Pakhonchatpa Wahoudok
Wahoudok
Pakhonchatpasinggi Thabak hairiba lairik asi Jisuna swarga kadringeida mahakki tung-inbasingda haikhibagumna karamna Jerusalem, Samaria amadi masigi wangmada Singlup houkhiba amadi sandokkhibagi maramdani (1:8). “Pakhonchatpasinggi Thabak”” amadi “Luk-na i-ba Aphaba Pao”” hairiba lairik ani asi Luk-na ibani. Mahak laiyengba misak amani aduga karigumba hiram ama isinbada mahak yamna cheksilli. Mahakna i-ba gospel amadi Pakhonchatpasinggi thabak hairiba lairik ani asi “Theophilus”” kouba Greek-ki mi amada ibani adubu lairiksing asi Greek amadi Jihudi Christian-sing animakna panaba iramgani haina lounei (1:1). Lairik asi Christtana poklaba matung chahi 60 dagi 64 gi manungda iramba yai maramdi Paul-bu keisumsangdagi thadoktringeida lairik asi loisinkhi. Mahak Pakhonchatpa Paul-gasu loinana chatminnei aduga lairik asi Antioch saharda ikhiba oiramba yai. Pakhonchatpasinggi thabaksing hairiba lairik asi Luk-na i-ba Aphaba Pao hairiba lairik asigi makha chatthaba oina ibani. Lairik asi Jisuna swargada kakhiba adudagi hou-i. Luk-na lairik asi ikhibagi maramdu mahakna gospel ikhibagi maram aduga managani. Theophilus amadi masing hen-gatlakliba thajabasingda tambiribasing adu achumbani haina khanghanningbagi mahakna Jisugi punsigi wari amadi Christian-gi thajaba sandokpagi thoudoksing adu marik chumna iri. Ariba matamgi Singlupna hinglamba mahing adu eikhoina matou tamjaduna matung injanaba lairik asina khudam utpiri aduga Jisuda thajaba punsi amada hingba haibasi karino haiba utli. Thawai Asengbada tangjaduna atoppasingda gospel-gi paojel pigadabani haibasi Pakhonchatpasinggi thabaksingna eikhoida utpiri.
Yaopham Takpa
1. Thawai Asengbana tung-inbasinggi mathakta lengthabirakpa amadi Singlupna chaokhatlakpa (1:1–8:1)
a. Singluppu ot-neiba amadi Jerusalem-gi wangmada chaithokpa houba (8:2–12:23)
b. Paul-gi pao sandokpagi ahanba khongchat (12:24–14:28)
2. Jerusalem-da ahallup tinnaduna nouna thajarakpasingna tougadabasinggi matangda waleppa (15:1-35)
3. Paul-gi pao sandokpagi anisuba khongchat (15:36–18:22)
4. Paul-gi pao sandokpagi ahumsuba khongchat (18:23–20:38)
a. Jerusalem-da Paul-bu phaba (21–26)
b. Paul-bu Rome-da puba (27–28)
Currently Selected:
Pakhonchatpa Wahoudok: RSM
Highlight
Share
Copy
Want to have your highlights saved across all your devices? Sign up or sign in
Meitei New Testament (Roman Script) © The Word For The World International and NECTAR 2022