मत्ती 25
25
दश कन्याकुङ उदाहरण
1“स्वर्गौ राज्यकी डस कन्याकोखाटा तुलना जाट्की य्होक्ले, होखुरीकै लाहा-लहो बट्टी लार ब्याहुलाकी डुप्की नुङा। 2होखुरीक मध्याङ बाङा जना चहीँ बुद्धि लेचको लेया र बाङा जना चहीँ मुर्खको लेया। 3होसे मुर्खकै लहो बट्टी च लार नुङा, टर फाल्टो सीडी चहीँ माआल्हा। 4टर बुद्धि लेचकै चहीँ लहो बट्टी खाटा फाल्टो सीडी र आल्हा। 5बेहुलै राखी ढीलो जाट्नाङ होखुरीक पट्ट न मीमीक झुका र मीसा।
6“टर आढा राटाङ होखुरीकै ‘ङोस्नी ब्याहुला राम्हन ले, डुप्की रान्ही, डेयार च्याक्च सोर सेया!’ 7टब होडीक बेला होसे दशजना कन्याको रीङ्हा र लाहा लहो बट्टीको तयार जाटा। 8अनी मुर्ख कन्याकै बुद्धि लेच कन्याकोलाक डेया, ‘नाखुरीकुङ सीडी कानकी र चेक्जा यान्ही, हीजैडेनाङ कानुङ बट्टीको च सीकी पामने।’ 9टर बुद्धि लेच कन्याकै जवाफ याहा, ‘नाखुरीककी याखी ओल्छ सीडी कानखाटा माले, डोकानाङ नुङ्नी र लोवार राक्नी।’
10“होसे मुर्ख कन्याको सीडी लोकी नुङ्नाङ ब्याहुला टाराहा। तयार छान्चको जटी ब्याहुलाखाटा ब्याहौ भोजाङ भीत्री पर्या र गालाम ठुना।
11“होटै काट्छीनाङ होसे मुर्ख कन्याको राहार डेकी ठाला, ‘प्रभु, ए प्रभु, कानुङ लागी गालाम फोम यान्ही!’ 12टर होचे भीत्री लकीङ जवाफ याहा, ‘साँच्ची न, ङा नाखुरीककी माचीन्डीले।’”
13होटै येशूये डेया, “होटबाटै होसीयार छान्नी, हीजैडेनाङ भर्मीयो मीजा कुसे डीन र कुसे समयाङ राल्हे डेयार नाखुरीककी थाहा माछान्ले।
सुनौ सीक्कौ उदाहरण
(लुका १९:११-२७)
14“स्वर्गौ राज्य इसे ल्याक्च र हो। काट जना भर्मी परदेश नुङ्नाङ नोकरकोलाक आर्घार लहो पैसा बड्ढीकी डेयार होखुरीककी याहा। 15अनी होचे नोकरकुङ लाहा-लहो खुबी अनुसार काट्की बाङा हजार सुनौ सीक्का, अर्कोकी नीस हजार सुनौ सीक्का र अर्कोकी काट हजार सुनौ सीक्का याहार परदेशाङ व्हा। 16टब बाङा हजार सुनौ सीक्का डुप्च नोकरै तुरुन्तै नुङार ब्यापार जाटा र अरु बाङा हजार सीक्का कमडीया। 17होटजाट्न न नीस हजार सुनौ सीक्का डुप्च नोकरै र अरु नीस हजार सीक्का कमडीया। 18टर काट हजार सुनौ सीक्का डुप्च नोकरै चहीँ नुङार होसे झाङ ठाकार आर्च्युक्ङ डा।
19“लोट्च समय न्हुइङ होसे नोकरकुङ मीमुरुङ ल्हेस्न राहा र होचे लहो हीसाब होखुरीक खाटा ङेहा। 20टब बाङा हजार सुनौ सीक्का डुप्च नोकर राहार डेया, ‘मालीक, नाकै ङाकी बाङा हजार सुनौ सीक्का जीम्मा याम्हन्या, ङोस्नी होसे लकीङ ङै अरु बाङा हजार सीक्का कमडीया।’ 21मीमुरुङै होसकी डेया, ‘स्याबास, सेछ र विश्वासी नोकर! नाङ चेक्जा कुराङ र विश्वासी छाना, अब ङा नाङ्की वास्टै कुराकुङ जीम्मा याल्हे। रान्हा ङाखाटा न मार्हाङो।’ 22अनी अर्को नीस हजार सुनौ सीक्का डुप्चये र राहार डेया, ‘मालीक, नाकै ङाकी नीस हजार सुनौ सीक्का याम्हन्या। ङोस्नी, ङै होसे लकीङ अरु नीस हजार सीक्का कमडीमने।’ 23मेन मीमुरुङै होसकी डेया, ‘स्याबास, सेछ र विश्वासी नोकर, नाङ चेक्जा कुराङ र विश्वासी छाना, अब ङा नाङ्की वास्टै कुराकुङ जीम्मा याल्हे। रान्हा ङाखाटा न मार्हाङो।’
24“होटै काट हजार सुनौ सीक्का डुप्च नोकरै राहार डेया, ‘मालीक, नाको लहे मारोप्डीच य्हालकीङ बाली चेयार लाले, र लहे माटाप्च ठाउँ लकीङ अन्न बटुलीच नाको कठोर भर्मी ले डेयार ङाकी थाहा लेया। 25होटबाटै ङाकी बीर्हीम सेया, र नुङार नाकुङ काट हजार सुनौ सीक्का ङै झाङ ठाकार आर्च्युक्ङ डा। ङोस्नी, नाकुङ इसे सीक्काको लानी।’ 26अनी मालीकै होसकी जवाफ याहा, ‘ए दुष्ट, अल्छी नोकर, ङै मारोप्डीच य्हाङ बाली चेले र माटाप्च ठाउँ लकीङ अन्न बटुलीले डेयार इडीक नीये वार्न्हन्या डेनाङ, 27नीये ङै याछ सीक्का ब्याजाङ लैडीकी परन्या, अनी ङा ल्हेसार राहार ङौ सीक्काकुङ ब्याज लाकी डीन्छ लेया।’
28“होटै मालीकै डेया, ‘होटबाटै इसे नोकर लकीङ होसे सुनौ सीक्का स्याटार होसे डस हजार सुनौ सीक्का लेचकी न यान्ही। 29हीजैडेनाङ सुखाटा ले होसकी अरु र फाट्न याल्हे, र होसेखाटा वास्टै डेनाङ वास्टै छान्ले। टर सुखाटा चेक्जा ले होच्यो चेक्जा लेच र होसेलकीङ स्याट्ले। 30अब इसे बीकाम्या नोकरकी बाहीर छुम्छ ठावाङ लोम्ह यान्ही, होला भर्मीको राप्ले र मीस्याक जीक्ले।’
न्यायो डीन
31“जब भर्मीयो मीजा होसकुङ पट्ट न स्वर्गदूतखाटा लहो महीमाङ राल्हे, टब होसको लहो महीमामय सिंहासनाङ ङुले। 32होडीक बेला होसकुङ म्याहासाङ पट्ट न जाटीको भेला छान्ले, अनी कुटजाट्न गोठ्लाकै र्हा र भेडाकी भाक्ले, होटजाट्न न होसकै होसे भर्मीकोलाक र भाग्ले। 33होसकै भेडाकोलाक लहो डोर मीहुट पट्टी डाले, र र्हाकोलाक चहीँ डेबर्या पट्टी डाले। 34टब राजै लहो डोरमीहुट पटीयुङ कोलाक डेले, ‘रान्ही, होसकुङ बोइ लकीङ आसीस डुप्च भर्मीको! संसारौ सृष्टि लकीङ न नाखुरीकुङ लागी तयार जाट्च राज्यकी अधिकार जाट्नी। 35ङा मीटुक रन्छीनाङ नाखुरीकै ङाकी ज्याकी याहा। ङाकी डी सोन्न्हाङ नाखुरीकै ङाकी डी गाकी याहा। ङा परदेशी लेया, नाखुरीकुङ इमाङ ङाकी इजट र मान जाटा। 36ङा नाङ्ग्या लेया, नाखुरीकै ङाकी बढीन बील्हाक्ङ याहा। ङा छामन्या नाखुरीकै ङाकी वास्टा जाटा, र ङा झ्यालखानाङ लेया, नाखुरीक ङाकी डुप्की राहा।’
37“टब धर्मी भर्मीकै होसकोकी गीन्ले, ‘ए प्रभु, सेन कानै नाकोकी मीटुक रन्छीच डाङा र ज्याकी याहा? सेन नाकोकी डी सोन्छ डाङा र डी गाकी याहा? 38सेन नाको परदेशी छान्नाङ कानुङ इमाङ नाकोकी इजट र मान जाटा? नाकोकी कानै सेन नाङ्ग्या डाङा र बढीन बील्हाक्ङ याहा? 39अनी नाको सेन छामन्या र कान नाकोकी ङोस्की राहा? नाको सेन झ्यालखानाङ परन्या र कान नाकोकी डुप्की राहा?’ 40टब राजै होखुरीककी जवाफ याहार डेले, ‘साँच्ची न, ङा नाखुरीककी डेले, इसे ङौ भाइकोमध्याङ पट्ट डेनाङ काट मार्जाकी नाखुरीकै ही सेछ जाटा, होसे ङौ लागी न जाट्च हो।’
41“होटै होसकै लहो डेबर्या पट्टी लेचकोलाक डेले, ‘ए परमेश्वरौ सराप पर्च भर्मीको! ङा लकीङ नुङ्की क्योट्नी, शैतान र होच्यो दूतकोलाक तयार जाट्च सेन्र मासीच म्हेयाङ नुङ्नी! 42ङा मीटुक रन्छीम्या नाखुरीकै ङाकी ज्याकी माय्हा। डी सोन्न्हन्या नाखुरीकै ङाकी डी गाकी माय्हा। 43ङा परदेशी लेया, नाखुरीकै ङाकी नाखुरीकुङ इमाङ इजट र मान माजाटा। नाङ्या लेया, नाखुरीकै ङाकी बढीन माबील्हाका। ङा छाम्ह ङुनाङ र झ्यालखानाङ पर्नाङ नाखुरीक ङाकी ङोस्की मार्हा।’
44“होटै होखुरीकै इट डेयार जवाफ याल्हे, ‘ए प्रभु, सेन कानै नाकोकी मीटुक रन्छीच, डी सोन्छ, परदेशी छान्च, नाङ्ग्या छान्च, छाच अठबा झ्यालखानाङ पर्च डाङ्नाङ र नाकोकी वास्टा माजाटा?’ 45टब राजै होखुरीककी जवाफ याल्हे, ‘साँच्ची न, ङा नाखुरीककी डेले, ङौ भाइकोमध्याङ पट्ट डेनाङ मार्जाकी वास्टा माजाट्की न ङाकी वास्टा माजाट्की हो।’ 46अनी होखुरीकै चहीँ सढैँ भरीयो लागी दन्ड डुप्ले, टर धर्मी भर्मीकै चहीँ सेन्र मासीच जीवन डुप्ले।”
Currently Selected:
मत्ती 25: EMGP
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.
मत्ती 25
25
दश कन्याकुङ उदाहरण
1“स्वर्गौ राज्यकी डस कन्याकोखाटा तुलना जाट्की य्होक्ले, होखुरीकै लाहा-लहो बट्टी लार ब्याहुलाकी डुप्की नुङा। 2होखुरीक मध्याङ बाङा जना चहीँ बुद्धि लेचको लेया र बाङा जना चहीँ मुर्खको लेया। 3होसे मुर्खकै लहो बट्टी च लार नुङा, टर फाल्टो सीडी चहीँ माआल्हा। 4टर बुद्धि लेचकै चहीँ लहो बट्टी खाटा फाल्टो सीडी र आल्हा। 5बेहुलै राखी ढीलो जाट्नाङ होखुरीक पट्ट न मीमीक झुका र मीसा।
6“टर आढा राटाङ होखुरीकै ‘ङोस्नी ब्याहुला राम्हन ले, डुप्की रान्ही, डेयार च्याक्च सोर सेया!’ 7टब होडीक बेला होसे दशजना कन्याको रीङ्हा र लाहा लहो बट्टीको तयार जाटा। 8अनी मुर्ख कन्याकै बुद्धि लेच कन्याकोलाक डेया, ‘नाखुरीकुङ सीडी कानकी र चेक्जा यान्ही, हीजैडेनाङ कानुङ बट्टीको च सीकी पामने।’ 9टर बुद्धि लेच कन्याकै जवाफ याहा, ‘नाखुरीककी याखी ओल्छ सीडी कानखाटा माले, डोकानाङ नुङ्नी र लोवार राक्नी।’
10“होसे मुर्ख कन्याको सीडी लोकी नुङ्नाङ ब्याहुला टाराहा। तयार छान्चको जटी ब्याहुलाखाटा ब्याहौ भोजाङ भीत्री पर्या र गालाम ठुना।
11“होटै काट्छीनाङ होसे मुर्ख कन्याको राहार डेकी ठाला, ‘प्रभु, ए प्रभु, कानुङ लागी गालाम फोम यान्ही!’ 12टर होचे भीत्री लकीङ जवाफ याहा, ‘साँच्ची न, ङा नाखुरीककी माचीन्डीले।’”
13होटै येशूये डेया, “होटबाटै होसीयार छान्नी, हीजैडेनाङ भर्मीयो मीजा कुसे डीन र कुसे समयाङ राल्हे डेयार नाखुरीककी थाहा माछान्ले।
सुनौ सीक्कौ उदाहरण
(लुका १९:११-२७)
14“स्वर्गौ राज्य इसे ल्याक्च र हो। काट जना भर्मी परदेश नुङ्नाङ नोकरकोलाक आर्घार लहो पैसा बड्ढीकी डेयार होखुरीककी याहा। 15अनी होचे नोकरकुङ लाहा-लहो खुबी अनुसार काट्की बाङा हजार सुनौ सीक्का, अर्कोकी नीस हजार सुनौ सीक्का र अर्कोकी काट हजार सुनौ सीक्का याहार परदेशाङ व्हा। 16टब बाङा हजार सुनौ सीक्का डुप्च नोकरै तुरुन्तै नुङार ब्यापार जाटा र अरु बाङा हजार सीक्का कमडीया। 17होटजाट्न न नीस हजार सुनौ सीक्का डुप्च नोकरै र अरु नीस हजार सीक्का कमडीया। 18टर काट हजार सुनौ सीक्का डुप्च नोकरै चहीँ नुङार होसे झाङ ठाकार आर्च्युक्ङ डा।
19“लोट्च समय न्हुइङ होसे नोकरकुङ मीमुरुङ ल्हेस्न राहा र होचे लहो हीसाब होखुरीक खाटा ङेहा। 20टब बाङा हजार सुनौ सीक्का डुप्च नोकर राहार डेया, ‘मालीक, नाकै ङाकी बाङा हजार सुनौ सीक्का जीम्मा याम्हन्या, ङोस्नी होसे लकीङ ङै अरु बाङा हजार सीक्का कमडीया।’ 21मीमुरुङै होसकी डेया, ‘स्याबास, सेछ र विश्वासी नोकर! नाङ चेक्जा कुराङ र विश्वासी छाना, अब ङा नाङ्की वास्टै कुराकुङ जीम्मा याल्हे। रान्हा ङाखाटा न मार्हाङो।’ 22अनी अर्को नीस हजार सुनौ सीक्का डुप्चये र राहार डेया, ‘मालीक, नाकै ङाकी नीस हजार सुनौ सीक्का याम्हन्या। ङोस्नी, ङै होसे लकीङ अरु नीस हजार सीक्का कमडीमने।’ 23मेन मीमुरुङै होसकी डेया, ‘स्याबास, सेछ र विश्वासी नोकर, नाङ चेक्जा कुराङ र विश्वासी छाना, अब ङा नाङ्की वास्टै कुराकुङ जीम्मा याल्हे। रान्हा ङाखाटा न मार्हाङो।’
24“होटै काट हजार सुनौ सीक्का डुप्च नोकरै राहार डेया, ‘मालीक, नाको लहे मारोप्डीच य्हालकीङ बाली चेयार लाले, र लहे माटाप्च ठाउँ लकीङ अन्न बटुलीच नाको कठोर भर्मी ले डेयार ङाकी थाहा लेया। 25होटबाटै ङाकी बीर्हीम सेया, र नुङार नाकुङ काट हजार सुनौ सीक्का ङै झाङ ठाकार आर्च्युक्ङ डा। ङोस्नी, नाकुङ इसे सीक्काको लानी।’ 26अनी मालीकै होसकी जवाफ याहा, ‘ए दुष्ट, अल्छी नोकर, ङै मारोप्डीच य्हाङ बाली चेले र माटाप्च ठाउँ लकीङ अन्न बटुलीले डेयार इडीक नीये वार्न्हन्या डेनाङ, 27नीये ङै याछ सीक्का ब्याजाङ लैडीकी परन्या, अनी ङा ल्हेसार राहार ङौ सीक्काकुङ ब्याज लाकी डीन्छ लेया।’
28“होटै मालीकै डेया, ‘होटबाटै इसे नोकर लकीङ होसे सुनौ सीक्का स्याटार होसे डस हजार सुनौ सीक्का लेचकी न यान्ही। 29हीजैडेनाङ सुखाटा ले होसकी अरु र फाट्न याल्हे, र होसेखाटा वास्टै डेनाङ वास्टै छान्ले। टर सुखाटा चेक्जा ले होच्यो चेक्जा लेच र होसेलकीङ स्याट्ले। 30अब इसे बीकाम्या नोकरकी बाहीर छुम्छ ठावाङ लोम्ह यान्ही, होला भर्मीको राप्ले र मीस्याक जीक्ले।’
न्यायो डीन
31“जब भर्मीयो मीजा होसकुङ पट्ट न स्वर्गदूतखाटा लहो महीमाङ राल्हे, टब होसको लहो महीमामय सिंहासनाङ ङुले। 32होडीक बेला होसकुङ म्याहासाङ पट्ट न जाटीको भेला छान्ले, अनी कुटजाट्न गोठ्लाकै र्हा र भेडाकी भाक्ले, होटजाट्न न होसकै होसे भर्मीकोलाक र भाग्ले। 33होसकै भेडाकोलाक लहो डोर मीहुट पट्टी डाले, र र्हाकोलाक चहीँ डेबर्या पट्टी डाले। 34टब राजै लहो डोरमीहुट पटीयुङ कोलाक डेले, ‘रान्ही, होसकुङ बोइ लकीङ आसीस डुप्च भर्मीको! संसारौ सृष्टि लकीङ न नाखुरीकुङ लागी तयार जाट्च राज्यकी अधिकार जाट्नी। 35ङा मीटुक रन्छीनाङ नाखुरीकै ङाकी ज्याकी याहा। ङाकी डी सोन्न्हाङ नाखुरीकै ङाकी डी गाकी याहा। ङा परदेशी लेया, नाखुरीकुङ इमाङ ङाकी इजट र मान जाटा। 36ङा नाङ्ग्या लेया, नाखुरीकै ङाकी बढीन बील्हाक्ङ याहा। ङा छामन्या नाखुरीकै ङाकी वास्टा जाटा, र ङा झ्यालखानाङ लेया, नाखुरीक ङाकी डुप्की राहा।’
37“टब धर्मी भर्मीकै होसकोकी गीन्ले, ‘ए प्रभु, सेन कानै नाकोकी मीटुक रन्छीच डाङा र ज्याकी याहा? सेन नाकोकी डी सोन्छ डाङा र डी गाकी याहा? 38सेन नाको परदेशी छान्नाङ कानुङ इमाङ नाकोकी इजट र मान जाटा? नाकोकी कानै सेन नाङ्ग्या डाङा र बढीन बील्हाक्ङ याहा? 39अनी नाको सेन छामन्या र कान नाकोकी ङोस्की राहा? नाको सेन झ्यालखानाङ परन्या र कान नाकोकी डुप्की राहा?’ 40टब राजै होखुरीककी जवाफ याहार डेले, ‘साँच्ची न, ङा नाखुरीककी डेले, इसे ङौ भाइकोमध्याङ पट्ट डेनाङ काट मार्जाकी नाखुरीकै ही सेछ जाटा, होसे ङौ लागी न जाट्च हो।’
41“होटै होसकै लहो डेबर्या पट्टी लेचकोलाक डेले, ‘ए परमेश्वरौ सराप पर्च भर्मीको! ङा लकीङ नुङ्की क्योट्नी, शैतान र होच्यो दूतकोलाक तयार जाट्च सेन्र मासीच म्हेयाङ नुङ्नी! 42ङा मीटुक रन्छीम्या नाखुरीकै ङाकी ज्याकी माय्हा। डी सोन्न्हन्या नाखुरीकै ङाकी डी गाकी माय्हा। 43ङा परदेशी लेया, नाखुरीकै ङाकी नाखुरीकुङ इमाङ इजट र मान माजाटा। नाङ्या लेया, नाखुरीकै ङाकी बढीन माबील्हाका। ङा छाम्ह ङुनाङ र झ्यालखानाङ पर्नाङ नाखुरीक ङाकी ङोस्की मार्हा।’
44“होटै होखुरीकै इट डेयार जवाफ याल्हे, ‘ए प्रभु, सेन कानै नाकोकी मीटुक रन्छीच, डी सोन्छ, परदेशी छान्च, नाङ्ग्या छान्च, छाच अठबा झ्यालखानाङ पर्च डाङ्नाङ र नाकोकी वास्टा माजाटा?’ 45टब राजै होखुरीककी जवाफ याल्हे, ‘साँच्ची न, ङा नाखुरीककी डेले, ङौ भाइकोमध्याङ पट्ट डेनाङ मार्जाकी वास्टा माजाट्की न ङाकी वास्टा माजाट्की हो।’ 46अनी होखुरीकै चहीँ सढैँ भरीयो लागी दन्ड डुप्ले, टर धर्मी भर्मीकै चहीँ सेन्र मासीच जीवन डुप्ले।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.