যাত্রা 19
19
সিনাই মুড়োবো ইদু ইস্রায়েলীয়গুনে
1মিসর দেজত্তুন্ নিগিলি এজানার্ পরেদি তিন্ মাসত্ ইস্রায়েলীয়গুনে সিনাই ধূল্যেচর-চাগালাত্ যেইনে লুমিলাক্কোই। 2তারা রফীদীমান ফেলেই এইনে সিনাই মুড়োবো মুজুঙোত্ সিনাই ধূল্যেচর-চাগালাত্ তাম্বুল ঠাঙেলাক্। 3পরেদি মোশি মুড়ো উগুরে গোজেন ইদু উদিলো। সে অক্তত্ লগেপ্রভু মুড়োবো উগুরেত্তুন্ তারে ডাগিনে কলঅ, “তুই যাকোবর্ বংশধর্ ইস্রায়েলীয়গুনোরে কোই দে, 4তারা নিজেই দেখ্যন্, মিসরীয়গুনোর্ দশা মুই কি গোজ্যং। ঈগল পেগোর্ ডুয়োগানিলোই বুয়োই নেযাইদে ধোক্ক্যেন গুরি মুই ইস্রায়েলীয়গুনোরে নিজোর কায়-কুরে আন্যং। 5সেনত্তে যুনি তারা মর্ বেক্ কধানি মানি চলন্ আর মর্ সুদোমানি পালান্ সালে পিত্থিমীর্ বেক্ জাত্তুনো ভিদিরেত্তুন্ তারাই মর্ নিজোর্ সোম্বোত্তি অবাক্, কিত্তে পিত্থিমীর্ বেক্ মানুচ্চুনোই মর্ অধীনোত্। 6মর্ এই মানুচ্চুন্দোই বানা পুড়িবোদে মর্ ধর্মগুরুগুনোর্ রেজ্য আর এ জাদ্তোই অবঅ মর্ নাঙে ফারক্ গোজ্যে জাদ্। এই কধানি তুই ইস্রায়েলীয়গুনোরে জানেই দিচ্।”
7সেক্কে মোশি লামি এইনে ইস্রায়েলীয় বুড়ো মুরুব্বীগুনোরে ডাগিনে এগত্তর্ গুরিলো আর লগেপ্রভু তারে যে কধানি কবাত্তে কোইয়্যে সিয়েনি বেক্কানি তারারে কলঅ। 8এই কধানি শুনিনে বেক্ মানুচ্চুনে এক সমারে কলাক্কে, “লগেপ্রভু যিয়েনি কোইয়্যে আমি সিয়েনি বেক্কানি গুরিবোং।” মানুচ্চুনে যিয়েনি কলাক্ মোশি যেইনে সিয়েনি লগেপ্রভুরে জানেল।
9ইয়েন পরেদি লগেপ্রভু মোশিরে কলঅ, “মুই তঅ সমারে যেক্কে কধা কোম্ সেক্কে মানুচ্চুনে যেনে সিয়েনি শুনোন্ সেনত্যেই মুই এক্কান দাদঅ মেঘর্ ছাগ ভিদিরেত্তুন্ তমা ইদু এইম। সেক্কে মানুচ্চুনে আমিঝে তঅ উগুরে পুরোপুরি বিশ্বেজ্ রাগেবাক্।” মানুচ্চুনে যিয়েনি কোইয়োন্ মোশি পরেদি সিয়েনি লগেপ্রভুরে জানেল।
10-11লগেপ্রভু মোশিরে আরঅ কলঅ, “এচ্চ্যে আর কেল্যে এই দ্বিদিন্ তুই মানুচ্চুনো ইদু যেইনে তারারে সিজি গুরিবে। তারা যেনে তারার্ কাবড়্-চুগোরানি ধোই ফেলান্ আর তিন্ দিনোত্ যুক্কুলেই থান্, কিত্তে এই তিন্ দিনোত্ মুই লগেপ্রভু বেক্ মানুচ্চুনোর্ চোগো মুজুঙোত্ সিনাই মুড়োবো উগুরে লামি এইম। 12মানুচ্চুনোত্তে তুই মুড়োবোর্ চেরোকিত্তে এক্কান্ দুযি ঠিগ্ গুরি দিবে আর তারারে উজিয়ার্ গুরি দিইনে কবেদে, যেনে তারা মুড়োবো উগুরে ন-এজন্ আরঅ মুড়োবো ইদু আত্ ন-দুয়োন। যে সেই মুড়োবো ধুরিবো তারে হামাক্কায়্ মারে ফেলা অবঅ। 13মাত্তর্ তা কিয়্যেত্ আত্ ন-বাজেইনে তারে পাত্তর্ মারিনে বা শেল্লোই মারিনে মারে ফেলা অবঅ। মানুচ্ ওক্ বা য়েমান্ ওক্ তারে আর বাঁজেই রাগা ন-অবঅ। বানা এক্ নাগারে কানক্ষণ্ শিঙে বাজানার্ পরেন্দি তারা মুড়োবো ইদু এই পারিবাক্।”
14ইয়েন পরেদি মোশি মুড়োবো ইত্তুন্ লামি এইনে মানুচ্চুনোরে সিজি গুরিলো আর মানুচ্চুনে তারার্ কাবড়-চুগোরানি ধোই নেযেলাক্। 15সে পরেন্দি মোশি তারারে কলঅ, “তিন দিনোত্যেই তুমি যুগোল্ অ। এই সময়ান ভিদিরে তুমি কনজনে মোক্কুনো সমারে ন-মিজেবা।”
16তিন দিনোত্ বেন্যেমাদান্ মেঘ গুজুরো ধুরিলো আর ঝিমিলেনি অলঅ আর মুড়োবো উগুরে এককট্টা ঘন মেঘ দেগা দিলো। ইয়েন বাদেয়ো অমহদ দাঙর দাঙর গুরি শিঙের্ রঅ শুনো গেলঅ। এদক্কানি দেগিনে শুনিনে তাম্বুলো ভিদিরে বেক্ মানুচ্চুনে গির্গিরেই উদিলাক্। 17সেক্কে গোজেন মুজুঙোত্ যেবাত্তে মোশি তাম্বুলোত্তুন্ মানুচ্চুনোরে নিগিলেনেই নেযেল। মানুচ্চুনে মুড়োবোর্ তলে যেইনে ঠিয়্যেই রলাক্। 18সে পরেন্দি সিনাই মুড়োবো ধূমোলোই নাঢি গেলঅ, কিত্তে লগেপ্রভু মুড়োবো উগুরে আগুনো ভিদিরেত্তুন্ লামি এলঅ। চুলোত্তুন্ যেধোক্ক্যেনগুরি ধূমো উদে ঠিগ্ সেধোক্ক্যেন গুরি ধূমো উদো ধুরিলো আর পুরো মুড়োবো অমহদ গুরি গির্গিরা ধুরিলো। 19শিঙের্ রঅবো আরঅ দাঙর্ দাঙর্ গুরি বাঁজিলো। সেক্কে মোশি গোজেন সমারে কধা কলঅ আর গোজেনেয়ো দাঙর গুরি কধা কোইনে তার্ জোব্পান্ দিলো।
20লগেপ্রভু সিনাই মুড়োবো মাদাথ্ লামি এইনে মোশিরে ডাগিলো আর মোশি মুড়োবো উগুরে উদিলোগোই। 21লগেপ্রভু মোশিরে কলঅ, “তুই তলেন্দি লামিনে মানুচ্চুনোরে উজিয়ার্ গুরি দে যেনে তারা লগেপ্রভুরে চেবাত্যেই দুঝি ভাঙিনে পার্ ওই ন-এজন্। সিয়েন্ গুরিলে বোউত্ মানুচ্ মারা পড়িবাক্। 22এন্ কি, লড়েপ্রভু ইদু যানা যিগুনোর্ কাম, সেই ধর্মগুরুগুনোর্অ নিজোরে সিজি গুরি নেযা পড়িবো। সিয়েন ন-গুরিলে লগেপ্রভু তারারে জদবদে সাজা-দিবো।”
23জোবত্ মোশি লগেপ্রভুরে কলঅ, “মাত্তর্ মানুচ্চুনে দঅ সিনাই মুড়োবো উগুরে এই ন-পারিবাক্। তুয়ই-দঅ আমারে উজিয়ার্ গুরিনে কোই দুয়োচ্, যেনে আমি মুড়োবো চেরোকিত্তে দুযির-চিহ্নোগান দিইনে সিয়েন্ তত্তেই যুদো গুরি রাগেই।”
24সেক্কে লগেপ্রভু মোশিরে কলঅ, “তুই তলেন্দি লামি যাগোই। সে পরেন্দি তুই আর হারোণে আরঅ উগুরে উদি এজগোই। মাত্তর্ ধর্মগুরুগুনে বা মানুচ্চুনে যেনে দুঝি ভাঙিনে মইদু উদি ন-এজন্। সিয়েন্ গুরিলে মুই তারারে জদবদে সাজা-দিম্।” 25এই কধানি শুনিনেই মোশি লামি যেইনে বেক্ কধানি মানুচ্চুনোরে জানেল।
Currently Selected:
যাত্রা 19: CBT
Highlight
Share
Copy
Want to have your highlights saved across all your devices? Sign up or sign in
Copyright © 2021 Bangladesh Bible Society
যাত্রা 19
19
সিনাই মুড়োবো ইদু ইস্রায়েলীয়গুনে
1মিসর দেজত্তুন্ নিগিলি এজানার্ পরেদি তিন্ মাসত্ ইস্রায়েলীয়গুনে সিনাই ধূল্যেচর-চাগালাত্ যেইনে লুমিলাক্কোই। 2তারা রফীদীমান ফেলেই এইনে সিনাই মুড়োবো মুজুঙোত্ সিনাই ধূল্যেচর-চাগালাত্ তাম্বুল ঠাঙেলাক্। 3পরেদি মোশি মুড়ো উগুরে গোজেন ইদু উদিলো। সে অক্তত্ লগেপ্রভু মুড়োবো উগুরেত্তুন্ তারে ডাগিনে কলঅ, “তুই যাকোবর্ বংশধর্ ইস্রায়েলীয়গুনোরে কোই দে, 4তারা নিজেই দেখ্যন্, মিসরীয়গুনোর্ দশা মুই কি গোজ্যং। ঈগল পেগোর্ ডুয়োগানিলোই বুয়োই নেযাইদে ধোক্ক্যেন গুরি মুই ইস্রায়েলীয়গুনোরে নিজোর কায়-কুরে আন্যং। 5সেনত্তে যুনি তারা মর্ বেক্ কধানি মানি চলন্ আর মর্ সুদোমানি পালান্ সালে পিত্থিমীর্ বেক্ জাত্তুনো ভিদিরেত্তুন্ তারাই মর্ নিজোর্ সোম্বোত্তি অবাক্, কিত্তে পিত্থিমীর্ বেক্ মানুচ্চুনোই মর্ অধীনোত্। 6মর্ এই মানুচ্চুন্দোই বানা পুড়িবোদে মর্ ধর্মগুরুগুনোর্ রেজ্য আর এ জাদ্তোই অবঅ মর্ নাঙে ফারক্ গোজ্যে জাদ্। এই কধানি তুই ইস্রায়েলীয়গুনোরে জানেই দিচ্।”
7সেক্কে মোশি লামি এইনে ইস্রায়েলীয় বুড়ো মুরুব্বীগুনোরে ডাগিনে এগত্তর্ গুরিলো আর লগেপ্রভু তারে যে কধানি কবাত্তে কোইয়্যে সিয়েনি বেক্কানি তারারে কলঅ। 8এই কধানি শুনিনে বেক্ মানুচ্চুনে এক সমারে কলাক্কে, “লগেপ্রভু যিয়েনি কোইয়্যে আমি সিয়েনি বেক্কানি গুরিবোং।” মানুচ্চুনে যিয়েনি কলাক্ মোশি যেইনে সিয়েনি লগেপ্রভুরে জানেল।
9ইয়েন পরেদি লগেপ্রভু মোশিরে কলঅ, “মুই তঅ সমারে যেক্কে কধা কোম্ সেক্কে মানুচ্চুনে যেনে সিয়েনি শুনোন্ সেনত্যেই মুই এক্কান দাদঅ মেঘর্ ছাগ ভিদিরেত্তুন্ তমা ইদু এইম। সেক্কে মানুচ্চুনে আমিঝে তঅ উগুরে পুরোপুরি বিশ্বেজ্ রাগেবাক্।” মানুচ্চুনে যিয়েনি কোইয়োন্ মোশি পরেদি সিয়েনি লগেপ্রভুরে জানেল।
10-11লগেপ্রভু মোশিরে আরঅ কলঅ, “এচ্চ্যে আর কেল্যে এই দ্বিদিন্ তুই মানুচ্চুনো ইদু যেইনে তারারে সিজি গুরিবে। তারা যেনে তারার্ কাবড়্-চুগোরানি ধোই ফেলান্ আর তিন্ দিনোত্ যুক্কুলেই থান্, কিত্তে এই তিন্ দিনোত্ মুই লগেপ্রভু বেক্ মানুচ্চুনোর্ চোগো মুজুঙোত্ সিনাই মুড়োবো উগুরে লামি এইম। 12মানুচ্চুনোত্তে তুই মুড়োবোর্ চেরোকিত্তে এক্কান্ দুযি ঠিগ্ গুরি দিবে আর তারারে উজিয়ার্ গুরি দিইনে কবেদে, যেনে তারা মুড়োবো উগুরে ন-এজন্ আরঅ মুড়োবো ইদু আত্ ন-দুয়োন। যে সেই মুড়োবো ধুরিবো তারে হামাক্কায়্ মারে ফেলা অবঅ। 13মাত্তর্ তা কিয়্যেত্ আত্ ন-বাজেইনে তারে পাত্তর্ মারিনে বা শেল্লোই মারিনে মারে ফেলা অবঅ। মানুচ্ ওক্ বা য়েমান্ ওক্ তারে আর বাঁজেই রাগা ন-অবঅ। বানা এক্ নাগারে কানক্ষণ্ শিঙে বাজানার্ পরেন্দি তারা মুড়োবো ইদু এই পারিবাক্।”
14ইয়েন পরেদি মোশি মুড়োবো ইত্তুন্ লামি এইনে মানুচ্চুনোরে সিজি গুরিলো আর মানুচ্চুনে তারার্ কাবড়-চুগোরানি ধোই নেযেলাক্। 15সে পরেন্দি মোশি তারারে কলঅ, “তিন দিনোত্যেই তুমি যুগোল্ অ। এই সময়ান ভিদিরে তুমি কনজনে মোক্কুনো সমারে ন-মিজেবা।”
16তিন দিনোত্ বেন্যেমাদান্ মেঘ গুজুরো ধুরিলো আর ঝিমিলেনি অলঅ আর মুড়োবো উগুরে এককট্টা ঘন মেঘ দেগা দিলো। ইয়েন বাদেয়ো অমহদ দাঙর দাঙর গুরি শিঙের্ রঅ শুনো গেলঅ। এদক্কানি দেগিনে শুনিনে তাম্বুলো ভিদিরে বেক্ মানুচ্চুনে গির্গিরেই উদিলাক্। 17সেক্কে গোজেন মুজুঙোত্ যেবাত্তে মোশি তাম্বুলোত্তুন্ মানুচ্চুনোরে নিগিলেনেই নেযেল। মানুচ্চুনে মুড়োবোর্ তলে যেইনে ঠিয়্যেই রলাক্। 18সে পরেন্দি সিনাই মুড়োবো ধূমোলোই নাঢি গেলঅ, কিত্তে লগেপ্রভু মুড়োবো উগুরে আগুনো ভিদিরেত্তুন্ লামি এলঅ। চুলোত্তুন্ যেধোক্ক্যেনগুরি ধূমো উদে ঠিগ্ সেধোক্ক্যেন গুরি ধূমো উদো ধুরিলো আর পুরো মুড়োবো অমহদ গুরি গির্গিরা ধুরিলো। 19শিঙের্ রঅবো আরঅ দাঙর্ দাঙর্ গুরি বাঁজিলো। সেক্কে মোশি গোজেন সমারে কধা কলঅ আর গোজেনেয়ো দাঙর গুরি কধা কোইনে তার্ জোব্পান্ দিলো।
20লগেপ্রভু সিনাই মুড়োবো মাদাথ্ লামি এইনে মোশিরে ডাগিলো আর মোশি মুড়োবো উগুরে উদিলোগোই। 21লগেপ্রভু মোশিরে কলঅ, “তুই তলেন্দি লামিনে মানুচ্চুনোরে উজিয়ার্ গুরি দে যেনে তারা লগেপ্রভুরে চেবাত্যেই দুঝি ভাঙিনে পার্ ওই ন-এজন্। সিয়েন্ গুরিলে বোউত্ মানুচ্ মারা পড়িবাক্। 22এন্ কি, লড়েপ্রভু ইদু যানা যিগুনোর্ কাম, সেই ধর্মগুরুগুনোর্অ নিজোরে সিজি গুরি নেযা পড়িবো। সিয়েন ন-গুরিলে লগেপ্রভু তারারে জদবদে সাজা-দিবো।”
23জোবত্ মোশি লগেপ্রভুরে কলঅ, “মাত্তর্ মানুচ্চুনে দঅ সিনাই মুড়োবো উগুরে এই ন-পারিবাক্। তুয়ই-দঅ আমারে উজিয়ার্ গুরিনে কোই দুয়োচ্, যেনে আমি মুড়োবো চেরোকিত্তে দুযির-চিহ্নোগান দিইনে সিয়েন্ তত্তেই যুদো গুরি রাগেই।”
24সেক্কে লগেপ্রভু মোশিরে কলঅ, “তুই তলেন্দি লামি যাগোই। সে পরেন্দি তুই আর হারোণে আরঅ উগুরে উদি এজগোই। মাত্তর্ ধর্মগুরুগুনে বা মানুচ্চুনে যেনে দুঝি ভাঙিনে মইদু উদি ন-এজন্। সিয়েন্ গুরিলে মুই তারারে জদবদে সাজা-দিম্।” 25এই কধানি শুনিনেই মোশি লামি যেইনে বেক্ কধানি মানুচ্চুনোরে জানেল।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2021 Bangladesh Bible Society