N%FAmeros 7
7
Sipon re jachb'al i ja re riqb'al ib' ru' i Dios
1Che i ij are xutzin ma Moisés chu'anik i lo'laj k'ijib'al re i Dios xukoj aceite chrij jachb'al re pu'ab' i Ajwal, xaq keje xu'an che i chapb'al chi o pa lo'laj k'ijib'al re i Dios xaq ni'pa i chapb'al re i sujb'al sipon. 2Te'uri i je aj-atzil ke aj Israel chi je tonnaq chkajlaxik aj Israel 3xe'e chujachik waqib' kareta re kisipon chwach i Ajwal xaq kab'lajuj b'oyexab'; ke'eloq chi je kakab' aj-atzil chrij jun kareta xaq jujun b'oyexab' xkijach chkijujunal, ronojel ile xkiya chwach i lo'laj k'ijib'al re i Dios.
4Are uri i Ajwal xub'ij che ma Moisés: 5Chak'ama i kareta xaq i b'oyexab' le, chaya chke aj Leví re kkichapb'ej are kuriq uchak chke chila pa ja re riqb'al ib' ru' i Dios, chrij pacha i chak chi kki'an chkijujunal.
6Are uri ma Moisés xuk'am i kareta xaq i b'oyexab', te'uri xujach chke aj Leví, 7xuya keb' kareta chke umuq uxikin ma Gersón xaq kajib' b'oyexab' chi lik are rajwaxik chke re kichak. 8Xuya kajib' kareta xaq wajxaqib' b'oyexab' chke umuq uxikin ma Merari chi lik are rajwaxik chke re kichak, chi are ma Itamar kok'aw utzam, chi uk'ojol ma Aarón chi ajsujul sipon. 9Xwiri i je umuq uxikin ma Coat nti kareta xaq nti b'oyexab' xya' chke, man kichak ike are uk'amik b'i jalajuj taq b'iroxik chi je ulum kojb'al re u'ij i Dios, rumali lik rajwaxik chi chwi taq kiteleb' kkik'am wi b'ik.
10Are xjach i sujb'al sipon pu'ab' i Dios, i kaj-atzil i jalajuj taq tzob'ajil xkik'am b'i kisipon, xkiya chwach i sujb'al sipon. 11Are uri i Ajwal xub'ij che ma Moisés: “Ij ij is jalajuj taq aj-atzil kkik'am b'i kisipon re jachb'al i sujb'al sipon pu'ab' i Dios.”
12Che i nab'e ij xuk'am b'i usipon ma Naasón, chi uk'ojol ma Aminadab, chi kikwenta utzob'ajil ma Judá. 13I usipon chi xuk'am b'ik are jun riprik laq saq-o'oj chi o oxib' pexu ru' nik'aj che i ralil xaq jun nim laj xar saq-o'oj chi o keb' pexu che i ralil, chrij pacha i pajb'al chi o chila pa lo'laj k'ijib'al re i Dios, lik chekeb' nojnaq che i rutzil jok'om trigo chi yot'om b'i aceite chupam, ile are sipon ch'irajil. 14Xwi ta la ile, xaq jun nim laj lochb'al an-o'oj chi o kajib' onz che ralil, nojnaq che pom; 15jun ral me', jun ral chij aj jun junab', ronojel ni'pa ile re ni sipon chi poroxik re; 16jun chab'at re riqb'al kuyb'al mak; 17pa k'isb'al re, are kisujuj i sipon re riqb'al kuyb'al mak, kisujuj ni keb' toro, jo'ob' chij mama'ib', jo'ob' ti'ojib' chab'at, jo'ob' ral taq chij aj jujun junab'. Are usipon ma Naasón ile, chi uk'ojol ma Aminadab.
18Che ukab' ij xuk'am b'i usipon ma Natanael chi uk'ojol ma Zuar, chi aj-atzil chke utzob'ajil ma Isacar. 19-23I usipon lik xaqjun pacha re i ma Naasón.
24Che urox ij xuk'am b'i usipon ma Eliab chi uk'ojol ma Helón, chi aj-atzil chke utzob'ajil ma Zabulón. 25-29I usipon chi xusujuj lik keje pacha i xkisujuj i jub'an nab'e.
30Che ukaj ij xuk'am b'i usipon ma Elisur, chi uk'ojol ma Sedeur, chi aj-atzil chke utzob'ajil ma Rubén. 31-35I usipon chi xusujuj lik keje pacha i xkisujuj i jub'an nab'e.
36Che ujo' ij xuk'am b'i usipon ma Selumiel, chi uk'ojol ma Zurisadai, chi aj-atzil chke utzob'ajil ma Simeón. 37-41I usipon chi xusujuj lik keje pacha i xkisujuj i jub'an.
42Che uwaq ij xuk'am b'i usipon ma Eliasaf chi uk'ojol ma Deuel, chi aj-atzil chke utzob'ajil ma Gad. 43-47I usipon chi xusujuj lik keje pacha i xkisujuj i jub'an.
48Che uwuq ij xuk'am b'i usipon ma Elisama, chi uk'ojol ma Amiud, chi aj-atzil chke utzob'ajil ma Efraín. 49-53I usipon chi xusujuj lik keje pacha i xkisujuj i jub'an.
54Che uwajxaq ij xuk'am b'i usipon ma Gamaliel chi uk'ojol ma Pedasur, chi aj-atzil chke utzob'ajil ma Manasés. 55-59Xaq i usipon chi xusujuj lik keje pacha i xkisujuj i jub'an.
60Che ub'elej ij xuk'am b'i usipon ma Abidán chi uk'ojol ma Gedeoni, chi aj-atzil chke utzob'ajil ma Benjamín. 61-65Xaq i usipon chi xusujuj lik keje pacha i xkisujuj i jub'an.
66Che ulajuj ij xuk'am b'i usipon ma Ahiezer chi uk'ojol ma Amisadai, chi aj-atzil chke utzob'ajil ma Dan. 67-71Xaq i usipon chi xusujuj lik keje pacha i xkisujuj i jub'an.
72Che ujulajuj ij xuk'am b'i usipon ma Pagiel chi uk'ojol ma Ocrán, chi aj-atzil chke utzob'ajil ma Aser. 73-77I usipon chi xusujuj lik keje pacha i xkisujuj i jub'an.
78Che ukab'lajuj ij xuk'am b'i usipon ma Ahira chi uk'ojol ma Enán, chi aj-atzil chke utzob'ajil ma Neftalí. 79-83I usipon chi xusujuj lik keje pacha i xkisujuj i jub'an.
84Lik keje ile xuk'ulmaj are xjachi i sujb'al sipon pu'ab' i Ajwal; i je aj-atzil ke i jalajuj taq tzob'aj aj Israel are sipon iri xkisujuj: Kab'lajuj ripraq taq laq saq-o'oj, kab'lajuj nimaq taq laq saq-o'oj, xaq kab'lajuj nimaq taq lochb'al an-o'oj. 85I ralil i jujun ripraq taq laq le o oxib' pexu ru' nik'aj che xaq i jujun nimaq taq laq le o keb' pexu che ralil. Ronojel ni'pa i ripraq taq laq xaq i nimaq taq laq le o oxwinaq (60) pexu che ralil, chrij pacha i pajb'al re i lo'laj k'ijib'al re i Dios. 86Xaq o kab'lajuj nimaq taq lochb'al an-o'oj nojnaq che pom chi o kajib' ons che ralil i jujun, chrij pacha i pajb'al re i lo'laj k'ijib'al re i Dios. I ralil ronojel i nimaq taq lochb'al chi an-o'oj, o oxib' pexu che.
87Konojel i chikop chi poroxik ke kab'lajuj ral taq me', kab'lajuj mama'ib' chij, kab'lajuj ral taq chij aj jujun junab', rachi'ilam i sipon chi ch'irajil; xaq kab'lajuj chab'at re riqb'al kuyb'al mak. 88Konojel i chikop re i sipon chi re chomb'al ib' je kajib' juwinaq (24) me', oxwinaq (60) mama'ib' chij, oxwinaq (60) chab'at, xaq oxwinaq (60) ral taq chij aj jujun junab', are i sipon ile xmoltajik are xjach i sujb'al sipon pu'ab' i Dios.
89Are xok b'i ma Moisés pa ja re i riqb'al ib' ru' i Dios che i lapanik ru' i Dios, are uri xuta chi k-ijlax rumal i Ajwal puwi i ch'uqb'al uwi i kaxa re utrat i Dios, chila chkixol i keb' querubín.
Currently Selected:
N%FAmeros 7: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
N%FAmeros 7
7
Sipon re jachb'al i ja re riqb'al ib' ru' i Dios
1Che i ij are xutzin ma Moisés chu'anik i lo'laj k'ijib'al re i Dios xukoj aceite chrij jachb'al re pu'ab' i Ajwal, xaq keje xu'an che i chapb'al chi o pa lo'laj k'ijib'al re i Dios xaq ni'pa i chapb'al re i sujb'al sipon. 2Te'uri i je aj-atzil ke aj Israel chi je tonnaq chkajlaxik aj Israel 3xe'e chujachik waqib' kareta re kisipon chwach i Ajwal xaq kab'lajuj b'oyexab'; ke'eloq chi je kakab' aj-atzil chrij jun kareta xaq jujun b'oyexab' xkijach chkijujunal, ronojel ile xkiya chwach i lo'laj k'ijib'al re i Dios.
4Are uri i Ajwal xub'ij che ma Moisés: 5Chak'ama i kareta xaq i b'oyexab' le, chaya chke aj Leví re kkichapb'ej are kuriq uchak chke chila pa ja re riqb'al ib' ru' i Dios, chrij pacha i chak chi kki'an chkijujunal.
6Are uri ma Moisés xuk'am i kareta xaq i b'oyexab', te'uri xujach chke aj Leví, 7xuya keb' kareta chke umuq uxikin ma Gersón xaq kajib' b'oyexab' chi lik are rajwaxik chke re kichak. 8Xuya kajib' kareta xaq wajxaqib' b'oyexab' chke umuq uxikin ma Merari chi lik are rajwaxik chke re kichak, chi are ma Itamar kok'aw utzam, chi uk'ojol ma Aarón chi ajsujul sipon. 9Xwiri i je umuq uxikin ma Coat nti kareta xaq nti b'oyexab' xya' chke, man kichak ike are uk'amik b'i jalajuj taq b'iroxik chi je ulum kojb'al re u'ij i Dios, rumali lik rajwaxik chi chwi taq kiteleb' kkik'am wi b'ik.
10Are xjach i sujb'al sipon pu'ab' i Dios, i kaj-atzil i jalajuj taq tzob'ajil xkik'am b'i kisipon, xkiya chwach i sujb'al sipon. 11Are uri i Ajwal xub'ij che ma Moisés: “Ij ij is jalajuj taq aj-atzil kkik'am b'i kisipon re jachb'al i sujb'al sipon pu'ab' i Dios.”
12Che i nab'e ij xuk'am b'i usipon ma Naasón, chi uk'ojol ma Aminadab, chi kikwenta utzob'ajil ma Judá. 13I usipon chi xuk'am b'ik are jun riprik laq saq-o'oj chi o oxib' pexu ru' nik'aj che i ralil xaq jun nim laj xar saq-o'oj chi o keb' pexu che i ralil, chrij pacha i pajb'al chi o chila pa lo'laj k'ijib'al re i Dios, lik chekeb' nojnaq che i rutzil jok'om trigo chi yot'om b'i aceite chupam, ile are sipon ch'irajil. 14Xwi ta la ile, xaq jun nim laj lochb'al an-o'oj chi o kajib' onz che ralil, nojnaq che pom; 15jun ral me', jun ral chij aj jun junab', ronojel ni'pa ile re ni sipon chi poroxik re; 16jun chab'at re riqb'al kuyb'al mak; 17pa k'isb'al re, are kisujuj i sipon re riqb'al kuyb'al mak, kisujuj ni keb' toro, jo'ob' chij mama'ib', jo'ob' ti'ojib' chab'at, jo'ob' ral taq chij aj jujun junab'. Are usipon ma Naasón ile, chi uk'ojol ma Aminadab.
18Che ukab' ij xuk'am b'i usipon ma Natanael chi uk'ojol ma Zuar, chi aj-atzil chke utzob'ajil ma Isacar. 19-23I usipon lik xaqjun pacha re i ma Naasón.
24Che urox ij xuk'am b'i usipon ma Eliab chi uk'ojol ma Helón, chi aj-atzil chke utzob'ajil ma Zabulón. 25-29I usipon chi xusujuj lik keje pacha i xkisujuj i jub'an nab'e.
30Che ukaj ij xuk'am b'i usipon ma Elisur, chi uk'ojol ma Sedeur, chi aj-atzil chke utzob'ajil ma Rubén. 31-35I usipon chi xusujuj lik keje pacha i xkisujuj i jub'an nab'e.
36Che ujo' ij xuk'am b'i usipon ma Selumiel, chi uk'ojol ma Zurisadai, chi aj-atzil chke utzob'ajil ma Simeón. 37-41I usipon chi xusujuj lik keje pacha i xkisujuj i jub'an.
42Che uwaq ij xuk'am b'i usipon ma Eliasaf chi uk'ojol ma Deuel, chi aj-atzil chke utzob'ajil ma Gad. 43-47I usipon chi xusujuj lik keje pacha i xkisujuj i jub'an.
48Che uwuq ij xuk'am b'i usipon ma Elisama, chi uk'ojol ma Amiud, chi aj-atzil chke utzob'ajil ma Efraín. 49-53I usipon chi xusujuj lik keje pacha i xkisujuj i jub'an.
54Che uwajxaq ij xuk'am b'i usipon ma Gamaliel chi uk'ojol ma Pedasur, chi aj-atzil chke utzob'ajil ma Manasés. 55-59Xaq i usipon chi xusujuj lik keje pacha i xkisujuj i jub'an.
60Che ub'elej ij xuk'am b'i usipon ma Abidán chi uk'ojol ma Gedeoni, chi aj-atzil chke utzob'ajil ma Benjamín. 61-65Xaq i usipon chi xusujuj lik keje pacha i xkisujuj i jub'an.
66Che ulajuj ij xuk'am b'i usipon ma Ahiezer chi uk'ojol ma Amisadai, chi aj-atzil chke utzob'ajil ma Dan. 67-71Xaq i usipon chi xusujuj lik keje pacha i xkisujuj i jub'an.
72Che ujulajuj ij xuk'am b'i usipon ma Pagiel chi uk'ojol ma Ocrán, chi aj-atzil chke utzob'ajil ma Aser. 73-77I usipon chi xusujuj lik keje pacha i xkisujuj i jub'an.
78Che ukab'lajuj ij xuk'am b'i usipon ma Ahira chi uk'ojol ma Enán, chi aj-atzil chke utzob'ajil ma Neftalí. 79-83I usipon chi xusujuj lik keje pacha i xkisujuj i jub'an.
84Lik keje ile xuk'ulmaj are xjachi i sujb'al sipon pu'ab' i Ajwal; i je aj-atzil ke i jalajuj taq tzob'aj aj Israel are sipon iri xkisujuj: Kab'lajuj ripraq taq laq saq-o'oj, kab'lajuj nimaq taq laq saq-o'oj, xaq kab'lajuj nimaq taq lochb'al an-o'oj. 85I ralil i jujun ripraq taq laq le o oxib' pexu ru' nik'aj che xaq i jujun nimaq taq laq le o keb' pexu che ralil. Ronojel ni'pa i ripraq taq laq xaq i nimaq taq laq le o oxwinaq (60) pexu che ralil, chrij pacha i pajb'al re i lo'laj k'ijib'al re i Dios. 86Xaq o kab'lajuj nimaq taq lochb'al an-o'oj nojnaq che pom chi o kajib' ons che ralil i jujun, chrij pacha i pajb'al re i lo'laj k'ijib'al re i Dios. I ralil ronojel i nimaq taq lochb'al chi an-o'oj, o oxib' pexu che.
87Konojel i chikop chi poroxik ke kab'lajuj ral taq me', kab'lajuj mama'ib' chij, kab'lajuj ral taq chij aj jujun junab', rachi'ilam i sipon chi ch'irajil; xaq kab'lajuj chab'at re riqb'al kuyb'al mak. 88Konojel i chikop re i sipon chi re chomb'al ib' je kajib' juwinaq (24) me', oxwinaq (60) mama'ib' chij, oxwinaq (60) chab'at, xaq oxwinaq (60) ral taq chij aj jujun junab', are i sipon ile xmoltajik are xjach i sujb'al sipon pu'ab' i Dios.
89Are xok b'i ma Moisés pa ja re i riqb'al ib' ru' i Dios che i lapanik ru' i Dios, are uri xuta chi k-ijlax rumal i Ajwal puwi i ch'uqb'al uwi i kaxa re utrat i Dios, chila chkixol i keb' querubín.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala