N%FAmeros 8
8
Atb'al tzij chrij utzijik i tzunb'al
1I Ajwal xlapan ru' ma Moisés, xub'ij che: 2“Chab'ij che ma Aarón: Are katzij i wuqub' u'ab' i tzuk'b'al, cha'ana ni che chi i tzunb'al le k-e ni chwach i tzuk'b'al”; 3i ma Aarón xu'ano pacha xub'ij i Ajwal che ma Moisés, xutzij i a' che i wuqub' u'ab' i tzuk'b'al man keje ile ktzun b'i chwach i tzuk'b'al. 4I tzuk'b'al le lik an-o'oj xaq ru' ch'ayb'al antal wi, xjeqan li che ukub'ib'al, k'a che ukotz'ijal, i ma Moisés xu'an i tzuk'b'al le chrij pacha xk'ut che rumal i Ajwal.
Kijachik aj Leví pu'ab' i Dios
5I Ajwal xlapan ru' ma Moisés, xub'ij che:
6Cheawesaj aj Leví chkixol aj Israel xaq cha'ana ch'am chke. 7Keje u'anik ch'am iri ka'an chke: Yet kakitzka ni lo'laj ya chkij, te'uri konojel ike kkisol nu b'i kismal che ronojel kich'akul xaq kkich'aj ni ki'u', keje ile kekanaj na je ch'am. 8Te'uri kkik'am jun ral me' xaq jub'i' jok'om rutzil trigo chi yot'om b'i aceite ru' man ile are i sipon ch'irajil, xaq jun chik ral me' re sipon chi re riqb'al kuyb'al mak. 9Yet kab'ij ni chke aj Leví chi ketejeb' pan ru' i ja re riqb'al ib' ru' i Dios xaq kamol ni kichi' konojel aj Israel. 10Chrijil chik ile ketejeb' aj Leví chinwach, te'uri aj Israel kkiya ni ki'ab' pkiwi aj Leví le. 11Are uri ma Aarón keujach ni aj Leví pin-ab', pacha jun sayom sipon ke i kak'al aj Israel, keje kikanajik kan aj Leví uri ile chu'anik inchak. 12Te'uri aj Leví kkiya ni ki'ab' puwi kijolom i me'; jun chke i me' le ksujux na re sipon chi re riqb'al kuyb'al mak, xaq i jun chik re i sipon chi poroxik re chi re anb'al ch'am chke aj Leví le. 13Te'uri yet keaya ni chkiwach aj Leví, chwach ma Aarón xaq chkiwach i rak'al, te'uri keasujuj ni chinwach Yin; 14keje kelsaxik aj Leví ile ka'an chkixol aj Israel man je we Yin na. 15Te'uri ike le ke'e ni pa chak pa ja re riqb'al ib' ru' i Dios, rajwaxik chi ka'an ni ch'am chke xaq keasujuj ni chinwach pacha jun sipon chi o u'ij. 16Man je are ni aj Leví aj-anol inchak chkixol konojel aj Israel man ike le lik je we yin. Yin je ink'amom ike le pkik'exel konojel i nab'e taq kak'al aj Israel, 17man je we Yin konojel i nab'e taq kak'al aj Israel xaq konojel i nab'e taq kak'al i jalajuj taq kichikop. Are xeinkamsaj konojel i nab'e taq kak'al aj Egipto, Yin xewesaj pa kamik konojel i nab'e taq kak'al aj Israel anb'al we chke. 18Xwiri pkik'exel ike le xeink'am aj Leví, 19lik Yin xein-ul aj Leví le chkixol konojel aj Israel, xinjach che ma Aarón xaq chke i rak'al, man pkib'i aj Israel kki'an ni chak pa ja re riqb'al ib' ru' i Dios, chutz'onoxik kuyb'al mak chwe Yin pkiwi aj Israel, man keje ile aj Israel ketejeb' ti ru' i ja re riqb'al ib' ru' i Dios, man we ketejeb'ik kekamik.
20I ma Moisés, ma Aarón xaq konojel aj Israel xki'ano chrij pacha xb'ix che ma Moisés rumal i Ajwal chi xekijach aj Leví pu'ab' i Ajwal. 21I aj Leví xkich'aj ki'u' xaq xki'an ch'am che kib', te'uri ma Aarón xeusujuj chwach i Ajwal pacha jun sipon chi lik nim u'ij chwach i Ajwal, keje u'anik ch'am ile xu'an chke. 22Chrijil chik ile, te'uri konojel aj Leví xkijeq kichak pa ja re riqb'al ib' ru' i Dios chrij pacha ketaq che rumal ma Aarón xaq kumal i rak'al. Chrij pacha xub'ij i Ajwal che ma Moisés, lik keje ile x-an chke aj Leví.
Unajtil i kichak aj Leví
23I Ajwal xlapan ru' ma Moisés, xub'ij che:
24“I aj Leví kkijeq kichak pa ja re riqb'al ib' ru' i Dios are kjeqan b'i kijunab' che jo'ob' juwinaq (25) 25kkimayij na are keupon che i lajuj kawinaq (50) 26Chrijil chik i junab' le utz we kkaj kekito i kachi'il pa ja re riqb'al ib' ru' i Dios, xwiri utz taj kki'an jun chik chak. Keje uyijb'axik kichak aj Leví ile ka'an che.”
Currently Selected:
N%FAmeros 8: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
N%FAmeros 8
8
Atb'al tzij chrij utzijik i tzunb'al
1I Ajwal xlapan ru' ma Moisés, xub'ij che: 2“Chab'ij che ma Aarón: Are katzij i wuqub' u'ab' i tzuk'b'al, cha'ana ni che chi i tzunb'al le k-e ni chwach i tzuk'b'al”; 3i ma Aarón xu'ano pacha xub'ij i Ajwal che ma Moisés, xutzij i a' che i wuqub' u'ab' i tzuk'b'al man keje ile ktzun b'i chwach i tzuk'b'al. 4I tzuk'b'al le lik an-o'oj xaq ru' ch'ayb'al antal wi, xjeqan li che ukub'ib'al, k'a che ukotz'ijal, i ma Moisés xu'an i tzuk'b'al le chrij pacha xk'ut che rumal i Ajwal.
Kijachik aj Leví pu'ab' i Dios
5I Ajwal xlapan ru' ma Moisés, xub'ij che:
6Cheawesaj aj Leví chkixol aj Israel xaq cha'ana ch'am chke. 7Keje u'anik ch'am iri ka'an chke: Yet kakitzka ni lo'laj ya chkij, te'uri konojel ike kkisol nu b'i kismal che ronojel kich'akul xaq kkich'aj ni ki'u', keje ile kekanaj na je ch'am. 8Te'uri kkik'am jun ral me' xaq jub'i' jok'om rutzil trigo chi yot'om b'i aceite ru' man ile are i sipon ch'irajil, xaq jun chik ral me' re sipon chi re riqb'al kuyb'al mak. 9Yet kab'ij ni chke aj Leví chi ketejeb' pan ru' i ja re riqb'al ib' ru' i Dios xaq kamol ni kichi' konojel aj Israel. 10Chrijil chik ile ketejeb' aj Leví chinwach, te'uri aj Israel kkiya ni ki'ab' pkiwi aj Leví le. 11Are uri ma Aarón keujach ni aj Leví pin-ab', pacha jun sayom sipon ke i kak'al aj Israel, keje kikanajik kan aj Leví uri ile chu'anik inchak. 12Te'uri aj Leví kkiya ni ki'ab' puwi kijolom i me'; jun chke i me' le ksujux na re sipon chi re riqb'al kuyb'al mak, xaq i jun chik re i sipon chi poroxik re chi re anb'al ch'am chke aj Leví le. 13Te'uri yet keaya ni chkiwach aj Leví, chwach ma Aarón xaq chkiwach i rak'al, te'uri keasujuj ni chinwach Yin; 14keje kelsaxik aj Leví ile ka'an chkixol aj Israel man je we Yin na. 15Te'uri ike le ke'e ni pa chak pa ja re riqb'al ib' ru' i Dios, rajwaxik chi ka'an ni ch'am chke xaq keasujuj ni chinwach pacha jun sipon chi o u'ij. 16Man je are ni aj Leví aj-anol inchak chkixol konojel aj Israel man ike le lik je we yin. Yin je ink'amom ike le pkik'exel konojel i nab'e taq kak'al aj Israel, 17man je we Yin konojel i nab'e taq kak'al aj Israel xaq konojel i nab'e taq kak'al i jalajuj taq kichikop. Are xeinkamsaj konojel i nab'e taq kak'al aj Egipto, Yin xewesaj pa kamik konojel i nab'e taq kak'al aj Israel anb'al we chke. 18Xwiri pkik'exel ike le xeink'am aj Leví, 19lik Yin xein-ul aj Leví le chkixol konojel aj Israel, xinjach che ma Aarón xaq chke i rak'al, man pkib'i aj Israel kki'an ni chak pa ja re riqb'al ib' ru' i Dios, chutz'onoxik kuyb'al mak chwe Yin pkiwi aj Israel, man keje ile aj Israel ketejeb' ti ru' i ja re riqb'al ib' ru' i Dios, man we ketejeb'ik kekamik.
20I ma Moisés, ma Aarón xaq konojel aj Israel xki'ano chrij pacha xb'ix che ma Moisés rumal i Ajwal chi xekijach aj Leví pu'ab' i Ajwal. 21I aj Leví xkich'aj ki'u' xaq xki'an ch'am che kib', te'uri ma Aarón xeusujuj chwach i Ajwal pacha jun sipon chi lik nim u'ij chwach i Ajwal, keje u'anik ch'am ile xu'an chke. 22Chrijil chik ile, te'uri konojel aj Leví xkijeq kichak pa ja re riqb'al ib' ru' i Dios chrij pacha ketaq che rumal ma Aarón xaq kumal i rak'al. Chrij pacha xub'ij i Ajwal che ma Moisés, lik keje ile x-an chke aj Leví.
Unajtil i kichak aj Leví
23I Ajwal xlapan ru' ma Moisés, xub'ij che:
24“I aj Leví kkijeq kichak pa ja re riqb'al ib' ru' i Dios are kjeqan b'i kijunab' che jo'ob' juwinaq (25) 25kkimayij na are keupon che i lajuj kawinaq (50) 26Chrijil chik i junab' le utz we kkaj kekito i kachi'il pa ja re riqb'al ib' ru' i Dios, xwiri utz taj kki'an jun chik chak. Keje uyijb'axik kichak aj Leví ile ka'an che.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala