Yohana 8
8
OMUKAZI W’OBUKWATE. — YEZU OLUMULI LW’ENSI. — ABAFARIZAYO BALIFWA MU KIHENO.
1Yezu nanegera mw’ibanga lya Zituni. 2Bwanencha nasuba kwiza mw’eklezia, embaga yona nemwizaho, naikara nabolekerera. 3Abandiki n’Abafarizayo nibaleta omukazi ogwo, owe bakwasire n’omuseza; nibamwimereza hagati, 4nibamugambira bati: Mwolekerezi, omukazi onu yakwatwa hatihati. 5Mu Kilagiro Musa akatulagira owezabo onu ati kumulasy’amabale. Mbe kai iwe okugir’ota? 6Nawe ebyo babigambaga nibamuroza, bahiche kumulega. Yezu nainama, nayandika ha nsi n’echara che. 7Mbe ka basyeberere kumubuza, nabagambira ati: Atali n’ekiheno mul’imwe niwe natandike kumulasya ibale. 8Nasuba kwinama, nayandika ha nsi. 9Ka bahulire, nibarugaho omo omo kutandikira ha bagurusi; nasigaraho Yezu wenka n’omukazi aimerere hagati. 10Yezu ka yenamukire, namugambira ati: Mukazi we, abo sanga nibakuchulira bali hai? tihaliho si ayakulamula? 11Namugambira ati: Muntu n’omo pai, Mukama wange. Yezu namugambira ati: N’ene nena tinkukulamula; nogende, otasubira kuhena.
12Mbe Yezu nasuba kubafumorera nagira ati: Ine ndi lumuli lw’ensi; akunduba takulibatira mu mwirima, nawe aliba n’olumuli lw’obulame. 13Mbe Abafarizayo nibamugambira bati: Kai n’iwe omwene okwemanyisya; kwemanyisya kwawe tikukomereze. 14Yezu nasubamo ati: Naho nkemanyisya ine omwene, hona kwemanyisya kwange kukomereze, kuba nkumanya eyo narugire n’eyo nkuza; nawe imwe timukumanya eyo nkuruga n’eyo nkugenda. 15Imwe mukulamula nk’okwo engingo zikulamula, nawe ine tinkulamula muntu; 16kai ine naho nkulamula, hona elamu yange ekomereze, kuba ine tindi nenka, nawe n’ine n’ayantumire, Tata. 17Na mu Kilagiro chanu hayandikirwemo okwo kumanyisya kwa babili kukomereze. 18Ine n’ine nkwemanyisya omwene; kai n’ayantumire, Tata, wena akummanyisya. 19Mbe nibamugambira bati: Iso ali hai? Yezu nasubamo ati: Ine timukummanya, na Tata wena pai; mukiba nimummanya, wakumanyire na Tata. 20Ebigambo ebyo Yezu akabigamba ha bubiko bw’efweza, nayolekerera mw’eklezia; kandi tihaliho muntu ayamukwasire, obwo buhicha ye yaliga etakabere.
21Mbe Yezu nasuba kubagambira ati: Ine nagenda, mulimpiga, kai mulifwera mu kiheno chanu. Eyo ine nkugenda, imwe timukuhicha kwizayo. 22Mbe Abayahudi nibagira bati: Hamo akwenda kweita, obwo yagira ati: Eyo nkugenda, imwe timukuhicha kwizayo? 23Nabagambira ati: Imwe muli b’ifwo, ine ndi w’oluguru. Imwe muli bo mu nsi munu, ine tindi wo mu nsi munu. 24Mbe nabagambira okwo mulifwera mu biheno byanu; kuba mukabura kwikiriza okwo ine ndi, mukufwera mu kiheno chanu. 25Mbe nibamugambira bati: N’iwe ga? Yezu nabagambira ati: N’ine butandikiro, akufumora n’emwe. 26Ndi na bingi byo kubagambaho, no kulamula. Nawe ayantumire takubeha; kai n’ene ebyo nahulire hali wenene, nibyo nkufumora mu nsi. 27Tibamanyire okwo Ise, owe yagamba, ali Mungu. 28Mbe Yezu nabagambira ati: Ka muliba mwasungire Omwana w’omuntu#8, 28 Kumara mezi mukaga Abayahudi balilega Yezu ha musalaba., niho mulimanya okwo ine ndi n’okwo ntakukola kintu ha bwange nenka, nawe nk’ebyo Tata yanolekerere, nibyo nkutenga. 29Kai ayantumire ali n’ene, kandi takunsiga nenka, kuba ine nkukola bucha bucha ebikumusemereza.
ABANA BA KIMO BA IBRAHIMU. — ABANA BA MUNGU. — YEZU ATI: NDI MWANA WA MUNGU.
30Bengi bakamwikiriza, ka yafumwere ebyo. 31Mbe Yezu nagambira Abayahudi abamwikirize ati: Imwe, mukaguma mu kigambo change, mukuba koto bahemba bange, 32nimumanya ebikomereze, kai ebikomereze bilibachungula. 33Nibamusubiramo bati: Itwe tuli bana ba Ibrahimu, titukabere beru b’omuntu nangu; kai okutugambirira ki oti: Mulichunguka. 34Yezu nabagambira ati: Koto koto nkubagambira nti: Buli akuhena ni mwiru w’ekiheno. 35Omwiru takwikara mu ka kuhika myaka zona; nawe omwana akwikara mu myaka z’emyaka. 36Mbe Mwana k’aliba yabachungwire, mulichunguka koto. 37Nkumanya okwo muli bana ba Ibrahimu; nawe mukuhiga kunita, obw’ekigambo change kitakwasire mul’imwe. 38Ine nkufumora ebyo nabwene owa Tata; kai imwe mukukola ebyo mwabwene owa so. 39Nibasubamo nibamugambira bati: Tata ni Ibrahimu. Yezu nabagambira ati: Raba muli bana ba Ibrahimu, nimukole ebikorwa bya Ibrahimu. 40Nawe imwe hati mukuhiga kunita, ine muntu akutenga ebikomereze ebyo nahulire hali Mungu; ebyo Ibrahimu tiyabikozire.
41Imwe mukukola ebikorwa bya so. Mbe nibamugambira bati: Itwe titwazerwe mu busihani: tuli na tata omo, ni Mungu. 42Mbe Yezu nabagambira ati: Mungu akiba al’iso, yee mwakunenzire; kuba ine nkaruga hali Mungu niniza; kai tinezire ha bwange, nawe niwe yantumire. 43Mukuzibirwa ki kumanya ebyo nkufumora? Kuba timukuhicha kuhulira amagambo gange. 44Mukaruga hal’iso sitani, kai ebyo iso akwegonga, nibyo mukwenda kukola. Ogwo akaruga ha nsi ali mwisi, kai tiyasigere mu bukomereza, obw’obukomereza butamulimo. K’akufumora eby’endimi, akubifumora ha bwe wenka, obw’ali w’endimi n’ese obubehi. 45Nawe ka nkufumora ebikomereze, timukunikiriza. 46Ni ga mul’imwe akumbehereza ekibi, nansinga? Raba nimbatengera agakomereze, mukuzibirwa ki kunikiriza? 47Owa Mungu akuhulira ebigambo bya Mungu. Obwo imwe mutali ba Mungu, nicho mutakumpulira.
48Mbe Abayahudi nibasubamo nibamugambira bati: Si titukomereza kutenga okw’oli Munasamariya n’okw’oli na sitani? 49Yezu nabasubiramo ati: Ine tindi na sitani; nawe nkukuza Tata, kai imwe mukungaya. 50Nawe ine tinkuhiga ikuzo lyange; aliho akulihiga, niwe alilamula. 51Koto koto nkubagambira nti: Alihich’amagambo gange, talibon’olufu myaka zona. 52Aho Abayahudi nibagira bati: Hati twamanya okw’oli na sitani. Ibrahimu akafwa, n’abalagi bona; kai iwe oti: Alihich’amagambo gange talibon’olufu myaka zona. 53Si iwe okukira tata wetu Ibrahimu, ayafwire? n’abalagi bona, abafwire? Okwegira ota? 54Yezu nasubamo ati: Nkekuza ine omwene, ikuzo lyange ti kintu; aliho Tata akunkuza, niwe ogwo owe mukutenga muti: ni Mungu wetu. 55Kai timukamumanyaga, nawe ine nkumumanya; hatyo nkagira nti: Tinkumumanyaga, nkuba mubehi nk’emwe. Nawe nkumumanya, nimpulira age. 56Ibrahimu, iso wanu, akayegonga kubona olunaku lwange; akalubona, nasemererwa. 57Abayahudi nibamugambira bati: Tokamazire myaka makumi atanu, kai okabona Ibrahimu? 58Yezu nabagambira ati: Ibrahimu yaliga atakabereho, ine ndiho. 59Aho nibakoby’amabale kumulasa; nawe Yezu nayesereka, nahuruka mw’eklezia.
Currently Selected:
Yohana 8: KED1946
Highlight
Share
Copy
Want to have your highlights saved across all your devices? Sign up or sign in
First published in 1946 by the White Fathers. Published online with the permission of the White Fathers.
Yohana 8
8
OMUKAZI W’OBUKWATE. — YEZU OLUMULI LW’ENSI. — ABAFARIZAYO BALIFWA MU KIHENO.
1Yezu nanegera mw’ibanga lya Zituni. 2Bwanencha nasuba kwiza mw’eklezia, embaga yona nemwizaho, naikara nabolekerera. 3Abandiki n’Abafarizayo nibaleta omukazi ogwo, owe bakwasire n’omuseza; nibamwimereza hagati, 4nibamugambira bati: Mwolekerezi, omukazi onu yakwatwa hatihati. 5Mu Kilagiro Musa akatulagira owezabo onu ati kumulasy’amabale. Mbe kai iwe okugir’ota? 6Nawe ebyo babigambaga nibamuroza, bahiche kumulega. Yezu nainama, nayandika ha nsi n’echara che. 7Mbe ka basyeberere kumubuza, nabagambira ati: Atali n’ekiheno mul’imwe niwe natandike kumulasya ibale. 8Nasuba kwinama, nayandika ha nsi. 9Ka bahulire, nibarugaho omo omo kutandikira ha bagurusi; nasigaraho Yezu wenka n’omukazi aimerere hagati. 10Yezu ka yenamukire, namugambira ati: Mukazi we, abo sanga nibakuchulira bali hai? tihaliho si ayakulamula? 11Namugambira ati: Muntu n’omo pai, Mukama wange. Yezu namugambira ati: N’ene nena tinkukulamula; nogende, otasubira kuhena.
12Mbe Yezu nasuba kubafumorera nagira ati: Ine ndi lumuli lw’ensi; akunduba takulibatira mu mwirima, nawe aliba n’olumuli lw’obulame. 13Mbe Abafarizayo nibamugambira bati: Kai n’iwe omwene okwemanyisya; kwemanyisya kwawe tikukomereze. 14Yezu nasubamo ati: Naho nkemanyisya ine omwene, hona kwemanyisya kwange kukomereze, kuba nkumanya eyo narugire n’eyo nkuza; nawe imwe timukumanya eyo nkuruga n’eyo nkugenda. 15Imwe mukulamula nk’okwo engingo zikulamula, nawe ine tinkulamula muntu; 16kai ine naho nkulamula, hona elamu yange ekomereze, kuba ine tindi nenka, nawe n’ine n’ayantumire, Tata. 17Na mu Kilagiro chanu hayandikirwemo okwo kumanyisya kwa babili kukomereze. 18Ine n’ine nkwemanyisya omwene; kai n’ayantumire, Tata, wena akummanyisya. 19Mbe nibamugambira bati: Iso ali hai? Yezu nasubamo ati: Ine timukummanya, na Tata wena pai; mukiba nimummanya, wakumanyire na Tata. 20Ebigambo ebyo Yezu akabigamba ha bubiko bw’efweza, nayolekerera mw’eklezia; kandi tihaliho muntu ayamukwasire, obwo buhicha ye yaliga etakabere.
21Mbe Yezu nasuba kubagambira ati: Ine nagenda, mulimpiga, kai mulifwera mu kiheno chanu. Eyo ine nkugenda, imwe timukuhicha kwizayo. 22Mbe Abayahudi nibagira bati: Hamo akwenda kweita, obwo yagira ati: Eyo nkugenda, imwe timukuhicha kwizayo? 23Nabagambira ati: Imwe muli b’ifwo, ine ndi w’oluguru. Imwe muli bo mu nsi munu, ine tindi wo mu nsi munu. 24Mbe nabagambira okwo mulifwera mu biheno byanu; kuba mukabura kwikiriza okwo ine ndi, mukufwera mu kiheno chanu. 25Mbe nibamugambira bati: N’iwe ga? Yezu nabagambira ati: N’ine butandikiro, akufumora n’emwe. 26Ndi na bingi byo kubagambaho, no kulamula. Nawe ayantumire takubeha; kai n’ene ebyo nahulire hali wenene, nibyo nkufumora mu nsi. 27Tibamanyire okwo Ise, owe yagamba, ali Mungu. 28Mbe Yezu nabagambira ati: Ka muliba mwasungire Omwana w’omuntu#8, 28 Kumara mezi mukaga Abayahudi balilega Yezu ha musalaba., niho mulimanya okwo ine ndi n’okwo ntakukola kintu ha bwange nenka, nawe nk’ebyo Tata yanolekerere, nibyo nkutenga. 29Kai ayantumire ali n’ene, kandi takunsiga nenka, kuba ine nkukola bucha bucha ebikumusemereza.
ABANA BA KIMO BA IBRAHIMU. — ABANA BA MUNGU. — YEZU ATI: NDI MWANA WA MUNGU.
30Bengi bakamwikiriza, ka yafumwere ebyo. 31Mbe Yezu nagambira Abayahudi abamwikirize ati: Imwe, mukaguma mu kigambo change, mukuba koto bahemba bange, 32nimumanya ebikomereze, kai ebikomereze bilibachungula. 33Nibamusubiramo bati: Itwe tuli bana ba Ibrahimu, titukabere beru b’omuntu nangu; kai okutugambirira ki oti: Mulichunguka. 34Yezu nabagambira ati: Koto koto nkubagambira nti: Buli akuhena ni mwiru w’ekiheno. 35Omwiru takwikara mu ka kuhika myaka zona; nawe omwana akwikara mu myaka z’emyaka. 36Mbe Mwana k’aliba yabachungwire, mulichunguka koto. 37Nkumanya okwo muli bana ba Ibrahimu; nawe mukuhiga kunita, obw’ekigambo change kitakwasire mul’imwe. 38Ine nkufumora ebyo nabwene owa Tata; kai imwe mukukola ebyo mwabwene owa so. 39Nibasubamo nibamugambira bati: Tata ni Ibrahimu. Yezu nabagambira ati: Raba muli bana ba Ibrahimu, nimukole ebikorwa bya Ibrahimu. 40Nawe imwe hati mukuhiga kunita, ine muntu akutenga ebikomereze ebyo nahulire hali Mungu; ebyo Ibrahimu tiyabikozire.
41Imwe mukukola ebikorwa bya so. Mbe nibamugambira bati: Itwe titwazerwe mu busihani: tuli na tata omo, ni Mungu. 42Mbe Yezu nabagambira ati: Mungu akiba al’iso, yee mwakunenzire; kuba ine nkaruga hali Mungu niniza; kai tinezire ha bwange, nawe niwe yantumire. 43Mukuzibirwa ki kumanya ebyo nkufumora? Kuba timukuhicha kuhulira amagambo gange. 44Mukaruga hal’iso sitani, kai ebyo iso akwegonga, nibyo mukwenda kukola. Ogwo akaruga ha nsi ali mwisi, kai tiyasigere mu bukomereza, obw’obukomereza butamulimo. K’akufumora eby’endimi, akubifumora ha bwe wenka, obw’ali w’endimi n’ese obubehi. 45Nawe ka nkufumora ebikomereze, timukunikiriza. 46Ni ga mul’imwe akumbehereza ekibi, nansinga? Raba nimbatengera agakomereze, mukuzibirwa ki kunikiriza? 47Owa Mungu akuhulira ebigambo bya Mungu. Obwo imwe mutali ba Mungu, nicho mutakumpulira.
48Mbe Abayahudi nibasubamo nibamugambira bati: Si titukomereza kutenga okw’oli Munasamariya n’okw’oli na sitani? 49Yezu nabasubiramo ati: Ine tindi na sitani; nawe nkukuza Tata, kai imwe mukungaya. 50Nawe ine tinkuhiga ikuzo lyange; aliho akulihiga, niwe alilamula. 51Koto koto nkubagambira nti: Alihich’amagambo gange, talibon’olufu myaka zona. 52Aho Abayahudi nibagira bati: Hati twamanya okw’oli na sitani. Ibrahimu akafwa, n’abalagi bona; kai iwe oti: Alihich’amagambo gange talibon’olufu myaka zona. 53Si iwe okukira tata wetu Ibrahimu, ayafwire? n’abalagi bona, abafwire? Okwegira ota? 54Yezu nasubamo ati: Nkekuza ine omwene, ikuzo lyange ti kintu; aliho Tata akunkuza, niwe ogwo owe mukutenga muti: ni Mungu wetu. 55Kai timukamumanyaga, nawe ine nkumumanya; hatyo nkagira nti: Tinkumumanyaga, nkuba mubehi nk’emwe. Nawe nkumumanya, nimpulira age. 56Ibrahimu, iso wanu, akayegonga kubona olunaku lwange; akalubona, nasemererwa. 57Abayahudi nibamugambira bati: Tokamazire myaka makumi atanu, kai okabona Ibrahimu? 58Yezu nabagambira ati: Ibrahimu yaliga atakabereho, ine ndiho. 59Aho nibakoby’amabale kumulasa; nawe Yezu nayesereka, nahuruka mw’eklezia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
First published in 1946 by the White Fathers. Published online with the permission of the White Fathers.