मरकुस 4
4
बिज़ बोणवाल़ै का उदारण
(मत्ती 13:1-9; लूका 8:4-8)
1यीशु तोबै गलील झील कै किनारे उपदैश दैन्दा लागा: औरौ ऐशणी बौड़ै भीड़ तैसकै धोरे कौठै हौए गौए, कै सै समुन्द्रो दा ऐकी किश्ती पांदी बौठै गौआ, औरौ सौबै भीड़ जोमीनो पांदी झील कै किनारे खौड़ै रौए।
2औरौ सै तिनुखै उदारण देएयो बौहितै बातौ शिखांदा लागा, औरौ आपणै उपदैशो लैई तिनुखै बौल़ौ,
3“शुणौ! ऐक किसान आपणै खेतौ दा बिज़ बोंन्दा हौटा। 4औरौ बोन्दै बैई किछै बिज़ तौ बाटौ कै मियाल़ो पुंडे छुटै औरौ चुड़कुल़ै आयौ तिनुखै खाए दिए। 5औरौ किछै बिज़ शोकरेड़े जोमीनो पांदी छुटै जिथै तिनुखै बौहितै माटी ना भैटी, औरौ डुंगै माटी ना भैटणौ कै बौजैह शै तावल़ै जामै गौवै। 6औरौ जोबै सुरज का घाम निकल़ा, तौ तुणै फोखे गौवै, औरौ तिथकी जोड़ डुंगी ना थी तोबैई सै शोकै गौवै। 7औरौ किछै बिज़ झाड़ी मुंजी छुटै, औरौ झाड़ीए जामेयोंदे बिज़ दबाए दिए, औरौ सै फौल़े ना। 8पौरौ किछै बिज़ बड़िया जोमीनो पांदी छुटै; औरौ सै जामै, औरौ बौहितै फौल़े गौवै; औरौ कुणजैई बीज़ तीस गुणा, कुणजैई बीज़ साठ गुणा, औरौ कुणजैई बीज़ शौ गुणा फौल़े गौवै।”
9तोबै तैणै बौल़ौ, “जिनु कुणिए मैरै बात शौणै लोए, सै ध्यान सै शोणेया।”
उदारणो का मकसद
(मत्ती 13:10-17; लूका 8:9-10)
10जोबै यीशु इकली रौए गौआ, तौ आयरै-बायरै बोठेयोंदै लोगै औरौ बारौ चैलै इनु उदारण कै बारै दो यीशु कैईंदु पूछु। 11तैणै तिनुखै बौल़ौ, “तुऔं खै तौ पौरमेशवरे आपणै राज्य कै भैद बौताए राखै, पौरौ जू लोग मुं पांदी बिशवाश ना कौरौ तिनु सौबी कारिए ऐजी सौबै बातौ उदारण कै जैशणी औसौ।”
12इथकारिए जैशैकै पवित्र शास्त्र दो लैखै राव कै,
“सै दैखौ तौ औसौ पौरौ तिनकै किछै दैखियौं ना,
औरौ सै शुणौ तौ औसौ पौरौ किछै बै ना सौमझौ;
ऐशैखै ना हौंव कै सै मैरै धोरे पाछु आंव औरौ हांव तिनु माफ कौरे दियु।”
बिज़ बौणौवाल़ै का उदारण खै सौमझाणा
(मत्ती 13:18-23; लूका 8:11-15)
13तोबै यीशुए तिनुखै बौल़ौ, “जै तुऐं इनु उदारणो कै ना सौमझौ, तौ तोबै औकै सौबै उदारण कैशैखै सोमझलै जू हांव बौताणौवाल़ा औसौ?” 14पौरमेशवर का वचन बौताणौवाल़ा ऐशणा औसौ जैशैकै कुणिए किसान बिज़ बौंव। 15औरौ जू बिज़ बाटौ पुंडे कै मियाल़ो कै औसौ सै ऐशणै औसौ, जू पौरमेशवर का वचन शुणौ, पौरौ शैतान तौलोंई आयौ कै तिनकै मनो शै वचन कै बिसराए दैंव, जू बातौ तिनुऐ शौणै रैई थी। 16औरौ किछै बिज़ ऐशैखै औसौ जू शोकरेड़े वाल़ै जमीन पांदी छुटै, ऐजै सैजै औसौ जू पौरमेशवर का वचन खै शौणैबा तौलोंई खुशी सै मानौ। 17पौरौ पौरमेशवर कै वचन कै आपणै मनो भीतरा ना बौठाल़ो, औरौ ऐसी बौजैह शै सैजै दैणिक दूसौ तौड़ी टिकयौंदे रौंव; इथकै बाद जोबै पौरमेशवर कै वचन की बौजैह शै तिनु पांदी दुख औरौ तकलीफ आंव, तौ सै तौलोंई बिशवाश कौरणा छोड़े दैंव। 18औरौ किछै बीज़ ऐशणै औसौ जू झाड़ी मुंजी छुटै, ऐजै सैजै लोग औसौ जिनुवै पौरमेशवर कै वचन कै शुणा, 19पौरौ आपणै जीवन कै चिन्ता, औरौ धन-दोलत का लालच, औरौ ओकी चीज़ौ कै इछावं की बौजैह शै पौरमेशवर कै वचन कै मानणा छोड़े दैंव; औरौ सैजै बिना फोल़ कै जिन्दगी जियौं। 20औरौ किछै बिज़ ऐशणै औसौ जू बोड़िया जोमीनो दै छुटै, ऐजै सैजै लोग औसौ; जू पौरमेशवर का वचन शुणैबा आपणै जीवन दा अपनाएयो बौहुता फोल़ लांव। जैशैकै तीस गुणा बिज़ वाल़ै पोधै, साठ गुणा बिज़ वाल़ै, औरौ शौ गुणा बिज़ वाल़ै पोधै।
दिवे का उदारण
(लूका 8:16-18)
21यीशुए तिनुखै ऐक ओका उदारण दैयौ बौल़ौ, कुणिए बै दिवे खै बाल़ेयो शैकड़ै या मान्जै तौड़ी ना राखौ, पौरौ तिथुकै दियोट पांदी राखौ ताकि तिथकु पेयाशो सौबै ठाँव दु चौमकै सौकौ। 22ऐशैखैई जू किछै बै छिपैयौंदो औसौ, सै खोले जांदो; औरौ सौबै गुप्त बातौ प्रगट हौए जांदी। 23तोबै तैणै बौल़ौ, “जिनु कुणिए मैरी बातौ शुणी लोई, सै ध्यान सै शोणेया।”
24तोबै तैणै तिनुखै बौल़ौ, “चौकश रौया, कै का शुणौ? औरौ जैशैखै तुऐं ओकी का न्याय कौरलै, तोंवारा बै न्यांव कौरा जाला। #4:24 जिशै ध्यान शै तुऐं मैरी शिक्षा शुणल़ै तैशैकैई पौरमेशवर तुऔं खै सौमझ दैला 25जिथु जैसकैंई ठिकी सौमझ औसौ, तैसीखै पौरमेशवर बौहितै सौमझ दैला। पौरौ जैसकैंई किछै बै सौमझ ना आथी, तौ पौरमेशवर तैसी कैईंदै सैजै सौमझ बै उंढी कौरदा जू तैसीकैईं औसौए।”
जामेयोंदे बीजो का उदारण
26तोबै यीशुए बौल़ौ, “पौरमेशवर का राज्य ऐशणा औसौ, जैशैखै कुणिए किसाने बागड़ी दु बीज़ छिड़को। 27औरौ रौज रातै खै किसान सोतै जांव, औरौ रौज दूसौ खै टोल सांडो। औरौ सैजै बीज़ ऐशणै जामै औरौ बोददै रौवै, पौरौ किसान ना जाणौ कै ऐजौ कैशैखै हौंव। 28जमीन आपी दै फसल लांव, आगै तुणा, तोबै बाली, औरौ तोबै बाली दा तैयार दाणा। 29पौरौ जोबै शाख पाच्चै जांव, तोबै किसान आंव औरौ तौलोंई दातरै लैई काटी दैंव, जिथु काटणौ को दूस आए गौ।”
राई कै दाणै का उदारण
(मत्ती 13:31-32; लूका 13:18-19)
30तोबै यीशुए तिनुखै बौल़ौ, “हांव तुऔं कै हौजौ ऐक उदारण बोताऊं कै पौरमेशवर का राज्य कैशणा औसौ। 31पौरमेशवर का राज्य राई कै दाणै#4:31 यहूदी कै देशो दा जू राई का दाणा बौंव थिये सै ऐकी डाल़ो साए बौणौ थिया औरौ तीन मीटरो तौड़ी ऊंचा बोदो थिया कै जैशणा औसौ; जू जोमीनो दा बौए दैंव तौ जोमीनो कै सौबी बीजौ दा नानड़ा हौंव, 32पौरौ जोबै बौए दैंव, तौ जामेबा सौबी शागौ मुंजीदा बौड़ा हौए जांव, औरौ ऐतरी बौड़ी डाल़ी निकल़ौ कै चुड़कुल़ै बै गौयण पौरैशै आयौ तिथकी डाल़ी कि छांव दो कोएलाण बाणौ।”
33सै तिनु ऐशणै किसम कै बौहितै उदारण दैय देएबा तिनकी सौमझ कै जैशणै वचन शुणांव थिया। 34औरौ यीशु जौल़ौ बै लोगौ खै पौरमेशवर कै राज्य कै बारै दो बौतांव थिया, हमैशा उदारण देएबा बौल़ौ थिया; पौरौ सै जौई जाऐबा आपणै चैलै खै सौबी बातौ का मतलब बौताए दैंव थिया।
यीशु का ढोन्डो खै चुपी कौरणा
(मत्ती 8:23-27; लूका 8:22-25)
35तैसी दूसै बैल़खै कै सौमय, यीशुए आपणै चैलै खै बौल़ौ, “आंव गलील झील कै ओकी ढौबौ कै चालौ।” 36औरौ चैलै भीड़ कै पौछौड़ियौ छोडे़बा, तैसी किश्ती पांदी बौठै गौवै जिथपांदी यीशु थिया। सै यीशु कै आपणै साथै लोय गौवै, औरौ तिनकै साथै, तिथै ओकी बै किश्ती थी। 37जोबै सै झील कै ओकी ढौबौ चालै रौवै थिए तोबै बौड़ै जोराल़े हवा बोहंदे लागै, औरौ फालो किश्ती साथै टोकरादीं लागी। औरौ किश्ती पाणी लैई भोरदै लागै औरौ डुबदे लागै। 38औरौ यीशु किश्ती कै पाछलै पोशो दा ऐकी शिरान्टी पांदी मुंड लायौ सोतै रौआ थिया; चैलै यीशु खै बिजालैबा तैसीखै बौल़ौ, “ओए रै गुरुजी, का ताखै फिकर ना आथी, कै आमै सौबै डुबदे लागै रौवै?” 39तोबै यीशुए बिज़यो हवा खै ताडै़, औरौ फालो कै बौल़ौ, “चुपी हौए जा, ठोरै जा!” औरौ हवा चालणे रौकै गौए, औरौ ढौंड बिल्कुल चुपी हौए गौ। 40तोबै तैणै चैलो शै बौल़ौ, तुऐं किथुखै डौरे रौवै? का तुऔं खै इबी तौड़ी बै बिशवाश ना आथी? 41चैलै बौहितै ही डौरे गौवै औरौ आपी मुंजी बौल़ौ, “ऐजा कैशणा आदमी औसौ? कै हवा औरौ फालो बै काबू दै कौरे सौकौ!”
Currently Selected:
मरकुस 4: SRXNT
Highlight
Share
Copy
Want to have your highlights saved across all your devices? Sign up or sign in
Sirmauri New Testament (सिरमौरी नौवाँ नियम), 2016 by The Love Fellowship is licensed under a Creative Commons Attribution-ShareAlike 4.0 International License.
मरकुस 4
4
बिज़ बोणवाल़ै का उदारण
(मत्ती 13:1-9; लूका 8:4-8)
1यीशु तोबै गलील झील कै किनारे उपदैश दैन्दा लागा: औरौ ऐशणी बौड़ै भीड़ तैसकै धोरे कौठै हौए गौए, कै सै समुन्द्रो दा ऐकी किश्ती पांदी बौठै गौआ, औरौ सौबै भीड़ जोमीनो पांदी झील कै किनारे खौड़ै रौए।
2औरौ सै तिनुखै उदारण देएयो बौहितै बातौ शिखांदा लागा, औरौ आपणै उपदैशो लैई तिनुखै बौल़ौ,
3“शुणौ! ऐक किसान आपणै खेतौ दा बिज़ बोंन्दा हौटा। 4औरौ बोन्दै बैई किछै बिज़ तौ बाटौ कै मियाल़ो पुंडे छुटै औरौ चुड़कुल़ै आयौ तिनुखै खाए दिए। 5औरौ किछै बिज़ शोकरेड़े जोमीनो पांदी छुटै जिथै तिनुखै बौहितै माटी ना भैटी, औरौ डुंगै माटी ना भैटणौ कै बौजैह शै तावल़ै जामै गौवै। 6औरौ जोबै सुरज का घाम निकल़ा, तौ तुणै फोखे गौवै, औरौ तिथकी जोड़ डुंगी ना थी तोबैई सै शोकै गौवै। 7औरौ किछै बिज़ झाड़ी मुंजी छुटै, औरौ झाड़ीए जामेयोंदे बिज़ दबाए दिए, औरौ सै फौल़े ना। 8पौरौ किछै बिज़ बड़िया जोमीनो पांदी छुटै; औरौ सै जामै, औरौ बौहितै फौल़े गौवै; औरौ कुणजैई बीज़ तीस गुणा, कुणजैई बीज़ साठ गुणा, औरौ कुणजैई बीज़ शौ गुणा फौल़े गौवै।”
9तोबै तैणै बौल़ौ, “जिनु कुणिए मैरै बात शौणै लोए, सै ध्यान सै शोणेया।”
उदारणो का मकसद
(मत्ती 13:10-17; लूका 8:9-10)
10जोबै यीशु इकली रौए गौआ, तौ आयरै-बायरै बोठेयोंदै लोगै औरौ बारौ चैलै इनु उदारण कै बारै दो यीशु कैईंदु पूछु। 11तैणै तिनुखै बौल़ौ, “तुऔं खै तौ पौरमेशवरे आपणै राज्य कै भैद बौताए राखै, पौरौ जू लोग मुं पांदी बिशवाश ना कौरौ तिनु सौबी कारिए ऐजी सौबै बातौ उदारण कै जैशणी औसौ।”
12इथकारिए जैशैकै पवित्र शास्त्र दो लैखै राव कै,
“सै दैखौ तौ औसौ पौरौ तिनकै किछै दैखियौं ना,
औरौ सै शुणौ तौ औसौ पौरौ किछै बै ना सौमझौ;
ऐशैखै ना हौंव कै सै मैरै धोरे पाछु आंव औरौ हांव तिनु माफ कौरे दियु।”
बिज़ बौणौवाल़ै का उदारण खै सौमझाणा
(मत्ती 13:18-23; लूका 8:11-15)
13तोबै यीशुए तिनुखै बौल़ौ, “जै तुऐं इनु उदारणो कै ना सौमझौ, तौ तोबै औकै सौबै उदारण कैशैखै सोमझलै जू हांव बौताणौवाल़ा औसौ?” 14पौरमेशवर का वचन बौताणौवाल़ा ऐशणा औसौ जैशैकै कुणिए किसान बिज़ बौंव। 15औरौ जू बिज़ बाटौ पुंडे कै मियाल़ो कै औसौ सै ऐशणै औसौ, जू पौरमेशवर का वचन शुणौ, पौरौ शैतान तौलोंई आयौ कै तिनकै मनो शै वचन कै बिसराए दैंव, जू बातौ तिनुऐ शौणै रैई थी। 16औरौ किछै बिज़ ऐशैखै औसौ जू शोकरेड़े वाल़ै जमीन पांदी छुटै, ऐजै सैजै औसौ जू पौरमेशवर का वचन खै शौणैबा तौलोंई खुशी सै मानौ। 17पौरौ पौरमेशवर कै वचन कै आपणै मनो भीतरा ना बौठाल़ो, औरौ ऐसी बौजैह शै सैजै दैणिक दूसौ तौड़ी टिकयौंदे रौंव; इथकै बाद जोबै पौरमेशवर कै वचन की बौजैह शै तिनु पांदी दुख औरौ तकलीफ आंव, तौ सै तौलोंई बिशवाश कौरणा छोड़े दैंव। 18औरौ किछै बीज़ ऐशणै औसौ जू झाड़ी मुंजी छुटै, ऐजै सैजै लोग औसौ जिनुवै पौरमेशवर कै वचन कै शुणा, 19पौरौ आपणै जीवन कै चिन्ता, औरौ धन-दोलत का लालच, औरौ ओकी चीज़ौ कै इछावं की बौजैह शै पौरमेशवर कै वचन कै मानणा छोड़े दैंव; औरौ सैजै बिना फोल़ कै जिन्दगी जियौं। 20औरौ किछै बिज़ ऐशणै औसौ जू बोड़िया जोमीनो दै छुटै, ऐजै सैजै लोग औसौ; जू पौरमेशवर का वचन शुणैबा आपणै जीवन दा अपनाएयो बौहुता फोल़ लांव। जैशैकै तीस गुणा बिज़ वाल़ै पोधै, साठ गुणा बिज़ वाल़ै, औरौ शौ गुणा बिज़ वाल़ै पोधै।
दिवे का उदारण
(लूका 8:16-18)
21यीशुए तिनुखै ऐक ओका उदारण दैयौ बौल़ौ, कुणिए बै दिवे खै बाल़ेयो शैकड़ै या मान्जै तौड़ी ना राखौ, पौरौ तिथुकै दियोट पांदी राखौ ताकि तिथकु पेयाशो सौबै ठाँव दु चौमकै सौकौ। 22ऐशैखैई जू किछै बै छिपैयौंदो औसौ, सै खोले जांदो; औरौ सौबै गुप्त बातौ प्रगट हौए जांदी। 23तोबै तैणै बौल़ौ, “जिनु कुणिए मैरी बातौ शुणी लोई, सै ध्यान सै शोणेया।”
24तोबै तैणै तिनुखै बौल़ौ, “चौकश रौया, कै का शुणौ? औरौ जैशैखै तुऐं ओकी का न्याय कौरलै, तोंवारा बै न्यांव कौरा जाला। #4:24 जिशै ध्यान शै तुऐं मैरी शिक्षा शुणल़ै तैशैकैई पौरमेशवर तुऔं खै सौमझ दैला 25जिथु जैसकैंई ठिकी सौमझ औसौ, तैसीखै पौरमेशवर बौहितै सौमझ दैला। पौरौ जैसकैंई किछै बै सौमझ ना आथी, तौ पौरमेशवर तैसी कैईंदै सैजै सौमझ बै उंढी कौरदा जू तैसीकैईं औसौए।”
जामेयोंदे बीजो का उदारण
26तोबै यीशुए बौल़ौ, “पौरमेशवर का राज्य ऐशणा औसौ, जैशैखै कुणिए किसाने बागड़ी दु बीज़ छिड़को। 27औरौ रौज रातै खै किसान सोतै जांव, औरौ रौज दूसौ खै टोल सांडो। औरौ सैजै बीज़ ऐशणै जामै औरौ बोददै रौवै, पौरौ किसान ना जाणौ कै ऐजौ कैशैखै हौंव। 28जमीन आपी दै फसल लांव, आगै तुणा, तोबै बाली, औरौ तोबै बाली दा तैयार दाणा। 29पौरौ जोबै शाख पाच्चै जांव, तोबै किसान आंव औरौ तौलोंई दातरै लैई काटी दैंव, जिथु काटणौ को दूस आए गौ।”
राई कै दाणै का उदारण
(मत्ती 13:31-32; लूका 13:18-19)
30तोबै यीशुए तिनुखै बौल़ौ, “हांव तुऔं कै हौजौ ऐक उदारण बोताऊं कै पौरमेशवर का राज्य कैशणा औसौ। 31पौरमेशवर का राज्य राई कै दाणै#4:31 यहूदी कै देशो दा जू राई का दाणा बौंव थिये सै ऐकी डाल़ो साए बौणौ थिया औरौ तीन मीटरो तौड़ी ऊंचा बोदो थिया कै जैशणा औसौ; जू जोमीनो दा बौए दैंव तौ जोमीनो कै सौबी बीजौ दा नानड़ा हौंव, 32पौरौ जोबै बौए दैंव, तौ जामेबा सौबी शागौ मुंजीदा बौड़ा हौए जांव, औरौ ऐतरी बौड़ी डाल़ी निकल़ौ कै चुड़कुल़ै बै गौयण पौरैशै आयौ तिथकी डाल़ी कि छांव दो कोएलाण बाणौ।”
33सै तिनु ऐशणै किसम कै बौहितै उदारण दैय देएबा तिनकी सौमझ कै जैशणै वचन शुणांव थिया। 34औरौ यीशु जौल़ौ बै लोगौ खै पौरमेशवर कै राज्य कै बारै दो बौतांव थिया, हमैशा उदारण देएबा बौल़ौ थिया; पौरौ सै जौई जाऐबा आपणै चैलै खै सौबी बातौ का मतलब बौताए दैंव थिया।
यीशु का ढोन्डो खै चुपी कौरणा
(मत्ती 8:23-27; लूका 8:22-25)
35तैसी दूसै बैल़खै कै सौमय, यीशुए आपणै चैलै खै बौल़ौ, “आंव गलील झील कै ओकी ढौबौ कै चालौ।” 36औरौ चैलै भीड़ कै पौछौड़ियौ छोडे़बा, तैसी किश्ती पांदी बौठै गौवै जिथपांदी यीशु थिया। सै यीशु कै आपणै साथै लोय गौवै, औरौ तिनकै साथै, तिथै ओकी बै किश्ती थी। 37जोबै सै झील कै ओकी ढौबौ चालै रौवै थिए तोबै बौड़ै जोराल़े हवा बोहंदे लागै, औरौ फालो किश्ती साथै टोकरादीं लागी। औरौ किश्ती पाणी लैई भोरदै लागै औरौ डुबदे लागै। 38औरौ यीशु किश्ती कै पाछलै पोशो दा ऐकी शिरान्टी पांदी मुंड लायौ सोतै रौआ थिया; चैलै यीशु खै बिजालैबा तैसीखै बौल़ौ, “ओए रै गुरुजी, का ताखै फिकर ना आथी, कै आमै सौबै डुबदे लागै रौवै?” 39तोबै यीशुए बिज़यो हवा खै ताडै़, औरौ फालो कै बौल़ौ, “चुपी हौए जा, ठोरै जा!” औरौ हवा चालणे रौकै गौए, औरौ ढौंड बिल्कुल चुपी हौए गौ। 40तोबै तैणै चैलो शै बौल़ौ, तुऐं किथुखै डौरे रौवै? का तुऔं खै इबी तौड़ी बै बिशवाश ना आथी? 41चैलै बौहितै ही डौरे गौवै औरौ आपी मुंजी बौल़ौ, “ऐजा कैशणा आदमी औसौ? कै हवा औरौ फालो बै काबू दै कौरे सौकौ!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sirmauri New Testament (सिरमौरी नौवाँ नियम), 2016 by The Love Fellowship is licensed under a Creative Commons Attribution-ShareAlike 4.0 International License.