मरकुस 5
5
दुष्टआत्मा वाल़ै आदमी कै ठीक कौरणा
(मत्ती 8:28-34; लूका 8:26-39)
1जोबै यीशु औरौ तैसकै चैलै समुन्द्र कै पार गिरासेनियों कै इलाके दै पोऊंचे, 2औरौ जोबै यीशु किश्ती पौरौशा उतरा तौ तौलोंई ऐक आदमी जैसदै दुष्टआत्माएं थी, कब्र पौरैशा निकल़ैयो तैसीखै भैटा। 3सै कब्रो दा रौंव थिया औरौ कुणिए बै लोग तैसीखै शांगुल़ो लैई बै ना बानै सौकौ थिए, 4जिथुकै तैसी बार-बार जंजीरो औरौ शांगुल़ी लैई बानै राए थिया, पौरौ तैणै शांगुल़ी खै तौड़ै दै औरौ जंजीरो कै टुकड़ै-टुकड़ै कौरे दिए थिए, औरौ कुणिए तैसीखै काबू दा ना कौरे सौकौ थिए। 5सै लगातार रातै दूसौ खै कब्रो दा औरौ धारो दा लैरौ मारो थिया, औरौ आपी खै पाथरो लैई बैहाल कौरौ थिया। 6सै यीशु खै दूर दा दैखैयो दोऊड़ा, औरौ तैसीखै आदर शै ढाल़ कौरणौ कारिए लातो पांदी पौड़ा। 7-8यीशुए आदैश दिया, “ओए रै दुष्टआत्मा, ऐसी आदमी पौरैशै बैड़ो आव।” तोबै तैसी आदमीए जोर शै लैरौ मारेयों बौल़ौ, “ओए रै यीशु, शौकतीशाली पौरमेशवर का बैटा, अमारै तांवआरी कुणजाई लैणा दैणा ना आथी? तू मुखै पौरमेशवर कै सामणै ऐक शौं दै कै तू मुखै पिड़ौ ना दैंदा।” 9यीशुए तैसी पूछा, “तैरौ का नांव औसौ?” तैणै यीशु खै बौल़ौ, “मैरौ नांव सैना औसौ; जिथुकै आमै बौहितै औसौ (तैसी आदमी कै भीतरै बौहुती दुष्टआत्माएं थी)।” 10औरौ तैणै यीशु शै बार-बार बिन्ती कौरे कै, “आमु ऐसी इलाके पौरैशै बायरै ना छाड़ैया।”
11ऐबै ऐशैखै हौं कै तिथै धारो पांदी सुंगरों का ऐक बौड़ा झुंड चोरे रौआ थिया। 12औरौ दुष्टआत्माएं तैसीकैईं दै बिन्ती कौरेयौ बौल़ौ, “आमु तिनु सुंगरों कै झुंड दै छाड़ै दै, कै आमै तिनकै भीतरै जोऊं।” 13यीशुए तिनुखै इजाज़त दै औरौ दुष्टआत्माएं तैसी आदमी पौरैशै बायरै आए गौए, औरौ सुंगरों कै भीतरै हौटै गौए। तिनु सुंगरों कै झुंड मुंजी करीब दो हजार सुंगरों थिए, सै डांगौ किनारे ढौबौ दोऊड़ै औरौ समुन्द्र दै डुबेबा मौरे गौवै।
14औरौ तिनकै चोराणोवाल़ै दौड़ैबा नोगरो औरौ गांव दै ऐजी खोबर बौताए दी जू होए रो थियु। औरौ जू किछै हौए रौंव थियु, लोग तिथुकै दैखदै आए। 15औरौ जैसी आदमी कै भीतरै बैजाए दुष्टआत्माएं थी, तैसीखै यीशु मसीह कै धोरे खोटणो बाम्बेयोंदा औरौ होशो दा बौठेयौंदा दैखैयो कै डौरे गौवै। 16देखणैवाल़ै तैसका जैसी आदमी दै दुष्टआत्माएं थी, औरौ सुंगरों का पूरा हाल, तिनु लोगौ कै शुणौऊवा जू ओलग-ओलग नोगरो औरौ गांव शै आए रौवै थिए।
17औरौ लोग यीशु शै बिन्ती कौरेयौ बौलदै लागै, कै अमारै इलाके पौरैशा आगु जा। 18जोबै यीशु किश्ती पांदी चोढ़दा ही लागा, तौ जैसी आदमी दै आगै दुष्टआत्माएं थी, सै तैसीकैईं दै बिन्ती कौरदा लागा, “मुखै आपणै साथै आणौ दै।” 19पौरौ यीशुए तैसीखै आपणै साथै आणौ ना दी, औरौ तैसीखै बौल़ौ, “आपणै घोरे जाऐबा आपणै लोगौ खै बोता कै तांव पांदी दया कौरेबा प्रभुए तांव कारिए कैशणै बौड़ै काम कौरे राए।” 20तोबै सैजा आदमी आपणै घोरे हौटै गौआ। तोबै सै दिकापुलिस इलाके (दस शहर) दा हौटा, औरौ इयौं बातौ का प्रचार कौरदा लागा, कै यीशुए मुं कारिए कैशणै बौड़ै काम कौरे राए; औरौ सौबै शुणणौवाल़ै लोग हैरान हौए गौवै।
याईर कै बैटी कै जियुंदै कौरणै
(मत्ती 9:18-26; लूका 8:40-56)
21जोबै यीशु दुजाल़ियो किश्ती दा गलील समुन्द्र कै ओकी ढौबौ पोऊंचा, सै इबी किनारे पांदी ही खौड़ा हौए रौआ थिया, तौ ऐक बौड़ै भीड़ तैसकै आयरै बायरै कौठै हौए गौए। 22याईर नांव का आदमी यहूदी सभा-घोरो कै ठोगड़े मुंजीदा ऐक ओऊवा, औरौ तैसीखै दैखैयो, तैसकै लातो पांदी पौड़ा। 23औरौ ऐजौ बौलेबा तैसी कैईंदै बैजाए बिन्ती कोरयो बौल़ौ, “मैरै नानड़ै बैटी मौरणौ पांदी औसौ: तू मैरै घोरे आयौ तियौं पांदी हाथ धौर दै, तोबै सै ठीक हौए जांदी औरौ जियुंदी रौंदी।” 24तोबै सै तैसकै साथै हौटा; औरौ बौड़ै भीड़ तैसकै पौछौड़ियौ हौए गौए, औरौ लोग तैसी पांदी रिड़ै जांव थिए।
25औरौ भीड़ौ मुंजी ऐक बैटमाणिश थी, जियौं खै बारौ सालो शै लोऊ बौणौ का रोग थिया। 26औरौ सै वेदो शै इलाज कौरांदे-कौरांदे बौहितै दुखी हौए गौए थी, औरौ आपणा सौब रुपीया लाएबा बै तियौंखै किछै बै आराम ना पौड़ी रैई थी, पौरौ ठीक हौणौ कै बजाय औरौ जादा बीमार पौड़ै गौए थी। 27-28जोबै तियैं शुणु, कै यीशुए लोगौ कै ठीक कौरे राए, सै सुंचौ थी, “जै हांव यीशु कै खोटणो ही छुंऊबै, तोबै बै हांव ठीक हौए जांदै।” तोबै सै भीड़ौ मुंजीदै तैसकै पौछौड़ियौ आए, औरौ तैसकै खोटणो छुवे। 29औरौ तौलोंई तिंयारौ लहू बोहणौ का रोग ठीक हौए गौआ; औरौ तियैं आपणै शोरीरो दो जाणै पोऊँ, कै हांव तियौं बीमारी दै ठीक हौए गौए। 30यीशुए तौलोंई आपणै मन दो जाणै पोऊँ, कै मुं पौरैशै अनौखी शौकतै निकल़ै रौए, औरौ भीड़ौ मुंजी पाछु फिरैयौ पूछु, “मैरै खोटणो कुणै छुऐं?” 31तैसकै चैलै बौल़ौ, “तुऐं तौ दैख लो कै कैशैखै भीड़ तांव पांदी रिड़दै लागै रौए, औरौ तू बौल़ै; कै कुणै मुखै छुआ?” 32यीशुए तैसी आदमी का पौता लाणौ खै आपी बायरा दैखदा लागा, जिथुकै तैसीकै कुणिए छुऐं राए थिया। 33तियौं बैटमाणिशै जाणै पोऊँ, कै यीशुए मुखै ठीक कौरे दै इथकारिए सै यीशु धोरे आए औरौ तैसकै लातो पांदी पौड़ै,#5:33 हौए सौकौ तियांरै डौरणो का बौजैह यहूदी कानून हौला जिंदी अशुध्द आदमी शुद्ध चीज़ौ खै छुए ना सौकौ थिये, औरौ तियैं ऐजा कानून तौड़ै राए थिया। डौरेयौ औरौ काम्बलेबा आए, औरौ तैसीकैईं सौबै ठुँ साचौ-साचौ बौल़ै दियु। 34यीशुए तियौंकै बौल़ौ, “बैटी, तुऐं मुं पांदी भोरोशा कौरे राए कै हांव ताखै ठीक कौरे सौकु, इथकारिए शान्तै शै आगु जा, औरौ ऐबै तू आपणै बीमारी शै बिल्कुल ठीक हौए गौए।”
35जोबै यीशुए तियौं बैटमाणिशौ आरी ऐजै बात कौरे लौए थी कै यहूदी सभा-घोरो कै ठोगड़े कै धोरे दै लोगै आयौ ठोगड़े कै बौल़ौ, “तैरै बैटी तौ मौरे गौए, ऐबै गुरुजी खै पौरैशान नै कौर?” 36जू बात तिनुऐ बौल़ै लोए थी, तिनु बातौ खै यीशुए अणशौणै कौरेयौ, यहूदी सभा-घोरे कै ठोगड़े खै बौल़ौ, “डौरेया नै, बस बिशवाश राख?” 37औरौ तैणै पतरस औरौ याकूब औरौ याकूब कै भाई यूहन्ना खै छोड़ेयौ, ओकी कोसी खै भीड़ौ मुंजीदै आपणै साथै ना आणौ दी।
38यहूदी सभा-घोरो कै ठोगड़े कै घोरे आयो, तैणै लोगौ कै बौहितै रुंदै औरौ लैरौ मारदै दैखै। 39तोबै तैणै भीतरै जाएयो तिनुखै ताडै़ जै “तुऐं किथुखै रौई रौवै? बाएटी तौ मौरे ना रैई पौरौ सोतै रौए।” 40ऐजौ शोणेयो भीड़ यीशु पांदी होसदै लागै, पौरौ तैणै सौबी खै घोरो पौरैशै बाहींडे कौरे, औरौ कोन्या कै माँ-बापू औरौ आपणै तीन चैलै कै साथै नियौ कै, भीतरै हौटा जिथै बाइटी लेटेयोंदे थी। 41औरौ तियौं कोन्या का हाथ थाम्बैयौ तियौंखै बौल़ौ, “तलीता कुमी।” जिथका मतलब औसौ, “ओए रै बाएटी हांव ताखै बुलू, ऊबै बिज़।” 42औरौ कोन्या तौलोंई ऊबै बेजैबा तौलोंई हांडदै फैरदै लागै; सै बारौ सालो कै थी। जोबै ऐशैखै हौ तौ लोग बौहितै हैरान हौए गौवै। 43तोबै यीशुए तिनुखै चिताऐबा बौल़ौ कै ऐजै बात कोसी कै नी बौलेया कै का हौए रौ थियु, औरौ तियांरै माँ-बापू कै बौल़ौ; “इयौंकै किछै खाणौ खै दैंव।”
Currently Selected:
मरकुस 5: SRXNT
Highlight
Share
Copy
Want to have your highlights saved across all your devices? Sign up or sign in
Sirmauri New Testament (सिरमौरी नौवाँ नियम), 2016 by The Love Fellowship is licensed under a Creative Commons Attribution-ShareAlike 4.0 International License.
मरकुस 5
5
दुष्टआत्मा वाल़ै आदमी कै ठीक कौरणा
(मत्ती 8:28-34; लूका 8:26-39)
1जोबै यीशु औरौ तैसकै चैलै समुन्द्र कै पार गिरासेनियों कै इलाके दै पोऊंचे, 2औरौ जोबै यीशु किश्ती पौरौशा उतरा तौ तौलोंई ऐक आदमी जैसदै दुष्टआत्माएं थी, कब्र पौरैशा निकल़ैयो तैसीखै भैटा। 3सै कब्रो दा रौंव थिया औरौ कुणिए बै लोग तैसीखै शांगुल़ो लैई बै ना बानै सौकौ थिए, 4जिथुकै तैसी बार-बार जंजीरो औरौ शांगुल़ी लैई बानै राए थिया, पौरौ तैणै शांगुल़ी खै तौड़ै दै औरौ जंजीरो कै टुकड़ै-टुकड़ै कौरे दिए थिए, औरौ कुणिए तैसीखै काबू दा ना कौरे सौकौ थिए। 5सै लगातार रातै दूसौ खै कब्रो दा औरौ धारो दा लैरौ मारो थिया, औरौ आपी खै पाथरो लैई बैहाल कौरौ थिया। 6सै यीशु खै दूर दा दैखैयो दोऊड़ा, औरौ तैसीखै आदर शै ढाल़ कौरणौ कारिए लातो पांदी पौड़ा। 7-8यीशुए आदैश दिया, “ओए रै दुष्टआत्मा, ऐसी आदमी पौरैशै बैड़ो आव।” तोबै तैसी आदमीए जोर शै लैरौ मारेयों बौल़ौ, “ओए रै यीशु, शौकतीशाली पौरमेशवर का बैटा, अमारै तांवआरी कुणजाई लैणा दैणा ना आथी? तू मुखै पौरमेशवर कै सामणै ऐक शौं दै कै तू मुखै पिड़ौ ना दैंदा।” 9यीशुए तैसी पूछा, “तैरौ का नांव औसौ?” तैणै यीशु खै बौल़ौ, “मैरौ नांव सैना औसौ; जिथुकै आमै बौहितै औसौ (तैसी आदमी कै भीतरै बौहुती दुष्टआत्माएं थी)।” 10औरौ तैणै यीशु शै बार-बार बिन्ती कौरे कै, “आमु ऐसी इलाके पौरैशै बायरै ना छाड़ैया।”
11ऐबै ऐशैखै हौं कै तिथै धारो पांदी सुंगरों का ऐक बौड़ा झुंड चोरे रौआ थिया। 12औरौ दुष्टआत्माएं तैसीकैईं दै बिन्ती कौरेयौ बौल़ौ, “आमु तिनु सुंगरों कै झुंड दै छाड़ै दै, कै आमै तिनकै भीतरै जोऊं।” 13यीशुए तिनुखै इजाज़त दै औरौ दुष्टआत्माएं तैसी आदमी पौरैशै बायरै आए गौए, औरौ सुंगरों कै भीतरै हौटै गौए। तिनु सुंगरों कै झुंड मुंजी करीब दो हजार सुंगरों थिए, सै डांगौ किनारे ढौबौ दोऊड़ै औरौ समुन्द्र दै डुबेबा मौरे गौवै।
14औरौ तिनकै चोराणोवाल़ै दौड़ैबा नोगरो औरौ गांव दै ऐजी खोबर बौताए दी जू होए रो थियु। औरौ जू किछै हौए रौंव थियु, लोग तिथुकै दैखदै आए। 15औरौ जैसी आदमी कै भीतरै बैजाए दुष्टआत्माएं थी, तैसीखै यीशु मसीह कै धोरे खोटणो बाम्बेयोंदा औरौ होशो दा बौठेयौंदा दैखैयो कै डौरे गौवै। 16देखणैवाल़ै तैसका जैसी आदमी दै दुष्टआत्माएं थी, औरौ सुंगरों का पूरा हाल, तिनु लोगौ कै शुणौऊवा जू ओलग-ओलग नोगरो औरौ गांव शै आए रौवै थिए।
17औरौ लोग यीशु शै बिन्ती कौरेयौ बौलदै लागै, कै अमारै इलाके पौरैशा आगु जा। 18जोबै यीशु किश्ती पांदी चोढ़दा ही लागा, तौ जैसी आदमी दै आगै दुष्टआत्माएं थी, सै तैसीकैईं दै बिन्ती कौरदा लागा, “मुखै आपणै साथै आणौ दै।” 19पौरौ यीशुए तैसीखै आपणै साथै आणौ ना दी, औरौ तैसीखै बौल़ौ, “आपणै घोरे जाऐबा आपणै लोगौ खै बोता कै तांव पांदी दया कौरेबा प्रभुए तांव कारिए कैशणै बौड़ै काम कौरे राए।” 20तोबै सैजा आदमी आपणै घोरे हौटै गौआ। तोबै सै दिकापुलिस इलाके (दस शहर) दा हौटा, औरौ इयौं बातौ का प्रचार कौरदा लागा, कै यीशुए मुं कारिए कैशणै बौड़ै काम कौरे राए; औरौ सौबै शुणणौवाल़ै लोग हैरान हौए गौवै।
याईर कै बैटी कै जियुंदै कौरणै
(मत्ती 9:18-26; लूका 8:40-56)
21जोबै यीशु दुजाल़ियो किश्ती दा गलील समुन्द्र कै ओकी ढौबौ पोऊंचा, सै इबी किनारे पांदी ही खौड़ा हौए रौआ थिया, तौ ऐक बौड़ै भीड़ तैसकै आयरै बायरै कौठै हौए गौए। 22याईर नांव का आदमी यहूदी सभा-घोरो कै ठोगड़े मुंजीदा ऐक ओऊवा, औरौ तैसीखै दैखैयो, तैसकै लातो पांदी पौड़ा। 23औरौ ऐजौ बौलेबा तैसी कैईंदै बैजाए बिन्ती कोरयो बौल़ौ, “मैरै नानड़ै बैटी मौरणौ पांदी औसौ: तू मैरै घोरे आयौ तियौं पांदी हाथ धौर दै, तोबै सै ठीक हौए जांदी औरौ जियुंदी रौंदी।” 24तोबै सै तैसकै साथै हौटा; औरौ बौड़ै भीड़ तैसकै पौछौड़ियौ हौए गौए, औरौ लोग तैसी पांदी रिड़ै जांव थिए।
25औरौ भीड़ौ मुंजी ऐक बैटमाणिश थी, जियौं खै बारौ सालो शै लोऊ बौणौ का रोग थिया। 26औरौ सै वेदो शै इलाज कौरांदे-कौरांदे बौहितै दुखी हौए गौए थी, औरौ आपणा सौब रुपीया लाएबा बै तियौंखै किछै बै आराम ना पौड़ी रैई थी, पौरौ ठीक हौणौ कै बजाय औरौ जादा बीमार पौड़ै गौए थी। 27-28जोबै तियैं शुणु, कै यीशुए लोगौ कै ठीक कौरे राए, सै सुंचौ थी, “जै हांव यीशु कै खोटणो ही छुंऊबै, तोबै बै हांव ठीक हौए जांदै।” तोबै सै भीड़ौ मुंजीदै तैसकै पौछौड़ियौ आए, औरौ तैसकै खोटणो छुवे। 29औरौ तौलोंई तिंयारौ लहू बोहणौ का रोग ठीक हौए गौआ; औरौ तियैं आपणै शोरीरो दो जाणै पोऊँ, कै हांव तियौं बीमारी दै ठीक हौए गौए। 30यीशुए तौलोंई आपणै मन दो जाणै पोऊँ, कै मुं पौरैशै अनौखी शौकतै निकल़ै रौए, औरौ भीड़ौ मुंजी पाछु फिरैयौ पूछु, “मैरै खोटणो कुणै छुऐं?” 31तैसकै चैलै बौल़ौ, “तुऐं तौ दैख लो कै कैशैखै भीड़ तांव पांदी रिड़दै लागै रौए, औरौ तू बौल़ै; कै कुणै मुखै छुआ?” 32यीशुए तैसी आदमी का पौता लाणौ खै आपी बायरा दैखदा लागा, जिथुकै तैसीकै कुणिए छुऐं राए थिया। 33तियौं बैटमाणिशै जाणै पोऊँ, कै यीशुए मुखै ठीक कौरे दै इथकारिए सै यीशु धोरे आए औरौ तैसकै लातो पांदी पौड़ै,#5:33 हौए सौकौ तियांरै डौरणो का बौजैह यहूदी कानून हौला जिंदी अशुध्द आदमी शुद्ध चीज़ौ खै छुए ना सौकौ थिये, औरौ तियैं ऐजा कानून तौड़ै राए थिया। डौरेयौ औरौ काम्बलेबा आए, औरौ तैसीकैईं सौबै ठुँ साचौ-साचौ बौल़ै दियु। 34यीशुए तियौंकै बौल़ौ, “बैटी, तुऐं मुं पांदी भोरोशा कौरे राए कै हांव ताखै ठीक कौरे सौकु, इथकारिए शान्तै शै आगु जा, औरौ ऐबै तू आपणै बीमारी शै बिल्कुल ठीक हौए गौए।”
35जोबै यीशुए तियौं बैटमाणिशौ आरी ऐजै बात कौरे लौए थी कै यहूदी सभा-घोरो कै ठोगड़े कै धोरे दै लोगै आयौ ठोगड़े कै बौल़ौ, “तैरै बैटी तौ मौरे गौए, ऐबै गुरुजी खै पौरैशान नै कौर?” 36जू बात तिनुऐ बौल़ै लोए थी, तिनु बातौ खै यीशुए अणशौणै कौरेयौ, यहूदी सभा-घोरे कै ठोगड़े खै बौल़ौ, “डौरेया नै, बस बिशवाश राख?” 37औरौ तैणै पतरस औरौ याकूब औरौ याकूब कै भाई यूहन्ना खै छोड़ेयौ, ओकी कोसी खै भीड़ौ मुंजीदै आपणै साथै ना आणौ दी।
38यहूदी सभा-घोरो कै ठोगड़े कै घोरे आयो, तैणै लोगौ कै बौहितै रुंदै औरौ लैरौ मारदै दैखै। 39तोबै तैणै भीतरै जाएयो तिनुखै ताडै़ जै “तुऐं किथुखै रौई रौवै? बाएटी तौ मौरे ना रैई पौरौ सोतै रौए।” 40ऐजौ शोणेयो भीड़ यीशु पांदी होसदै लागै, पौरौ तैणै सौबी खै घोरो पौरैशै बाहींडे कौरे, औरौ कोन्या कै माँ-बापू औरौ आपणै तीन चैलै कै साथै नियौ कै, भीतरै हौटा जिथै बाइटी लेटेयोंदे थी। 41औरौ तियौं कोन्या का हाथ थाम्बैयौ तियौंखै बौल़ौ, “तलीता कुमी।” जिथका मतलब औसौ, “ओए रै बाएटी हांव ताखै बुलू, ऊबै बिज़।” 42औरौ कोन्या तौलोंई ऊबै बेजैबा तौलोंई हांडदै फैरदै लागै; सै बारौ सालो कै थी। जोबै ऐशैखै हौ तौ लोग बौहितै हैरान हौए गौवै। 43तोबै यीशुए तिनुखै चिताऐबा बौल़ौ कै ऐजै बात कोसी कै नी बौलेया कै का हौए रौ थियु, औरौ तियांरै माँ-बापू कै बौल़ौ; “इयौंकै किछै खाणौ खै दैंव।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sirmauri New Testament (सिरमौरी नौवाँ नियम), 2016 by The Love Fellowship is licensed under a Creative Commons Attribution-ShareAlike 4.0 International License.