N%FAmeros 29
29
Nima'ij re i trompeta
1Che i nab'e ij re uwuq ik' yix ki'an ni jun lo'laj moloj ib'; che i ij le mijun kchakunik man i ij le are u'ijlal uxut'ixik trompeta. 2Are uri kisujuj ni jun porom sipon re umuyal uk'ok'al chinwach yin, jun ral me', jun chij ma xaq wuqub' ral taq chij aj jujun junab', chi je klis taj. 3Rajwaxik chi koksax b'i rutzil arin ru' xaq kyot' b'i aceite chupam. I jujun ral taq me' koksax b'i jun almul rutzil arin ru', i jujun chij ma koksax b'i wajxaqib' ral taq k'ox ru', 4xaq i jujun ral taq chij chi aj jujun junab' koksax b'i kajib' ral taq k'ox ru'. 5Xaq ksujux ni jun chab'at ma chi are jun sipon re riqb'al kuyb'al imak. 6Puwi chik i porom sipon re ik' ik', xaq puwi chik i sipon chi ksujux ij ij pa taq usaqirb'al, rachi'ilam i sipon ch'irajil xaq i sipon chi uwa'al uva muqb'am, pacha intaqom u'anik yin. Ile are jun porom sipon re umuyal uk'ok'al kupon chinwach Yin kojb'al re in-ij.
I sipon re u'ijlal i kuyb'al mak
7Xaq che uwuq ik' le xwiri che i lajuj ij yix ki'an ni jun lo'laj moloj ib'. Che i ij le kimayij ni iwa'im man kitz'onoj tob'al iwe chwe yin, xaq mijun kchakunik. 8Are uri kisujuj jun porom sipon re umuyal uk'ok'al chinwach yin, jun ral me', jun chij ma xaq wuqub' ral taq chij aj jujun junab' chi je klis taj. 9Rajwaxik chi koksax b'i rutzil arin ru' xaq kyot' b'i aceite chupam. I jujun ral taq me' koksax b'i jun almul rutzil jok'om trigo ru', i jujun chij ma koksax b'i wajxaqib' ral taq k'ox ru', 10xaq i jujun ral taq chij chi aj jujun junab' koksax b'i kajib' ral taq k'ox ru'. 11Xaq ksujux ni jun chab'at ma re riqb'al kuyb'al mak, puwi chik i sipon re riqb'al kuyb'al mak chi ksujux che i ij re kuyb'al mak xaq puwi chik i porom sipon re ij ij rachi'ilam i sipon ch'irajil xaq i sipon chi uwa'al uva muqb'am.
I sipon are ktijin i nima'ij ke i mujb'al re es
12Che i ij jo'lajuj re uwuq ik' yix ki'an ni jun lo'laj moloj ib'. Che i ij le lik mijun kchakunik; xaq lik wuqub' ij ki'an ni nima'ij re kojb'al in-ij. 13Che i nab'e ij kisujuj ni porom sipon re umuyal uk'ok'al chinwach yin. Oxlajuj ral taq me', keb' mama'ib' chij xaq kajlajuj ral taq chij aj jujun junab' chi je klis taj. 14Rajwaxik chi koksax b'i rutzil arin ru' xaq kyot' b'i aceite chupam. I jujun ral taq me' koksax b'i jun almul rutzil arin ru', i jujun chij ma koksax b'i wajxaqib' ral taq k'ox ru', 15xaq i jujun ral taq chij aj jujun junab' koksax b'i kajib' ral taq k'ox ru'. 16Xaq ksujux ni jun chab'at ma re riqb'al kuyb'al mak, puwi chik i porom sipon re ij ij rachi'ilam i sipon ch'irajil xaq i sipon chi uwa'al uva muqb'am.
17Chukab' ij ksujux ni kab'lajuj ral taq me', keb' chij mama'ib' xaq kajlajuj ral taq chij aj jujun junab' chi je klis taj. 18Xaq ksujux ni sipon ch'irajil xaq i sipon chi uwa'al uva muqb'am chrij pacha kik'iyal i me', chrij pacha kik'iyal i chij mama'ib' xaq chrij kik'iyal ral taq chij aj jujun junab', chrij pacha i taqanik chi xinya yin. 19Xaq ksujux ni jun chab'at ma re riqb'al kuyb'al mak, puwi chik i porom sipon re ij ij, rachi'ilam i sipon ch'irajil xaq i sipon chi uwa'al uva muqb'am.
20Che urox ij ksujux ni julajuj ral taq me', keb' mama'ib' chij xaq kajlajuj ral taq chij aj jujun junab', chi je klis taj. 21Xaq ksujux ni sipon ch'irajil xaq i sipon chi uwa'al uva muqb'am chrij pacha kik'iyal i me', chrij pacha kik'iyal i chij mama'ib' xaq chrij kik'iyal ral taq chij aj jujun junab', chrij pacha i taqanik chi xinya yin. 22Xaq ksujux ni jun chab'at ma re riqb'al kuyb'al mak, puwi chik i porom sipon re ij ij rachi'ilam i sipon ch'irajil xaq i sipon chi uwa'al uva muqb'am.
23Che ukaj ij ksujux ni lajuj me', keb' mama'ib' chij xaq kajlajuj ral taq chij aj jujun junab' chi je klis taj. 24Xaq ksujux ni sipon ch'irajil xaq i sipon chi uwa'al uva muqb'am chrij pacha kik'iyal i me', chrij pacha kik'iyal i chij mama'ib' xaq chrij kik'iyal ral taq chij aj jujun junab', chrij pacha i taqanik chi xinya yin. 25Xaq ksujux ni jun chab'at ma re riqb'al kuyb'al mak, puwi chik i porom sipon re ij ij rachi'ilam i sipon ch'irajil xaq i sipon chi uwa'al uva muqb'am.
26Che ujo' ij ksujux ni b'elejeb' ral taq me', keb' mama'ib' chij xaq kajlajuj ral taq chij aj jujun junab' chi je klis taj. 27Xaq ksujux ni sipon ch'irajil xaq i sipon chi uwa'al uva muqb'am chrij pacha kik'iyal i me', chrij pacha kik'iyal i chij mama'ib' xaq chrij kik'iyal ral taq chij aj jujun junab', chrij pacha i taqanik chi xinya yin. 28Xaq ksujux ni jun chab'at ma re riqb'al kuyb'al mak, puwi chik i porom sipon re ij ij rachi'ilam i sipon ch'irajil xaq i sipon chi uwa'al uva muqb'am.
29Che uwaq ij ksujux ni wajxaqib' ral taq me', keb' mama'ib' chij xaq kajlajuj ral taq chij aj jujun junab', chi je klis taj. 30Xaq ksujux ni sipon ch'irajil xaq i sipon chi uwa'al uva muqb'am chrij pacha kik'iyal i me', chrij pacha kik'iyal i chij mama'ib' xaq chrij kik'iyal ral taq chij aj jujun junab', chrij pacha i taqanik chi xinya yin. 31Xaq ksujux ni jun chab'at ma re riqb'al kuyb'al mak, puwi chik i porom sipon re ij ij rachi'ilam i sipon ch'irajil xaq i sipon chi uwa'al uva muqb'am.
32Che uwuq ij ksujux ni wuqub' ral taq me', keb' mama'ib' chij xaq kajlajuj ral taq chij aj jujun junab' chi je klis taj. 33Xaq ksujux ni sipon ch'irajil xaq i sipon chi uwa'al uva muqb'am chrij pacha kik'iyal i me', chrij pacha kik'iyal i chij mama'ib' xaq chrij kik'iyal ral taq chij aj jujun junab', chrij pacha i taqanik chi xinya yin. 34Xaq ksujux ni jun chab'at ma re riqb'al kuyb'al mak, puwi chik i porom sipon re ij ij rachi'ilam i sipon ch'irajil xaq i uwa'al uva muqb'am.
35Che uwajxaqib' ij xaq ki'an ni jun lo'laj moloj ib' xaq mijun kchakun che i ij le. 36Are uri kisujuj ni jun porom sipon re umuyal uk'ok'al chinwach yin, jun ral me' jun chij ma xaq wuqub' ral taq chij aj jujun junab', chi je klis taj. 37Xaq ksujux ni sipon ch'irajil xaq i sipon chi uwa'al uva muqb'am ru' i me', ru' i chij ma xaq ku' i ral taq chij aj jujun junab', chrij pacha i taqanik chi xinya yin. 38Xaq ksujux ni jun chab'at ma re riqb'al kuyb'al mak, puwi chik i porom sipon re ij ij rachi'ilam i sipon ch'irajil xaq i sipon chi uwa'al uva muqb'am.
39Ronojel ni'pa ile are i sipon chi kiya ni chwe Yin che taq i ij chi xinb'ij. Puwi chik isipon yix, chi ax i sujum wi, o we lik pik'ux elnaq wi loq. Nti k-ono we are i porom sipon, we are i sipon ch'irajil xaq we are i sipon chi uwa'al uva muqb'am, xaq we are i sipon re chomb'al ib'.
40Are uri ma Moisés xub'ij chke aj Israel ronojel ni'pa xb'ix che rumal i Ajwal.
Currently Selected:
N%FAmeros 29: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala