Mako 5
5
Yeshu ukunyongomanisha mulume wa mayimbwe
(Mateo 8:28-34; Luka 8:26-39)
1Yeshu na bandongesha bendi, bakumine munciza ya Liziba lya Ngalileya mu litunga lya Ngalashena. 2Oho Yeshu afumine mu wato, mulume wa mayimbwe wafumine ha binzimbi waliwanine nendi. 3Ou mulume wekalilenga ha binzimbi, kami kowa muntu watweshelenga kumumanga hinge na mawenge. 4Ndaba bikati byabingi bantu bamumangilenga na mawenge ku maboko na kumuyaka mu likulo, ngoboni waketwilenga mawenge na kumungozola makulo. Kami kwabulile muntu wa nyala wakumwombatalisha. 5Bikati nimwabyo wushiku na mwaana, wekalilenga ha binzimbi naha mapili hakaloka, kami walilemekelenga na mamanya.
6Oho amonene Yeshu hahatali, wetukilile kukwendi, pe washinkamine kumbili yendi. 7Wabilikizile na lizu lyalinene ngayi, “Ukushinga kuntenda bishini obe Yeshu, Mwana Nyambi Wakukangana? Nikukunyepa mu lizina lya Nyambi ngayi hinga unyandisha!” 8(Wambile nahiyo, ndaba Yeshu wambilile mayimbwe ngayi, “Fuma muli ou mulume, obe mayimbwe amabi!”)
9Niho Yeshu amwipwile ngayi, “Lizina lyobe obe yani?” Pe wakumbwile ngayi, “Lizina lyami ami ‘Litanga’ ndaba tuli babengi!” 10Mukamayimbwe wanyepele shikuma Yeshu ngayi hinga atandila mayimbwe hamunkanda wa litunga liyo.
11Hahepi na shinkanda hekalile litanga lyalinene lya bangulube balilenga. 12Niho mayimbwe anyepele Yeshu ngayi, “Tutume ku bangulube ngayi tukengine mumwabo.” 13Yeshu wetabilile, pe mayimbwe afumine muli uyo mulume, ayile na kwingina mu bangulube. Litanga nimwalyo lya bangulube lyashingile kukuma ku makulukazi abili, lyetukile, lyakunkulukile na kuliyumbila mu liziba, pe lyandokamine.
14Balishani ba bangulube batinine, bayile mu munzi na mu litunga na kutongweza bantu. Pe bantu bayile na kumona eshe shatendiwile. 15Oho bezile kuli Yeshu, bamonene mulume ou wekalile na litanga lya mayimbwe, hinga ekala, unavwala kami uli shiwahe. Bantu batinine shikuma. 16Kami obo bamoneneko batongwezele bantu ebye byatendiwile ku mulume wa mayimbwe na ku bangulube. 17Niho bantu banyepele Yeshu ngayi afume mu litunga lyabo.
18Oho Yeshu engininenga mu wato, ou wekalile na mayimbwe wamunyepele ngayi aye nendi. 19Ngoboni Yeshu kaliha wetabilile, niho ambile kukwendi ngayi, “Yanga ku munzi ku bawushinda wobe, ukabatongweze nimwabyo ebye anakutendele Mwene, ou nakuyuvwili nceshe.”
20Niho mulume ayile mu Minzi Likumi nimwayo na kutongweza bantu, nimwabyo biya amutendelele Yeshu. Bantu nimwabo bakomokele.
Mwana Yailashi na mbuyama wakwatile ku shivwalo sha Yeshu
(Mateo 9:18-26; Luka 8:40-56)
21Yeshu wabokele na wato ku mbalila yamina ya munciza ya liziba, likunge lyalinene lya bantu bakungulukilile kukwendi. Niye wekalile ha shibumbo sha liziba. 22Yailashi, umo wa bakulwane ba shinangonge ezile, pe oho amonene Yeshu, washinkamine ku mawulu wendi, 23wamulambililile shikuma ngayi, “Mwanami wa mushimbi ulinakushinga kufwa, nikunyepa ngayi uyeko ukamukambike maboko, ngayi anyongomane, mwanga ayoye!”
24Niho Yeshu ayile nendi, pe likunge lyalinene lya bantu bamukonkele na kumubumbilila.
25Kwekalile mbuyama wekalile na wulweli wakututika mukeza, myaka likumi na yibili. 26Wayandile shikuma mu maboko a banganga babengi, wamanishile wuheti wendi nimwawo ekalile nawo, kami kaliha wanyongomanine, ngoboni wulweli wendi wanenehelenga shikati nimwasho. 27Oho ayuvwile mpupo ya Yeshu, wezile kunyima yendi mu likunge lya bantu, pe wakwatile ku shivwalo shendi, 28ndaba wambile ngayi, “Ndi nikukwata tuhu ku shivwalo shendi, nikanyongomana.”
29Wanguwangu wulweli wendi wa kututika mukeza wemanine, pe wayuvwile mu lutu lwendi ngayi unanyongomana ku wulweli wendi. 30Wanguwangu Yeshu walimukile ngayi nyala zinafumu mumwendi, wafutukile mu likunge lya bantu, pe wambile ngayi “Kati yani nakwata ku shivwalo shami?”
31Bandongesha bendi bambile ngayi, “Unamono bantu eshe banakubumbilili, haya ukwipula nahiti ngayi yani unankwata?”
32Niye watilaminine noku, noku ngayi amone ou unatendesho. 33Ngoboni mbuyama walimukile eshe shatendiwile, wezile kuli Yeshu hakanka na bowa, washinkamine ku meho a Yeshu, pe wamutongwezele byakupwisha nimwabyo. 34Yeshu wambile kukwendi ngayi, “Mwanami, kukulupila kwobe kunakunyongomanishi. Yanga mukumwena, unanyongomana ku wulweli wobe.”
35Oho Yeshu ambilenga, ku litala lya Yailashi mukulwane wa shinangonge, kwafumine bantu bamo bamutongwezele ngayi, “Mwanobe unafu. Shumangani ukukabakanishila mulongeshi kami?”
36Ngoboni Yeshu oho ayuvwile mazu ambiwile, walimbulwile, pe wambile ku mukulwane wa shinangonge ngayi, “Hinga utina, kulupila tuhu.” 37Kami kaliha wetabilile muntu nimwendi ngayi amukonke, ndele Pita na Yakoba na Yowano mukonzo wa Yakoba. 38Oho bakumine ku litala lya mukulwane wa shinangonge, Yeshu wamonene bantu bengilenga miyoyo ya kulila na kutuwa mbingo shikuma. 39Yeshu wenginine mu litala, pe wambile kukwabo ngayi, “Ndaba ngani muli nakwinga miyoyo yayinene na kulila? Mwana shilolo afwe, ngoboni nalangana tulo!”
40Ngoboni bamuhepele. Pe wabatutwishile hamunkanda nimwabo, niho ashimbile tatiyendi na mandiyendi uya kanuke na bandongesha bendi bahatu, pe benginine muyo mwekalile kanuke. 41Wakwatile kanuke na liboko lyendi, pe wambile kukwendi ngayi, “Talita kumi.” Kutontolola ngayi, “Obe kanuke wa mbuyama nikwamba kukwobe ngayi pinduka!”
42Wanguwangu wapindukile, pe wendele. (Wekalile na myaka likumi na yibili.) Ndaba yaneshe shatendiwile, bantu bakomokele shikuma. 43Niho Yeshu abakanishile shikuma ngayi, hinga batongweza muntu hinge umo ha shuma eshe. Wabatongwezele ngayi bapanike kanuke byakulya.
Currently Selected:
Mako 5: KK2008
Highlight
Share
Copy
Want to have your highlights saved across all your devices? Sign up or sign in
New Testament in Nkoya © The Bible Society of Zambia, 2008.
Mako 5
5
Yeshu ukunyongomanisha mulume wa mayimbwe
(Mateo 8:28-34; Luka 8:26-39)
1Yeshu na bandongesha bendi, bakumine munciza ya Liziba lya Ngalileya mu litunga lya Ngalashena. 2Oho Yeshu afumine mu wato, mulume wa mayimbwe wafumine ha binzimbi waliwanine nendi. 3Ou mulume wekalilenga ha binzimbi, kami kowa muntu watweshelenga kumumanga hinge na mawenge. 4Ndaba bikati byabingi bantu bamumangilenga na mawenge ku maboko na kumuyaka mu likulo, ngoboni waketwilenga mawenge na kumungozola makulo. Kami kwabulile muntu wa nyala wakumwombatalisha. 5Bikati nimwabyo wushiku na mwaana, wekalilenga ha binzimbi naha mapili hakaloka, kami walilemekelenga na mamanya.
6Oho amonene Yeshu hahatali, wetukilile kukwendi, pe washinkamine kumbili yendi. 7Wabilikizile na lizu lyalinene ngayi, “Ukushinga kuntenda bishini obe Yeshu, Mwana Nyambi Wakukangana? Nikukunyepa mu lizina lya Nyambi ngayi hinga unyandisha!” 8(Wambile nahiyo, ndaba Yeshu wambilile mayimbwe ngayi, “Fuma muli ou mulume, obe mayimbwe amabi!”)
9Niho Yeshu amwipwile ngayi, “Lizina lyobe obe yani?” Pe wakumbwile ngayi, “Lizina lyami ami ‘Litanga’ ndaba tuli babengi!” 10Mukamayimbwe wanyepele shikuma Yeshu ngayi hinga atandila mayimbwe hamunkanda wa litunga liyo.
11Hahepi na shinkanda hekalile litanga lyalinene lya bangulube balilenga. 12Niho mayimbwe anyepele Yeshu ngayi, “Tutume ku bangulube ngayi tukengine mumwabo.” 13Yeshu wetabilile, pe mayimbwe afumine muli uyo mulume, ayile na kwingina mu bangulube. Litanga nimwalyo lya bangulube lyashingile kukuma ku makulukazi abili, lyetukile, lyakunkulukile na kuliyumbila mu liziba, pe lyandokamine.
14Balishani ba bangulube batinine, bayile mu munzi na mu litunga na kutongweza bantu. Pe bantu bayile na kumona eshe shatendiwile. 15Oho bezile kuli Yeshu, bamonene mulume ou wekalile na litanga lya mayimbwe, hinga ekala, unavwala kami uli shiwahe. Bantu batinine shikuma. 16Kami obo bamoneneko batongwezele bantu ebye byatendiwile ku mulume wa mayimbwe na ku bangulube. 17Niho bantu banyepele Yeshu ngayi afume mu litunga lyabo.
18Oho Yeshu engininenga mu wato, ou wekalile na mayimbwe wamunyepele ngayi aye nendi. 19Ngoboni Yeshu kaliha wetabilile, niho ambile kukwendi ngayi, “Yanga ku munzi ku bawushinda wobe, ukabatongweze nimwabyo ebye anakutendele Mwene, ou nakuyuvwili nceshe.”
20Niho mulume ayile mu Minzi Likumi nimwayo na kutongweza bantu, nimwabyo biya amutendelele Yeshu. Bantu nimwabo bakomokele.
Mwana Yailashi na mbuyama wakwatile ku shivwalo sha Yeshu
(Mateo 9:18-26; Luka 8:40-56)
21Yeshu wabokele na wato ku mbalila yamina ya munciza ya liziba, likunge lyalinene lya bantu bakungulukilile kukwendi. Niye wekalile ha shibumbo sha liziba. 22Yailashi, umo wa bakulwane ba shinangonge ezile, pe oho amonene Yeshu, washinkamine ku mawulu wendi, 23wamulambililile shikuma ngayi, “Mwanami wa mushimbi ulinakushinga kufwa, nikunyepa ngayi uyeko ukamukambike maboko, ngayi anyongomane, mwanga ayoye!”
24Niho Yeshu ayile nendi, pe likunge lyalinene lya bantu bamukonkele na kumubumbilila.
25Kwekalile mbuyama wekalile na wulweli wakututika mukeza, myaka likumi na yibili. 26Wayandile shikuma mu maboko a banganga babengi, wamanishile wuheti wendi nimwawo ekalile nawo, kami kaliha wanyongomanine, ngoboni wulweli wendi wanenehelenga shikati nimwasho. 27Oho ayuvwile mpupo ya Yeshu, wezile kunyima yendi mu likunge lya bantu, pe wakwatile ku shivwalo shendi, 28ndaba wambile ngayi, “Ndi nikukwata tuhu ku shivwalo shendi, nikanyongomana.”
29Wanguwangu wulweli wendi wa kututika mukeza wemanine, pe wayuvwile mu lutu lwendi ngayi unanyongomana ku wulweli wendi. 30Wanguwangu Yeshu walimukile ngayi nyala zinafumu mumwendi, wafutukile mu likunge lya bantu, pe wambile ngayi “Kati yani nakwata ku shivwalo shami?”
31Bandongesha bendi bambile ngayi, “Unamono bantu eshe banakubumbilili, haya ukwipula nahiti ngayi yani unankwata?”
32Niye watilaminine noku, noku ngayi amone ou unatendesho. 33Ngoboni mbuyama walimukile eshe shatendiwile, wezile kuli Yeshu hakanka na bowa, washinkamine ku meho a Yeshu, pe wamutongwezele byakupwisha nimwabyo. 34Yeshu wambile kukwendi ngayi, “Mwanami, kukulupila kwobe kunakunyongomanishi. Yanga mukumwena, unanyongomana ku wulweli wobe.”
35Oho Yeshu ambilenga, ku litala lya Yailashi mukulwane wa shinangonge, kwafumine bantu bamo bamutongwezele ngayi, “Mwanobe unafu. Shumangani ukukabakanishila mulongeshi kami?”
36Ngoboni Yeshu oho ayuvwile mazu ambiwile, walimbulwile, pe wambile ku mukulwane wa shinangonge ngayi, “Hinga utina, kulupila tuhu.” 37Kami kaliha wetabilile muntu nimwendi ngayi amukonke, ndele Pita na Yakoba na Yowano mukonzo wa Yakoba. 38Oho bakumine ku litala lya mukulwane wa shinangonge, Yeshu wamonene bantu bengilenga miyoyo ya kulila na kutuwa mbingo shikuma. 39Yeshu wenginine mu litala, pe wambile kukwabo ngayi, “Ndaba ngani muli nakwinga miyoyo yayinene na kulila? Mwana shilolo afwe, ngoboni nalangana tulo!”
40Ngoboni bamuhepele. Pe wabatutwishile hamunkanda nimwabo, niho ashimbile tatiyendi na mandiyendi uya kanuke na bandongesha bendi bahatu, pe benginine muyo mwekalile kanuke. 41Wakwatile kanuke na liboko lyendi, pe wambile kukwendi ngayi, “Talita kumi.” Kutontolola ngayi, “Obe kanuke wa mbuyama nikwamba kukwobe ngayi pinduka!”
42Wanguwangu wapindukile, pe wendele. (Wekalile na myaka likumi na yibili.) Ndaba yaneshe shatendiwile, bantu bakomokele shikuma. 43Niho Yeshu abakanishile shikuma ngayi, hinga batongweza muntu hinge umo ha shuma eshe. Wabatongwezele ngayi bapanike kanuke byakulya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Nkoya © The Bible Society of Zambia, 2008.