युहन्ना 17
17
येसुचे स्य्हेङ्जेत्पे प्रार्थना
1चु तम् सुङ्जेत्प बीसेम् येसुचे स्वर्गतोर् स्हीज्यीम् चोले प्रार्थना स्य्हेङ्जेत्ज्यी, “अप, बेलो खबल मुब, जचे थेङ्की महीमा स्य्हेङ्खइ पङ्ज्यीम् थेङ्की जत महीमा न्हङ्जेतो। 2तलेपङ्सम् थेङ्चे न्हङ्जेत्पे जम्म म्हीमात थेचे खेमेएनो अबेबे जीवन पीन्खइ पङ्ज्यीम् थेङ्चे जम्मनो म्हीमाकी जोरी थेत हक् न्हङ्बल मुब। 3ओसेम् खेमेएनो अबेबे जीवन चुनो य्हीन्ब, थेङ्यीमाचे थेङ् गीकीनो देमेन्की पर्मेस्वर्त स्येब, ओसेम् थेङ्चे पीत्युजेत्पे येसु ख्रीस्ट्त स्येब। 4थेङ्चे ङत टोप् लउ पङ्ज्यीम् न्हङ्बे जम्मनो लक् ङचे टोप् लज्यीम् ङचे चु जम्बुलीङ्री थेङ्की महीमा स्य्हेङ्बल मुब। 5अप, जम्बुलीङ् ठुङ्ब बीम ङोन्ग्यम् ङ थेङ्तेङ् बक्च्य मुबे बेलोरी मुबे महीमा ङत न्हङ्जेतो।
6“जम्बुलीङ् ग्यम्से थेङ्चे ङत न्हङ्बे म्हीमात ङचे थेङ्त स्येनलबल मुब। थेङ्यीमा थेङ्ल मुबल, ओसेम् थेङ्चेनो थेङ्यीमा ङत न्हङ्जेत्ज्यी। थेङ्यीमाचे थेङ्की फ्रोइ ङ्येन्बल मुब। 7देरेम् थेङ्यीमाचे थेङ्चे ङत न्हङ्जेत्पे जम्मनो स्हेःमा थेङ् ग्यम्सेनो यङ्बल य्हीन्ब बी स्येबल मुब। 8तलेपङ्सम् थेङ्चे ङत न्हङ्जेत्पे सम्तर् ङचे थेङ्यीमात पीन्बल मुब, ओसेम् थेङ्यीमाचे स्वीकार् लबल मुब। देरेम् थेङ्यीमाचे ङ थेङ् ग्यम्से युबल बी स्येबल मुब, ओसेम् थेङ्चेनो ङत पीत्युजेत्पल पङ्ज्यीम् थेङ्यीमाचे बीस्वास् स्य्हेङ्बल मुब।
9“ङ थेङ्यीमाकी लागीरी प्रार्थना स्य्हेङ्ब। चु जम्बुलीङ्की लागीरीम् अय्हीन्, तर थेङ्चे ङत न्हङ्जेत्पलमाकी लागीरी प्रार्थना स्य्हेङ्ब, तलेपङ्सम् थेङ्यीमा थेङ्लनो य्हीन्ब। 10ङतेङ् मुबलमा जम्मनो थेङ्ल य्हीन्ब, ओसेम् थेङ्तेङ् मुबलमा जम्मनो ङइल य्हीन्ब। थेङ्यीमा ग्यम्से ङइ महीमा ङोन्बल मुब। 11देरेम् ङ जम्बुलीङ्री य्हक्को अटी, थेङ्यीमाम् चु जम्बुलीङ्रीनो टीब। तर ङ थेङ्ज खटीब। पबीत्र अप, थेङ्तेङ् ङ गीः तब र्हङ्ले थेङ्यीमाएनो गीः तखइ पङ्ज्यीम् ङत न्हङ्जेत्पे थेङ्की छेन्की सक्तीचे थेङ्यीमात जोगइतीजेतो। 12ङ थेङ्यीमातेङ् मुबे बेलोरी थेङ्चे ङत न्हङ्बे थेङ्की छेन्की सक्ती ग्यम्से थेङ्यीमात जोगइतीज्यी। धर्म छ्येःरी ब्रीबे फ्रोइ टोप् तनोथोब मुबल। होत्तज्यीम् नास् तथोबे म्ही बीम ल्हो-ल्हो खल्तएनो ङचे नास् तअपुङ्।
13“देरेम् ङ थेङ्ज खटीब, ओसेम् थेङ्यीमाचे ङचे यङ्ब र्हङ्बे तङ्ब यङ्खइ पङ्ज्यीम् ङ जम्बुलीङ्री मुबे बेलोरीनो ङ्चे चु तम् पङ्बल मुब। 14ङचे थेङ्यीमात थेङ्की फ्रोइ पीन्बल मुब। ओसेम् थेङ्यीमाएनो ङ र्हङ्लेनो चु जम्बुलीङ्ल अय्हीन्बल तज्यीम् म्हीमाचे थेङ्यीमात अखो। 15थेङ्यीमात चु जम्बुलीङ् ग्यम्से नोम्जेतो पङ्ज्यीम् ङ प्रार्थना अस्य्हेङ्, तर थेङ्यीमात सैतान ग्यम्से थर्न लजेतो पङ्ज्यीम् प्रार्थना स्य्हेङ्ब। 16ङ चु जम्बुलीङ्ल अय्हीन्ब र्हङ्लेनो, थेङ्यीमाएनो चु जम्बुलीङ्ल अय्हीन्। 17थेङ्यीमात थेङ्की देमेन्चे पबीत्र स्य्हेङ्जेतो, थेङ्की फ्रोइ देमेन् य्हीन्ब। 18थेङ्चे ङत जम्बुलीङ्री पीत्युजेत्प र्हङ्ले ङचेएनो थेङ्यीमात जम्बुलीङ्री पीत्पल मुब। 19थेङ्यीमाकी र्हङ्की जीवन् थेङ्की देमेन् ग्यम्से पबीत्र तखइ पङ्ज्यीम् ङचे ङइ जीवन् थेङ्री पबीत्र स्य्हेङ्ब।
20“ङ थेङ्यीमाकी लागीरीकीनो अय्हीन्, तर थेङ्यीमाचे स्येत्पे सम्तर् ङ्येन्ज्यीम् ङत बीस्वास् स्य्हेङ्स्येकी म्हीमाइ लागीरीएनो प्रार्थना स्य्हेङ्ब। 21थेङ्यीमा सेम् गीः तखइ पङ्ज्यीम् ङ प्रार्थना स्य्हेङ्ब। अप! थेङ् ङतेङ्, ङ थेङ्तेङ् तज्यीम् ङ्य्हङ् ङ्य्ही गीः तब र्हङ्ले, थेङ्यीमाएनो ङ्य्हङ् ङ्य्हीतेङ् गीः तज्यीम् ङत थेङ्चेनो पीत्युजेत्पल बी जम्बुलीङ्की म्हीमाचे गोब खम्खइ। 22ङ्य्हङ् ङ्य्ही गीः तब र्हङ्ले थेङ्यीमाएनो गी तखइ पङ्ज्यीम् थेङ्चे ङत न्हङ्ब र्हङ्बे महीमा ङचेएनो थेङ्यीमात पीन्बल मुब। 23ङ थेङ्यीमातेङ्, ओसेम् थेङ् ङतेङ् मुब र्हङ्ले थेङ्यीमाएनो गीः तखइ। चु ग्यम्सेनो जम्बुलीङ्की म्हीमाचे ङत थेङ्चे पीत्युजेत्पल य्हीन्ब, ओसेम् थेङ्यीमातएनो थेङ्चे ङत म्होइजेत्प र्हङ्लेनो म्होइजेत्ज्यी बी स्येःखइ।
24“अप, थेङ्चे ङत न्हङ्जेत्पलमा ङ खनरी तज्यी हुजुरी ङतेङ् तखइ पङ्बे सेम् ङल मुब। ओसेम् जम्बुलीङ् ठुङ्ब बीम ङोन्ग्यम् य्हङ्सेनो ङत म्होइजेत्ज्यीम् थेङ्चे न्हङ्जेत्पे महीमा थेङ्यीमाचे म्रङ्ब खम्खइ।
25“ङइ धर्मी अप, जम्बुलीङ्की म्हीमाचे थेङ्त अस्ये, तर ङचे थेङ्त स्येःब। ओसेम् ङत थेङ्चे पीत्युजेत्पल य्हीन्ब बी ङतेङ् ब्रबलमाचे स्येःब। 26ङचे थेङ्त थेङ्यीमाचे स्येःन लबल मुब, ओसेम् थेङ्यीमात स्येःन लस्यीनो टीस्ये मुब। ओसेम् थेङ्चे ङत म्होइबे म्होइब थेङ्यीमात तखइ, ओसेम् ङ थेङ्यीमातेङ् तखइ पङ्ज्यीम् ङचे चु स्य्हेङ्बल य्हीन्ब।”
Currently Selected:
युहन्ना 17: WTDG
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.
युहन्ना 17
17
येसुचे स्य्हेङ्जेत्पे प्रार्थना
1चु तम् सुङ्जेत्प बीसेम् येसुचे स्वर्गतोर् स्हीज्यीम् चोले प्रार्थना स्य्हेङ्जेत्ज्यी, “अप, बेलो खबल मुब, जचे थेङ्की महीमा स्य्हेङ्खइ पङ्ज्यीम् थेङ्की जत महीमा न्हङ्जेतो। 2तलेपङ्सम् थेङ्चे न्हङ्जेत्पे जम्म म्हीमात थेचे खेमेएनो अबेबे जीवन पीन्खइ पङ्ज्यीम् थेङ्चे जम्मनो म्हीमाकी जोरी थेत हक् न्हङ्बल मुब। 3ओसेम् खेमेएनो अबेबे जीवन चुनो य्हीन्ब, थेङ्यीमाचे थेङ् गीकीनो देमेन्की पर्मेस्वर्त स्येब, ओसेम् थेङ्चे पीत्युजेत्पे येसु ख्रीस्ट्त स्येब। 4थेङ्चे ङत टोप् लउ पङ्ज्यीम् न्हङ्बे जम्मनो लक् ङचे टोप् लज्यीम् ङचे चु जम्बुलीङ्री थेङ्की महीमा स्य्हेङ्बल मुब। 5अप, जम्बुलीङ् ठुङ्ब बीम ङोन्ग्यम् ङ थेङ्तेङ् बक्च्य मुबे बेलोरी मुबे महीमा ङत न्हङ्जेतो।
6“जम्बुलीङ् ग्यम्से थेङ्चे ङत न्हङ्बे म्हीमात ङचे थेङ्त स्येनलबल मुब। थेङ्यीमा थेङ्ल मुबल, ओसेम् थेङ्चेनो थेङ्यीमा ङत न्हङ्जेत्ज्यी। थेङ्यीमाचे थेङ्की फ्रोइ ङ्येन्बल मुब। 7देरेम् थेङ्यीमाचे थेङ्चे ङत न्हङ्जेत्पे जम्मनो स्हेःमा थेङ् ग्यम्सेनो यङ्बल य्हीन्ब बी स्येबल मुब। 8तलेपङ्सम् थेङ्चे ङत न्हङ्जेत्पे सम्तर् ङचे थेङ्यीमात पीन्बल मुब, ओसेम् थेङ्यीमाचे स्वीकार् लबल मुब। देरेम् थेङ्यीमाचे ङ थेङ् ग्यम्से युबल बी स्येबल मुब, ओसेम् थेङ्चेनो ङत पीत्युजेत्पल पङ्ज्यीम् थेङ्यीमाचे बीस्वास् स्य्हेङ्बल मुब।
9“ङ थेङ्यीमाकी लागीरी प्रार्थना स्य्हेङ्ब। चु जम्बुलीङ्की लागीरीम् अय्हीन्, तर थेङ्चे ङत न्हङ्जेत्पलमाकी लागीरी प्रार्थना स्य्हेङ्ब, तलेपङ्सम् थेङ्यीमा थेङ्लनो य्हीन्ब। 10ङतेङ् मुबलमा जम्मनो थेङ्ल य्हीन्ब, ओसेम् थेङ्तेङ् मुबलमा जम्मनो ङइल य्हीन्ब। थेङ्यीमा ग्यम्से ङइ महीमा ङोन्बल मुब। 11देरेम् ङ जम्बुलीङ्री य्हक्को अटी, थेङ्यीमाम् चु जम्बुलीङ्रीनो टीब। तर ङ थेङ्ज खटीब। पबीत्र अप, थेङ्तेङ् ङ गीः तब र्हङ्ले थेङ्यीमाएनो गीः तखइ पङ्ज्यीम् ङत न्हङ्जेत्पे थेङ्की छेन्की सक्तीचे थेङ्यीमात जोगइतीजेतो। 12ङ थेङ्यीमातेङ् मुबे बेलोरी थेङ्चे ङत न्हङ्बे थेङ्की छेन्की सक्ती ग्यम्से थेङ्यीमात जोगइतीज्यी। धर्म छ्येःरी ब्रीबे फ्रोइ टोप् तनोथोब मुबल। होत्तज्यीम् नास् तथोबे म्ही बीम ल्हो-ल्हो खल्तएनो ङचे नास् तअपुङ्।
13“देरेम् ङ थेङ्ज खटीब, ओसेम् थेङ्यीमाचे ङचे यङ्ब र्हङ्बे तङ्ब यङ्खइ पङ्ज्यीम् ङ जम्बुलीङ्री मुबे बेलोरीनो ङ्चे चु तम् पङ्बल मुब। 14ङचे थेङ्यीमात थेङ्की फ्रोइ पीन्बल मुब। ओसेम् थेङ्यीमाएनो ङ र्हङ्लेनो चु जम्बुलीङ्ल अय्हीन्बल तज्यीम् म्हीमाचे थेङ्यीमात अखो। 15थेङ्यीमात चु जम्बुलीङ् ग्यम्से नोम्जेतो पङ्ज्यीम् ङ प्रार्थना अस्य्हेङ्, तर थेङ्यीमात सैतान ग्यम्से थर्न लजेतो पङ्ज्यीम् प्रार्थना स्य्हेङ्ब। 16ङ चु जम्बुलीङ्ल अय्हीन्ब र्हङ्लेनो, थेङ्यीमाएनो चु जम्बुलीङ्ल अय्हीन्। 17थेङ्यीमात थेङ्की देमेन्चे पबीत्र स्य्हेङ्जेतो, थेङ्की फ्रोइ देमेन् य्हीन्ब। 18थेङ्चे ङत जम्बुलीङ्री पीत्युजेत्प र्हङ्ले ङचेएनो थेङ्यीमात जम्बुलीङ्री पीत्पल मुब। 19थेङ्यीमाकी र्हङ्की जीवन् थेङ्की देमेन् ग्यम्से पबीत्र तखइ पङ्ज्यीम् ङचे ङइ जीवन् थेङ्री पबीत्र स्य्हेङ्ब।
20“ङ थेङ्यीमाकी लागीरीकीनो अय्हीन्, तर थेङ्यीमाचे स्येत्पे सम्तर् ङ्येन्ज्यीम् ङत बीस्वास् स्य्हेङ्स्येकी म्हीमाइ लागीरीएनो प्रार्थना स्य्हेङ्ब। 21थेङ्यीमा सेम् गीः तखइ पङ्ज्यीम् ङ प्रार्थना स्य्हेङ्ब। अप! थेङ् ङतेङ्, ङ थेङ्तेङ् तज्यीम् ङ्य्हङ् ङ्य्ही गीः तब र्हङ्ले, थेङ्यीमाएनो ङ्य्हङ् ङ्य्हीतेङ् गीः तज्यीम् ङत थेङ्चेनो पीत्युजेत्पल बी जम्बुलीङ्की म्हीमाचे गोब खम्खइ। 22ङ्य्हङ् ङ्य्ही गीः तब र्हङ्ले थेङ्यीमाएनो गी तखइ पङ्ज्यीम् थेङ्चे ङत न्हङ्ब र्हङ्बे महीमा ङचेएनो थेङ्यीमात पीन्बल मुब। 23ङ थेङ्यीमातेङ्, ओसेम् थेङ् ङतेङ् मुब र्हङ्ले थेङ्यीमाएनो गीः तखइ। चु ग्यम्सेनो जम्बुलीङ्की म्हीमाचे ङत थेङ्चे पीत्युजेत्पल य्हीन्ब, ओसेम् थेङ्यीमातएनो थेङ्चे ङत म्होइजेत्प र्हङ्लेनो म्होइजेत्ज्यी बी स्येःखइ।
24“अप, थेङ्चे ङत न्हङ्जेत्पलमा ङ खनरी तज्यी हुजुरी ङतेङ् तखइ पङ्बे सेम् ङल मुब। ओसेम् जम्बुलीङ् ठुङ्ब बीम ङोन्ग्यम् य्हङ्सेनो ङत म्होइजेत्ज्यीम् थेङ्चे न्हङ्जेत्पे महीमा थेङ्यीमाचे म्रङ्ब खम्खइ।
25“ङइ धर्मी अप, जम्बुलीङ्की म्हीमाचे थेङ्त अस्ये, तर ङचे थेङ्त स्येःब। ओसेम् ङत थेङ्चे पीत्युजेत्पल य्हीन्ब बी ङतेङ् ब्रबलमाचे स्येःब। 26ङचे थेङ्त थेङ्यीमाचे स्येःन लबल मुब, ओसेम् थेङ्यीमात स्येःन लस्यीनो टीस्ये मुब। ओसेम् थेङ्चे ङत म्होइबे म्होइब थेङ्यीमात तखइ, ओसेम् ङ थेङ्यीमातेङ् तखइ पङ्ज्यीम् ङचे चु स्य्हेङ्बल य्हीन्ब।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.