Yohana 16
16
EBINARANAZO BY’ABAHEMBA. — OMUHUMUZA. — OBUSEMERERWA BWABO. — KWESIGA MUNGU.
1Ebyo nabibagambira, niho muleke kusitara. 2Baliberucha mu masomero; nawe olunaku luliza olwo buli muntu alibeta alichwa ati: Nakolera Mungu. 3Ebyo balibibakolera obwo batakumanya Tata n’ene. 4Nawe ebyo nabibagambira, niho, olunaku lwabyo ka lulihika, mwizuke okwo naliga nabibagambire. 5Ebyo tinabibagambire ha butandikiro, obwo naliga ndi n’emwe. Hati nkusuba ha ayantumire; nawe mul’imwe taliho akumbuza ati: Okuza hai? 6Hatyo obwo nabatengera ebyo, omutima gwanu gwazuba muno. 7Nawe ine nkubagambira ebikomereze: kibahikire ine kugenda; kuba ine ntagenzire, Omuzuni talibezaho; nawe nkagenda, nkumubatumira. 8Nawe ogwo k’aliza, alisinga ab’ensi kuber’ebiheno, no kuber’obuhikire, no kuber’obulamuzi. 9Mbe kuber’ebiheno, obwo bayangire kunikiriza; 10kuber’obuhikire, obwo nkugenda hali Tata, nimulekera kumbona; 11kandi kuber’obulamuzi, obw’omukuru w’ensi alamwirwe.
12Nchali na bingi byo kubagambira; nawe hati timukuhicha kubyemera. 13Nawe Omwoyo ogwo gw’obukomereza k’aliza, alibolekerera agakomereze gona. Kuba taligamba ha bwe; nawe aligamba gona ago alihulira, kai alibalaga n’ebikwenda kwiza. 14Ogwo alikuza ine, kuba aligabirwa ha byange, nabigambira imwe. 15Byona na byona ebyo Tata ali nabyo ni byange. Nicho ngambira nti: Aligabirwa ha byange, nabigambira imwe.
16Hasagaho kake, timukimbona; kai mumare naku nke, musube kumbona, kuba nkugenda hali Tata. 17Abandi bo mu bahemba be nibabuzanya bati: Ni kiha kinu echo yatugambira ati: Hasagaho kake, timukimbona, kai mumare naku nke, musube kumbona? kai ati: Nkugenda hali Tata? 18Nibagira bati: Yagamba ki ati: Kake? Titukumanya echo yagamba. 19Nawe Yezu yamanya okwo bayendaga kumubuza, nabagambira ati: Mukubuzanya ekigambo echo nagira, nti: Hasagaho kake, timukimbona; kai mumare naku nke, musube kumbona. 20Koto koto nkubagambira nti: Imwe mulilira, mulilir’amaziga, nawe abo mu nsi balisemererwa; imwe mulibihirirwa, nawe kubihirirwa kwanu kulihinduka kube kusemererwa. 21Omukazi k’azara, akubona enaku, kuba esaha ye yahikire; nawe k’akumara kuzar’omwana, takizuka obusungu, kuber’obusemererwa bw’omuntu kuzarwa mu nsi. 22Mbe hati mukubona enaku, nawe ndisuba kubabona, kai omutima gwanu gulisemererwa, hona kusemererwa kwanu tihaliho alikubehaho. 23Olunaku olwo timulimbuza kintu. Koto koto nkubagambira nti: Ka mulisaba ekintu hali Tata mw’izina lyange, alibaha. 24Kuhika hati timukasabaga kintu mw’izina lyange. Musabe, mulihabwa, kusemererwa kwanu kube kwingi muno.
25Nkabatengera ago mu ngani. Olunaku lukwiza olwo ndilekera kubatengera mu ngani, nawe ndibatulira ha bweru ebya Tata. 26Olunaku olwo mulisaba mw’izina lyange; nawe tinkubagambira nti: Ndibasabira hali Tata, 27kuba Tata wena akubayenda, obwo imwe mwanenzire, nimwikiriza okwo narugire hali Mungu. 28Nkaruga hali Tata, niniza mu nsi; nkusuba kuruga mu nsi, ngende hali Tata. 29Abahemba be nibamugira bati: Hati wayatura ha bweru, tokitenga mu ngani. 30Hati twamanya okw’okumanya byona, toli no kubuzibwa muntu; nicho twekiririze tuti: okaruga hali Mungu. 31Yezu nabasubiramo ati: Hati mwekiriza? 32Lora, olunaku lukwiza, kai lwahikire, olwo mulitaganiraho buli muntu ha bwe, ine munsige nenka; kai ine tindi nenka, kuba Tata ali n’ene. 33Ebyo nabibagambira, mubone omulebo mul’imwe. Mu nsi mulibona enaku; nawe mutegeze, ine nkasinga ensi.
Currently Selected:
Yohana 16: KED1946
Highlight
Share
Copy
Want to have your highlights saved across all your devices? Sign up or sign in
First published in 1946 by the White Fathers. Published online with the permission of the White Fathers.
Yohana 16
16
EBINARANAZO BY’ABAHEMBA. — OMUHUMUZA. — OBUSEMERERWA BWABO. — KWESIGA MUNGU.
1Ebyo nabibagambira, niho muleke kusitara. 2Baliberucha mu masomero; nawe olunaku luliza olwo buli muntu alibeta alichwa ati: Nakolera Mungu. 3Ebyo balibibakolera obwo batakumanya Tata n’ene. 4Nawe ebyo nabibagambira, niho, olunaku lwabyo ka lulihika, mwizuke okwo naliga nabibagambire. 5Ebyo tinabibagambire ha butandikiro, obwo naliga ndi n’emwe. Hati nkusuba ha ayantumire; nawe mul’imwe taliho akumbuza ati: Okuza hai? 6Hatyo obwo nabatengera ebyo, omutima gwanu gwazuba muno. 7Nawe ine nkubagambira ebikomereze: kibahikire ine kugenda; kuba ine ntagenzire, Omuzuni talibezaho; nawe nkagenda, nkumubatumira. 8Nawe ogwo k’aliza, alisinga ab’ensi kuber’ebiheno, no kuber’obuhikire, no kuber’obulamuzi. 9Mbe kuber’ebiheno, obwo bayangire kunikiriza; 10kuber’obuhikire, obwo nkugenda hali Tata, nimulekera kumbona; 11kandi kuber’obulamuzi, obw’omukuru w’ensi alamwirwe.
12Nchali na bingi byo kubagambira; nawe hati timukuhicha kubyemera. 13Nawe Omwoyo ogwo gw’obukomereza k’aliza, alibolekerera agakomereze gona. Kuba taligamba ha bwe; nawe aligamba gona ago alihulira, kai alibalaga n’ebikwenda kwiza. 14Ogwo alikuza ine, kuba aligabirwa ha byange, nabigambira imwe. 15Byona na byona ebyo Tata ali nabyo ni byange. Nicho ngambira nti: Aligabirwa ha byange, nabigambira imwe.
16Hasagaho kake, timukimbona; kai mumare naku nke, musube kumbona, kuba nkugenda hali Tata. 17Abandi bo mu bahemba be nibabuzanya bati: Ni kiha kinu echo yatugambira ati: Hasagaho kake, timukimbona, kai mumare naku nke, musube kumbona? kai ati: Nkugenda hali Tata? 18Nibagira bati: Yagamba ki ati: Kake? Titukumanya echo yagamba. 19Nawe Yezu yamanya okwo bayendaga kumubuza, nabagambira ati: Mukubuzanya ekigambo echo nagira, nti: Hasagaho kake, timukimbona; kai mumare naku nke, musube kumbona. 20Koto koto nkubagambira nti: Imwe mulilira, mulilir’amaziga, nawe abo mu nsi balisemererwa; imwe mulibihirirwa, nawe kubihirirwa kwanu kulihinduka kube kusemererwa. 21Omukazi k’azara, akubona enaku, kuba esaha ye yahikire; nawe k’akumara kuzar’omwana, takizuka obusungu, kuber’obusemererwa bw’omuntu kuzarwa mu nsi. 22Mbe hati mukubona enaku, nawe ndisuba kubabona, kai omutima gwanu gulisemererwa, hona kusemererwa kwanu tihaliho alikubehaho. 23Olunaku olwo timulimbuza kintu. Koto koto nkubagambira nti: Ka mulisaba ekintu hali Tata mw’izina lyange, alibaha. 24Kuhika hati timukasabaga kintu mw’izina lyange. Musabe, mulihabwa, kusemererwa kwanu kube kwingi muno.
25Nkabatengera ago mu ngani. Olunaku lukwiza olwo ndilekera kubatengera mu ngani, nawe ndibatulira ha bweru ebya Tata. 26Olunaku olwo mulisaba mw’izina lyange; nawe tinkubagambira nti: Ndibasabira hali Tata, 27kuba Tata wena akubayenda, obwo imwe mwanenzire, nimwikiriza okwo narugire hali Mungu. 28Nkaruga hali Tata, niniza mu nsi; nkusuba kuruga mu nsi, ngende hali Tata. 29Abahemba be nibamugira bati: Hati wayatura ha bweru, tokitenga mu ngani. 30Hati twamanya okw’okumanya byona, toli no kubuzibwa muntu; nicho twekiririze tuti: okaruga hali Mungu. 31Yezu nabasubiramo ati: Hati mwekiriza? 32Lora, olunaku lukwiza, kai lwahikire, olwo mulitaganiraho buli muntu ha bwe, ine munsige nenka; kai ine tindi nenka, kuba Tata ali n’ene. 33Ebyo nabibagambira, mubone omulebo mul’imwe. Mu nsi mulibona enaku; nawe mutegeze, ine nkasinga ensi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
First published in 1946 by the White Fathers. Published online with the permission of the White Fathers.