Romiko lạgitʼ Pạul Apostolakʼ ciṭhi Botolo
Botolo
Baebel reakʼ joto puthiko modre Romiko ńutumanakʼ puthi do Isại dhoromtetʼ reakʼ purạte bebosta akatʼ sodorakʼ reakʼ mitʼṭecʼ puthi kana. Pạul do Korinth nagraha khon Romiko ṭhen noa ciṭhi doe olleda, menkhan unhạbicʼ uni do Romte bae calao akan tahẽkana. Uni do onḍe calakʼ reakʼe goṭa akatʼ tahẽkana. Uni doe khojkan tahẽkana onḍenko isạiko talare thoṛa din kạmi baṛakate jemon onkoge Spente calakʼ lạgitʼko goṛowae. Pạul do acʼakʼ ciṭhire manwakoakʼ kại reakʼ kathako pusṭạuteye sodor akada ar ona kại khon bańcaoko lạgitʼ Isore goṭa dohoakatʼ reakʼ katha hõe lại akada. Uni do nonkae olakada je bhage sombat reaṅko kulikan adom hoṛkoe roṛ ruạṛako kana mente. Pạul do onkoakʼ mitʼke mitʼ tạkicʼakʼko reakʼ roṛ ruạṛe emakatʼte ńelokʼ kana je, Isorakʼ daya reakʼ bhage sombat reaṅ manwako tinạkʼ lekan kukliko rakapʼ daṛeke ona joto reakʼ roṛ ruạṛ uni doe emakada.
Khaṭote Guṭtetʼ:
(1) Etohopʼ (1.1-17 kạli)
(2) Sanamgeko kại hoṛkante, bańcao do jạruṛgetakoa (1.18—3.20 kạli)
(3) Biswạs hotete kại khon bańcaokʼ reakʼ bondobos (3.21—5.21 kạli)
(4) Kại khon bańcao tayom sonot jionte hara rakabokʼ (6-8 hạṭiń)
(5) Israelkoakʼ kại khon bańcaokʼ reakʼ bondobos (9-11 hạṭiń)
(6) Biswạsikoakʼ din hilokʼ reakʼ jion (12.1—15.13 kạli)
(7) Mucạtʼ katha (15.14—16.27 kạli)
Currently Selected:
Romiko lạgitʼ Pạul Apostolakʼ ciṭhi Botolo: SBT
Highlight
Share
Copy
Want to have your highlights saved across all your devices? Sign up or sign in
Santali Bible © Bangladesh Bible Society, 2021.