मत्ती 26
26
येशूकी साट्की पाच
(मर्कूस १४:१-२; लुका २२:१-२; युहन्ना ११:४५-५३)
1येशूये इसे पट्ट न कुरा डेम भ्याच न्हुइङ लहो चेलाकोलाक डेया, 2“नाखुरीककी थाहा ले, अब नीसयाक न्हुइङ छुट्कारौ चाड राल्हे। होडीक बेला भर्मीयो मीजाकी क्रूसाङ टङ्गडीकीयो लागी घोले।”
3होडीक न बेला कैयाफा डेच परढान पुजाहारीयो डरबाराङ मुख्य पुजाहारीको र अगुवाको भेला छाना। 4अनी होखुरीकै येशूकी कुट जाट्न सुटुक्क घोवार साट्की डेम सल्लाह जाटा। 5टर होखुरीकै डेया, “चाडौ बेलाङ चहीँ इट माजाटीङ। नभा च भर्मीकुङ मीघ्याङ बाड्को खैलाबैला छान्ले।”
काट मास्टोये येशूकी अट्टर व्हाक्ङ याछ
(मर्कूस १४:३-९; युहन्ना १२:१-८)
6येशू बेथानियाङ सीमोन डेच कुष्ठरोग लकीङ गेप्च भर्मीयो इमाङ लेया। 7होडीक बेला काट मास्टो महङ्गो पर्च अट्टर सीङ्गमरमरौ काट भुडुल्काङ लार येशू लेठाङ राहा। होसको ज्याकी ङुनाङ होचे होसे होसकुङ मीटालुवाङ व्हाक्ङ याहा। 8इट जाट्च डाङार चेलाको मीरीस ख्योछै डेया, “हीयो लागी इडीक वास्टै अट्टर खेर लोछ? 9हीजैडेनाङ इसे अट्टर वास्टै पैसाङ आर्लार होसे पैसा गरीबकोलाक याखी य्होक्च लेया।”
10टर येशूये इसे कुरा थाहा डीन्हार होखुरीककी डेया, “हीजै नाखुरीक इसकी गन-गन जाट्ले? होचे च ङौ लागी काट सेछ काम जाट्नने। 11गरीबको च नाखुरीक खाटा सढैँ न ङुले, टर ङाच नाखुरीक खाटा सढैँ माङुले। 12इचे इसे अट्टर ङौ जीवाङ व्हाकार ठाक्कीयो लागी ङाकी तयार जाट्च हो। 13साँच्ची न, ङा नाखुरीककी डेले, पट्ट न संसाराङ कुलाकुला इसे सेछ समाचार सेटाक्ले, भर्मीकै इसे मास्टोये चाँहा ही जाट्नने होसे आर्मीट्ले।”
येशूकी ढोका याखी यहूदास मन्डीच
(मर्कूस १४:१०-११; लुका २२:३-६)
14टब बार्ह जना चेलाको मध्याङ काट जना यहूदास इस्करीयट डेच चहीँ मुख्य पुजाहारीको लेठाङ नुङा, 15र डेया, “इडीक येशूकी ङै नाखुरीकुङ मीहुटाङ घोवाका डेनाङ, ङाकी ही याल्हे?” होटै होखुरीकै होसकी चाँडीयो टीस सीक्का#२६:१५ चाँडीयो टीस सीक्का चाँडीयो टीस सीक्का बराबर चहीँ काट जना भर्मीयो बाङा महीनौ ज्याला हो। याहा। 16अनी होसबेला लकीङ यहूडासै होसकोकी घोवाक्ङ याछ मौका पाकी ठाला।
अन्टीम भोज
(मर्कूस १४:१२-२६; लुका २२:७-२३; १ कोरिन्थी ११:२३-२५)
17अखमीरी रोटोओ चाडौ पहीलो याक चेलाकै येशूलेठाङ राहार डेया, “नाकुङ लागी छुट्कारौ चाडौ भोज ज्याच ठाउँ कानै कुला तयार खास्की?” 18अनी होसकै डेया, “सहराङ काट जना भर्मीलेठाङ नुङ्नी, र होसकी डेकी, ‘गुरुज्यु डेले, ङौ बेला खेरेप राम्हने। ङा ङाल्हौ चेलाकोखाटा नाकुङ इमाङ छुट्कारौ चाड मन्डीले।’” 19चेलाको नुङार येशूये डेनाङ लेखा न छुट्कारौ चाडौ लागी भोज तयार खासा।
20नाम्बीक्रखीङ येशू बार्ह जना चेलाकोखाटा ज्याकी ङुवा। 21ज्याचै जाट्नाङ येशूये डेया, “साँच्ची न, ङा नाखुरीककी डेले, नाखुरीक मध्युङ काट जनै ङाकी शत्रुओ मीहुटाङ घोवाक्ले।” 22इसे कुरा सेयार पट्ट न चेलाको डुखीट छानार काट-काट जनै होसकोकी गीन्की ठाला, “प्रभु, ही होसे ङा हो?” 23होसकै होखुरीककी डेया, “सुये चाँहा ङाखाटा न कचौराङ रोटो छोप्म ने, होचे न ङाकी घोवाक्ङ याल्हे। 24भर्मीयो मीजा च धर्मशास्त्राङ रीक्च अनुसार सीकी न पर्ले। टर धिक्कार होसकी, सुये भर्मीयो मीजाकी घोवाक्ङ याल्हे। होसे च माजन्मडीस्च लेनाङ न मेन लागी सेम्ह छान्च लेया।” 25टब येशूकी घोवाक्की पाच यहूदासै गीना, “गुरुज्यु, ही होसे ङा हो?” होसकै डेया, “नाको लहे न डेमन ले।”
26होखुरीकै भोज ज्यामन लेनाङ येशूये रोटो लार परमेश्वरकी धन्यवाद याहा अनी ग्याकार चेलाकोलाक याहा र डेया, “लानी, र ज्यानी, इसे ङौ शरीर हो।”
27येशूये कचौरा लार परमेश्वरकी धन्यवाद याहा र चेलाकोलाक याछै डेया, “नाखुरीक पट्टकै इसे लकीङ गानी। 28इसे ङौ य्हु परमेश्वर र भर्मीकुङ मीघ्यीयुङ करार हो, इसे वास्टै भर्मीकुङ पाप क्षमौ लागी जोकाक्ले। 29नाखुरीककी ङा डेले, ङाल्हौ बोयो राज्याङ नाखुरीक खाटा नयाँ अङ्गुरौ मड्य मागाठर ङा फेरी इसे मड्य मागाले।”
30काट भजन ल्हीङ्च#२६:३० भजन ल्हीङ्च यहूदी चलन अनुसार होखुरीकै छुट्करौ चाडौ भोज ज्यारखीङ भजनसङ्गर्ह ११५–११८ ल्हीङ्न्या। न्हुइङ येशू चेलाकोखाटा बाहीर जैटुन डाँडालाक नुङा।
पत्रुसै इन्कार जाट्ले डेम येशूये डेच
(मर्कूस १४:२७-३१; लुका २२:३१-३४; युहन्ना १३:३६-३८)
31होडीक बेला येशूये चेलाकोलाक डेया, “छीनी नाबीक नाखुरीक पट्टको ङाकी डासार भोग्डीस्ले। हीजैडेनाङ धर्मशास्त्राङ याङ्च रीक्ङ ने,
‘ङा गोठ्लाकी साट्ले,
अनी बगालुङ भेडाको पट्ट पट्टी छरपस्ट छान्ले।’#जकरीया १३:७
32“टर ङा सीच लकीङ जीवाम सोच न्हुइङ नाखुरीक डेनाङ अगाडी गालीलाङ नुङ्ले।” 33पत्रुसै येशूकी डेया, “पट्टकै नाकोकी डासार भोग्डीस्नाङ र ङा चहीँ नाकोकी सेन्र माडास्ले।” 34अनी येशूये होसकी डेया, “साँच्ची न, ङा नाकोकी डेले, छीनी नाबीक भाले राक्की डेनाङ अघी नाकै ङाकी सोम खेप माचीन्डीले डेम इन्कार जाट्ले।” 35पत्रुसै होसकोकी जवाफ याहा, “नाकोखाटा सीकी पर्नाङ र ङा नाकोकी माचीन्डीले डेम इन्कार माजाट्ले।” अनी अरु पट्ट न चेलाकै र होटन डेया।
गेटसमनी बगैँचाङ येशू
(मर्कूस १४:३२-४२; लुका २२:३९-४६)
36येशू गेतसमनी डेच बगैँचाङ लहो चेलाकोखाटा नुङा। अनी होखुरीककी डेया, “नाखुरीक चहीँ इला न ङुनी, ङा चेक पार्लाक नुङार प्रार्थना जाट्ले।” 37पत्रुस र जब्डीयो नीस मीजाकी चहीँ येशूये लाहा खाटा न आल्हा अनी होसको सार्है न शोक र पीडाङ ब्याकुल छाना। 38टब होसकै सोम जना चेलाकोलाक डेया, “ङौ मीमन शोक र पीडै जाट्न सीनाङ लेखा न छान्न ने। नाखुरीक चहीँ इला न ङुनी, र ङाखाटा न मामीस्न ङुनी।”
39होटै येशू चेक पारी नुङार झाङ खुखुप छानार प्रार्थना जाटा, “ए ङौ बोइ, छान्की य्होक्ले डेनाङ, इसे डुखौ कचौरा ङा लकीङ हटडीस्ख्यो। टर ङै मीमन जाट्च अनुसार चहीँ होइन, टर नाकै जाट्च मीमन अनुसार छान्ख्यो।”
40अनी येशू सोम जना चेलाकोलेठाङ ल्हेस्न रान्हाङ होखुरीक मीमीक झ्युक्ङ ङुच डुप्राहा, र पत्रुसकी डेया, “ही नाखुरीक ङाखाटा काट घन्टा र मीमीक माझ्युक्ङ ङुकी माय्होका? 41मामीस्न ङुनी, परिक्षाङ मापर्की प्रार्थना जाट्नी। आत्मा च साँच्ची न तयार ले, टर शरीर चहीँ कमजोर ले।”
42फेरी नुङार येशूये प्रार्थना जाटा, “ए ङौ बोइ, इडीक ङै मागाम इसे डुखौ कचौरा हटडीकी सम्भव माले डेनाङ, नाकुङ न इच्छा पुरा छान्ख्यो।” 43अनी होसको फेरी चेलाको लेठाङ ल्हेस्न रान्हाङ होखुरीक मीमीक झ्युक्ङ ङुच डुपा, र होखुरीकै मीमीक फोकी न माय्होका, हीजैडेनाङ होखुरीक मीमीक म्होराङ लेया।
44होटबाटै येशूये होखुरीककी होला न डासार नुङा, अनी फेरी अघीयुङ न शब्दको डोहोरीयार प्रार्थना जाटा। 45होटै होसको चेलाकोलेठाङ ल्हेस्न राहार होखुरीककी डेया, “नाखुरीक चाँहासम्म र मीस्न न ले? ङोस्नी, समय खेरेप राम्हभ्यामने। भर्मीयो मीजाकी पापी भर्मीकुङ मीहुटाङ जीम्मा याछ बेला छान्न भ्यामने। 46अब सोनी, नुइङ। ङोस्नी, ङाकी घोवाक्च भर्मी खेरेप राम्हभ्यामने।”
येशूकी घोच
(मर्कूस १४:४३-५०; लुका २२:४७-५३; युहन्ना १८:३-१२)
47इटजाट्न येशूये ङाक्नाङ-ङाक्नाङ न, बार्हजना चेलाको मध्याङ काट जना यहूदास डेच चेला राहा। होसेखाटा मुख्य पुजाहारीको र अगुवाकै बीर्न्हकाच काट बाड्को भीड तरवार र घोचाको लार राहा। 48येशूकी घोवाक्च यहुडासै होखुरीककी इट डेयार काट सङ्केट याम्हन्या, “कुसे भर्मीकी ङा चुम्ल्हे, होसे न येशू हो, होसकी न घोकी।” 49अनी तुरुन्तै यहुडास होसको लेठाङ नुङार “ए गुरु, झोर्ले!” डेयार होसकोकी मीगालाङ चुम्हा। 50येशूये होसकी डेया, “ए लाफा, नाको ही जाट्की राछ हो, होसे जाट्की क्योट्नी।” टब होखुरीक अगाडी राहार येशूकी घोवा।
51येशूखाटा लेचको मध्याङ काट जनै लहो टरवार डोनार प्रधान पुजाहारीयो नोकरौ मेन्केप च्वाट्टै चेम याहा। 52टब येशूये होसकी डेया, “नाकुङ टरवार डापाङ कानी। हीजैडेनाङ टरवार क्योट्चको पट्ट न टरवारै न साट्ले। 53नाकै ही आर्मीट्ने, ही ङाल्हौ बोइकी ङा बिन्ती जाट्की माय्होक्ले, होसकै ङौ लागी तुरुन्तै स्वर्गदूतकुङ बार्ह पल्टन डेनाङ वास्टै बीर्न्हकाकी माय्होक्ले र? 54टर इडीक ङै ङ्याहा डेनाङ च इसे छान्की न पर्ले डेयार धर्मशास्त्राङ रीक्च कुरा कुटजाट्न पुरा छान्की य्होक्ले?”
55होसबेला येशूये लाहाकी घोकी राछ भर्मीकोलाक डेया, “हीजै नाखुरीक खुसकी घोकी रान्हाङ लेखा ङाकी घोकी टरवार र घोचाको लार राछ? ङा डीनै पीच्छी परमेश्वरौ मन्दिराङ शिक्षा याम्ह ङुनाङ नाखुरीकै ङाकी माघोवा। 56टर अगमवक्ताकै धर्मशास्त्राङ रीक्च कुराको पुरा छान्ख्यो डेम इसे पट्ट न छान्न राछ हो।”
टब होडीक न बेला पट्ट न चेलाको येशूकी डासार भोग्डीसा।
महासभौ म्याहासाङ येशू
(मर्कूस १४:५३-६५; लुका २२:५४-५५,६३-७१; युहन्ना १८:१३-१४,१९-२४)
57येशूकी घोच भर्मीकै होसकोकी प्रधान पुजाहारी कैयाफौ इमाङ आल्हा। होला धर्मगुरुको र अगुवाको भेला छानन्या। 58पत्रुस चहीँ पारी-पारीङ न येशूकी डुट्चै प्रधान पुजाहारीयो इमौ आर्भासम्म न टाहा। अब होला ही छान्च हो डेम ङोस्की होसे भीत्री पर्यार पालेको खाटा ङुवा। 59मुख्य पुजाहारीको र सभुङ पट्ट न भर्मीकै येशूकी मृत्युदन्ड याखीयो लागी होसकुङ विरुधाङ झुटो गबाही#२६:५९ झुटो गबाही मोसौ व्यवस्था अनुसार सुयेर कुसकी साट्की पर्ले डेया डेनाङ होच्यौ लागी नीस जना भर्मीये होसे डाङ्च हो डेयार गबाही याखी परन्या। टर काट जनै मट्टै याछ गवाहीये माछान्नन्या। पाकी ठाला। 60वास्टै झुटो गबाही याछको राहा, टर होखुरीकै काट र प्रमाण फेला पार्की माय्होका। न्हुइङ नीस जना भर्मी अगाडी राहा 61र डेया, “इसे भर्मीये ‘ङा परमेश्वरौ इसे मन्दिरकी भट्कडीयार सोम याकाङ न फेरी खास्की य्होक्ले’ डेया।”
62टब प्रधान पुजाहारीये सोवार येशूकी डेया, “ही नाङ हीर जवाफ माय्हाले? इसे भर्मीकै नुओ विरुधाङ याछ इसे गबाहीयो बारेयाङ नीये डेकी पर्च कुरा हीर माले?” 63टर येशू माच्याक्ङ न ङुवा। अनी प्रधान पुजाहारीये फेरी डेया, “जीउँडो परमेश्वरौ म्यर्मीनाङ शपथ ज्यार डेले, कानकी डेम योहो, ही नाङ परमेश्वरौ मीजा मुक्ति याछ ख्रीष्ट हो?” 64येशूये होसकी जवाफ याहा, “होसे च नाकै न डेकीक्योटा। र ङा नाकोकी डेले, अब छीटो न नाखुरीकै भर्मीयो मीजाकी सर्वशक्तिमान परमेश्वरौ डोर मीहुट पट्टी ङुच, र स्वर्ग लकीङ डेबुवाङ राछै जाट्च डाङ्ले।”
65टब याङ्च कुरा सेयार प्रधान पुजाहारीये मीरीस ख्योहार लहो बढीन च्याटार डेया, “लौ ङोस्नी, इचे परमेश्वरौ निन्दा जाट्च नाखुरीकै सेकी क्योटा, अब कानकी अरु साक्षीको हीजै चहडीसा र? 66नाखुरीकुङ विचार ही ले?” होखुरीकै जवाफ याछै डेया, “इसे सीकीयो लागी योग्य ले।” 67टब होखुरीकै येशूओ मीटाहाङ मेठोक ठोक्ङ याहा, र डुङा अनी कुडीक जनै चहीँ ठप्पड ङापा 68र इट डेया, “ए मुक्ति याछ ख्रीष्ट, लु अगमवाणी ङाको ट! नाङ्की हीर्कडीच सु हो?”
पत्रुसै येशूकी माचीन्डीले डेच
(मर्कूस १४:६६-७२; लुका २२:५६-६२; युहन्ना १८:१५-१८,२५-२७)
69पत्रुस चहीँ बाहीर आर्भाङ ङुम-ङुमन्या। काट नोकर्नी होस लेठाङ राहार डेया, “नाको र गालीलुङ येशूखाटा न लेया होइन र?” 70टर पत्रुसै होखुरीक पट्टओ म्याहासाङ इन्कार जाटार डेया, “नीये ही डेच, इसे कुरा ङा माव्हार्ले।” 71होसे आर्भौ गालाम पट्टी नुङा। अर्को काट नोकरनीये होसकी होला डाङा, र होला लेच भर्मीकोलाक डेया, “इसे भर्मी र येशू नासरी खाटा न लेया।”
72पत्रुसै फेरी शपथ ज्यार डेया, “ङा होसे भर्मीकी चीन्डी र माचीन्डीले!”
73काट्छीनाङ होला लेचकै र पत्रुस खेरेप राहार डेया, “साँच्ची न, नाको र होखुरीक मध्याङ काट जना हो, हीजैडेनाङ नाकुङ बोलीये न नाकोकी चीन्डीले।” 74फेरी पत्रुसै शपथ ज्यार डेकी ठाला, “इडीक ङै ढाट्डीच हो डेनाङ परमेश्वरौ सराप ङा मीटाक पर्ख्यौ। ङा होसे भर्मीकी चीन्डी र माचीन्डीले!”
अनी तुरुन्तै भाले राका। 75टब येशूये “भालेइ राक्की डेनाङ अघी नाकै ङाकी सोम खेप माचीन्डीले डेले” डेच कुरा पत्रुसै आर्मीटा, होटै होसे बाहीर नुङार ढुरु-ढुरु रापा।
Currently Selected:
मत्ती 26: EMGP
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.
मत्ती 26
26
येशूकी साट्की पाच
(मर्कूस १४:१-२; लुका २२:१-२; युहन्ना ११:४५-५३)
1येशूये इसे पट्ट न कुरा डेम भ्याच न्हुइङ लहो चेलाकोलाक डेया, 2“नाखुरीककी थाहा ले, अब नीसयाक न्हुइङ छुट्कारौ चाड राल्हे। होडीक बेला भर्मीयो मीजाकी क्रूसाङ टङ्गडीकीयो लागी घोले।”
3होडीक न बेला कैयाफा डेच परढान पुजाहारीयो डरबाराङ मुख्य पुजाहारीको र अगुवाको भेला छाना। 4अनी होखुरीकै येशूकी कुट जाट्न सुटुक्क घोवार साट्की डेम सल्लाह जाटा। 5टर होखुरीकै डेया, “चाडौ बेलाङ चहीँ इट माजाटीङ। नभा च भर्मीकुङ मीघ्याङ बाड्को खैलाबैला छान्ले।”
काट मास्टोये येशूकी अट्टर व्हाक्ङ याछ
(मर्कूस १४:३-९; युहन्ना १२:१-८)
6येशू बेथानियाङ सीमोन डेच कुष्ठरोग लकीङ गेप्च भर्मीयो इमाङ लेया। 7होडीक बेला काट मास्टो महङ्गो पर्च अट्टर सीङ्गमरमरौ काट भुडुल्काङ लार येशू लेठाङ राहा। होसको ज्याकी ङुनाङ होचे होसे होसकुङ मीटालुवाङ व्हाक्ङ याहा। 8इट जाट्च डाङार चेलाको मीरीस ख्योछै डेया, “हीयो लागी इडीक वास्टै अट्टर खेर लोछ? 9हीजैडेनाङ इसे अट्टर वास्टै पैसाङ आर्लार होसे पैसा गरीबकोलाक याखी य्होक्च लेया।”
10टर येशूये इसे कुरा थाहा डीन्हार होखुरीककी डेया, “हीजै नाखुरीक इसकी गन-गन जाट्ले? होचे च ङौ लागी काट सेछ काम जाट्नने। 11गरीबको च नाखुरीक खाटा सढैँ न ङुले, टर ङाच नाखुरीक खाटा सढैँ माङुले। 12इचे इसे अट्टर ङौ जीवाङ व्हाकार ठाक्कीयो लागी ङाकी तयार जाट्च हो। 13साँच्ची न, ङा नाखुरीककी डेले, पट्ट न संसाराङ कुलाकुला इसे सेछ समाचार सेटाक्ले, भर्मीकै इसे मास्टोये चाँहा ही जाट्नने होसे आर्मीट्ले।”
येशूकी ढोका याखी यहूदास मन्डीच
(मर्कूस १४:१०-११; लुका २२:३-६)
14टब बार्ह जना चेलाको मध्याङ काट जना यहूदास इस्करीयट डेच चहीँ मुख्य पुजाहारीको लेठाङ नुङा, 15र डेया, “इडीक येशूकी ङै नाखुरीकुङ मीहुटाङ घोवाका डेनाङ, ङाकी ही याल्हे?” होटै होखुरीकै होसकी चाँडीयो टीस सीक्का#२६:१५ चाँडीयो टीस सीक्का चाँडीयो टीस सीक्का बराबर चहीँ काट जना भर्मीयो बाङा महीनौ ज्याला हो। याहा। 16अनी होसबेला लकीङ यहूडासै होसकोकी घोवाक्ङ याछ मौका पाकी ठाला।
अन्टीम भोज
(मर्कूस १४:१२-२६; लुका २२:७-२३; १ कोरिन्थी ११:२३-२५)
17अखमीरी रोटोओ चाडौ पहीलो याक चेलाकै येशूलेठाङ राहार डेया, “नाकुङ लागी छुट्कारौ चाडौ भोज ज्याच ठाउँ कानै कुला तयार खास्की?” 18अनी होसकै डेया, “सहराङ काट जना भर्मीलेठाङ नुङ्नी, र होसकी डेकी, ‘गुरुज्यु डेले, ङौ बेला खेरेप राम्हने। ङा ङाल्हौ चेलाकोखाटा नाकुङ इमाङ छुट्कारौ चाड मन्डीले।’” 19चेलाको नुङार येशूये डेनाङ लेखा न छुट्कारौ चाडौ लागी भोज तयार खासा।
20नाम्बीक्रखीङ येशू बार्ह जना चेलाकोखाटा ज्याकी ङुवा। 21ज्याचै जाट्नाङ येशूये डेया, “साँच्ची न, ङा नाखुरीककी डेले, नाखुरीक मध्युङ काट जनै ङाकी शत्रुओ मीहुटाङ घोवाक्ले।” 22इसे कुरा सेयार पट्ट न चेलाको डुखीट छानार काट-काट जनै होसकोकी गीन्की ठाला, “प्रभु, ही होसे ङा हो?” 23होसकै होखुरीककी डेया, “सुये चाँहा ङाखाटा न कचौराङ रोटो छोप्म ने, होचे न ङाकी घोवाक्ङ याल्हे। 24भर्मीयो मीजा च धर्मशास्त्राङ रीक्च अनुसार सीकी न पर्ले। टर धिक्कार होसकी, सुये भर्मीयो मीजाकी घोवाक्ङ याल्हे। होसे च माजन्मडीस्च लेनाङ न मेन लागी सेम्ह छान्च लेया।” 25टब येशूकी घोवाक्की पाच यहूदासै गीना, “गुरुज्यु, ही होसे ङा हो?” होसकै डेया, “नाको लहे न डेमन ले।”
26होखुरीकै भोज ज्यामन लेनाङ येशूये रोटो लार परमेश्वरकी धन्यवाद याहा अनी ग्याकार चेलाकोलाक याहा र डेया, “लानी, र ज्यानी, इसे ङौ शरीर हो।”
27येशूये कचौरा लार परमेश्वरकी धन्यवाद याहा र चेलाकोलाक याछै डेया, “नाखुरीक पट्टकै इसे लकीङ गानी। 28इसे ङौ य्हु परमेश्वर र भर्मीकुङ मीघ्यीयुङ करार हो, इसे वास्टै भर्मीकुङ पाप क्षमौ लागी जोकाक्ले। 29नाखुरीककी ङा डेले, ङाल्हौ बोयो राज्याङ नाखुरीक खाटा नयाँ अङ्गुरौ मड्य मागाठर ङा फेरी इसे मड्य मागाले।”
30काट भजन ल्हीङ्च#२६:३० भजन ल्हीङ्च यहूदी चलन अनुसार होखुरीकै छुट्करौ चाडौ भोज ज्यारखीङ भजनसङ्गर्ह ११५–११८ ल्हीङ्न्या। न्हुइङ येशू चेलाकोखाटा बाहीर जैटुन डाँडालाक नुङा।
पत्रुसै इन्कार जाट्ले डेम येशूये डेच
(मर्कूस १४:२७-३१; लुका २२:३१-३४; युहन्ना १३:३६-३८)
31होडीक बेला येशूये चेलाकोलाक डेया, “छीनी नाबीक नाखुरीक पट्टको ङाकी डासार भोग्डीस्ले। हीजैडेनाङ धर्मशास्त्राङ याङ्च रीक्ङ ने,
‘ङा गोठ्लाकी साट्ले,
अनी बगालुङ भेडाको पट्ट पट्टी छरपस्ट छान्ले।’#जकरीया १३:७
32“टर ङा सीच लकीङ जीवाम सोच न्हुइङ नाखुरीक डेनाङ अगाडी गालीलाङ नुङ्ले।” 33पत्रुसै येशूकी डेया, “पट्टकै नाकोकी डासार भोग्डीस्नाङ र ङा चहीँ नाकोकी सेन्र माडास्ले।” 34अनी येशूये होसकी डेया, “साँच्ची न, ङा नाकोकी डेले, छीनी नाबीक भाले राक्की डेनाङ अघी नाकै ङाकी सोम खेप माचीन्डीले डेम इन्कार जाट्ले।” 35पत्रुसै होसकोकी जवाफ याहा, “नाकोखाटा सीकी पर्नाङ र ङा नाकोकी माचीन्डीले डेम इन्कार माजाट्ले।” अनी अरु पट्ट न चेलाकै र होटन डेया।
गेटसमनी बगैँचाङ येशू
(मर्कूस १४:३२-४२; लुका २२:३९-४६)
36येशू गेतसमनी डेच बगैँचाङ लहो चेलाकोखाटा नुङा। अनी होखुरीककी डेया, “नाखुरीक चहीँ इला न ङुनी, ङा चेक पार्लाक नुङार प्रार्थना जाट्ले।” 37पत्रुस र जब्डीयो नीस मीजाकी चहीँ येशूये लाहा खाटा न आल्हा अनी होसको सार्है न शोक र पीडाङ ब्याकुल छाना। 38टब होसकै सोम जना चेलाकोलाक डेया, “ङौ मीमन शोक र पीडै जाट्न सीनाङ लेखा न छान्न ने। नाखुरीक चहीँ इला न ङुनी, र ङाखाटा न मामीस्न ङुनी।”
39होटै येशू चेक पारी नुङार झाङ खुखुप छानार प्रार्थना जाटा, “ए ङौ बोइ, छान्की य्होक्ले डेनाङ, इसे डुखौ कचौरा ङा लकीङ हटडीस्ख्यो। टर ङै मीमन जाट्च अनुसार चहीँ होइन, टर नाकै जाट्च मीमन अनुसार छान्ख्यो।”
40अनी येशू सोम जना चेलाकोलेठाङ ल्हेस्न रान्हाङ होखुरीक मीमीक झ्युक्ङ ङुच डुप्राहा, र पत्रुसकी डेया, “ही नाखुरीक ङाखाटा काट घन्टा र मीमीक माझ्युक्ङ ङुकी माय्होका? 41मामीस्न ङुनी, परिक्षाङ मापर्की प्रार्थना जाट्नी। आत्मा च साँच्ची न तयार ले, टर शरीर चहीँ कमजोर ले।”
42फेरी नुङार येशूये प्रार्थना जाटा, “ए ङौ बोइ, इडीक ङै मागाम इसे डुखौ कचौरा हटडीकी सम्भव माले डेनाङ, नाकुङ न इच्छा पुरा छान्ख्यो।” 43अनी होसको फेरी चेलाको लेठाङ ल्हेस्न रान्हाङ होखुरीक मीमीक झ्युक्ङ ङुच डुपा, र होखुरीकै मीमीक फोकी न माय्होका, हीजैडेनाङ होखुरीक मीमीक म्होराङ लेया।
44होटबाटै येशूये होखुरीककी होला न डासार नुङा, अनी फेरी अघीयुङ न शब्दको डोहोरीयार प्रार्थना जाटा। 45होटै होसको चेलाकोलेठाङ ल्हेस्न राहार होखुरीककी डेया, “नाखुरीक चाँहासम्म र मीस्न न ले? ङोस्नी, समय खेरेप राम्हभ्यामने। भर्मीयो मीजाकी पापी भर्मीकुङ मीहुटाङ जीम्मा याछ बेला छान्न भ्यामने। 46अब सोनी, नुइङ। ङोस्नी, ङाकी घोवाक्च भर्मी खेरेप राम्हभ्यामने।”
येशूकी घोच
(मर्कूस १४:४३-५०; लुका २२:४७-५३; युहन्ना १८:३-१२)
47इटजाट्न येशूये ङाक्नाङ-ङाक्नाङ न, बार्हजना चेलाको मध्याङ काट जना यहूदास डेच चेला राहा। होसेखाटा मुख्य पुजाहारीको र अगुवाकै बीर्न्हकाच काट बाड्को भीड तरवार र घोचाको लार राहा। 48येशूकी घोवाक्च यहुडासै होखुरीककी इट डेयार काट सङ्केट याम्हन्या, “कुसे भर्मीकी ङा चुम्ल्हे, होसे न येशू हो, होसकी न घोकी।” 49अनी तुरुन्तै यहुडास होसको लेठाङ नुङार “ए गुरु, झोर्ले!” डेयार होसकोकी मीगालाङ चुम्हा। 50येशूये होसकी डेया, “ए लाफा, नाको ही जाट्की राछ हो, होसे जाट्की क्योट्नी।” टब होखुरीक अगाडी राहार येशूकी घोवा।
51येशूखाटा लेचको मध्याङ काट जनै लहो टरवार डोनार प्रधान पुजाहारीयो नोकरौ मेन्केप च्वाट्टै चेम याहा। 52टब येशूये होसकी डेया, “नाकुङ टरवार डापाङ कानी। हीजैडेनाङ टरवार क्योट्चको पट्ट न टरवारै न साट्ले। 53नाकै ही आर्मीट्ने, ही ङाल्हौ बोइकी ङा बिन्ती जाट्की माय्होक्ले, होसकै ङौ लागी तुरुन्तै स्वर्गदूतकुङ बार्ह पल्टन डेनाङ वास्टै बीर्न्हकाकी माय्होक्ले र? 54टर इडीक ङै ङ्याहा डेनाङ च इसे छान्की न पर्ले डेयार धर्मशास्त्राङ रीक्च कुरा कुटजाट्न पुरा छान्की य्होक्ले?”
55होसबेला येशूये लाहाकी घोकी राछ भर्मीकोलाक डेया, “हीजै नाखुरीक खुसकी घोकी रान्हाङ लेखा ङाकी घोकी टरवार र घोचाको लार राछ? ङा डीनै पीच्छी परमेश्वरौ मन्दिराङ शिक्षा याम्ह ङुनाङ नाखुरीकै ङाकी माघोवा। 56टर अगमवक्ताकै धर्मशास्त्राङ रीक्च कुराको पुरा छान्ख्यो डेम इसे पट्ट न छान्न राछ हो।”
टब होडीक न बेला पट्ट न चेलाको येशूकी डासार भोग्डीसा।
महासभौ म्याहासाङ येशू
(मर्कूस १४:५३-६५; लुका २२:५४-५५,६३-७१; युहन्ना १८:१३-१४,१९-२४)
57येशूकी घोच भर्मीकै होसकोकी प्रधान पुजाहारी कैयाफौ इमाङ आल्हा। होला धर्मगुरुको र अगुवाको भेला छानन्या। 58पत्रुस चहीँ पारी-पारीङ न येशूकी डुट्चै प्रधान पुजाहारीयो इमौ आर्भासम्म न टाहा। अब होला ही छान्च हो डेम ङोस्की होसे भीत्री पर्यार पालेको खाटा ङुवा। 59मुख्य पुजाहारीको र सभुङ पट्ट न भर्मीकै येशूकी मृत्युदन्ड याखीयो लागी होसकुङ विरुधाङ झुटो गबाही#२६:५९ झुटो गबाही मोसौ व्यवस्था अनुसार सुयेर कुसकी साट्की पर्ले डेया डेनाङ होच्यौ लागी नीस जना भर्मीये होसे डाङ्च हो डेयार गबाही याखी परन्या। टर काट जनै मट्टै याछ गवाहीये माछान्नन्या। पाकी ठाला। 60वास्टै झुटो गबाही याछको राहा, टर होखुरीकै काट र प्रमाण फेला पार्की माय्होका। न्हुइङ नीस जना भर्मी अगाडी राहा 61र डेया, “इसे भर्मीये ‘ङा परमेश्वरौ इसे मन्दिरकी भट्कडीयार सोम याकाङ न फेरी खास्की य्होक्ले’ डेया।”
62टब प्रधान पुजाहारीये सोवार येशूकी डेया, “ही नाङ हीर जवाफ माय्हाले? इसे भर्मीकै नुओ विरुधाङ याछ इसे गबाहीयो बारेयाङ नीये डेकी पर्च कुरा हीर माले?” 63टर येशू माच्याक्ङ न ङुवा। अनी प्रधान पुजाहारीये फेरी डेया, “जीउँडो परमेश्वरौ म्यर्मीनाङ शपथ ज्यार डेले, कानकी डेम योहो, ही नाङ परमेश्वरौ मीजा मुक्ति याछ ख्रीष्ट हो?” 64येशूये होसकी जवाफ याहा, “होसे च नाकै न डेकीक्योटा। र ङा नाकोकी डेले, अब छीटो न नाखुरीकै भर्मीयो मीजाकी सर्वशक्तिमान परमेश्वरौ डोर मीहुट पट्टी ङुच, र स्वर्ग लकीङ डेबुवाङ राछै जाट्च डाङ्ले।”
65टब याङ्च कुरा सेयार प्रधान पुजाहारीये मीरीस ख्योहार लहो बढीन च्याटार डेया, “लौ ङोस्नी, इचे परमेश्वरौ निन्दा जाट्च नाखुरीकै सेकी क्योटा, अब कानकी अरु साक्षीको हीजै चहडीसा र? 66नाखुरीकुङ विचार ही ले?” होखुरीकै जवाफ याछै डेया, “इसे सीकीयो लागी योग्य ले।” 67टब होखुरीकै येशूओ मीटाहाङ मेठोक ठोक्ङ याहा, र डुङा अनी कुडीक जनै चहीँ ठप्पड ङापा 68र इट डेया, “ए मुक्ति याछ ख्रीष्ट, लु अगमवाणी ङाको ट! नाङ्की हीर्कडीच सु हो?”
पत्रुसै येशूकी माचीन्डीले डेच
(मर्कूस १४:६६-७२; लुका २२:५६-६२; युहन्ना १८:१५-१८,२५-२७)
69पत्रुस चहीँ बाहीर आर्भाङ ङुम-ङुमन्या। काट नोकर्नी होस लेठाङ राहार डेया, “नाको र गालीलुङ येशूखाटा न लेया होइन र?” 70टर पत्रुसै होखुरीक पट्टओ म्याहासाङ इन्कार जाटार डेया, “नीये ही डेच, इसे कुरा ङा माव्हार्ले।” 71होसे आर्भौ गालाम पट्टी नुङा। अर्को काट नोकरनीये होसकी होला डाङा, र होला लेच भर्मीकोलाक डेया, “इसे भर्मी र येशू नासरी खाटा न लेया।”
72पत्रुसै फेरी शपथ ज्यार डेया, “ङा होसे भर्मीकी चीन्डी र माचीन्डीले!”
73काट्छीनाङ होला लेचकै र पत्रुस खेरेप राहार डेया, “साँच्ची न, नाको र होखुरीक मध्याङ काट जना हो, हीजैडेनाङ नाकुङ बोलीये न नाकोकी चीन्डीले।” 74फेरी पत्रुसै शपथ ज्यार डेकी ठाला, “इडीक ङै ढाट्डीच हो डेनाङ परमेश्वरौ सराप ङा मीटाक पर्ख्यौ। ङा होसे भर्मीकी चीन्डी र माचीन्डीले!”
अनी तुरुन्तै भाले राका। 75टब येशूये “भालेइ राक्की डेनाङ अघी नाकै ङाकी सोम खेप माचीन्डीले डेले” डेच कुरा पत्रुसै आर्मीटा, होटै होसे बाहीर नुङार ढुरु-ढुरु रापा।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.