যাত্রা 17
17
পাত্তরত্তুন্ পানি
1পরেদি লগেপ্রভুর্ উগুমে ইস্রায়েলীয়গুনোর্ দল্লো সিন ধূল্যেচর-চাগালাত্তুন যানা আরাম্ভ গুরিনে এক জাগাত্তুন্ আর একজাগাত্ যাদে যাদে যেরেদি রফীদীমোত্ যেইনে তাম্বুল তাঙেলাক্। মাত্তর্ সিদু হেবার্ পানি ন-এলঅ। 2সেনত্তে তারা মোশি লগে কোল্-কোজ্যে বাজেইনে কলাক্, “আমারে হেবাত্তে পানি দে।”
মোশি তারারে কলঅ, “তুমি মঅ লগে কিত্তেই কোল্-কোজ্যে বাজর্, আর কিত্তেই বা তুমি লগেপ্রভুরে জগা চঅর্?”
3মাত্তর্ মানুচ্চুনে পানি খাজে অরান্ ওইয়োন্, সেনত্তেই তারা মোশির্ বিরুদ্ধে নানান্ কধা কোইয়োন্। তারা কলাক্, “আমি যেনে পানির অভাবে মুরি যেই সেনত্তেই কি তুই আমারে আর আমা পূঅ-ঝিগুনোরে আর য়েমানুনোরে মিসর দেজত্তুন্ আন্ন্যচ্?”
4এই কধাগান শুনিনে মোশি লগেপ্রভু ইধু কানাকুদি গুরিনে কলঅ, “মুই এই মানুচ্চুন্দোই কি গুরিম? আর এক্কেনা বেশ্কম্ অলে দঅ তারা মরে পাত্তর্ মারিবাক্।”
5সেক্কে লগেপ্রভু মোশিরে কলঅ, “ইস্রায়েলীয়গুনোর্ কয়েকজন বুড়ো নেতারে লগে নেযেনে তুই মানুচ্চুনোর্ আগেদি আদি যাহ্। যে লুদিক্কোলোই তুই নীল গাঙানরে আঘাত্ গোজ্যস্ সিবে আদত্ লোইনে উজেই যাহ্। 6সে পরেদি মুই হোরেব মুড়োবোর্ ইদু তঅ মুজুঙোত্ এক্কো পাত্তর উগুরে যেইনে ঠিয়েম্। তুই সেই পাত্তর্বোত্ আঘাত্ গুরিবে আর সেক্কে মানুচ্চুনে হেবাত্তে সিয়োত্তুন্ পানি নিগিলি এবঅ।” ইস্রায়েলীয় বুড়ো নেতাগুনো মুজুঙোত্ মোশি সিয়েনোই গুরিলো।
7মানুচ্চুনে এই রফীদীমোত্ কোল্-কোজ্যে গোজ্যন্ আর কোইয়োন, “লগেপ্রভু কি আমা লগে আঘে, না-কি নেই?” এই কধানিলোই লগেপ্রভুরে তারা জগা চেইয়োন্। সেনত্যে মোশি এই জাগাগানর্ দ্বিয়েন্ নাঙ্ দিলো মঃসা (যিয়েনর্ ভেদ্তান্ “জগা চানা”) আর মরীবা (যিয়েনর্ ভেদ্তান্ “কোল্বাজানা”)।
অমালেকীয়গুনো লগে যুদ্ধো
8এই সময়োত্ অমালেকীয় সৈন্যগুনে ইস্রায়েলীয়গুনো সমারে যুদ্ধো গুরিবাত্তে রফীদীমোত্ লুমিলাক্। 9সেক্কে মোশি যিহোশূয়োরে কলঅ, “তুই আমা ভিদিরেত্তুন্ মানুচ্ বেঈ লোইনে অমালেকীয়গুনো বিরুদ্ধে যুদ্ধো গুরিবাত্তে যাহ্। মুই কেল্যে গোজেনর সেই লুদিক্কো মঅ আদত্ লোইনে মুড়োবো মাদা উগুরে যেইনে ঠিয়েম্।”
10মোশি যিহোশূয়োরে যিয়েনি কোইয়্যে তে সিয়েনোই গুরিলো। তে অমালেকীয়গুনো বিরুদ্ধে যুদ্ধো গুরিবাত্তে গেলঅ। সে ভিদিরে মোশি, হারোণ আর হূরে সেই মুড়োবোর্ মাদা উগুরে যেইনে উদিলাক্। 11যুদ্ধোর্ সময়োত্ মোশি যেদক্ষণ তার্ আত্তান্ তুলি রাগেদ সেদক্ষণ ইস্রায়েলীয়গুনে জিদিদাক্; আরঅ যেক্কে আত্তান্ লামেদ সেক্কে অমালেকীয়গুনে জিদিদাক্। 12এধোক্ক্যেনগুরি মোশির্ আত্তান্ গুয়োর্ ওই গেলঅ। সেক্কে তারা এক্কো পাত্তর্ আনিলাক্, আর মোশি সিবে উগুরে বজিলো। হারোণ আর হূরে দ্বি দাগেত্তুন্ তার্ আত্তান উজু গুরিনে ধুরি রাগেলাক্। সেনে বেলান্ ন-ডুবে সং তার্ আত্ দ্বিয়েন্ আগঅ ধোক্ক্যেন রলঅ। 13সেক্কে যিহোশূয় যুদ্ধোত্ অমালেকীয়গুনোরে অদেই দিলো।
14ইয়েনর্ পরেদি লগেপ্রভু মোশিরে কলঅ, “এই যুদ্ধোর্ কধাগান্ ম নত্ রাগেবাত্যেই তুই এক্কো বোইয়োত্ সিয়েনি লিগি রাগা আর যিহোশূয়রে কোই দে, পিত্থিমী উগুরেত্তুন্ অমালেকীয়গুনোর্ নাঙানি মুই এক্কুবারে ভস্ত গুরি দিম্।”
15পরেদি মোশি এক্কান ডালিপূজো বানেইনে তার্ নাঙান্ দিলো যিহোবা নিঃষি (যিয়েনর্ ভেদ্তান্ “লগেপ্রভুই মর্ বাবতা”)। 16মোশি কলঅ, “লগেপ্রভুর্ সিংহাসনর বিরুদ্ধে আত্ তুলো ওইয়্যে, সেনত্যেই বংশর পর বংশ ধুরিনে লগেপ্রভু অমালেকীয়গুনোর্ বিরুদ্ধে থেবঅ।”
Currently Selected:
যাত্রা 17: CBT
Highlight
Share
Copy
Want to have your highlights saved across all your devices? Sign up or sign in
Copyright © 2021 Bangladesh Bible Society
যাত্রা 17
17
পাত্তরত্তুন্ পানি
1পরেদি লগেপ্রভুর্ উগুমে ইস্রায়েলীয়গুনোর্ দল্লো সিন ধূল্যেচর-চাগালাত্তুন যানা আরাম্ভ গুরিনে এক জাগাত্তুন্ আর একজাগাত্ যাদে যাদে যেরেদি রফীদীমোত্ যেইনে তাম্বুল তাঙেলাক্। মাত্তর্ সিদু হেবার্ পানি ন-এলঅ। 2সেনত্তে তারা মোশি লগে কোল্-কোজ্যে বাজেইনে কলাক্, “আমারে হেবাত্তে পানি দে।”
মোশি তারারে কলঅ, “তুমি মঅ লগে কিত্তেই কোল্-কোজ্যে বাজর্, আর কিত্তেই বা তুমি লগেপ্রভুরে জগা চঅর্?”
3মাত্তর্ মানুচ্চুনে পানি খাজে অরান্ ওইয়োন্, সেনত্তেই তারা মোশির্ বিরুদ্ধে নানান্ কধা কোইয়োন্। তারা কলাক্, “আমি যেনে পানির অভাবে মুরি যেই সেনত্তেই কি তুই আমারে আর আমা পূঅ-ঝিগুনোরে আর য়েমানুনোরে মিসর দেজত্তুন্ আন্ন্যচ্?”
4এই কধাগান শুনিনে মোশি লগেপ্রভু ইধু কানাকুদি গুরিনে কলঅ, “মুই এই মানুচ্চুন্দোই কি গুরিম? আর এক্কেনা বেশ্কম্ অলে দঅ তারা মরে পাত্তর্ মারিবাক্।”
5সেক্কে লগেপ্রভু মোশিরে কলঅ, “ইস্রায়েলীয়গুনোর্ কয়েকজন বুড়ো নেতারে লগে নেযেনে তুই মানুচ্চুনোর্ আগেদি আদি যাহ্। যে লুদিক্কোলোই তুই নীল গাঙানরে আঘাত্ গোজ্যস্ সিবে আদত্ লোইনে উজেই যাহ্। 6সে পরেদি মুই হোরেব মুড়োবোর্ ইদু তঅ মুজুঙোত্ এক্কো পাত্তর উগুরে যেইনে ঠিয়েম্। তুই সেই পাত্তর্বোত্ আঘাত্ গুরিবে আর সেক্কে মানুচ্চুনে হেবাত্তে সিয়োত্তুন্ পানি নিগিলি এবঅ।” ইস্রায়েলীয় বুড়ো নেতাগুনো মুজুঙোত্ মোশি সিয়েনোই গুরিলো।
7মানুচ্চুনে এই রফীদীমোত্ কোল্-কোজ্যে গোজ্যন্ আর কোইয়োন, “লগেপ্রভু কি আমা লগে আঘে, না-কি নেই?” এই কধানিলোই লগেপ্রভুরে তারা জগা চেইয়োন্। সেনত্যে মোশি এই জাগাগানর্ দ্বিয়েন্ নাঙ্ দিলো মঃসা (যিয়েনর্ ভেদ্তান্ “জগা চানা”) আর মরীবা (যিয়েনর্ ভেদ্তান্ “কোল্বাজানা”)।
অমালেকীয়গুনো লগে যুদ্ধো
8এই সময়োত্ অমালেকীয় সৈন্যগুনে ইস্রায়েলীয়গুনো সমারে যুদ্ধো গুরিবাত্তে রফীদীমোত্ লুমিলাক্। 9সেক্কে মোশি যিহোশূয়োরে কলঅ, “তুই আমা ভিদিরেত্তুন্ মানুচ্ বেঈ লোইনে অমালেকীয়গুনো বিরুদ্ধে যুদ্ধো গুরিবাত্তে যাহ্। মুই কেল্যে গোজেনর সেই লুদিক্কো মঅ আদত্ লোইনে মুড়োবো মাদা উগুরে যেইনে ঠিয়েম্।”
10মোশি যিহোশূয়োরে যিয়েনি কোইয়্যে তে সিয়েনোই গুরিলো। তে অমালেকীয়গুনো বিরুদ্ধে যুদ্ধো গুরিবাত্তে গেলঅ। সে ভিদিরে মোশি, হারোণ আর হূরে সেই মুড়োবোর্ মাদা উগুরে যেইনে উদিলাক্। 11যুদ্ধোর্ সময়োত্ মোশি যেদক্ষণ তার্ আত্তান্ তুলি রাগেদ সেদক্ষণ ইস্রায়েলীয়গুনে জিদিদাক্; আরঅ যেক্কে আত্তান্ লামেদ সেক্কে অমালেকীয়গুনে জিদিদাক্। 12এধোক্ক্যেনগুরি মোশির্ আত্তান্ গুয়োর্ ওই গেলঅ। সেক্কে তারা এক্কো পাত্তর্ আনিলাক্, আর মোশি সিবে উগুরে বজিলো। হারোণ আর হূরে দ্বি দাগেত্তুন্ তার্ আত্তান উজু গুরিনে ধুরি রাগেলাক্। সেনে বেলান্ ন-ডুবে সং তার্ আত্ দ্বিয়েন্ আগঅ ধোক্ক্যেন রলঅ। 13সেক্কে যিহোশূয় যুদ্ধোত্ অমালেকীয়গুনোরে অদেই দিলো।
14ইয়েনর্ পরেদি লগেপ্রভু মোশিরে কলঅ, “এই যুদ্ধোর্ কধাগান্ ম নত্ রাগেবাত্যেই তুই এক্কো বোইয়োত্ সিয়েনি লিগি রাগা আর যিহোশূয়রে কোই দে, পিত্থিমী উগুরেত্তুন্ অমালেকীয়গুনোর্ নাঙানি মুই এক্কুবারে ভস্ত গুরি দিম্।”
15পরেদি মোশি এক্কান ডালিপূজো বানেইনে তার্ নাঙান্ দিলো যিহোবা নিঃষি (যিয়েনর্ ভেদ্তান্ “লগেপ্রভুই মর্ বাবতা”)। 16মোশি কলঅ, “লগেপ্রভুর্ সিংহাসনর বিরুদ্ধে আত্ তুলো ওইয়্যে, সেনত্যেই বংশর পর বংশ ধুরিনে লগেপ্রভু অমালেকীয়গুনোর্ বিরুদ্ধে থেবঅ।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2021 Bangladesh Bible Society