Yohana 9
9
OMUHUME W’OBUZARWA NAKIBIBWA. — OBUHAKANI BW’ABAFARIZAYO. — OMUMUHE NAIKIRIZA.
1Yezu ka yarabireho, nabona omuntu ahumire kuruga kuzarwa. 2Abahemba be nibamubuza bati: Mwolekerezi, ayahenire ni ga, onu nangu abazere be, kulinda akazarwa ahumire?#9, 2 Bachwaga bati: buli ndwara na buli busasi ni kinaranazo ch’ebiheno. 3Yezu nasubamo ati: Onu tiyahenire, n’abazere be bona pai; nawe ebikorwa bya Mungu bili no kubonwa hali wenene. 4Ine ndi no kukola ebikorwa by’ayantumire, omusana gukiyaka#9, 4 “Omusana” ni lulengo lw’obulame; ekiro ni kisusano ch’olufu.; ekiro kikwiza, aho omuntu atakuhicha kukolamo. 5Enaku ezo nkuba nkili mu nsi, ndi lumuli lw’ensi. 6Ka yagambire ebyo, nachwa ha nsi, nagira olutoto n’amachwanta, nasiga olutoto ha meso ge. 7Namugambira ati: Roko; onabe mw’itunga lya Silo (elyo bakweta bati: Entumwa). Mbe nagenda nanaba, naiza nabona. 8Abatulanwa be n’abamubwene kara nasabiriza nibagira bati: Tiwe onu ayaliga aikere nasabiriza? Abandi nibagira bati: Niwe wenene. 9Kai abandi bati: Pai, akususana nage chonka. Nawe wenene nabagambira ati: N’ine. 10Mbe nibamugambira bati: Ameso gawe gabundukire gata? 11Nasubamo ati: Omuntu ogwo, owe bakweta bati: Yezu, agizire olutoto, yansiga ha meso gange, nangambira ati: Roko h’etunga lya Silo, onabe. Ningenda, ninnaba, nimbona. 12Nibamugambira bati: Wenene ali hai? Nagira ati: Tinkumanya.
13Ayaliga ali muhume nibamusagalira Abafarizayo. 14Nawe olwo Yezu yagizire olutoto, akahumurura ameso ge, lwaliga luli lwa sabato. 15Mbe Abafarizayo nibasuba kumubuza okwo yabwene. Wenene nabagambira ati: Akanta olutoto ha meso, ninnaba, nimbona. 16Mbe abandi bo mu Bafarizayo nibagira bati: Omuntu onu atakulinda sabato tarugire hali Mungu. Kai abandi bati: Omuntu muheni ati akuhicha ata kukol’amahano gati: Nizibaho mpaka muli bonene. 17Mbe nibasuba kugambira omuhume bati: Iwe, ayakuhurwire ameso ogu okumugambaho ki? Wenene nagira ati: Ni mulagi. 18Mbe Abafarizayo tibekirize okwo yaliga ahumire, kandi akabona, nibatamwa nibayeta abazere be. 19Nibababuza bati: Onu niwe mwana wanu, owe mukugira muti: Akazarwa ahumire? Kai kubaki hati akubona? 20Abazere be nibabasubiramo bati: Tukumanya okw’onu ali mwana wetu, n’okwo yazerwe ahumire; 21nawe hati okw’abwene, titukumanya; kai titukumanya n’ayamuhumurwire ameso. Nimubuze wenene, yakuzire, wenene nayegambe. 22Abazere be bakagamba ebyo, obwo batinaga Abayahudi; kuba Abayahudi baliga bamazire kutegekerana bati: Buli alimwikiriza ati: ni Kristu, alirukibwa mw’isomero. 23Nicho abazere be bagambirire bati: Yakuzire, nimubuzye wenene. 24Mbe nibasuba kweta omuntu ayaliga ahumire, nibamugambira bati: Nokuze Mungu. Itwe tukumanya okw’omuntu ogwo ali muheni. 25Mbe wenene nabagambira ati: Ine tinkumanya okw’ali muheni; ine nkumanya kimo chonka, ni kinu: naliga ndi muhume, kai hati nkubona. 26Mbe nibamugambira bati: Akukolere ki? akuhumurwire ata ameso? 27Nabasubiramo ati: Namazire kubagambira, mwahulire; mukwendera ki kusuba kuhulira? Si n’emwe mukwenda kuba bahemba be? 28Mbe nibamuzuma, nibagira bati: Iwe nobe muhemba we; itwe tuli bahemba ba Musa. 29Itwe tukumanya okwo Mungu yafumorere Musa; nawe onu titukumanya eyo yarugire. 30Omuntu ogwo nasuba nabagambira ati: Koto echo ni cho kukuma, obw’imwe mutakumanya eyo yarugire, kai ine ampumurwire ameso. 31Tukumanya okwo Mungu atakuhulira abaheni; nawe omuntu natina Mungu nakora ebyo akwenda, ogwo niwe akuhulira. 32Kuruga ira lyona tikikahulirwaga okw’omuntu akuloz’ameso g’omuhume w’obuzarwa. 33Onu akiba atarugire hali Mungu, tiyakuhikize kukola kintu. 34Nibasubamo nibamugambira bati: Iwe okazalirwa mu biheno wena wena, kai okwolekerera itwe? Nibamwirucha hanza.
35Yezu nahulira okwo bamwirukize hanza; ka yamubwene, namugambira ati: Iwe okwikiriza Omwana wa Mungu? 36Wenene nasubamo nagira ati: Niwe ga, mmwikirize, Mukama wange? 37Yezu namugambira ati: Wamubwene, akufumora n’ewe niwe wenene. 38Onu nagira ati: Nkwikiriza, Mukama wange. Nainama namuhabudu. 39Yezu nagira ati: Nkaletwa obulamuzi mu nsi munu, niho abatakubona babone, kai abakubona bahume. 40Abandi bo mu Bafarizayo, abaliga bali nage, ka bahulire, nibagira bati: Si n’etwe twena tuhumire? 41Yezu nabagambira ati: Mukiba muhumire, timwakubere n’ekiheno; nawe hati mukugira muti: Tukubona; ekiheno chanu kikwikaliraho.
Currently Selected:
Yohana 9: KED1946
Highlight
Share
Copy
Want to have your highlights saved across all your devices? Sign up or sign in
First published in 1946 by the White Fathers. Published online with the permission of the White Fathers.
Yohana 9
9
OMUHUME W’OBUZARWA NAKIBIBWA. — OBUHAKANI BW’ABAFARIZAYO. — OMUMUHE NAIKIRIZA.
1Yezu ka yarabireho, nabona omuntu ahumire kuruga kuzarwa. 2Abahemba be nibamubuza bati: Mwolekerezi, ayahenire ni ga, onu nangu abazere be, kulinda akazarwa ahumire?#9, 2 Bachwaga bati: buli ndwara na buli busasi ni kinaranazo ch’ebiheno. 3Yezu nasubamo ati: Onu tiyahenire, n’abazere be bona pai; nawe ebikorwa bya Mungu bili no kubonwa hali wenene. 4Ine ndi no kukola ebikorwa by’ayantumire, omusana gukiyaka#9, 4 “Omusana” ni lulengo lw’obulame; ekiro ni kisusano ch’olufu.; ekiro kikwiza, aho omuntu atakuhicha kukolamo. 5Enaku ezo nkuba nkili mu nsi, ndi lumuli lw’ensi. 6Ka yagambire ebyo, nachwa ha nsi, nagira olutoto n’amachwanta, nasiga olutoto ha meso ge. 7Namugambira ati: Roko; onabe mw’itunga lya Silo (elyo bakweta bati: Entumwa). Mbe nagenda nanaba, naiza nabona. 8Abatulanwa be n’abamubwene kara nasabiriza nibagira bati: Tiwe onu ayaliga aikere nasabiriza? Abandi nibagira bati: Niwe wenene. 9Kai abandi bati: Pai, akususana nage chonka. Nawe wenene nabagambira ati: N’ine. 10Mbe nibamugambira bati: Ameso gawe gabundukire gata? 11Nasubamo ati: Omuntu ogwo, owe bakweta bati: Yezu, agizire olutoto, yansiga ha meso gange, nangambira ati: Roko h’etunga lya Silo, onabe. Ningenda, ninnaba, nimbona. 12Nibamugambira bati: Wenene ali hai? Nagira ati: Tinkumanya.
13Ayaliga ali muhume nibamusagalira Abafarizayo. 14Nawe olwo Yezu yagizire olutoto, akahumurura ameso ge, lwaliga luli lwa sabato. 15Mbe Abafarizayo nibasuba kumubuza okwo yabwene. Wenene nabagambira ati: Akanta olutoto ha meso, ninnaba, nimbona. 16Mbe abandi bo mu Bafarizayo nibagira bati: Omuntu onu atakulinda sabato tarugire hali Mungu. Kai abandi bati: Omuntu muheni ati akuhicha ata kukol’amahano gati: Nizibaho mpaka muli bonene. 17Mbe nibasuba kugambira omuhume bati: Iwe, ayakuhurwire ameso ogu okumugambaho ki? Wenene nagira ati: Ni mulagi. 18Mbe Abafarizayo tibekirize okwo yaliga ahumire, kandi akabona, nibatamwa nibayeta abazere be. 19Nibababuza bati: Onu niwe mwana wanu, owe mukugira muti: Akazarwa ahumire? Kai kubaki hati akubona? 20Abazere be nibabasubiramo bati: Tukumanya okw’onu ali mwana wetu, n’okwo yazerwe ahumire; 21nawe hati okw’abwene, titukumanya; kai titukumanya n’ayamuhumurwire ameso. Nimubuze wenene, yakuzire, wenene nayegambe. 22Abazere be bakagamba ebyo, obwo batinaga Abayahudi; kuba Abayahudi baliga bamazire kutegekerana bati: Buli alimwikiriza ati: ni Kristu, alirukibwa mw’isomero. 23Nicho abazere be bagambirire bati: Yakuzire, nimubuzye wenene. 24Mbe nibasuba kweta omuntu ayaliga ahumire, nibamugambira bati: Nokuze Mungu. Itwe tukumanya okw’omuntu ogwo ali muheni. 25Mbe wenene nabagambira ati: Ine tinkumanya okw’ali muheni; ine nkumanya kimo chonka, ni kinu: naliga ndi muhume, kai hati nkubona. 26Mbe nibamugambira bati: Akukolere ki? akuhumurwire ata ameso? 27Nabasubiramo ati: Namazire kubagambira, mwahulire; mukwendera ki kusuba kuhulira? Si n’emwe mukwenda kuba bahemba be? 28Mbe nibamuzuma, nibagira bati: Iwe nobe muhemba we; itwe tuli bahemba ba Musa. 29Itwe tukumanya okwo Mungu yafumorere Musa; nawe onu titukumanya eyo yarugire. 30Omuntu ogwo nasuba nabagambira ati: Koto echo ni cho kukuma, obw’imwe mutakumanya eyo yarugire, kai ine ampumurwire ameso. 31Tukumanya okwo Mungu atakuhulira abaheni; nawe omuntu natina Mungu nakora ebyo akwenda, ogwo niwe akuhulira. 32Kuruga ira lyona tikikahulirwaga okw’omuntu akuloz’ameso g’omuhume w’obuzarwa. 33Onu akiba atarugire hali Mungu, tiyakuhikize kukola kintu. 34Nibasubamo nibamugambira bati: Iwe okazalirwa mu biheno wena wena, kai okwolekerera itwe? Nibamwirucha hanza.
35Yezu nahulira okwo bamwirukize hanza; ka yamubwene, namugambira ati: Iwe okwikiriza Omwana wa Mungu? 36Wenene nasubamo nagira ati: Niwe ga, mmwikirize, Mukama wange? 37Yezu namugambira ati: Wamubwene, akufumora n’ewe niwe wenene. 38Onu nagira ati: Nkwikiriza, Mukama wange. Nainama namuhabudu. 39Yezu nagira ati: Nkaletwa obulamuzi mu nsi munu, niho abatakubona babone, kai abakubona bahume. 40Abandi bo mu Bafarizayo, abaliga bali nage, ka bahulire, nibagira bati: Si n’etwe twena tuhumire? 41Yezu nabagambira ati: Mukiba muhumire, timwakubere n’ekiheno; nawe hati mukugira muti: Tukubona; ekiheno chanu kikwikaliraho.
Currently Selected:
:
Highlight
Share
Copy
Want to have your highlights saved across all your devices? Sign up or sign in
First published in 1946 by the White Fathers. Published online with the permission of the White Fathers.