GENESIS 5
5
Adam Tefa Hna
(1Cha 1.1-4)
1Hihi Adam tefa hna min cazin cu a si. (Pathian nih minung a rak ser hna ah khan amah he i lo in a rak ser. #Gen 1.27-28 2Nu le pa in a ser hna i thluachuahnak a pek hna i “Minung phun” tiah min a sak hna). #Mat 19.4; Mar 10.6 3Adam cu kum za le sawm thum a si tikah amah bantuk a simi fapa pakhat a ngei i a min ah Seth a sak. 4Cu hnuah cun Adam cu kum za riat a nung rih. Fa dang kha a ngeih hna i 5kum za kua le sawm thum a si ah a thi.
6Seth cu kum za le kum nga a si ah fapa pakhat Enosh a ngei i 7cu hnuah cun kum za riat le kum sarih a nung. Fa dang kha a ngeih hna i 8kum za kua le hleihnih a si ah a thi.
9Enosh cu kum sawm kua a si ah fapa pakhat Kenan a ngei i 10cu hnuah kum za riat le kum hleinga a nung. Fa dang kha a ngeih hna i 11kum za kua le kum nga a si ah a thi.
12Kenan cu kum sawm sarih a si ah fapa pakhat Mahalalel a ngei i 13cu hnuah kum za riat le sawm li a nung. Fa dang kha a ngeih hna i 14kum za kua le kum hra a si ah a thi.
15Mahalalel cu kum sawm ruk le kum nga a si ah fapa pakhat Jared a ngei i 16cu hnuah kum za riat le sawm thum a nung. Fa dang kha a ngeih hna i 17kum za riat sawm kua le panga a si ah a thi.
18Jared cu kum za sawm ruk le kum hnih a si ah fapa pakhat Enok a ngei i 19cu hnuah kum za riat a nung. Fa dang kha a ngeih hna i 20kum za kua sawm ruk le pahnih a si ah a thi.
21Enok cu kum sawm ruk le kum nga a si ah fapa pakhat Methuselah a ngei. 22Cu hnuah Enok cu Pathian he i kom in kum za thum a nung i fa dang kha a hrin hna; 23kum za thum sawm ruk le kum nga tiang a nung. 24Enok cu a nun chung dihlak Pathian he tlongleng ṭi in a nung i Pathian nih a lak caah a um ti lo. #Heb 11.5; Jud 14
25Methuselah cu kum za sawm riat kum sarih a si ah fapa pakhat Lamek a ngei i 26cu hnuah kum za sarih kum sawm riat le kum hnih a nung. Fa dang kha a hrin hna i 27kum za kua le kum sawm ruk le kum kua a si ah a thi.
28Lamek cu kum za sawm riat le pahnih a si ah fapa pakhat a ngei i 29“Bawipa nih chiat a serhmi vawlei i rian har kan ṭuannak hin, hi pa nih dinhnak a kan pek lai,” tiin, a min ah Noah a sak. 30Cu hnuah Lamek cu kum za nga sawm kua le kum nga a nung. Fa dang a ngeih hna i 31kum za sarih sawm sarih le kum sarih a si ah a thi. 32Noah cu kum za nga a si hnuah fapa pathum Shem, Ham le Jafeth kha a ngeih hna.
Currently Selected:
GENESIS 5: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
