Mako 12
12
Nguli ya bandimi mu mfuba ya shinyanca
(Mateo 21:33-46; Luka 20:9-19)
1 # Isha 5:1-2. Niho Yeshu atatikile kwamba kukwabo mu zinguli ngayi, “Muntu wamina wakunine mfuba ya shinyanca, wazingwilishileko shipata, wakabile liteke lya kuzongela waine na kutendelako katambo kakubingila. Niho ayakilemo bandimi, pe wayile ku litunga lya kwakutali. 2Oho shikati shakubuya mikabo shakumine, watumine mukamulimo wendi ku bandimi, ngayi akashimbeko ku mikabo ya mu mfuba ya shinyanca. 3Ngoboni bamukwatile, pe bamukamine, niho bamutandile nahiya kwakubula shamina. 4Niho atumine kami mukamulimo wamina, naniye kami bamukamine na kumulemeka ku mutwe, pe bamuyuvwishile lisheni shikuma. 5Watumine kami wamina, niho bamuzihile. Nohobene watumine bamina babengi, bamo bakamiwile na bamina bazihiwile. 6“Niho ashalile na mwana umo tuhu, ou ahakile shikuma. Kumamaninino naniye kami wamutumine kukwabo, ndaba wahanganikile ngayi, ‘Bakapana maleema mwanami.’ 7Ngoboni baya bandimi balyambashanine ngayi, ‘Niye ncwana yendi owe. Yekenu tumuzihe, pe likona likenga lyetu!’ 8Niho bamukwatile, bamuzihile, pe bamuyumbilile hamunkanda wa mfuba ya shinyanca.
9“Haya mwine mfuba ukatenda nahiti? Ukeza mukunongesha baya bandimi, na kupana mfuba ya shinyanca ku bamina. 10#Nyi 118:22-23. Kati shilolo mulabe ebye byatikitiwa ngayi,
‘Limanya liya bakanine bakakutenda matala,
nilyo linafutuku kwinga limanya lya kushuma lya mu mbango.
11Eshe nisho anatende Mwene,
kami shikukomokesha mu meho wetu.’ ”
12Bakakutwaminina ba Bayunda bashingile kukwata Yeshu, ndaba balimukile ngayi nibo atoyelenga muneye nguli. Ngoboni batinine likunge lya bantu, niho bamushiyile, pe bayile.
Liyipu lya ha kutela mutelo
(Mateo 22:15-22; Luka 20:20-26)
13Niho batumine kukwendi bamo ba Bafwalishi na bamo baka Helonda ngayi bamukwate na mazu wendi. 14Pe bezile kukwendi nakwamba ngayi, “Mulongeshi, tukulimuka ngayi obe uli wakupwisha, kami kulikekula ebye bakuhanganika bantu wufwako. Ndaba ukubula kuhota muntu, ngoboni ukulongesha mukupwisha nzila ya Nyambi. Kati shinafwanini kutela mutelo kuli Nkeshali ndi byo? 15Tutele ndi hinga tubula kutela?”
Ngoboni Yeshu walimukile ebye bahanganikilenga, wambile kukwabo ngayi, “Ndabangani mulinakunyezeka? Ndetelenu mali mwanga niwamone.”
16Bamuletelele mali, niho ambile kukwabo ngayi, “Shifwekesha shayani eshe shili ha mali? Kati lizina linatikitiwiho lya yani?”
Bambile ngayi, “Bya Nkeshali.”
17Yeshu wambile kukwabo ngayi, “Panikenu Nkeshali byuma bya Nkeshali, kami panikenu Nyambi byuma bya Nyambi.”
Niho bakomokele byambo byendi.
Liyipu lya ha kushanguka ku bafu
(Mateo 22:23-33; Luka 20:27-40)
18 #
Mil 23:8. Niho Bashanduki baya bambanga ngayi kowa kushanguka ku bafu, bezile kuli Yeshu, pe bamwipwile ngayi, 19#Nday 25:5. Mulongeshi, Moshesha watikitile kukwetu ngayi, ‘Ndi kawushinda wa muntu wunafu, hakushiya mukazendi wakubula mwana, mukonzowendi nafwanini kumuyeka, ngayi abelekeleko yayiyendi bana. 20Kwekalile bana ba mutanu na babili, bengile ba muntu umo. Wa kutatika wayekele mukazi, ngoboni wafwile kwakubula kushiya bana. 21Wa wubili wayekele uya mfwile, ngoboni naniye wafwile kwakubula bana. Wa wuhatu kami naniye wafwile kwakubula bana. 22Pe ba mutanu na babili nimwabo bamuyekele, bafwile kwakubula kushiya bana. Kunyima yabo na uya mukazi kami wafwile. 23Nohobene, oho bakashanguka ku bafu, uya mukazi ukenga wayani? Ndaba ba mutanu na babili nimwabo bamuyekele.”
24Yeshu wakumbwile kukwabo ngayi, “Nohobene nka munayongo ndaba kulimuka byatikitiwa mufwako hinga ngovu za Nyambi. 25Ndaba oho bakashanguka ku bafu, kukayeka hinge kukayekiwa bafwako, ngoboni bakenga nehi mangeloyi a muyilu. 26#Kut 3:6. Ha bya bafu na kushanguka kwabo, kati shilolo mulabe mu libuka lya Moshesha oho amutongwezele Nyambi mu lipukumuna ngayi, ‘Ami Nyambi wa Abulahama, Nyambi wa Ishake na Nyambi wa Yakobo?’ 27Kaliha niye Nyambi wa bafu, ngoboni Nyambi wa babomi. Nohobene munayongo shikuma.”
Ndayano zazinene
(Mateo 22:34-40; Luka 10:25-28)
28 #
Luk 10:25-28. Umo wa bakakulongesha ndayano ou wekalileko oho bambilenga, wayuvwile ngayi Yeshu wunakumbulu Bashanduki shiwahe, wepwile ngayi, “Kati ndayano zazinene ku nimwazo ziti?”
29 # Nday 6:4-5. Yeshu wakumbwile ngayi, “Ndayano zazinene ku nimwazo zenga eze, ‘Yuvwilila, obe Ishalela! Mwene Nyambi yetu niye Mwene umo pele. 30Kami ukufwanina kuhaka Mwene Nyambi yobe na mutima wobe nimwawo na moyo wobe nimwawo na ngana zobe nimwazo na ngovu zobe nimwazo.’ 31#Bal 19:18. Zawubili zenga eze, ‘Haka ndambo yobe ngonehe walihaka obe mwine.’ Kowa ndayano zamina zazinene zakupitakana eze.”
32 # Nday 4:35. Mukakulongesha ndayano wambile kuli Yeshu ngayi, “Mulongeshi unamba kupwisha, ndaba kuli tuhu Nyambi umo pele, kami kowa wamina ndele tuhu niye. 33#Hosh 6:6. Kami muntu unafwanini kumuhaka na mutima nimwawo na ngana nimwazo na moyo nimwawo na ngovu nimwazo, kami unafwanini kuhaka ndambo yendi ngonehe alihaka niye mwine, eshe shikupitakana nimwazo zintupu zakuhokesha na zinkombela.”
34Oho Yeshu amonene ngayi unakumbulu na ngana, wambile kukwendi ngayi, “Kaliha uli kwakutali na Wene wa Nyambi.” Kufuma hayo, kaliha kwekalile muntu wepwile Yeshu shamina.
Kilishitu wenga Mwana yani?
(Mateo 22:41-46; Luka 20:41-44)
35Oho Yeshu alongeshelenga mu shipango sha Litala lya Nyambi, wambile ngayi, “Kati bakakulongesha ndayano bakwamba nahiti ngayi Kilishitu wenga wa ku muhoko wa Ndavita? 36#Nyi 110:1. Ndaba Ndavita niye mwine oho wamutwamininine Moyo Wakuyela, wambile ngayi,
‘Mwene wambile kuli Mwene yami ngayi,
yikala ku liboko lyami lya shilyo,
hantu nayaka bakankole bobe
ku malyatilo a mawulu wobe.’
37“Ndavita niye mwine wamutoyele ngayi, ‘Mwene,’ haya ukwinga mwanendi nahiti?”
Yeshu ukunyanca bakakulongesha ndayano
(Mateo 23:1-36; Luka 20:45-47)
Likunge lyalinene lyamuyuvwile na kuwahilila. 38Oho alongeshelenga, Yeshu wambile ngayi, “Keyenu na bakakulongesha ndayano. Aba bahaka kwenda hinga bavwala bivwalo byabitali, bakushangwishiwa mu myanya yakulandishila, 39na kwikala ha bipona bya kumbili mu mashinangonge na ku myanya ya maleema ku bimbo bya mayambwayambwa. 40Bakuyibila bakazi ba bamfwile byuma byabo, kami bakulyongeza na malombelo amatali. Bantu banoho bakatambula kashushwilo kakanene.”
Ntupu ya mfwile
(Luka 21:1-4)
41Yeshu wekalile hahepi na shikongelo sha mu Litala lya Nyambi, watilaminine bantu oho bayakilengamo mali. Babengi bakakuheta bayakilengamo mali amengi. 42Kwezile mukazi wakushepwa, ou wengile mfwile, naniye wayakilemo tumali twatushe tubili twa kopa. 43Nohobene Yeshu wehanine bandongesha bendi, wambile kukwabo ngayi, “Mwashikuma nikumitongweza ngayi, ou mukazi wakushepwa wa mfwile, unayaka byabingi mu shikongelo kupitakana aba nimwabo banayakamo. 44Ndaba bamina banayakamo bimo bya wuheti wabo wawingi, ngoboni niye, mukushepwa kwendi nimwako, unayaka nimwabyo ekala nabyo, ebye afwanina kuliyoyesha nabyo.”
Currently Selected:
Mako 12: KK2008
Highlight
Share
Copy
Want to have your highlights saved across all your devices? Sign up or sign in
New Testament in Nkoya © The Bible Society of Zambia, 2008.
Mako 12
12
Nguli ya bandimi mu mfuba ya shinyanca
(Mateo 21:33-46; Luka 20:9-19)
1 # Isha 5:1-2. Niho Yeshu atatikile kwamba kukwabo mu zinguli ngayi, “Muntu wamina wakunine mfuba ya shinyanca, wazingwilishileko shipata, wakabile liteke lya kuzongela waine na kutendelako katambo kakubingila. Niho ayakilemo bandimi, pe wayile ku litunga lya kwakutali. 2Oho shikati shakubuya mikabo shakumine, watumine mukamulimo wendi ku bandimi, ngayi akashimbeko ku mikabo ya mu mfuba ya shinyanca. 3Ngoboni bamukwatile, pe bamukamine, niho bamutandile nahiya kwakubula shamina. 4Niho atumine kami mukamulimo wamina, naniye kami bamukamine na kumulemeka ku mutwe, pe bamuyuvwishile lisheni shikuma. 5Watumine kami wamina, niho bamuzihile. Nohobene watumine bamina babengi, bamo bakamiwile na bamina bazihiwile. 6“Niho ashalile na mwana umo tuhu, ou ahakile shikuma. Kumamaninino naniye kami wamutumine kukwabo, ndaba wahanganikile ngayi, ‘Bakapana maleema mwanami.’ 7Ngoboni baya bandimi balyambashanine ngayi, ‘Niye ncwana yendi owe. Yekenu tumuzihe, pe likona likenga lyetu!’ 8Niho bamukwatile, bamuzihile, pe bamuyumbilile hamunkanda wa mfuba ya shinyanca.
9“Haya mwine mfuba ukatenda nahiti? Ukeza mukunongesha baya bandimi, na kupana mfuba ya shinyanca ku bamina. 10#Nyi 118:22-23. Kati shilolo mulabe ebye byatikitiwa ngayi,
‘Limanya liya bakanine bakakutenda matala,
nilyo linafutuku kwinga limanya lya kushuma lya mu mbango.
11Eshe nisho anatende Mwene,
kami shikukomokesha mu meho wetu.’ ”
12Bakakutwaminina ba Bayunda bashingile kukwata Yeshu, ndaba balimukile ngayi nibo atoyelenga muneye nguli. Ngoboni batinine likunge lya bantu, niho bamushiyile, pe bayile.
Liyipu lya ha kutela mutelo
(Mateo 22:15-22; Luka 20:20-26)
13Niho batumine kukwendi bamo ba Bafwalishi na bamo baka Helonda ngayi bamukwate na mazu wendi. 14Pe bezile kukwendi nakwamba ngayi, “Mulongeshi, tukulimuka ngayi obe uli wakupwisha, kami kulikekula ebye bakuhanganika bantu wufwako. Ndaba ukubula kuhota muntu, ngoboni ukulongesha mukupwisha nzila ya Nyambi. Kati shinafwanini kutela mutelo kuli Nkeshali ndi byo? 15Tutele ndi hinga tubula kutela?”
Ngoboni Yeshu walimukile ebye bahanganikilenga, wambile kukwabo ngayi, “Ndabangani mulinakunyezeka? Ndetelenu mali mwanga niwamone.”
16Bamuletelele mali, niho ambile kukwabo ngayi, “Shifwekesha shayani eshe shili ha mali? Kati lizina linatikitiwiho lya yani?”
Bambile ngayi, “Bya Nkeshali.”
17Yeshu wambile kukwabo ngayi, “Panikenu Nkeshali byuma bya Nkeshali, kami panikenu Nyambi byuma bya Nyambi.”
Niho bakomokele byambo byendi.
Liyipu lya ha kushanguka ku bafu
(Mateo 22:23-33; Luka 20:27-40)
18 #
Mil 23:8. Niho Bashanduki baya bambanga ngayi kowa kushanguka ku bafu, bezile kuli Yeshu, pe bamwipwile ngayi, 19#Nday 25:5. Mulongeshi, Moshesha watikitile kukwetu ngayi, ‘Ndi kawushinda wa muntu wunafu, hakushiya mukazendi wakubula mwana, mukonzowendi nafwanini kumuyeka, ngayi abelekeleko yayiyendi bana. 20Kwekalile bana ba mutanu na babili, bengile ba muntu umo. Wa kutatika wayekele mukazi, ngoboni wafwile kwakubula kushiya bana. 21Wa wubili wayekele uya mfwile, ngoboni naniye wafwile kwakubula bana. Wa wuhatu kami naniye wafwile kwakubula bana. 22Pe ba mutanu na babili nimwabo bamuyekele, bafwile kwakubula kushiya bana. Kunyima yabo na uya mukazi kami wafwile. 23Nohobene, oho bakashanguka ku bafu, uya mukazi ukenga wayani? Ndaba ba mutanu na babili nimwabo bamuyekele.”
24Yeshu wakumbwile kukwabo ngayi, “Nohobene nka munayongo ndaba kulimuka byatikitiwa mufwako hinga ngovu za Nyambi. 25Ndaba oho bakashanguka ku bafu, kukayeka hinge kukayekiwa bafwako, ngoboni bakenga nehi mangeloyi a muyilu. 26#Kut 3:6. Ha bya bafu na kushanguka kwabo, kati shilolo mulabe mu libuka lya Moshesha oho amutongwezele Nyambi mu lipukumuna ngayi, ‘Ami Nyambi wa Abulahama, Nyambi wa Ishake na Nyambi wa Yakobo?’ 27Kaliha niye Nyambi wa bafu, ngoboni Nyambi wa babomi. Nohobene munayongo shikuma.”
Ndayano zazinene
(Mateo 22:34-40; Luka 10:25-28)
28 #
Luk 10:25-28. Umo wa bakakulongesha ndayano ou wekalileko oho bambilenga, wayuvwile ngayi Yeshu wunakumbulu Bashanduki shiwahe, wepwile ngayi, “Kati ndayano zazinene ku nimwazo ziti?”
29 # Nday 6:4-5. Yeshu wakumbwile ngayi, “Ndayano zazinene ku nimwazo zenga eze, ‘Yuvwilila, obe Ishalela! Mwene Nyambi yetu niye Mwene umo pele. 30Kami ukufwanina kuhaka Mwene Nyambi yobe na mutima wobe nimwawo na moyo wobe nimwawo na ngana zobe nimwazo na ngovu zobe nimwazo.’ 31#Bal 19:18. Zawubili zenga eze, ‘Haka ndambo yobe ngonehe walihaka obe mwine.’ Kowa ndayano zamina zazinene zakupitakana eze.”
32 # Nday 4:35. Mukakulongesha ndayano wambile kuli Yeshu ngayi, “Mulongeshi unamba kupwisha, ndaba kuli tuhu Nyambi umo pele, kami kowa wamina ndele tuhu niye. 33#Hosh 6:6. Kami muntu unafwanini kumuhaka na mutima nimwawo na ngana nimwazo na moyo nimwawo na ngovu nimwazo, kami unafwanini kuhaka ndambo yendi ngonehe alihaka niye mwine, eshe shikupitakana nimwazo zintupu zakuhokesha na zinkombela.”
34Oho Yeshu amonene ngayi unakumbulu na ngana, wambile kukwendi ngayi, “Kaliha uli kwakutali na Wene wa Nyambi.” Kufuma hayo, kaliha kwekalile muntu wepwile Yeshu shamina.
Kilishitu wenga Mwana yani?
(Mateo 22:41-46; Luka 20:41-44)
35Oho Yeshu alongeshelenga mu shipango sha Litala lya Nyambi, wambile ngayi, “Kati bakakulongesha ndayano bakwamba nahiti ngayi Kilishitu wenga wa ku muhoko wa Ndavita? 36#Nyi 110:1. Ndaba Ndavita niye mwine oho wamutwamininine Moyo Wakuyela, wambile ngayi,
‘Mwene wambile kuli Mwene yami ngayi,
yikala ku liboko lyami lya shilyo,
hantu nayaka bakankole bobe
ku malyatilo a mawulu wobe.’
37“Ndavita niye mwine wamutoyele ngayi, ‘Mwene,’ haya ukwinga mwanendi nahiti?”
Yeshu ukunyanca bakakulongesha ndayano
(Mateo 23:1-36; Luka 20:45-47)
Likunge lyalinene lyamuyuvwile na kuwahilila. 38Oho alongeshelenga, Yeshu wambile ngayi, “Keyenu na bakakulongesha ndayano. Aba bahaka kwenda hinga bavwala bivwalo byabitali, bakushangwishiwa mu myanya yakulandishila, 39na kwikala ha bipona bya kumbili mu mashinangonge na ku myanya ya maleema ku bimbo bya mayambwayambwa. 40Bakuyibila bakazi ba bamfwile byuma byabo, kami bakulyongeza na malombelo amatali. Bantu banoho bakatambula kashushwilo kakanene.”
Ntupu ya mfwile
(Luka 21:1-4)
41Yeshu wekalile hahepi na shikongelo sha mu Litala lya Nyambi, watilaminine bantu oho bayakilengamo mali. Babengi bakakuheta bayakilengamo mali amengi. 42Kwezile mukazi wakushepwa, ou wengile mfwile, naniye wayakilemo tumali twatushe tubili twa kopa. 43Nohobene Yeshu wehanine bandongesha bendi, wambile kukwabo ngayi, “Mwashikuma nikumitongweza ngayi, ou mukazi wakushepwa wa mfwile, unayaka byabingi mu shikongelo kupitakana aba nimwabo banayakamo. 44Ndaba bamina banayakamo bimo bya wuheti wabo wawingi, ngoboni niye, mukushepwa kwendi nimwako, unayaka nimwabyo ekala nabyo, ebye afwanina kuliyoyesha nabyo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Nkoya © The Bible Society of Zambia, 2008.