प्रेरीत् 1
1
पर्मेस्वर्चे पबीत्र आत्मा न्हङ्ल बी सुङ्बे बाचा
1225 लस्सो दाबो थीयोफीलस, येसुचे लक् तीप्जेत्प य्हङ्स्ये थेङ्चे स्य्हेङ्जेत्पलतेङ् लोप्जेत्पे जम्मनो तम्माकी बारेरी ङचे ङइ ङोन्ग्यम्की छ्येरी#१:१ ङोन्ग्यम्की छ्येरी ङोन्ग्यम्की छ्ये पङ्बलम् लुकाकी छ्ये य्हीम्ब। ब्रीज्यीन्बल मुब। 2येसु स्वर्गरी अनोम्गदे सम्म र्हङ्चेनो दम्जेत्पे प्रेरीतमात पबीत्र आत्माइ सक्ती ग्यम्से थेङ्यीमाचे स्य्हेङ्थोबे लक्मा कुल्जेत्ज्यी। 3येसुचे र्हङ् स्यीज्यीम् लीक्यम् सोबल मुब बी य्हक्को तम्मा ग्यम्से ङोन्जेत्ज्यी। थेङ् दीन् खल् ङ्य्हीसम्म प्रेरीतमाज य्हक्को ख्यप् म्रङ्ज्यी, ओसेम् थेङ्चे थेङ्यीमात पर्मेस्वर्की य्हुल्की बारेरी स्येत्जेत्ज्यी।
4तीरेत् येसु प्रेरीतमातेङ् स्य्हुज्यीम् स्य्हेब सोल्टीबे बेलोरी थेङ्यीमात कुल्जेत्ज्यी, “एङ्यीमात पर्मेस्वर् अपचे न्हङ्ल बी बाचा स्य्हेङ्जेत्पे पबीत्र आत्मा अय्हङ्गदे यरुसलेम् ख्लेथेन्ज्यीम् थय्हरो, तर ब्रेन्ज्यीम् टीउ, हुजुइ बारेरी ङचे एङ्यीमात ङोन्नो स्येत्ज्यीन्बल मुब। 5तलेपङ्सम् युहन्नाचे यी ग्यम्से बप्तीस्मा पीन्ज्यी, तर देरे तोव दीन्री एङ्यीमा पबीत्र आत्मा ग्यम्से बप्तीस्मा तस्ये मुब।”
येसु स्वर्गरी नोम्जेत्पल
6हुजु लीप्चे प्रेरीतमा र्हुब तज्यीम् येसुत, “प्रभु, थेङ्चे चु बेलोरीनो इस्राएल य्हुल्त दोःज्यीम् छार् स्य्हेङ्ब छ्येबल य्हीन्ब?” बी ङ्योत्ज्यी। 7येसुचे थेङ्यीमात सुङ्ज्यी, “पर्मेस्वर् अपचेनो र्हङ्की अधीकार् ग्यम्चेनो बेलो तेत् लजेत्पल मुब। हुजु बेलो खेम तस्ये बी स्येःब म्हइब एङ्यीमाकी लक् अय्हीन्। 8तर पबीत्र आत्मा एङ्यीमाइ जोरी ब्योन्युब बीसेम् एङ्यीमाचे सक्ती यङ्स्ये मुब। ओसेम् एङ्यीमाचे यरुसलेम य्हङ्स्ये यहुदीयातेङ् सामरीयाकी जम्मा ग्लामारी ओसेम् जम्बुलीङ्की कुन-कुन सम्मनो ङइ बारेरी स्येत्स्ये मुब।”
9येसुचे चोले सुङ्जेत्प बीसेम् च्यान-च्याननो थेङ्त नम्तीङ् कोत्बोर्ज्यीम् मुक्पचे उप्ज्यी, ओसेम् थेङ्यीमाचे थेङ्त अम्रङ्।
10थेङ्यीमाचे नम्तीङ् च्याटीबे बेलोरीनो तर्-तर्पे येन् येन्बे म्ही ङ्य्ही थेङ्यीमाइ ङोन्री रप्ज्यी। 11ओसेम् हुजु म्ही ङ्य्हीचे पङ्ज्यी, “गालील्की म्हीमा, तले एङ्यीमा रप्ज्यीम् नम्तीङ् च्याटीब? थेङ् एङ्यीमा ग्यम्से स्वर्गरी नोम्जेत्पल मुब। एङ्यीमाचे थेङ्त स्वर्गरी नोम्जेत्पल म्रङ्ब र्हङ्लेनो तीरेत् थेङ् देबेएनो दोःज्यीम् ब्योन्युस्ये मुब।”
यहुदाकी ग्लारी ल्हो-ल्हो डब दम्बल
12हुजुलीप्चे थेङ्यीमा जैतुन पङ्बे गङ्चे यरुसलेम्री दोःय्हर्ज्यी। हुजु गङ् यरुसलेम्चे कीलो मीटर गीगदे थारीङ् मुबल। 13सहर्री दोःब बीसेम् थेङ्यीमा टीबे दीम्की तलजोइ कोठरी ङ्यीज्यी। हुजुरी र्हुब तबलामा न्हङ्री पत्रुस, युहन्ना, याकुब, आन्द्रीयस्, फीलीप, थोमा, बारथोलोमाइ, मत्ती, अल्फायसकी ज याकुबतेङ् र्हङ्की य्हुल्त म्होइबे सीमोन ओसेम् याकुबकी ज यहुदा मुबल। 14थेङ्यीमा डेत्-डेत् अमकोलमातेङ् येसुइ अम मरीयम् ओसेम् थेङ्की अलेमातेङ् र्हुब तज्यीम् सेम् गी तज्यीम् प्रार्थना स्य्हेङ्स्यीनो टीब मुबल।
15तीरेत् हुजुरी प्रभुत बीस्वास् लबे म्हीमा खल् डुः गदे र्हुब तज्यी। ओसेम् पत्रुसचे थेङ्यीमाइ ङोन्ग्यम् रप्ज्यीम् पङ्ज्यी, 16“र्होमा, धर्मइ छ्येःरी येसुत चुङ्बे म्हीमाकी अगुवा यहुदाकी बारेरी दाऊद ग्यल्बोचे पबीत्र आत्मा ग्यम्से य्हक्को बेलो ङोन्ग्यम्नो पङ्बल मुबल। हुजु तम् टोप् तनोथोब मुबल। 17यहुदाएनो ङ्यीमान्हङ्की गी मुबल। ओसेम् ङ्यीमाचे र्हङ्लेनो प्रभुइ लक् स्य्हेङ्बे लागीरी दम्बल मुबल।”
18यहुदाचे अज्यबे लक् स्य्हेङ्ज्यीम् यङ्बे टङचे म्रङ् गी ग्लुज्यी। हुजु म्रङ्री थे क्र पीक्चुले तइज्यीम् स्यीज्यी। ओसेम् थेइ फो थीज्यीम् ग्रुङ्माएनो पकचे डोङ्ज्यी। 19हुजु तम् यरुसलेम्की जम्मनो म्हीमाचे स्येःज्यी। ओसेम् थेङ्यीमाचे र्हङ्की ग्योत्रीनो हुजु म्रङकी मीन् “आखेल्दामा” थेन्ज्यी। (आखेल्दामा पङ्बलम् काइ म्रङ् य्हीन्ब।)
20पत्रुसचे देबेनो पङ्ज्यी, “व्हइकी छ्येःरी चोले ब्रीबल मुब।
‘थेइ दीम् र्हुल्खइ,
हुजुरी खलेएनो अटीखइ।’
ओसेम् चोलेएनो ब्रीबल मुब,
‘थेचे स्य्हेङ्बे लक्की ग्लारी ल्हो-ल्होत थेन्खइ।’
21-22“होत्तज्यीम् यहुदाकी ग्लारी ङ्य्हङ्तेङ् बक्च्य मुबलमा न्हङ्री येसु स्यीब ग्यम्चे सोबल म्रङ्बल गीत दम्थोबल मुब। थेम् बप्तीस्मा पीन्बे युहन्नाइ बेलो य्हङ्से येसु ख्रीस्ट् ङ्य्हङ्तेङ् बक्च्य चब थुङ्बतेङ् ब्रबे बेलो, ओसेम् थेङ् स्वर्गरी नोम्बे बेलोसम्म ङ्य्हङ्मातेङ् बक्च्य मुबल तथोब।”
23होत्तज्यीम् थेङ्यीमाचे म्ही ङ्य्हीकी मीन् पीन्ज्यी। थेङ्य्हीइ मीन् गीःल बारसाबास पङ्बे योसेफ (थेत युस्तस्एनो पङ्ब मुबल) ओसेम् गीःबलम् मतीयास मुबल। 24-25हुजु लीप्चे थेङ्यीमाचे चोले प्रार्थना स्य्हेङ्ज्यी, “प्रभु, थेङ्चे जम्मा म्हीइ सेम् खेम्जेत्प। होत्तज्यीम् चु ङ्ही न्हङ्री खल्त थेङ्चे यहुदाकी देब्री प्रेरीत् तज्यीम् लक् स्य्हेङ्बरी दम्जेत्पल मुब, हुजु ङ्यीमात ङोन्जेतो। तलेपङ्सम् यहुदाचेमी थेचे स्य्हेङ्बे लक् ख्लेथेन्ज्यी। ओसेम् थे स्यीज्यीम् थेत जेःबे ग्लारीनो ङ्यीज्यी।” 26हुजु लीप्चे थेङ्य्हीइ मीन्री चीठ्ठा युज्यी। चीठ्ठा मतीयासकी मीन्री पार्तीज्यी। ओसेम् थे चुख्रीत् प्रेरीतमातेङ् दोङ्ज्यी।
Currently Selected:
प्रेरीत् 1: WTDG
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.
