लुका 7
7
रोमी कप्तान्की बीस्वास्
(मत्ती ८:५-१३)
1म्हीमात लोप्प बुत्ज्यीम् येसु कफर्नहुम्क्योर् स्येःज्यी। 2हुजुरी रोमी कप्तान#७:२ कप्तान हजार गीः सीपाहीमाकी अगुवा। की योक्पो नज्यीम् स्यीयम्ब छ्यबल मुबल। थेचे हुजु योक्पोत य्हक्को खोब मुबल। 3कप्तान्चे येसुइ बारेरी थ्येःब बीसेम्, येसु ब्योन्खज्यीम् थेइ् योक्पोत फेन्नलबीनो बी ङ्होप्परी यहुदी अगुवामात पीत्ज्यी। 4होत्तज्यीम् यहुदी अगुवामा येसुज खज्यीम् चोले फ्या स्य्हु लज्यी, “रोमी कप्तान एचे र्हो स्य्हेङ्पीन्बरी ज्योबल म्ही य्हीन्ब। 5तलेपङ्सम् थेचे ङ्य्हङ्की जातीत म्होइज्यीम् थेचेनो ङ्य्हङ्माकी र्हुप् तबे दीम् स्य्हेङ्पीन्बल य्हीन्ब।” 6हुजु लीप्चे येसु थेङ्यीमातेङ् स्येःजेत्ज्यी। येसु कप्तान्की दीम्री दोखयम्मम् कप्तान्चे र्हङ्की र्होमात चोले पङ्ज्यीम् थेङ्ज पीत्ज्यी, “प्रभु, एचे दुख थस्य्हेङ्जेतो, तलेपङ्सम् एत ङइ दीम्न्हङ् बोर्बरी ङ ज्योबल अरे।#७:६ कप्तान्त यहुदीमा यहुदी अय्हीन्बे म्हीमाकी दीम्न्हङ् वङ्ब अत बी स्येब मुबल। 7होलेनो ङ एज खबरीएनो ज्योबल अरे। तर एचे फ्रोइकीनो सुङ्जेतो, ओसेम् ङइ योक्पो फेन्स्ये मुब। 8तलेपङ्सम् ङएनो ङ्हच्छ्यङ् हाकीम्माकी दुङ्री टीबे म्ही य्हीन्ब। ङइ दुङ्रीएनो सीपाहीमा मुब। ङचे गीःत ‘य्हरो’ पङ्सम् थे य्हर्ब, ल्हो-ल्हो गीःत ‘खो’ पङ्सम् थे खब। ओसेम् ङइ योक्पोतएनो ‘चोले स्य्हेङो’ पङ्ब, थेचे होलेनो स्य्हेङ्ब।”
9चु तम् थ्येःज्यीम् येसु थोम्जेत्ज्यी। ओसेम् र्हङ्की लीप्चे ब्रबे म्हीमाकी हुल्त स्हीःज्यीम् सुङ्ज्यी, “ङ एङ्यीमात पङ्ब, चोतेबे ङ्हच्छ्यङ् बीस्वास्मी ङचे इस्राएलरीएनो यङ्बल अरे।” 10हुजु र्होमा कप्तान्की दीम्री दोःज्यीम् खमम् हुजु योक्पोमी फेन्ज्यीन्बल म्रङ्ज्यी।
येसुचे अमकोलइ स्यीबे जत सोन लजेत्पल
11हुजु लीप्चे तीरेत् येसु नाइन् पङ्बे ज्यीद सहर्री स्येज्यी, ओसेम् थेइ डबमातेङ् ल्हो-ल्हो य्हक्को म्हीमा थेइ लीप्चे ब्रज्यी। 12येसु ज्यीद सहरकी जेप्प म्रप दोखजेत्मम् स्यीबे म्ही नाबे कोर्योमा य्हर्टीब मुबल। हुजु स्यीबे म्ही र्हेम्बो स्यीबे अमकोलइ गीःकीनो मुबे ज मुबल। हुजु अमकोलतेङ् ज्यीद सहरकी य्हक्को म्हीमा य्हर्टीब मुबल। 13प्रभुचे हुजु अमकोलत म्रङ्मम् तीङ् छज्यीम् थेत चोले सुङ्ज्यी, “थक्राको!” 14ओसेम् ङोन्ग्यम् स्येःज्यीम् येसुचे स्यीबे म्ही मुबे डोम् छुजेत्ज्यी। ओसेम् हुजु नाबे म्हीमा अब्रनले रप्ज्यी। येसुचे सुङ्ज्यी, “ओ ठीटा, ङ एत पङ्ब, रेःगो!” 15हुजु लीप्चे स्यीबे ठीटा रेःज्यीम् तम् पङ्ब थाल्तीज्यी। ओसेम् येसुचे हुजु ठीटात थेइ अमत न्हङ्पीन्जेत्ज्यी।
16होतेब तब म्रङ्ज्यीम् जम्म म्हीमा लोङ्ज्यी। ओसेम् पर्मेस्वर्त तोप्ज्यीम् चोले पङ्ज्यी, “ङ्हच्छ्यङ् अगम्बक्त गीः ङ्य्हङ्माकी गुङ्री म्रङ्बल मुब। पर्मेस्वर् र्हङ्की म्हीमात थर्नलबरी ब्योन्युबल मुब।” 17येसुचे हुजु ठीटत सोनलजेत्पे सम्तर् यहुदीयातेङ् यहुदीयाकी रेइ-रेइमाकी जम्म ग्लामारीएनो चर्च तज्यी।
बप्तीस्मा पीन्बे युहन्नाचे डब ङ्य्ही येसुज पीत्पल
(मत्ती ११:२-१९)
18युहन्नाइ डबमाचे येसुचे स्य्हेङ्जेत्पे जम्म लक्मा युहन्नात स्येत्पीन्ज्यी। ओसेम् युहन्नाचे डब ङ्य्हीत ङ्होत्ज्यीम्, 19चु तम् ङ्योत्परी प्रभुज पीत्ज्यी, “ङ्यीमाचे ब्रेन्टीबे मुक्ती न्हङ्बे म्ही#७:१९ ब्रेन्टीबे मुक्ती न्हङ्बे म्ही अगम्बक्तमाचे दङ्बोनो अगम्बानी स्य्हेङ्बे म्ही एनो य्हीन्ब वुइ? ल्हो-ल्हो खलते ब्रेन्थोब?” 20ओसेम् थेमा येसुज खज्यीम् चोले पङ्ज्यी, “बप्तीस्मा पीन्बे युहन्नाचे ङ्यीमात चु तम् ङ्योत्परी एज पीत्खबल य्हीन्ब, ‘ङ्यीमाचे ब्रेन्टीबे मुक्ती न्हङ्बे म्ही थेङ्नो य्हीन्ब वुइ? ल्हो-ल्हो खल्ते ब्रेन्थोब?’”
21हुजु बेलोरीनो येसुचे य्हक्को रोगी म्हीमा, नबे म्हीमातेङ् म्हङ् स्यप्पे म्हीमातएनो फेन्न लजेत्ज्यी, ओसेम् मीः अम्रङबलमातएनो म्रङ्न लजेत्ज्यी। 22येसुचे युहन्नाइ डबमात सुङ्ज्यी, “य्हरो, एङ्यीमाचे तत म्रङ्बतेङ् थ्येःज्यी, हुजुनो युहन्नात स्येत्पीनो, कनमाचे म्रङ्ब, खोरमाचे ब्रब खम्ब, पुन् स्यप्पलमा फेन्ब मुब, न्हादीङ् माचे थ्येःब, स्यीबलमा सोब, ओसेम् प्रङ्नमाचे ज्यबे सम्तर् ङ्येन्टीब मुब। 23खल म्हीचे ङत ख्लेथेन्ज्यीम् अय्हर्ज्यी, हुजु म्हीचे मोलम् यङ्ब।”
24युहन्नाइ डबमा दोय्हर्ब बीसेम् येसुचे म्हीमात युहन्नाइ बारेरी चोले सुङ्ज्यी, “एङ्यीमा उजाड-ग्लारी त च्याबरी ङ्यीज्यी? लाबचे योङ्टीबे म दोङ्बो च्याबरी ङ्यीबल वुइ? 25एङ्यीमा ता च्याबरी डोङ्ज्यी? ज्यबे गोइल येन्बे म्हीत च्याबरी य्हीन्ब? च्याको, ज्यबे गोइल येन्बे म्हीमातेङ् सुखले टीज्यीम् चबे म्हीमाम् दरबार्रीकीनो तब। 26एङ्यीमा ता च्याबरी डोङ्ज्यी? अगम्बक्तत य्हीन्ब? ङ एङ्यीमात पङ्ब, एङ्यीमाचे अगम्बक्त न्हङ्रीएनो ङ्हच्छ्यङ् गीःत म्रङ्बल मुब। 27तलेपङ्सम् युहन्नाइ बारेरी पर्मेस्वर्की फ्रोइ्री चोले ब्रीबल मुब,
‘च्याको, ङ ङइ चवत एइ ङोन्ग्यम् पीत्स्ये मुब।
थेचे एइ ग्यम् तयार् स्य्हेङ्स्ये मुब।’”#७:२७ मलाकी ३:१
28ङ एङ्यीमात पङ्ब, “अमकोलामा ग्यम्से न्हबलमा न्हङ्री खलएनो युहन्ना गदे ङ्हच्छ्यङ् अरे। तर पर्मेस्वर्की य्हुल्रीम् खल गोदोब्न्हङ् ज्यीत मुब, हुजु युहन्ना बीमएनो ङ्हच्छ्यङ् तब।” 29येसुचे लोप्जेत्पल थ्येःज्यीम् तीरो दुत्पे म्हीमातेङ् ल्हो-ल्हो म्हीमाचे “पर्मेस्वर्की ग्यम् ठीक् य्हीन्ब टीम्” पङ्ज्यी, तलेपङ्सम् थेङ्यीमाचे युहन्नाचे पीन्बे बप्तीस्मा कीन्बल मुबल। 30तर फरीसीमातेङ् धर्म लोप्पोन्माचेमी थेमाइ लागीरी पर्मेस्वर्की योजनत अङ्येन्ज्यीम् युहन्ना ग्यम्से बप्तीस्मा अकीन्। 31येसुचे देबेएनो सुङ्ज्यी, “चु पुस्ताइ म्हीमात ङ खल्तेङ् वब? थेङ्यीमा खतेब मुब? 32थेङ्यीमामी बजाररी टीटीबे गीःचे गीःत क्रीङ्ज्यीम् चोले पङ्टीबे कोलमा र्हङ्ब मुब,
ङ्यीमाचे एङ्यीमाकी लागीरी पुली र्हब्ज्यी तर एङ्यीमा अस्य,
ओसेम् ङ्यीमाचे एङ्यीमाकी लागीरी दुखइ व्हइ कोज्यी तर एङ्यीमा अक्रा।
33“चब थुङ्बतेङ् अङ्गुर्की नीङ्गु अथुङ्नले बप्तीस्मा पीन्बे युहन्ना खज्यी। एङ्यीमाचेम् थेत म्हङ् स्यप्पे म्ही पङ्ज्यी। 34तर चबथुङ्ब स्य्हेङ्बे म्हीइ ज खज्यी। ओसेम् एङ्यीमाचे पङ्ज्यी, च्याको, थे य्हक्को चबथुङ्ब स्य्हेङ्बे, ओसेम् तीरो दुत्पे म्हीमातेङ् पापीमाकी र्हो, 35तर पर्मेस्वर् ग्यम्से बुद्दी यङ्बलमाचेनो थेङ्की बुद्दीत ठीक् पङ्ब।”
येसु सीमोन फरीसीकी दीम्री स्येःजेत्पल
36फरीसी गीःचे येसुत ङ्येसेकी स्य्हेःब सोल्बरी ङ्होत्ज्यी। ओसेम् थेङ् फरीसीकी दीम्री स्येःज्यीम् स्य्हेःब सोल्बरी स्य्हुजेत्ज्यी। 37हुजु सहर्री पापी अमकोल गीः टीब मुबल। हुजु अमकोलचे येसु फरीसीकी दीम्री स्य्हेःब सोल्बरी स्य्हुबल मुब पङ्ब थ्येःज्यीम् ङोर्थङ् खबे य्हक्को फा:बे छ्युकु पोङ्री#७:३७ चु बोत्तल्मी युङ्बइ थोगीःचे स्य्हेङ्बल य्हीन्ब चुत अलबास्टर् पङ्ब। बज्यीम् खज्यी। 38थे येसुइ ग्यप्से खज्यीम् थेङ्की स्य्हब्की रेइरी रप्ज्यी। ओसेम् क्राज्यीम् मीख्लीचे येसुइ स्य्हब् बप्ज्यीम् र्हङ्की क्र बाचे फ्यापीन्ज्यी। ओसेम् येसुइ स्य्हब्री च्योक्ज्यीम्#७:३८ स्य्हब्री च्योक्ज्यीम् यहुदीमाकी पे अनुसार खल्चे पङ्लेनो ल्हो-ल्होत स्य्हेस स्य्हेङ्बे लागीरी कङ्री च्योक्थोब मुबल। ङोर्थङ् खबे छ्युकु फोर्पीन्ज्यी।
39चु म्रङ्ज्यीम् येसुत ङ्होत्पे फरीसीचे सेम् न्हङ् चोले म्हेन्ज्यी, “येसु देमेन्नो अगम्बक्त य्हीन्ज्यी पङ्सम्, थेङ्त छुटीबे अमकोल खतेब बी स्येःथोस्ये मुबल, तलेपङ्सम् चु अमकोल पापी य्हीन्ब।” 40येसुचे थेत सुङ्ज्यी, “सीमोन, ङचे एत तम् गीः पङ्थोस्ये मुब।” सीमोनचे पङ्ज्यी, “लोप्पोन् सुङो” 41येसुचे सुङ्ज्यी, “म्ही गीःचे म्ही ङ्य्हीत छ्ये पीन्बल मुबल। म्ही गीःचे मन ङ्ह म्हुइकी टङ। ओसेम् गीःबचेम् खल् ङ्य्हीस्यी च्यी म्हुइकी टङ कीन्बल मुबल। 42थेङ्यीमा खल्चेएनो क्ष्या फाब अखम्ज्यीम् क्ष्या पीन्बे म्हीचे ङ्य्हीतनो माफ् पीन्ज्यी। लो, देरे पङो स्यीम्, खजु चइचे क्ष्या पीन्बे म्हीत य्हक्को म्होइल?”
43सीमोनचे पङ्ज्यी, “ङइ बीचार्री य्हक्को माफ यङ्बलचे।” येसुचे सुङ्ज्यी, “एचे ठीक्नो पङ्ज्यी।” 44ओसेम् येसुचे अमकोलपट्टी दोःज्यीम् सीमोनत सुङ्ज्यी, “चु अमकोलत म्रङ्ब एचे? ङ एइ दीम्री खज्यी, तर एचे ङत कङ् ख्रुबरी की अबीन्, चु अमकोलचेमी ङइ कङ् मीख्लीचे ख्रुज्यीम् र्हङ्की क्र बाचे फ्यापीन्ज्यी। 45ङ एइ दीम्री खमेएनो एचे ङत च्योक्ज्यीम् स्य्हेस अस्य्हेङ्, तर चु अमकोलचेमी खब य्हङ्सेनो ङइ कङ्री च्योक्टीब मुब। 46एचे ङइ क्ररी छ्युकु फोर्अबीन्, तर चु अमकोलचेमी ङइ कङ्री य्हक्को ज्यबे थङ् खबे छ्युकु फोर्पीन्ज्यी। 47ङ एत पङ्ब, थेल य्हक्को पापमा क्षमा तबल मुब, तलेपङ्सम् थेचे ङत य्हक्को म्होइज्यी। तर चेक्कीनो पाप क्षमा यङ्बे म्हीचेम् चेक्नो म्होइब।” 48ओसेम् येसुचे अमकोलत सुङ्ज्यी, “एइ पापमा क्षमा तज्यीन्बल मुब।” 49हुजुरी चबरी टीटीबे म्हीमाचे थेमा न्हङ् गीःचे गीःत पङ्ज्यी, “पाप क्षमा स्य्हेङ्पीन्बे चु म्ही खल?” 50ओसेम् येसुचे अमकोलत सुङ्ज्यी, “एइ बीस्वासचे एत थर्न लबल मुब, सान्तीले य्हरो।”
Currently Selected:
लुका 7: WTDG
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.
