel ike le, chi je rak'al ma Israel, mijun xk'asi kan chke chi xe'ajlax kumal ma Moisés xaq ma Aarón, chila pa tz'inilik jyub' chaqij Sinaí, 65man i Ajwal ub'im chi konojel kekam kan pa tz'inilik jyub' chaqij. Xwi kk'asi kan ma Caleb, chi uk'ojol ma Jefone xaq ma Josué, chi uk'ojol ma Nun.
Currently Selected:
N%FAmeros 26: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
N%FAmeros 26
26
K'ak' tan chik kajlaxik aj Israel
1Chrijil chik uk'iyal kamik, i Ajwal xub'ij ma Moisés xaq che ma Eleazar, chi uk'ojol ma Aarón chi ajsujul sipon.
2“Cheiwajlaj konojel aj Israel pa taq alk'uwalil, chi o chik juwinaq junab' chke, chi je utz chik re i ch'oj.”
3Are uri ma Moisés xaq ma Eleazar xekitaq konojel aj Israel chutz'ib'axik kib'i chila chwa ta'aj Moab, chuchi' i raqana Jordán, chwach i tinimit Jericó, 4konojel ni'pa o chik juwinaq junab' chke; ile are jun taqanik chi xuya i Ajwal che ma Moisés.
I aj Israel chi xe'el li pa Egipto je are iri:
5I rak'al ma Rubén, chi nab'e uk'ojol ma Jacob, je are iri: Aj Enoc chi je rak'al ma Enoc, aj Falú chi je rak'al ma Falú, 6aj Hezrón chi je rak'al ma Hezrón, xaq aj Carmi chi je rak'al ma Carmi. 7Chrij pacha i ajlanik chi x-anik, i umuq uxikin ma Rubén je lajuj waqwinaq b'elejmo' jo'chiy (43,730) achiyab' konojel. 8I ma Falú xuk'uwalij jun rak'al chi ma Eliab ub'i, 9I ma Eliab xeuk'uwalij ma Nemuel, ma Datán xaq i ma Abiram. I ma Datán, ma Abiram xaq ma Coré le je are jutzob'aj ajpixb'anel chi xkiqel i Ajwal, xkiqel ma Moisés xaq xkiqel ma Aarón. 10Xwiri xjaqtaj upam i ulew xaq xeub'i' b'i che oxib', i xsach kiwach jutzob'aj le man xekam lajuj kab'lajujwinaq (250) achiyab' rumal i a'. I anik le are jun ilb'al re chke aj Israel chi utz taj kki'an keje ile. 11Xwiri xekam ti rak'al ma Coré.
12I rak'al ma Simeón je are iri: Aj Nemuel chi je rak'al ma Nemuel, aj Jamín chi je rak'al ma Jamín, aj Jaquín chi je rak'al ma Jaquín, 13aj Zera chi je rak'al ma Zera, xaq aj Saúl chi je rak'al ma Saúl; 14Chrij pacha i ajlanik chi x-anik, i umuq uxikin ma Simeón je lajujwinaq jo'lajujmo' kachiy (22,200) achiyab' konojel.
15I rak'al ma Gad je are iri: Aj Zefón chi je rak'al ma Zefón, aj Hagui chi je rak'al ma Hagui, aj Suni chi je rak'al ma Suni, 16aj Ozni chi je rak'al ma Ozni, aj Eri chi je rak'al ma Eri, 17aj Arod chi je rak'al ma Arod xaq aj Areli chi je rak'al ma Areli. 18Chrij pacha i ajlanik chi x-anik konojel umuq uxikin ma Gad je jo'winaq jumo' jo'chiy (40,500) achiyab'.
19Keb' chke i rak'al ma Judá, xekam chila pa tinimit Canaán, chi a Er xaq a Onán. 20I rak'al ma Judá pa taq alk'uwalil je are iri: Aj Sela chi je rak'al ma Sela, aj Fares chi je rak'al ma Fares xaq aj Zera chi je rak'al ma Zera. 21I rak'al ma Fares pa taq alk'uwalil je are iri: Aj Hezrón chi je rak'al ma Hezrón xaq aj Hamul chi je rak'al ma Hamul. 22Chrij pacha i ajlanik chi x-anik, konojel umuq uxikin ma Judá, je jo'winaq julajujmo' b'elejchiy (76,500) achiyab'.
23I rak'al ma Isacar je are iri: Aj Tola chi je rak'al ma Tola, aj Fúa chi je rak'al ma Fúa, 24aj Jasub chi je rak'al ma Jasub, xaq aj Simrón chi je rak'al ma Simrón. 25Chrij pacha i ajlanik chi x-anik konojel umuq uxikin ma Isacar je jo'lajujwinaq wajxaqchiy (64,300) achiyab'.
26I rak'al ma Zabulón je are iri: Aj Sered chi je rak'al ma Sered, aj Elón chi je rak'al ma Elón, aj Jahleel chi je rak'al ma Jahleel. 27Chrij pacha i ajlanik chi x-anik konojel umuq uxikin ma Zabulón je jo'winaq julajujmo' wuqchiy (60,500) achiyab'.
28I je rak'al ma José je are iri: Aj Manasés chi je rak'al ma Manasés, xaq aj Efraín chi je rak'al ma Efraín. 29I rak'al ma Manasés are iri: Aj Maquir chi je rak'al ma Maquir; aj Galaad chi je rak'al ma Galaad. 30I rak'al ma Galaad je are iri: Aj Jezer chi je rak'al ma Jezer, aj Helec chi je rak'al ma Helec, 31aj Asriel chi je rak'al ma Asriel, aj Siquem chi je rak'al ma Siquem, 32aj Semida chi je rak'al ma Semida xaq aj Hefer chi je rak'al ma Hefer. 33Ma Zelofehad chi uk'ojol ma Hefer nti jun uk'ojol xuk'uwalij, xwi altom chi are kib'i iri: Al Maala, al Noa, al Hogla, al Milca xaq al Tirsa. 34Chrij pacha i ajlanik chi x-anik konojel umuq uxikin ma Manasés je jo'lajujwinaq julajujmo' waqchiy (52,700) achiyab'. 35I je rak'al ma Efraín je are iri: Aj Sutela chi je rak'al ma Sutela, aj Bequer chi je rak'al ma Bequer xaq aj Tahán chi je rak'al ma Tahán. 36I rak'al ma Sutela are iri: Aj Erán chi je rak'al ma Erán. 37Chrij pacha i ajlanik chi x-anik, konojel i rak'al ma Efraín je jo'winaq jumo' kajchiy (32,500) achiyab'. Konojel i winaq le je are rak'al ma José chrij pacha alaxik ki'anom.
38I je rak'al ma Benjamín pa taq kalk'uwalil je are iri: Aj Bela chi je rak'al ma Bela, aj Asbel chi je rak'al ma Asbel, aj Ahiram chi je rak'al ma Ahiram, 39aj Sufam chi je rak'al ma Sufam xaq aj Hufam chi je rak'al ma Hufam. 40I je rak'al ma Bela pa taq kalk'uwalil je are iri: Aj Ard chi je rak'al ma Ard xaq aj Naamán chi je rak'al ma Naamán. 41Chrij pacha i ajlanik chi x-anik konojel i umuq uxikin ma Benjamín je kajlajujmo' jo'chiy (45,600) achiyab'.
42I rak'al ma Dan are iri: Aj Súham chi je rak'al ma Súham. 43Chrij pacha i ajlanik chi x-anik konojel i rak'al ma Súham je jumo' wajxaqchiy (64,400) achiyab'.
44I je rak'al ma Aser pa taq kalk'uwalil je are iri: Aj Imna chi je rak'al ma Imna, aj Isúi chi je rak'al ma Isúi xaq aj Bería chi je rak'al ma Bería. 45I je rak'al ma Bería pa taq kalk'uwalil je are iri: Aj Heber chi je rak'al ma Heber xaq aj Malquiel chi je rak'al ma Malquiel. 46Ma Aser xuk'uwalij jun umi'al chi xkiya pub'i al Sera. 47Chrij pacha i ajlanik chi x-anik konojel i rak'al ma Aser je lajujwinaq oxlajujmo' waqchiy (53,400) achiyab'.
48I je rak'al ma Neftalí pa taq kalk'uwalil je are iri: Aj Jahzeel chi je rak'al ma Jahzeel, aj Guni chi je rak'al ma Guni, 49aj Jezer chi je rak'al ma Jezer xaq aj Silem chi je rak'al ma Silem. 50Chrij pacha i ajlanik chi x-anik konojel i rak'al ma Neftalí je lajujwinaq oxlajujmo' jo'chiy (45,400) achiyab'.
51Chrij pacha i ajlanik ronojel chi x-anik, je lajuj waqwinaq kajmo' jo'lajujchiy oxt'ub' (601, 730) achiyab' aj Israel konojel chi xtz'ib'ax kib'i.
Atb'al tzij re ujachik ulew
52I Ajwal xub'ij che ma Moisés:
53Kjach ni ulew chke konojel i winaq le chrij ni'pa kik'iyal chi xtz'ib'axik. 54I jutzob'aj chi lik je k'i xaq lik k'i ni uri i ulew kya' chke, xaq i jutzob'aj chi je k'i taj xa jub'i' uri i ulew kya' chke. Pa taq tzob'ajil kya' ni kulew chrij ni'pa kik'iyal chi tz'ib'talik. 55I jachanik re ulew ru' i sakinik k-ani na, chrij pacha i tzob'ajil ke kiqajaw 56ksakix ni ulew le chke i tzob'aj chi lik je k'i xaq ksakix chke i tzob'aj chi je k'i taj.
Kajlaxik aj Leví
57I alk'uwal re utzob'ajil ma Leví chi xe'ajlaxik je are iri: Aj Gersón chi je rak'al ma Gersón, aj Coat chi je rak'al ma Coat xaq aj Merari chi je rak'al ma Merari. 58I je umuq uxikin ma Leví je are iri: Aj Libni, aj Hebrón, aj Mahli, aj Mus xaq aj Coré.
I uqajaw ma Amram are ma Coat. 59Ma Amram xk'uli ru' jun umi'al ma Leví, chi ati Jocabed ub'i, chi xalaxik are k'a o ma Leví chila pa Egipto. I ma Amram xaq ati Jocabed le xe'alax oxib' kak'al chi je are: Ma Aarón, ma Moisés xaq ati Mariy. 60I rak'al ma Aarón chi xealaxik je are iri: A Nadab, a Abiú, a Eleazar xaq i a Itamar, 61A Nadab xaq i a Abiú xekamik are xkisujuj jun sipon chwach i Ajwal chi xetaq ti che.
62Konojel umuq uxikin ma Leví chi je alab'om chi o chik jun ik' chke je lajujwinaq wuqlajujmo' kachiy (23,000) Konojel ike le tz'ib'tal ti kib'i ku' i jub'an chik aj Israel, man ike le lik kya' ti kulew.
63Are kik'iyal aj Israel ile x-etamaxik are x-ani i ajlanik rumal ma Moisés xaq rumal ma Eleazar chi ajsujul sipon, chi xki'an chila chwa taq ta'aj Moab, chunaqaj i raqana Jordán, chwach i Jericó. 64Konojel ike le, chi je rak'al ma Israel, mijun xk'asi kan chke chi xe'ajlax kumal ma Moisés xaq ma Aarón, chila pa tz'inilik jyub' chaqij Sinaí, 65man i Ajwal ub'im chi konojel kekam kan pa tz'inilik jyub' chaqij. Xwi kk'asi kan ma Caleb, chi uk'ojol ma Jefone xaq ma Josué, chi uk'ojol ma Nun.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala