Mako 13
13
Yeshu ukwamba bya kushiwuka kwa Litala lya Nyambi
(Mateo 24:1-2; Luka 21:5-6)
1Oho Yeshu afumine mu Litala lya Nyambi, umo wa bandongesha bendi wambile kukwendi ngayi, “Mulongeshi, tilamina awa mamanya eshe awaha, naneye mitumbwe eshe yaneneha!”
2Yeshu wambile kukwendi ngayi, “Eye mitumbwe yayinene hiwuyimona ndi? Kowa limanya limo lili hayilu ya limanya lyamina, likabula kwandumukila hanci.”
Makando na malwa
(Mateo 24:3-14; Luka 21:7-19)
3Oho Yeshu ekalile ha Lipili lya Oliveta hinga apenza ku Litala lya Nyambi, Pita na Yakoba na Yowano na Anduleu bamwipwile kwaninkayabo ngayi, 4“Tutongweze shikati oho ebye bikatendiwa, kami shimonekesho shiti shakulimukisha ngayi ebye nimwabyo bili hahepi na kutendiwa?”
5Niho Yeshu ambile kukwabo ngayi, “Keyenu, kutina muntu wamina amyongeza. 6Babengi bakeza mu lizina lyami, bakamba ngayi, ‘Ami Kilishitu!’ Pe bakongeza babengi. 7Oho mukayuvwa bya nzita na mpupo ya zinzita, hinga mukalikekula, ndaba ebye binafwanini kumoneka, ngoboni mamaninino shilolo akume. 8Ndaba litunga likafutukila litunga lyamina, kami wene wukafutukila wene wamina. Kukekala kukanka kwa litunga mu zimbalila zazingi, kami kukeza kapande. Ebye bikenga tuhu kutatika kwa makando.
9 #
Mat 10:17-20; Luk 12:11-12. “Ngoboni enu munafwanini kukeya. Bakamimanga na kumitwala mu zinkuta, pe bakamikama mu mashinangonge. Bakamitwala kumbili ya batulela na bamyene ndaba yami, ngayi shikenge wupaki kukwabo. 10Nohobene, ncango zaziwahe zinafwanini kushimikiwa ku bantu nimwabo oho mamaninino shilolo akume. 11Ngoboni oho bakamitwala na kumiyatisha, hinga mukalikekula na kulishoshota ngayi tukamba nahiti. Ngoboni shikati shakakuma mukambe nimwasho shiya akamitongweza Moyo Wakuyela, ndaba niye ukamba mumwenu. 12Nohobene, muntu ukabeba kawushinda wendi ngayi azihiwe na tata muntu ukatenda noho kuli mwanendi, kami bana bakafutukila bahemi babo na kubazihiwisha. 13#Mat 10:22. Kami enu mukazimbiwa ku bantu nimwabo ndaba ya lizina lyami, ngoboni ou ukazumanana kukuma ku mamaninino, niye ukapuluka.
Wunyengwe wakunonga
(Mateo 24:15-28; Luka 21:20-24)
14 # Ndan 9:27, 11:31, 12:11. “Ngoboni oho mukamona wunyengwe wakunonga hinga wemana hakubula kufwanina.” (Niye ukulaba ayuvwishishe!) “Pe obo bali mu Yundeya, batinine ku mapili. 15#Luk 17:31. Kami ou uli hayilu ya litala lyendi, hinga ahuluka na kwingina mu litala ngayi ashimbemo shuma shamina. 16Kami ou uli mu mfuba, hinga aboka ngayi akashimbe shivwalo shendi. 17Makando wabo baya bakemita na baya bakayamwisha ha matena ayo. 18Lombelenu kuli Nyambi ngayi ebye hinga bikatendiwa ha shikati sha mupepo. 19#Ndan 12:1; Kuh 7:14. Ndaba ha matena ayo, makalikiza akenga amanene kupitakana makalikiza nimwawo kufuma ku shikati oho Nyambi alengele byuma nimwabyo kuleta na ku shikati shino, kami kukekalako kumbili afwako. 20Ngoboni shinga Mwene wabulile kuketwila aya matena, shinga kowa muntu ukapuluka. Ndaba ya bakakuhatiwa aba anahata unaketwili aya matena.
21“Shikati shiyo, ndi muntu ukamba kukwenu ngayi, ‘Monenu, Kilishitu uli kuno!’ Hinga ngayi, ‘Uli kuyo!’ Hinga mumukulupila. 22Ndaba Bakilishitu ba mahalo na bamiluwe ba mahalo bakeza na kumonesha bimonekesho na bikomokesho ngayi bakashanwishe hinge bakakuhatiwa ndi shinga shikatwesheka. 23Haya keyenu, ndaba ninamitongweze ebye nimwabyo oho shilolo bitendiwe.”
Kwiza kwa Mwana Muntu
(Mateo 24:29-31; Luka 21:25-28)
24 # Isha 13:10; Ezek 32:7; Yowe 2.10, 31, 3:15; Kuh 6:12. Ngoboni ha matena ayo, kunyima ya makalikiza, mutena ukashipa, kami ngonda kukatuba wezi wendi wufwako, 25#Isha 34:4; Yowe 2:10; Kuh 6:13. na nyenye zikawa, pe ngovu za muyilu zikankwancana. 26#Ndan 7:13; Kuh 1:7. Nohobene bakamona Mwana Muntu heza mu makumbi na ngovu zazinene na wuwahe. 27Ukatuma mangeloyi bendi na kukungulula bakakuhatiwa bendi, ku zimbalila zinaa za hanci, kutatika kwakumina kaye kutwala kwakumina liyilu.
Shilongesha sha ha mutondo wa mukuyu
(Mateo 24:32-35; Luka 21:29-33)
28“Lilongeshenu bya mutondo wa mukuyu. Oho myahi yawo ikutundula na kuzobela mabizi, mukulimuka ngayi mayinza ali hahepi. 29Nohobene, nanenu oho mukamona ebye byuma bilinakutendiwa, limukenu ngayi shikati shili kwakwipi wuluno shikume. 30Mwashikuma nikwamba kukwenu ngayi, mukoka ou kukamana wufwako hantu ebye nimwabyo binatendiwi. 31Liyilu na hanci bikamana, ngoboni mazu wami kukamana afwako.”
Kowa muntu ukulimuka mutena hinge shikati
(Mateo 24:36-44)
32 #
Mat 24:36. “Ngoboni mutena uyo hinge shikati shiyo kowa muntu ukulimuka, hinge mangeloyi ali muyilu hinge Mwana, ndele Tate tuhu niye ukulimuka. 33Keyenu, tonenu, kami lombelenu ndaba kulimuka shikati shakwiza mufwako. 34#Luk 12:36-38. Shikenga ngo muntu ukuya lwendo, ukushiya litala ku bakamilimo bendi, ukupanika muntu na muntu mulimo wendi, pe ukutongweza mukakulama ku shipana ngayi akeye. 35Nohobene, keyenu, ndaba kulimuka mufwako ngayi mwine litala ukeza shikati ngani. Ukutwesha kwiza shikati sha mazolo, hinge hakati ka wushiku, hinge malungashiku, hinge lumenemene. 36Ndi ukwiza mwakubazumwisha, hinga amiwana muli mu tulo. 37Ebye nikwamba kukwenu, nibyo nikwamba ku bantu nimwabo ngayi, keyenu!”
Currently Selected:
Mako 13: KK2008
Highlight
Share
Copy
Want to have your highlights saved across all your devices? Sign up or sign in
New Testament in Nkoya © The Bible Society of Zambia, 2008.
Mako 13
13
Yeshu ukwamba bya kushiwuka kwa Litala lya Nyambi
(Mateo 24:1-2; Luka 21:5-6)
1Oho Yeshu afumine mu Litala lya Nyambi, umo wa bandongesha bendi wambile kukwendi ngayi, “Mulongeshi, tilamina awa mamanya eshe awaha, naneye mitumbwe eshe yaneneha!”
2Yeshu wambile kukwendi ngayi, “Eye mitumbwe yayinene hiwuyimona ndi? Kowa limanya limo lili hayilu ya limanya lyamina, likabula kwandumukila hanci.”
Makando na malwa
(Mateo 24:3-14; Luka 21:7-19)
3Oho Yeshu ekalile ha Lipili lya Oliveta hinga apenza ku Litala lya Nyambi, Pita na Yakoba na Yowano na Anduleu bamwipwile kwaninkayabo ngayi, 4“Tutongweze shikati oho ebye bikatendiwa, kami shimonekesho shiti shakulimukisha ngayi ebye nimwabyo bili hahepi na kutendiwa?”
5Niho Yeshu ambile kukwabo ngayi, “Keyenu, kutina muntu wamina amyongeza. 6Babengi bakeza mu lizina lyami, bakamba ngayi, ‘Ami Kilishitu!’ Pe bakongeza babengi. 7Oho mukayuvwa bya nzita na mpupo ya zinzita, hinga mukalikekula, ndaba ebye binafwanini kumoneka, ngoboni mamaninino shilolo akume. 8Ndaba litunga likafutukila litunga lyamina, kami wene wukafutukila wene wamina. Kukekala kukanka kwa litunga mu zimbalila zazingi, kami kukeza kapande. Ebye bikenga tuhu kutatika kwa makando.
9 #
Mat 10:17-20; Luk 12:11-12. “Ngoboni enu munafwanini kukeya. Bakamimanga na kumitwala mu zinkuta, pe bakamikama mu mashinangonge. Bakamitwala kumbili ya batulela na bamyene ndaba yami, ngayi shikenge wupaki kukwabo. 10Nohobene, ncango zaziwahe zinafwanini kushimikiwa ku bantu nimwabo oho mamaninino shilolo akume. 11Ngoboni oho bakamitwala na kumiyatisha, hinga mukalikekula na kulishoshota ngayi tukamba nahiti. Ngoboni shikati shakakuma mukambe nimwasho shiya akamitongweza Moyo Wakuyela, ndaba niye ukamba mumwenu. 12Nohobene, muntu ukabeba kawushinda wendi ngayi azihiwe na tata muntu ukatenda noho kuli mwanendi, kami bana bakafutukila bahemi babo na kubazihiwisha. 13#Mat 10:22. Kami enu mukazimbiwa ku bantu nimwabo ndaba ya lizina lyami, ngoboni ou ukazumanana kukuma ku mamaninino, niye ukapuluka.
Wunyengwe wakunonga
(Mateo 24:15-28; Luka 21:20-24)
14 # Ndan 9:27, 11:31, 12:11. “Ngoboni oho mukamona wunyengwe wakunonga hinga wemana hakubula kufwanina.” (Niye ukulaba ayuvwishishe!) “Pe obo bali mu Yundeya, batinine ku mapili. 15#Luk 17:31. Kami ou uli hayilu ya litala lyendi, hinga ahuluka na kwingina mu litala ngayi ashimbemo shuma shamina. 16Kami ou uli mu mfuba, hinga aboka ngayi akashimbe shivwalo shendi. 17Makando wabo baya bakemita na baya bakayamwisha ha matena ayo. 18Lombelenu kuli Nyambi ngayi ebye hinga bikatendiwa ha shikati sha mupepo. 19#Ndan 12:1; Kuh 7:14. Ndaba ha matena ayo, makalikiza akenga amanene kupitakana makalikiza nimwawo kufuma ku shikati oho Nyambi alengele byuma nimwabyo kuleta na ku shikati shino, kami kukekalako kumbili afwako. 20Ngoboni shinga Mwene wabulile kuketwila aya matena, shinga kowa muntu ukapuluka. Ndaba ya bakakuhatiwa aba anahata unaketwili aya matena.
21“Shikati shiyo, ndi muntu ukamba kukwenu ngayi, ‘Monenu, Kilishitu uli kuno!’ Hinga ngayi, ‘Uli kuyo!’ Hinga mumukulupila. 22Ndaba Bakilishitu ba mahalo na bamiluwe ba mahalo bakeza na kumonesha bimonekesho na bikomokesho ngayi bakashanwishe hinge bakakuhatiwa ndi shinga shikatwesheka. 23Haya keyenu, ndaba ninamitongweze ebye nimwabyo oho shilolo bitendiwe.”
Kwiza kwa Mwana Muntu
(Mateo 24:29-31; Luka 21:25-28)
24 # Isha 13:10; Ezek 32:7; Yowe 2.10, 31, 3:15; Kuh 6:12. Ngoboni ha matena ayo, kunyima ya makalikiza, mutena ukashipa, kami ngonda kukatuba wezi wendi wufwako, 25#Isha 34:4; Yowe 2:10; Kuh 6:13. na nyenye zikawa, pe ngovu za muyilu zikankwancana. 26#Ndan 7:13; Kuh 1:7. Nohobene bakamona Mwana Muntu heza mu makumbi na ngovu zazinene na wuwahe. 27Ukatuma mangeloyi bendi na kukungulula bakakuhatiwa bendi, ku zimbalila zinaa za hanci, kutatika kwakumina kaye kutwala kwakumina liyilu.
Shilongesha sha ha mutondo wa mukuyu
(Mateo 24:32-35; Luka 21:29-33)
28“Lilongeshenu bya mutondo wa mukuyu. Oho myahi yawo ikutundula na kuzobela mabizi, mukulimuka ngayi mayinza ali hahepi. 29Nohobene, nanenu oho mukamona ebye byuma bilinakutendiwa, limukenu ngayi shikati shili kwakwipi wuluno shikume. 30Mwashikuma nikwamba kukwenu ngayi, mukoka ou kukamana wufwako hantu ebye nimwabyo binatendiwi. 31Liyilu na hanci bikamana, ngoboni mazu wami kukamana afwako.”
Kowa muntu ukulimuka mutena hinge shikati
(Mateo 24:36-44)
32 #
Mat 24:36. “Ngoboni mutena uyo hinge shikati shiyo kowa muntu ukulimuka, hinge mangeloyi ali muyilu hinge Mwana, ndele Tate tuhu niye ukulimuka. 33Keyenu, tonenu, kami lombelenu ndaba kulimuka shikati shakwiza mufwako. 34#Luk 12:36-38. Shikenga ngo muntu ukuya lwendo, ukushiya litala ku bakamilimo bendi, ukupanika muntu na muntu mulimo wendi, pe ukutongweza mukakulama ku shipana ngayi akeye. 35Nohobene, keyenu, ndaba kulimuka mufwako ngayi mwine litala ukeza shikati ngani. Ukutwesha kwiza shikati sha mazolo, hinge hakati ka wushiku, hinge malungashiku, hinge lumenemene. 36Ndi ukwiza mwakubazumwisha, hinga amiwana muli mu tulo. 37Ebye nikwamba kukwenu, nibyo nikwamba ku bantu nimwabo ngayi, keyenu!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Nkoya © The Bible Society of Zambia, 2008.