যাত্রা 18
18
মোশির লগে যিথ্রোর্ দেগা
1গোজেনে তার মানুচ্ ইস্রায়েলীয়গুনোত্তে আর মোশিত্তে যিয়েনি গোজ্যে সিয়েনি বেক্কানি মোশির শুয়োরবো মিদিয়নীয় ধর্মগুরু যিথ্রোর্ কানত্ গেলঅ। লগেপ্রভু কেধোক্ক্যেনগুরি মিসর দেজত্তুন্ ইস্রায়েলীয়গুনোরে নিগিলেই আন্যে তে সিয়েনঅ শুন্যে। 2-3মোশি তা মোক্কো সিপ্পোরারে মিসর দেজত্তুন্ পাধেই দিলো, আর যিথ্রো তাঁরে আর তার্ দ্বিবে পূঅরে নিজোর কায়কুরে রাগেল। মোশি কলদে, “মুই পরদেজত্ পর্ভাস্যে ওই আগং”; সেনত্যেই তে তার্ দাঙর্ পূঅবোর্ নাঙান্ দিলো গের্শোম। 4তে অন্য পূঅবোর্ নাঙান্ দিলো ইলীয়েষর (যিয়েনর্ ভেদ্তান্ “গোজেন মর্ সহায়”); কিত্তে তে কোইয়্যেদে, “মঅ বাপ্পোর্ গোজেনে মরে এজাল্ দিয়্যে। তেয়ই যুদ্ধোত্ ফরৌণর আদত্তুন্ মরে উদ্ধোর্ গোজ্যে।”
5গোজেনর মুড়োবো কায়কুরে যে ধূল্যেচর চাগালাত্ মোশি তাম্বুলান ফেলেয়ে সিদু তা মোক্কো আর পূঅগুন্দোই তার্ শুয়োরবো যিথ্রো লুমিলোগোই। 6ইয়েনর্ আগেদি তে মোশিরে কোই পাদেয়্যেদে, “মুই তর্ শুয়োরবো যিথ্রো। তর্ মোক্কো আর তর্ দ্বিবে পূঅরে লোইনে মুই তইদু এজঙর্।” 7হবর্ পেইনে মোশি তার্ শুয়োরবোলোই দেগা গুরিবাত্তে নিগিলি এলঅ। তে তারে জু জু জানেল আর চুমিলো। তারা একজনে আর একজনর্ খবরাখবর লোইনে তাম্বুল ভিদিরে গেলাক্। 8লগেপ্রভু ইস্রায়েলীয়গুনোর্ পক্ষ ওইনে ফরৌণ আর মিসরীয়গুনো উগুরে যিয়েনি গোজ্যে সিয়েনি বেক্কানি মোশি তা শুয়োরবোরে জানেল। এজানার পদথ্ তারার্ দুগোর কধা আর কেধোক্ক্যেনগুরি গোজেনে তারারে উদ্ধোর্ গোজ্যে সেই বেক্ কধানিয়ো তে তারে জানেল।
9-10মিসরীয়গুনো আদত্তুন্ ইস্রায়েলীয়গুনোরে উদ্ধোর্ গুরিবাত্তে যেইনে লগেপ্রভু তারারে যেদক্কানি এজাল্ দিয়্যে সিয়েনত্তেই যিথ্রো হুজি ওইনে কলদে, “ধন্য লগেপ্রভু, যিবে ফরৌণ আর মিসরীয়গুনো আদত্তুন্ তমারে উদ্ধোর্ গোজ্যে! এই বেক্ মানুচ্চুনোরে তেয়ই মিসরীয়গুনো আদত্তুন্ উদ্ধোর্ গোজ্যে। 11সেনত্তে মুই ইক্কিনে বুঝি পারঙত্তে, বেক্ দেবেদাগুনোত্তুন্ লগেপ্রভুই দাঙর্, কিত্তে দেবেদাগুনে যেদক্কানি পৌইদ্যেনে ইস্রায়েলীয়গুনো বিরুদ্ধে বার্বো গুরিদাক্ সেদক্কানি পৌইদ্যেনে লগেপ্রভুই দাঙর্।” 12ইয়েনর্ পরেদি যিথ্রো গোজেনর্ নাঙে পুজ্যে-উৎসর্ব আর অন্য উৎসর্বত্তে য়েমান্ আনিল। পরেদি হারোণ আর ইস্রায়েলীয়গুনোর্ বেক্ বুড়ো মাই-মুরুব্বীগুনে গোজেন মুজুঙোত্ মোশি শুয়োর্বো লগে হেবাত্তে বজিলাক্।
যিথ্রোর্ উপদেশ
13তার্ কেল্যে মোশি মানুচ্চুনোর বিচের্ গুরিবাত্তে বুয়োল। বেন্যেত্তুন্ ধুরি সাজোন্যা সং মানুচ্চুনে মোশির্ মুজুঙোত্ ঠিয়েই রলাক্। 14মানুচ্চুনোরে নিইনে মোশিরে এদক্কানি গত্তে দেগিনেই তা শুয়োর্বো কলদে, “তুই মানুচ্চুন্দোই ইয়েন্ কি গরর্? তুই কিত্তে গায়্-গায়্ বিচের্ গুরিবাত্তে বোস্যচ্, আর বেক্ মানুচ্চুনে বেন্যেত্তুন্ ধুরি সাজোন্যা সং তর্ চেরোকিত্তে ঠিয়্যেই আগন্?”
15ইয়েনর জোবত্ মোশি তার্ শুয়োর্বোরে কলদে, “গোজেনর আওজ্চান জানিবাত্তে মানুচ্চুনে মইদু এজন্। 16কনঅ কোল্-কোজ্যে দেগা দিলে তারা মইদু এজন্ আর মুই দ্বিয়ো পক্ষেদি বিচের্ গরং, আর গোজেনর সুদোম আর উগুম তারারে বুঝেই দুয়োং।”
17সেক্কে মোশি শুয়োর্বো কলদে, “তুই যেধোক্ক্যেন গুরি গরর্ সিয়েন্ গম্ ন-অর্। 18সেক্কে তুই আর তঅ মানুচ্চুনে হামাক্কায়্ বল্পোজ্যে ওই যেবাক্। কামান্ এদক্ বেশ আগাত্যে যে, তর্ গায়্-গায়্ সিয়েন্ গরানা সম্ভব নয়। 19এবেরা মর্ এক্কান সল্লা শুন্, আর্ সেক্কে গোজেনেয়ো তঅ লগে থেবঅ। তুই বরং গোজেন ইদু মানুচ্চুনোর্ নেতাবো ওইনে মানুচ্চুনোর্ কোল-কোজ্যেনি গোজেন ইদু নেযেচ্। 20সে পরেদি তুই তার্ বেক্ সুদোমানি আর উগুমানি পৌইদ্যেনে তারারে উজিয়ার্ গুরি দিবে। ইয়েনবাদে কেধোক্ক্যেনগুরি চলা পড়িবো আর কি কাম্ তারাত্তুন্ গরা পড়িবো সিয়েনি তুই তারারে বুঝেই দিবে। 21তুই বেক্ মানুচ্চুনো ভিদিরেত্তুন্ এন্ যগাজ্যে মানুচ্চুনোরে বেঈ নেযেবে যিগুনে গোজেনভক্ত, সত্যবাদী আর অন্যায়রে ঘিনেন্। তারারে তুই মানুচ্চুনোর্ নেতা ইজেবে নেযেবে-কয়েক জনরে আজার উগুরে, কয়েকজনরে শত উগুরে, কয়েক জনরে পঞ্চাজ উগুরে আর কয়েক জনরে দশ জন উগুরে। 22ইগুনেই আমিঝে মানুচ্চুনোর্ বিচের্ গুরিবাক্। চিগোন-চাগোন্ বেপারানি তারা বিচের্ গুরিবাক আর দাঙর্ দাঙর্ বেপারানি তইদু আনিবাক্। সেক্কে তর্ কামানি পাদল্ অবঅ কিত্তে তারায়ো তর্ ভারান্ কিজু কমে দিবাক্। 23গোজেনর উগুম্ পেইনে যুনি তুই এধোক্ক্যেন গরচ্ সালে তুই এই কামর্ ভারান্ সোজ্য গুরি পারিবে আর মানুচ্চুনেয়ো মনর্ সুগে যে যার্ জাগাত্ ফিরি যেই পারিবাক্।”
24মোশি তার শুয়োরবোর্ সল্লাগানি মানি নেযেল আর তে যিয়েনি কোইয়ে সিয়েনিই গুরিলো। 25তে বেক্ ইস্রায়েলীয়গুনো ভিদিরেত্তুন্ যগাজ্যে মানুচ্চুনোরে বেঈ লোইনে নেতা ইজেবে তারারে নেযেল-কয়েকজনরে আজার উগুরে, কয়েকজনরে শত উগুরে, কয়েকজনরে পঞ্চাজ উগুরে আর কয়েকজনরে দশ জন উগুরে। 26তারা আমিঝে মানুচ্চুনোরে বিচের্ গুরিদাক্। তারা আগাত্যে বেপারানি মোশি ইদু নেযেদাক, মাত্তর্ চিগোন-চাগন্ বেপারানি তারা নিজে নিজে সামেলেদাক্।
27যেরেদি মোশি তার্ শুয়োর্বোরে বিদেয় দিলো আর তে নিজোর্ দেজত্ গেলগোই।
Currently Selected:
যাত্রা 18: CBT
Highlight
Share
Copy
Want to have your highlights saved across all your devices? Sign up or sign in
Copyright © 2021 Bangladesh Bible Society
যাত্রা 18
18
মোশির লগে যিথ্রোর্ দেগা
1গোজেনে তার মানুচ্ ইস্রায়েলীয়গুনোত্তে আর মোশিত্তে যিয়েনি গোজ্যে সিয়েনি বেক্কানি মোশির শুয়োরবো মিদিয়নীয় ধর্মগুরু যিথ্রোর্ কানত্ গেলঅ। লগেপ্রভু কেধোক্ক্যেনগুরি মিসর দেজত্তুন্ ইস্রায়েলীয়গুনোরে নিগিলেই আন্যে তে সিয়েনঅ শুন্যে। 2-3মোশি তা মোক্কো সিপ্পোরারে মিসর দেজত্তুন্ পাধেই দিলো, আর যিথ্রো তাঁরে আর তার্ দ্বিবে পূঅরে নিজোর কায়কুরে রাগেল। মোশি কলদে, “মুই পরদেজত্ পর্ভাস্যে ওই আগং”; সেনত্যেই তে তার্ দাঙর্ পূঅবোর্ নাঙান্ দিলো গের্শোম। 4তে অন্য পূঅবোর্ নাঙান্ দিলো ইলীয়েষর (যিয়েনর্ ভেদ্তান্ “গোজেন মর্ সহায়”); কিত্তে তে কোইয়্যেদে, “মঅ বাপ্পোর্ গোজেনে মরে এজাল্ দিয়্যে। তেয়ই যুদ্ধোত্ ফরৌণর আদত্তুন্ মরে উদ্ধোর্ গোজ্যে।”
5গোজেনর মুড়োবো কায়কুরে যে ধূল্যেচর চাগালাত্ মোশি তাম্বুলান ফেলেয়ে সিদু তা মোক্কো আর পূঅগুন্দোই তার্ শুয়োরবো যিথ্রো লুমিলোগোই। 6ইয়েনর্ আগেদি তে মোশিরে কোই পাদেয়্যেদে, “মুই তর্ শুয়োরবো যিথ্রো। তর্ মোক্কো আর তর্ দ্বিবে পূঅরে লোইনে মুই তইদু এজঙর্।” 7হবর্ পেইনে মোশি তার্ শুয়োরবোলোই দেগা গুরিবাত্তে নিগিলি এলঅ। তে তারে জু জু জানেল আর চুমিলো। তারা একজনে আর একজনর্ খবরাখবর লোইনে তাম্বুল ভিদিরে গেলাক্। 8লগেপ্রভু ইস্রায়েলীয়গুনোর্ পক্ষ ওইনে ফরৌণ আর মিসরীয়গুনো উগুরে যিয়েনি গোজ্যে সিয়েনি বেক্কানি মোশি তা শুয়োরবোরে জানেল। এজানার পদথ্ তারার্ দুগোর কধা আর কেধোক্ক্যেনগুরি গোজেনে তারারে উদ্ধোর্ গোজ্যে সেই বেক্ কধানিয়ো তে তারে জানেল।
9-10মিসরীয়গুনো আদত্তুন্ ইস্রায়েলীয়গুনোরে উদ্ধোর্ গুরিবাত্তে যেইনে লগেপ্রভু তারারে যেদক্কানি এজাল্ দিয়্যে সিয়েনত্তেই যিথ্রো হুজি ওইনে কলদে, “ধন্য লগেপ্রভু, যিবে ফরৌণ আর মিসরীয়গুনো আদত্তুন্ তমারে উদ্ধোর্ গোজ্যে! এই বেক্ মানুচ্চুনোরে তেয়ই মিসরীয়গুনো আদত্তুন্ উদ্ধোর্ গোজ্যে। 11সেনত্তে মুই ইক্কিনে বুঝি পারঙত্তে, বেক্ দেবেদাগুনোত্তুন্ লগেপ্রভুই দাঙর্, কিত্তে দেবেদাগুনে যেদক্কানি পৌইদ্যেনে ইস্রায়েলীয়গুনো বিরুদ্ধে বার্বো গুরিদাক্ সেদক্কানি পৌইদ্যেনে লগেপ্রভুই দাঙর্।” 12ইয়েনর্ পরেদি যিথ্রো গোজেনর্ নাঙে পুজ্যে-উৎসর্ব আর অন্য উৎসর্বত্তে য়েমান্ আনিল। পরেদি হারোণ আর ইস্রায়েলীয়গুনোর্ বেক্ বুড়ো মাই-মুরুব্বীগুনে গোজেন মুজুঙোত্ মোশি শুয়োর্বো লগে হেবাত্তে বজিলাক্।
যিথ্রোর্ উপদেশ
13তার্ কেল্যে মোশি মানুচ্চুনোর বিচের্ গুরিবাত্তে বুয়োল। বেন্যেত্তুন্ ধুরি সাজোন্যা সং মানুচ্চুনে মোশির্ মুজুঙোত্ ঠিয়েই রলাক্। 14মানুচ্চুনোরে নিইনে মোশিরে এদক্কানি গত্তে দেগিনেই তা শুয়োর্বো কলদে, “তুই মানুচ্চুন্দোই ইয়েন্ কি গরর্? তুই কিত্তে গায়্-গায়্ বিচের্ গুরিবাত্তে বোস্যচ্, আর বেক্ মানুচ্চুনে বেন্যেত্তুন্ ধুরি সাজোন্যা সং তর্ চেরোকিত্তে ঠিয়্যেই আগন্?”
15ইয়েনর জোবত্ মোশি তার্ শুয়োর্বোরে কলদে, “গোজেনর আওজ্চান জানিবাত্তে মানুচ্চুনে মইদু এজন্। 16কনঅ কোল্-কোজ্যে দেগা দিলে তারা মইদু এজন্ আর মুই দ্বিয়ো পক্ষেদি বিচের্ গরং, আর গোজেনর সুদোম আর উগুম তারারে বুঝেই দুয়োং।”
17সেক্কে মোশি শুয়োর্বো কলদে, “তুই যেধোক্ক্যেন গুরি গরর্ সিয়েন্ গম্ ন-অর্। 18সেক্কে তুই আর তঅ মানুচ্চুনে হামাক্কায়্ বল্পোজ্যে ওই যেবাক্। কামান্ এদক্ বেশ আগাত্যে যে, তর্ গায়্-গায়্ সিয়েন্ গরানা সম্ভব নয়। 19এবেরা মর্ এক্কান সল্লা শুন্, আর্ সেক্কে গোজেনেয়ো তঅ লগে থেবঅ। তুই বরং গোজেন ইদু মানুচ্চুনোর্ নেতাবো ওইনে মানুচ্চুনোর্ কোল-কোজ্যেনি গোজেন ইদু নেযেচ্। 20সে পরেদি তুই তার্ বেক্ সুদোমানি আর উগুমানি পৌইদ্যেনে তারারে উজিয়ার্ গুরি দিবে। ইয়েনবাদে কেধোক্ক্যেনগুরি চলা পড়িবো আর কি কাম্ তারাত্তুন্ গরা পড়িবো সিয়েনি তুই তারারে বুঝেই দিবে। 21তুই বেক্ মানুচ্চুনো ভিদিরেত্তুন্ এন্ যগাজ্যে মানুচ্চুনোরে বেঈ নেযেবে যিগুনে গোজেনভক্ত, সত্যবাদী আর অন্যায়রে ঘিনেন্। তারারে তুই মানুচ্চুনোর্ নেতা ইজেবে নেযেবে-কয়েক জনরে আজার উগুরে, কয়েকজনরে শত উগুরে, কয়েক জনরে পঞ্চাজ উগুরে আর কয়েক জনরে দশ জন উগুরে। 22ইগুনেই আমিঝে মানুচ্চুনোর্ বিচের্ গুরিবাক্। চিগোন-চাগোন্ বেপারানি তারা বিচের্ গুরিবাক আর দাঙর্ দাঙর্ বেপারানি তইদু আনিবাক্। সেক্কে তর্ কামানি পাদল্ অবঅ কিত্তে তারায়ো তর্ ভারান্ কিজু কমে দিবাক্। 23গোজেনর উগুম্ পেইনে যুনি তুই এধোক্ক্যেন গরচ্ সালে তুই এই কামর্ ভারান্ সোজ্য গুরি পারিবে আর মানুচ্চুনেয়ো মনর্ সুগে যে যার্ জাগাত্ ফিরি যেই পারিবাক্।”
24মোশি তার শুয়োরবোর্ সল্লাগানি মানি নেযেল আর তে যিয়েনি কোইয়ে সিয়েনিই গুরিলো। 25তে বেক্ ইস্রায়েলীয়গুনো ভিদিরেত্তুন্ যগাজ্যে মানুচ্চুনোরে বেঈ লোইনে নেতা ইজেবে তারারে নেযেল-কয়েকজনরে আজার উগুরে, কয়েকজনরে শত উগুরে, কয়েকজনরে পঞ্চাজ উগুরে আর কয়েকজনরে দশ জন উগুরে। 26তারা আমিঝে মানুচ্চুনোরে বিচের্ গুরিদাক্। তারা আগাত্যে বেপারানি মোশি ইদু নেযেদাক, মাত্তর্ চিগোন-চাগন্ বেপারানি তারা নিজে নিজে সামেলেদাক্।
27যেরেদি মোশি তার্ শুয়োর্বোরে বিদেয় দিলো আর তে নিজোর্ দেজত্ গেলগোই।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2021 Bangladesh Bible Society