लुका छ्येःकी परीचय
छ्येःकी परीचय
चु ज्यबे सम्तर्की छ्येः लुका पङ्बे म्हीचे ब्रीबल य्हीन्ब। लुकाचे चु छ्येः खेम ब्रीबल बी तेत्ले था अरे। तर बाइबलकी य्हक्को बीद्वानमाकी अनुसार चु छ्येः इ.सं ५९-६३ बेलोरी ब्रीबल पङ्बल यङ्ब। लुका डाक्टर् (कलस्सी ४:१४), ओसेम् इतीहासकार्एनो मुबल। थे ग्रीक् जात्की म्ही मुबल। लुकाचे चु ज्यबे सम्तर् येसुइ बारेरी तबे तम्मा माननीय हाकीम् थीयोफीलस्चे ज्यनले गोखइ बी ब्रबील यङ्ब।
लुकाचे चु ज्यबे सम्तर्की छ्येःरी येसु ख्रीस्ट् न्हब बीम ङोन्ग्यम् य्हङ्से थेङ् न्हबे तम् ओसेम् स्वर्गरी स्येःबे तम् ब्रीबल मुब (लुका १:३१,३३; २४:५०-५१)। दुखरी मुबे म्हीमातेङ् जम्म प्रङ्नमात ज्यबे सम्तर् स्येत्परी पर्मेस्वर्चे येसु ख्रीस्ट्त चु जम्बुलीङ्री पीत्युजेत्पल य्हीन्ब (लुका ४:१८)। होत्तज्यीम् थेङ् चु जम्बुलीङ्री ब्योन्युजेत्ज्यी। थेङ्चे स्य्हेङ्जेत्पे ब्यबहार्, सुङ्बे फ्रोइ, तेङेन्की लक्मा ओसेम् थेङ् स्यीबतेङ् स्यीब ग्यम्चे सोजेत्पे तम्माचे थेङ् पर्मेस्वर्की ज ओसेम् मुक्ती न्हङ्बे ख्रीस्ट् य्हीन्ब बी जम्म म्हीमात ङोन्जेत्ज्यी (लुका १:३१; ४:१८-२१; २४:२५-२७)। येसु ख्रीस्ट्त बीस्वास् स्य्हेङ्बलमा गोदोब्चे थेमाइ पाप ग्यम्चे क्षम यङ्ज्यीम् स्वर्गरी पर्मेस्वर्तेङ् खेमेनो अबेबे जीवन यङ्खइ बी येसु ख्रीस्ट् जम्बुलीङ्री ब्योन्युज्यीम् ङ्य्हङ्माकी पाप ख्रुबे ठाकी रुप्री क्रुसरी स्यीपीन्जेत्पे ज्यबे सम्तर् चु छ्येःरी ब्रीबल मुब (लुका २२:१९-२०; २४:४४-४७)। लुका ग्रीक् जातीइ म्ही य्हीन्बल तज्यीम् चु ज्यबे सम्तर्की छ्येः यहुदी अय्हीन्बे म्हीमाचेएनो ज्यनले गोखम्नले ब्रीबल मुब।
स्वर्गदुत्माचे पर्मेस्वर्त तोप्परी कोबे व्हइ, येसु न्हबे बेलोरी गोर्तेन्माचे थेङ्त फ्या स्य्हु लबे तम् (लुका २:८-२०), येसु कोल मुबे बेलोरी पर्मेस्वर्की दीम्री स्येःजेत्पे तम् (लुका २:४१-५०), ज्यबे सामरीतेङ् म्हबे जइ अर्थ (लुका १०:२५-३७; लुका १५:११-३१) लुकाचे ब्रीबे चु छ्येःरीकीनो ब्रीबल यङ्ब।
लुकाचे नया नीयम्री “प्रेरीत” पङ्बे ल्हो-ल्हो छ्येःगी ब्रबील मुब। येसु ख्रीस्ट् स्वर्ग स्येःजेत्प बीसेम् प्रेरीतमातेङ् येसु ख्रीस्ट्त बीस्वास् स्य्हेङ्बे म्हीमाचे ज्यबे सम्तर् खले स्येत्ज्यी बी थेचे हुजु छ्येःरी ब्रीबल मुब। य्हक्को म्हीमाचे येसु ख्रीस्ट्त बीस्वास् स्य्हेङज्यी, ओसेम् यरुसलेम्, इस्राएल ओसेम् युरोपतेङ् एसीय सम्मनो मन्डलीमा य्हक्को तबोर्ज्यी।
चु छ्ये न्हङ्री मुबे तम्मा
परीचय १:१-१४
बप्तीस्मा पीन्बे युहन्ना ओसेम् येसु न्हबे तम्तेङ् कोलइ छर्बे बेलो १:५-२:५२
बप्तीस्मा पीन्बे युहन्नाइ लक् ३:१-२०
येसुइ बप्तीस्मातेङ् परीक्ष ३:२१-४:१३
गालील्री येसुचे स्य्हेङ्जेत्पे लक् ४:१४-९:५०
गालील् य्हङ्से यरुस्लेम् सम्म ९:५१-१९:२७
यरुस्लेम्री ज्युःकी डोन् १९:२८-२३:५६
येसु स्यीब ग्यम्से सोजेत्ज्यीम् स्वर्गरी स्येःजेत्पल २४:१-५३
Currently Selected:
लुका छ्येःकी परीचय: WTDG
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.