Lúkɩ 5
5
Zozíi wle ɔ tagà kʋjɩ̀nyʋ̀àà
(Matíe 4.18‑22; Málɩ́kɩ 1.16‑20)
1Zozíi kʋ tányɩ a múó, Zenezalétɩ a nyíé gɔ̀, lé nyʋa bhúbhuoloó, áa yi a ká Lagɔ̀wɔ̀lɩ̀ɛ̀ nyúkwlí pʋ. 2Ɔ nɩ náà dʋdʋɛ a, gɔ́kádɩ a sɔ́, kʋ ʋ́ nyíé gɔ̀, ɩ́ kanyʋa kʋ sáà ʋ́ á wɔlɔ a pílɩ. 3Lé Zozíi pla Simɔ́ɔ a gɔ́lʋ́ a múó a mnɩ́ lé ɔ́ srʋ ɔ́ mà ɔ lú ɔ wlʋ́ tòyipɛ nyígbʋ̀gbʋ́ɔ́ gwá. Lé ɔ́ plɩ́ɩ gɔ́lʋ́ɔ́ mnɩ́ lé ɔ́ bɔ́ɔ sá, lé ɔ́ bháʋ́ nyʋa a cɩ́acʋ́ kʋ́.
4Ɔ́ bhɩa cícíé zɔ̀ a, ɔ́ srʋ Simɔ́ɔ mà: «Lú à mʋ nyíé a dɛ́ɛ̀ trʋ mʋ́ a, lé a páa ʋ́ a píloó!» 5Bhʋ́ Simɔ́ɔ srʋ ɔ́ mà: «Másɛɛ̀, à kʋ̀ dɩ́bɩ̀ɛ̀ lɩ̀à pílɩ a páada àààn lé zrɩ̀ɩ zɩ, à nɩ́ lɛ́ yɛ́. Mà cémʋ́ yà yɩ́ lɛ́ cí a, ɩ́ yi yɩ́ mɩ́ páa.» 6Mà á páa pílɩɛ́ a, zrì á bhla a, ɩ́ zumole plɩ́ gɔ̀, ɩ́ ka ŋnɩ́ lé pílié yrayrɔɔ̀. 7Ɩ́ nɩ lé á pá a lía kʋ̀ gɔ́lʋ́ ànʋ a mnɩ́ a, sɔɔ́, a ká yi á ká a kʋ́ fa. Á yi lé a yà sɔ́ jri pílié lé á yíe gɔ́lɩ́ɛ́ sɔ́ɔ́ zrì kʋ́, mà zrìè a zumole ka ŋnɩ́ lé gɔ́lɩ́ anɩ vlɔ. 8Mà tányɩɛ́ mʋ́ Simɔ́ Pɩ́ɛ́lɩ yɛ́ wɔlɩ́ɛ́ a, ɔ́ sra Zozíi a drɩ̀ koti sá, lé ɔ́ srʋ ɔ́ mà: «Kanyɔɔ̀, Ɩ́bhìè wlʋ́ mɔ́ gwá, mà yáa nyumoé nɩ!» 9Mà zrìè a zumole la Simɔ́ɔ yà nyʋa ɔ yà sɔ́ kʋ ʋ́ a, sɔ́ ŋanɩmɛ kʋ́. 10Bháa yɩ́ Zebedée a yúó Zákɩ yà Záan sɔ́ jɩ̀, lé kà Simɔ́ɔ a nɩ nyʋaá sɔ́ jɩ̀ ŋnɩ. Lé Zozíi srʋ Simɔ́ɔ mà: «Simɔ́ɔ̀, ŋanɩmɛ ná bhlá mɔ̀, mà bháa yɩ́ lɛ́ zɩmnɛ́ jɩ̀ a, nyʋa a jrinyɔ nà kà yɩ́ plɩ́.» 11Zozíi srʋ lɛ́ sɩ́tɛ̀ Simɔ́ɔ a, áa jri yɩ́ gɔ́lɩ́ɛ́ kíké wlú lé á tɩ ʋ́ lɩ́ɛ́ fɩ́ɛ́ lé á jɩ́ ɔ́ kʋ́.
Zozíi yalɩma kosugɔ̀bhànyɔ
(Matíe 8.1‑4; Málɩ́kɩ 1.40‑45)
12Yruú kʋ̀ a, Zozíi kʋ dú a múó mnɩ́ lé nyɔ a múó kosugɔ̀gu bhlá a, yi plɩ́ ka. Mà tányɩɛ́ mʋ́ ɔ yɩ́ bhli Zozíi jɩ̀ a, ɔ́ sra ɔ́ drɩ̀ koti sá lé ɔ́ srɔɔ wlú lé ɔ́ srʋ ɔ́ mà: «Kanyɔɔ̀, nɩ̀ yrá a, ɩ̀ yi mɔ́ yalɩma.» 13Ɔ́ cíí a, Zozíi fa sɔɔ́ lé ɔ́ gbɔ́ ɔ́ lé ɔ́ srʋ ɔ́ mà: «Ɩ́ yrá lé kà yalɩma!» Á kʋ dáamúó lé kosugɔ̀gùò wlʋ́ nyɔɔ́ mʋ́. 14Lé Zozíi srʋ ɔ́ mà: «Bhli né kʋ́ nàa srʋ nyɔ lé mʋ Lagɔ̀bʋ̀bɔ̀nyɔ gɔ̀ lé ɔ ká mɔ̀ dʋdʋ̀ lé Moyízɩ a Jràmáá a bʋbɔ̀lɩ̀ɛ̀, ɔ́ cɛ́cɩ wá a, kɩɩ saà.#5.14 A zɛlɩɩ sáà Levíi 14.2‑32. Ɩ́mɩ́ nà kà nɩ lé, nyʋa ká saá yɩbhlɩ mà, yà yalɩma.»
15Ɩ́ nɩ lé Zozíi a ŋwnú mʋ wá. Lé nyʋa ŋnɩlɔ̀ wlú lé á pʋ ɔ́ nyúkwlí lé á yio gɔ̀ lé ɔ́ yalɩmalaá. 16Mà tányɩ kʋɛ ʋ́ lé Zozíi gbʋ́gbʋɛ nyɔ nɩ́ kʋ a, lé ɔ́ bhibhie.
Zozíi yalɩma kplákplányɔ
(Matíe 9.1‑8; Málɩ́kɩ 2.1‑12)
17Zozíi kʋ yruú a múó kʋ́ Lagɔ̀wɔ̀lɩ̀ɛ̀ a cɩ́ada lé Falizɩ́ɛnyʋa yà lɔ̀ a másɛnyʋa sɔ́ wlʋ́ Galiléebhlɩ yà Zudéebhlɩ sɔ́ a dí a mnɩ́ lé á yi á kʋ jrè gɔ̀ nyʋa a nyièdɩ, àna wlʋ́ sáà Zelízalɛ́mʋ lé á yi. Mà Kanyɔ a pɔ́waá kʋ̀ Zozíi jɩ̀ a, á nie lé gupuonyʋaá fɩ́ɛ́ yie a, á yalɩmalɛ. 18Á dʋdʋ̀ a, kplákplányɔ kʋ gbàpʋ́, nyʋa gbɩdɩɔ́ á yie, nyʋaá yrá lé á ká wlʋɔ́ a mnɩ́ pla lé a kɔ́ Zozíi drɩ̀ púo. 19Mà nyʋa a zumole ka ŋnɩ́ lé a nɩ yɛ́ cásɩ a ká plɩ́, ɩ́ nɩ á lé a yɔ̀sɔ́ gblà wlʋɔ́ a wlú lé á sʋʋ́ jɩ̀ zíkipɩʋ lé a yɔ̀sɔ́ blée mɔ̀ lé á kwlíi Zozíi drɩ̀, jrè a nyièdɩ. 20Zozíi yɛ́ nyʋaá a fádùò a, ɔ́ srʋ gupuonyɔɔ́ mà: «Mɔ̀, nàa nyumoé ya mɔ̀ cielo!»
21Wɔlíɛ́ Zozíi srʋ gupuonyɔɔ́ a, ɩ́ nɩ lé lɔ̀ a másɛnyʋaá yà Falizɩ́ɛnyʋaá sɔ́ fafa wɛ́ gɔ̀, ɩ́mɩ́ ŋwɔ́ɔ mà: «Nyɔ́ gbá kʋ̀ dɛ́ ɔ ŋáta Lagɔ a ŋnɩ́ àa? Nyɔ gbá yi mi lé ɔ̀ yi ɔ́ liyʋ a nyumoé cie áa? À nɩ nɩ́ Lagɔ a múó coco ŋwɔ́ɔ a!» 22Mà cémʋ́ Zozíi yɩbhlɩ wɔlɩ́ɛ́ á bhobho a, ɔ́ srʋ á mà: «Ɛ̀ kʋ̀ʋ lé a bhobho sɩ́tɛ̀ a wɔlɩ́ a? 23Ká kplákplányɔ srʋ mà ɔ́ nyumoé yɔɔ́ cielo, bhè kɔ́ srʋ mà ɔ soglù lé ɔ ná a, wɔlɩdrìè sɔ́ɔ́ lɩ̀à a mnɩ́, àna gbá tɛ́ mʋ́ à? 24A ka lé a ká saá yɩbhlɩ mà, Nyɔɔ́ a Yuwliyʋɔ́ ka dɛ́ dʋ̀dʋ kʋ́ pɔ́wa lé ɔ́ ká nyʋa a nyumoé cie.» Lé ɔ́ srʋ kplákplányɔ mà: «Náa srʋɛ yɩ́ mɔ̀, soglù! Bhá ʋ́ nàa gbàpʋ́ɔ́ kà gbó mʋ!» 25Nyɔɔ́ so kɔ́ɔ̀kʋ́ glù a, nyʋaá fɩ́ɛ́ a drɩ̀ a, gbàpʋ́ɔ́ jɩ̀ ɔ́ pʋ́ la a, ɔ́ bháʋ́ mʋ́, ɔ́ kʋ Lagɔ a ŋwnú fada àààn, lé ɔ́ ŋnɩ ɔ gbó. 26Neé mna nyʋa fɩ́ɛ́, ɩ́ nɩ lé á fa Lagɔ ŋwnú, á ka yɩ́ Lagɔ a cɩ́cása, á cíe lé á nie: «À yà zɩmnɛ́ wɔlɩ́ɛ́ ɩ̀ mna nyʋa neé a yɛ́.»
Zozíi yi bhàlʋ̀nyʋa a zà
(Matíe 9.9‑13; Málɩ́kɩ 2.13‑17)
27Ɩ̀lɩa plɩ lé Zozíi flʋ zɔ̀ a, ɔ́ yɛ́ lapóo a kʋbhlinyɔ a múó, ɔ́mɔ́ á wlele Levíi, ɔ́ bɔ́ɔ ɔ nɔnʋzrɩ̀da lé Zozíi srʋ ɔ́ mà: «Jɩ́ mɔ́ɔ kʋ́!» 28Lé Levíi soglù, ɔ́ tɩ ʋ́ ɔ lɩ́ɛ́ fɩ́ɛ́ lé ɔ́ jɩ́ Zozíi kʋ́.
29Yruú a múó kʋ́, Levíi wle Zozíi ɔ gbó ɔ ká li, mà lapóo a kʋbhlinyʋa kɔ́kɔ́mnɩ́ yi, á kʋ ʋ́, lé yígàdà nyʋa àna kʋ sáà ʋ́ lelitebhleé jɩ̀. 30Mà Falizɩ́ɛnyʋa yà lɔ̀ a másɛnyʋa sɔ́ kalɛ Zozíi neé, á yrá ɔ́ kʋjɩ̀nyʋ̀àà mà: «Ɛ̀kʋ̀ʋ̀ bhè a yà lapóo a kʋbhlinyʋaá yà bhàlʋ̀nyʋ̀àà sɔ́ a lile kʋ́ lé a mnálɛ kʋ́ à?» 31Lé Zozíi srʋ á, ɔ́ anɩ́: «Nyʋaá gú nɩ́ bhlá a, á nɩ́ mʋ́mɔ dɔ̀tányʋa, mà gupuonyʋaá ámá à mʋ́mɔ dɔ̀tányʋa. 32Nyʋa à kà a nɩnɩgbɩ srí sá a, á zà nɩ́ yì, mà bhàlʋ̀nyʋa á zà ɩ́ yi a ká cɩ́cɩɩ a ká á nyumoé a gbʋ́ wlʋ́.»
Kleé a pʋ́ʋpʋ́ʋwɔlɩ
(Matíe 9.14‑17; Málɩ́kɩ 2.18‑22)
33Lé nyʋa srʋ Zozíi mà: «Záan yà Falizɩ́ɛnyʋa sɔ́ a kʋjɩ̀nyʋ̀àà pʋ́lɛ kɔ́ɔ̀kɔ́ kleé lé á bhibhie, bhè mɔ̀ ànɔ̀ɔ̀ nà naá lie á mná.» 34Zozíi srʋ á, ɔ́ anɩ́: «A yi míi lé a yi yʋwlɩɛ́ ɔ̀ síé a, ɔ bheyinyʋaá ɔ́ wle lé à yi a, srʋ mà, a pʋ́ʋ kleé ɔ klʋ́ jɩ̀ɩ̀? A nɩ́ nɩ saá! 35Mà yru yi ʋ́ kʋ lé á yi á yʋwlɩɛ́ síe a gɔ̀ sà bhʋ́ a tányɩɛ́, á yi yɩ́ kleé pʋ́ʋ.»
36Lé Zozíi pá sɔ́kʋ́ núnúó àna, ɔ́ anɩ́ mà: «Nyɔ nɩ́ sa kótuyalʋ gɔ̀ pɩ́ʋ́ lé ɔ́ kʋ́ʋ kótuzʋ gɔ̀ kpláa. Ɔ́ nɩ nií a, ɔ́ ya kótuyalʋɔ́ ŋáta, fɩ́ɛ́ lé kótuyalʋɔ́ a pɩ́ɔ́, nɩ́ ka námasa kótuzʋ̀ɔ̀ kʋ́ bhli. 37Nyɔ nɩ́ bhá sáà nɔyalʋ, lé ɔ kʋ́ʋ jìdàníé#5.37 jìdàníé: Nyidìè mnɩ́ á ŋwʋ́ɛ́ wá nyú, bhlibhlʋ yà nʋ́ sɔ́ sá. ɩ̀ kà jɩ́jɔ̀lʋ́ a mnɩ́ sá ŋwʋ́. Ɔ nɩ nií a, nɔyalʋɔ́ yi jìdàníé wla Lé ʋ́ yi sá kɔ́sɔ. Nʋ́ɔ́ ya ŋátɔ lé jìdàníé ya sáà yɩ́ ŋátɔ. 38Ɩ́ kʋ lɛ́ sɩ́tɛ̀ a, nɔyalʋ, jìdàní yalɛ a mnɩ́ á ŋwʋ́lʋʋ sá. 39Lé nyɔ nɩ́ wlʋ́ duváa yà sa ŋwʋ̀da gwlɛ a, mnáada lé ɔ ká duváa yalɛ mʋ́mɔɔ̀, máà ɔ́ yì saá cémʋ́ duváa yà sa ŋwʋ́da gwlɛ a, ámá náa!»
Currently Selected:
Lúkɩ 5: NEY
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Lúkɩ 5
5
Zozíi wle ɔ tagà kʋjɩ̀nyʋ̀àà
(Matíe 4.18‑22; Málɩ́kɩ 1.16‑20)
1Zozíi kʋ tányɩ a múó, Zenezalétɩ a nyíé gɔ̀, lé nyʋa bhúbhuoloó, áa yi a ká Lagɔ̀wɔ̀lɩ̀ɛ̀ nyúkwlí pʋ. 2Ɔ nɩ náà dʋdʋɛ a, gɔ́kádɩ a sɔ́, kʋ ʋ́ nyíé gɔ̀, ɩ́ kanyʋa kʋ sáà ʋ́ á wɔlɔ a pílɩ. 3Lé Zozíi pla Simɔ́ɔ a gɔ́lʋ́ a múó a mnɩ́ lé ɔ́ srʋ ɔ́ mà ɔ lú ɔ wlʋ́ tòyipɛ nyígbʋ̀gbʋ́ɔ́ gwá. Lé ɔ́ plɩ́ɩ gɔ́lʋ́ɔ́ mnɩ́ lé ɔ́ bɔ́ɔ sá, lé ɔ́ bháʋ́ nyʋa a cɩ́acʋ́ kʋ́.
4Ɔ́ bhɩa cícíé zɔ̀ a, ɔ́ srʋ Simɔ́ɔ mà: «Lú à mʋ nyíé a dɛ́ɛ̀ trʋ mʋ́ a, lé a páa ʋ́ a píloó!» 5Bhʋ́ Simɔ́ɔ srʋ ɔ́ mà: «Másɛɛ̀, à kʋ̀ dɩ́bɩ̀ɛ̀ lɩ̀à pílɩ a páada àààn lé zrɩ̀ɩ zɩ, à nɩ́ lɛ́ yɛ́. Mà cémʋ́ yà yɩ́ lɛ́ cí a, ɩ́ yi yɩ́ mɩ́ páa.» 6Mà á páa pílɩɛ́ a, zrì á bhla a, ɩ́ zumole plɩ́ gɔ̀, ɩ́ ka ŋnɩ́ lé pílié yrayrɔɔ̀. 7Ɩ́ nɩ lé á pá a lía kʋ̀ gɔ́lʋ́ ànʋ a mnɩ́ a, sɔɔ́, a ká yi á ká a kʋ́ fa. Á yi lé a yà sɔ́ jri pílié lé á yíe gɔ́lɩ́ɛ́ sɔ́ɔ́ zrì kʋ́, mà zrìè a zumole ka ŋnɩ́ lé gɔ́lɩ́ anɩ vlɔ. 8Mà tányɩɛ́ mʋ́ Simɔ́ Pɩ́ɛ́lɩ yɛ́ wɔlɩ́ɛ́ a, ɔ́ sra Zozíi a drɩ̀ koti sá, lé ɔ́ srʋ ɔ́ mà: «Kanyɔɔ̀, Ɩ́bhìè wlʋ́ mɔ́ gwá, mà yáa nyumoé nɩ!» 9Mà zrìè a zumole la Simɔ́ɔ yà nyʋa ɔ yà sɔ́ kʋ ʋ́ a, sɔ́ ŋanɩmɛ kʋ́. 10Bháa yɩ́ Zebedée a yúó Zákɩ yà Záan sɔ́ jɩ̀, lé kà Simɔ́ɔ a nɩ nyʋaá sɔ́ jɩ̀ ŋnɩ. Lé Zozíi srʋ Simɔ́ɔ mà: «Simɔ́ɔ̀, ŋanɩmɛ ná bhlá mɔ̀, mà bháa yɩ́ lɛ́ zɩmnɛ́ jɩ̀ a, nyʋa a jrinyɔ nà kà yɩ́ plɩ́.» 11Zozíi srʋ lɛ́ sɩ́tɛ̀ Simɔ́ɔ a, áa jri yɩ́ gɔ́lɩ́ɛ́ kíké wlú lé á tɩ ʋ́ lɩ́ɛ́ fɩ́ɛ́ lé á jɩ́ ɔ́ kʋ́.
Zozíi yalɩma kosugɔ̀bhànyɔ
(Matíe 8.1‑4; Málɩ́kɩ 1.40‑45)
12Yruú kʋ̀ a, Zozíi kʋ dú a múó mnɩ́ lé nyɔ a múó kosugɔ̀gu bhlá a, yi plɩ́ ka. Mà tányɩɛ́ mʋ́ ɔ yɩ́ bhli Zozíi jɩ̀ a, ɔ́ sra ɔ́ drɩ̀ koti sá lé ɔ́ srɔɔ wlú lé ɔ́ srʋ ɔ́ mà: «Kanyɔɔ̀, nɩ̀ yrá a, ɩ̀ yi mɔ́ yalɩma.» 13Ɔ́ cíí a, Zozíi fa sɔɔ́ lé ɔ́ gbɔ́ ɔ́ lé ɔ́ srʋ ɔ́ mà: «Ɩ́ yrá lé kà yalɩma!» Á kʋ dáamúó lé kosugɔ̀gùò wlʋ́ nyɔɔ́ mʋ́. 14Lé Zozíi srʋ ɔ́ mà: «Bhli né kʋ́ nàa srʋ nyɔ lé mʋ Lagɔ̀bʋ̀bɔ̀nyɔ gɔ̀ lé ɔ ká mɔ̀ dʋdʋ̀ lé Moyízɩ a Jràmáá a bʋbɔ̀lɩ̀ɛ̀, ɔ́ cɛ́cɩ wá a, kɩɩ saà.#5.14 A zɛlɩɩ sáà Levíi 14.2‑32. Ɩ́mɩ́ nà kà nɩ lé, nyʋa ká saá yɩbhlɩ mà, yà yalɩma.»
15Ɩ́ nɩ lé Zozíi a ŋwnú mʋ wá. Lé nyʋa ŋnɩlɔ̀ wlú lé á pʋ ɔ́ nyúkwlí lé á yio gɔ̀ lé ɔ́ yalɩmalaá. 16Mà tányɩ kʋɛ ʋ́ lé Zozíi gbʋ́gbʋɛ nyɔ nɩ́ kʋ a, lé ɔ́ bhibhie.
Zozíi yalɩma kplákplányɔ
(Matíe 9.1‑8; Málɩ́kɩ 2.1‑12)
17Zozíi kʋ yruú a múó kʋ́ Lagɔ̀wɔ̀lɩ̀ɛ̀ a cɩ́ada lé Falizɩ́ɛnyʋa yà lɔ̀ a másɛnyʋa sɔ́ wlʋ́ Galiléebhlɩ yà Zudéebhlɩ sɔ́ a dí a mnɩ́ lé á yi á kʋ jrè gɔ̀ nyʋa a nyièdɩ, àna wlʋ́ sáà Zelízalɛ́mʋ lé á yi. Mà Kanyɔ a pɔ́waá kʋ̀ Zozíi jɩ̀ a, á nie lé gupuonyʋaá fɩ́ɛ́ yie a, á yalɩmalɛ. 18Á dʋdʋ̀ a, kplákplányɔ kʋ gbàpʋ́, nyʋa gbɩdɩɔ́ á yie, nyʋaá yrá lé á ká wlʋɔ́ a mnɩ́ pla lé a kɔ́ Zozíi drɩ̀ púo. 19Mà nyʋa a zumole ka ŋnɩ́ lé a nɩ yɛ́ cásɩ a ká plɩ́, ɩ́ nɩ á lé a yɔ̀sɔ́ gblà wlʋɔ́ a wlú lé á sʋʋ́ jɩ̀ zíkipɩʋ lé a yɔ̀sɔ́ blée mɔ̀ lé á kwlíi Zozíi drɩ̀, jrè a nyièdɩ. 20Zozíi yɛ́ nyʋaá a fádùò a, ɔ́ srʋ gupuonyɔɔ́ mà: «Mɔ̀, nàa nyumoé ya mɔ̀ cielo!»
21Wɔlíɛ́ Zozíi srʋ gupuonyɔɔ́ a, ɩ́ nɩ lé lɔ̀ a másɛnyʋaá yà Falizɩ́ɛnyʋaá sɔ́ fafa wɛ́ gɔ̀, ɩ́mɩ́ ŋwɔ́ɔ mà: «Nyɔ́ gbá kʋ̀ dɛ́ ɔ ŋáta Lagɔ a ŋnɩ́ àa? Nyɔ gbá yi mi lé ɔ̀ yi ɔ́ liyʋ a nyumoé cie áa? À nɩ nɩ́ Lagɔ a múó coco ŋwɔ́ɔ a!» 22Mà cémʋ́ Zozíi yɩbhlɩ wɔlɩ́ɛ́ á bhobho a, ɔ́ srʋ á mà: «Ɛ̀ kʋ̀ʋ lé a bhobho sɩ́tɛ̀ a wɔlɩ́ a? 23Ká kplákplányɔ srʋ mà ɔ́ nyumoé yɔɔ́ cielo, bhè kɔ́ srʋ mà ɔ soglù lé ɔ ná a, wɔlɩdrìè sɔ́ɔ́ lɩ̀à a mnɩ́, àna gbá tɛ́ mʋ́ à? 24A ka lé a ká saá yɩbhlɩ mà, Nyɔɔ́ a Yuwliyʋɔ́ ka dɛ́ dʋ̀dʋ kʋ́ pɔ́wa lé ɔ́ ká nyʋa a nyumoé cie.» Lé ɔ́ srʋ kplákplányɔ mà: «Náa srʋɛ yɩ́ mɔ̀, soglù! Bhá ʋ́ nàa gbàpʋ́ɔ́ kà gbó mʋ!» 25Nyɔɔ́ so kɔ́ɔ̀kʋ́ glù a, nyʋaá fɩ́ɛ́ a drɩ̀ a, gbàpʋ́ɔ́ jɩ̀ ɔ́ pʋ́ la a, ɔ́ bháʋ́ mʋ́, ɔ́ kʋ Lagɔ a ŋwnú fada àààn, lé ɔ́ ŋnɩ ɔ gbó. 26Neé mna nyʋa fɩ́ɛ́, ɩ́ nɩ lé á fa Lagɔ ŋwnú, á ka yɩ́ Lagɔ a cɩ́cása, á cíe lé á nie: «À yà zɩmnɛ́ wɔlɩ́ɛ́ ɩ̀ mna nyʋa neé a yɛ́.»
Zozíi yi bhàlʋ̀nyʋa a zà
(Matíe 9.9‑13; Málɩ́kɩ 2.13‑17)
27Ɩ̀lɩa plɩ lé Zozíi flʋ zɔ̀ a, ɔ́ yɛ́ lapóo a kʋbhlinyɔ a múó, ɔ́mɔ́ á wlele Levíi, ɔ́ bɔ́ɔ ɔ nɔnʋzrɩ̀da lé Zozíi srʋ ɔ́ mà: «Jɩ́ mɔ́ɔ kʋ́!» 28Lé Levíi soglù, ɔ́ tɩ ʋ́ ɔ lɩ́ɛ́ fɩ́ɛ́ lé ɔ́ jɩ́ Zozíi kʋ́.
29Yruú a múó kʋ́, Levíi wle Zozíi ɔ gbó ɔ ká li, mà lapóo a kʋbhlinyʋa kɔ́kɔ́mnɩ́ yi, á kʋ ʋ́, lé yígàdà nyʋa àna kʋ sáà ʋ́ lelitebhleé jɩ̀. 30Mà Falizɩ́ɛnyʋa yà lɔ̀ a másɛnyʋa sɔ́ kalɛ Zozíi neé, á yrá ɔ́ kʋjɩ̀nyʋ̀àà mà: «Ɛ̀kʋ̀ʋ̀ bhè a yà lapóo a kʋbhlinyʋaá yà bhàlʋ̀nyʋ̀àà sɔ́ a lile kʋ́ lé a mnálɛ kʋ́ à?» 31Lé Zozíi srʋ á, ɔ́ anɩ́: «Nyʋaá gú nɩ́ bhlá a, á nɩ́ mʋ́mɔ dɔ̀tányʋa, mà gupuonyʋaá ámá à mʋ́mɔ dɔ̀tányʋa. 32Nyʋa à kà a nɩnɩgbɩ srí sá a, á zà nɩ́ yì, mà bhàlʋ̀nyʋa á zà ɩ́ yi a ká cɩ́cɩɩ a ká á nyumoé a gbʋ́ wlʋ́.»
Kleé a pʋ́ʋpʋ́ʋwɔlɩ
(Matíe 9.14‑17; Málɩ́kɩ 2.18‑22)
33Lé nyʋa srʋ Zozíi mà: «Záan yà Falizɩ́ɛnyʋa sɔ́ a kʋjɩ̀nyʋ̀àà pʋ́lɛ kɔ́ɔ̀kɔ́ kleé lé á bhibhie, bhè mɔ̀ ànɔ̀ɔ̀ nà naá lie á mná.» 34Zozíi srʋ á, ɔ́ anɩ́: «A yi míi lé a yi yʋwlɩɛ́ ɔ̀ síé a, ɔ bheyinyʋaá ɔ́ wle lé à yi a, srʋ mà, a pʋ́ʋ kleé ɔ klʋ́ jɩ̀ɩ̀? A nɩ́ nɩ saá! 35Mà yru yi ʋ́ kʋ lé á yi á yʋwlɩɛ́ síe a gɔ̀ sà bhʋ́ a tányɩɛ́, á yi yɩ́ kleé pʋ́ʋ.»
36Lé Zozíi pá sɔ́kʋ́ núnúó àna, ɔ́ anɩ́ mà: «Nyɔ nɩ́ sa kótuyalʋ gɔ̀ pɩ́ʋ́ lé ɔ́ kʋ́ʋ kótuzʋ gɔ̀ kpláa. Ɔ́ nɩ nií a, ɔ́ ya kótuyalʋɔ́ ŋáta, fɩ́ɛ́ lé kótuyalʋɔ́ a pɩ́ɔ́, nɩ́ ka námasa kótuzʋ̀ɔ̀ kʋ́ bhli. 37Nyɔ nɩ́ bhá sáà nɔyalʋ, lé ɔ kʋ́ʋ jìdàníé#5.37 jìdàníé: Nyidìè mnɩ́ á ŋwʋ́ɛ́ wá nyú, bhlibhlʋ yà nʋ́ sɔ́ sá. ɩ̀ kà jɩ́jɔ̀lʋ́ a mnɩ́ sá ŋwʋ́. Ɔ nɩ nií a, nɔyalʋɔ́ yi jìdàníé wla Lé ʋ́ yi sá kɔ́sɔ. Nʋ́ɔ́ ya ŋátɔ lé jìdàníé ya sáà yɩ́ ŋátɔ. 38Ɩ́ kʋ lɛ́ sɩ́tɛ̀ a, nɔyalʋ, jìdàní yalɛ a mnɩ́ á ŋwʋ́lʋʋ sá. 39Lé nyɔ nɩ́ wlʋ́ duváa yà sa ŋwʋ̀da gwlɛ a, mnáada lé ɔ ká duváa yalɛ mʋ́mɔɔ̀, máà ɔ́ yì saá cémʋ́ duváa yà sa ŋwʋ́da gwlɛ a, ámá náa!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.