Zaŋ 16
16
1«Na in dan rum ne ni kədan hi ar dan məni hi ve nə mi. 2Sôwâ də mi 'way wə rawti so Ifray sôwâ Zuwif də rəka. Ɓay ri rum wə də mbə kəta', wə ri rum, sôwâ məni wə də mi ci wə ɗik i kə vari rum handay wə gi sin zə Ifraya. 3Handay də gi ndəna' zə handay cu we Ba man ko na mi. 4Ama na in dan rum ne ni kədan hi də dla' wa dan məni na in ne ni kəri məni handay wə də gi kwa rumu.»
Sin Simbeɗ Ifraya
«Na cu in dan rum ne ni kə təŋ zu rum mi zə na kəta' kə ri. 5Ama mgbaŋ ni nə, na wə də hay' swə məni sin nan, ɓay swə ɗaw du ri cu ci vun rini: "Ha də ka su mi." 6Ama zə na in ndəna', dan ɗik nyen vunduk ri. 7Ama na in tu dan ne ni: Pram zə ri, say na 'ya. Zə na la' cu 'ya mi si, Bə kawɓa ri cu də mbə hay' ri mi. Ama na la' 'ya si, na də um sin mi ne. 8Ɓay kəri məni mum də mbə, mum də ta' ne kə sôwâ nya i handay vi' vari wa dan kwa mə bro' kə wa dan kwa mə njeŋ ɓay wa dan ɓok Ifraya. 9Wa dan kwa mə bro', zə handay cu ve nan mi. 10Wa dan kwa mə njeŋ, zə na wə də hay' Ba man, ɓay hi cu də man we za' mi. 11Wa dan ɓok Ifray, zə Ifray ɓok dan wa jwə nya məni nə si. 12Na kə dan məsin juk kərem kədan na mi in ne, ama hi cu gak mun zu dan rum mgbaŋ ni nə mi. 13Kəri məni Simbeɗ mə kəzin' wə də mbə, mum də mi ta' dan mə kəzin' daŋ'ŋ. Mum cu də in dan mə wa tu rum mi, ama mum də in dan daŋ' məni mum wə mun, ɓay mum də ka' dan wa kwa məni wə də mbə mi ne. 14Mum də man ne mbra', zə mum də ve dan man ɓay də ka' mi ne. 15Kwa daŋ' məni Ba man kəta' kə ndi, kwa rum mə na ta'a. Zə rum na in i Simbeɗ mə Kəleŋ də ve dan məni wə hay' rin ɓay də ka' mi ne.»
Dan ɗik də faŋ kəɗama
16«Ri gwa' kî, hi cu də man we za' mi, ɓay kəki rum kî, hi də man we kəreme.» 17Zə rum, sôwâ məsin wə du sum ta zə rum ci vun nji mbok nji: «Dan rum wa' dan in ma su? Mum in ne mba: "Ri gwa' kî, hi cu man we za' mi, ɓay kəki rum kî, hi də man we kəreme." Ɓay mum in ta'a: "Zə na wə də hay' Ba mana." 18Kəri məni mum ini: "Ri gwa' kî", dan rum wa' dan in ma su? Namba cu mun zu dan məni mum in nə mi!» 19Zezu we si, handay wa' ci vun rum, zə rum, mum la' ne ndaya: «Na in mi ne: Ri gwa' kî, hi cu də man we za' mi, ɓay kəki rum kî, hi də man we kəreme." Hi wə ci vun nji mbok nji wa dan rum nə su? 20Na in mi ne kəzin', hi də ci' ɓay hi də ge wor, ama sôwâ nya də tuk kəɗama. Hi də ɗik dan, ama dan ɗik mi də faŋ kəɗama. 21Kəri ma həre' kə vra', ta kə ɗik dan zə ri boni za' sa. Ama kəri məni ta la' vra' si, ta ɗumwa boni rum ɓay ta tuk kəɗam zə ta vra' vay wə wa nya məni na. 22Ndəna' kə ri ta', mgbaŋ ni nə hi kə dan ɗik, ama na də mi we kərem, ɓay vunduk ri də tuk kəɗam, swə ɗaw cu gak tle kəɗam rum mbə vunduk ri mi. 23Kəri məni bəka rum də mbə, hi cu də ci vun rin wa dan məsin za' mi. Na in mi ne kəzin', kwa daŋ' məni hi də o ɓa Ba man kə semɗe rin, mum də mi ne. 24Hâ mgbaŋ ni nə, hi cu o kwa məsin kə semɗe rin ɗaw mi. I o, ɓay hi də fe. Ndəna', kəɗam mi də ke kəɗam mə kəzini.»
Zezu nə gaŋsem wa nya
25«Na in dan rum daŋ' ne ni kə dan mə gəgan, ama ri rum də mbə kəta', na cu də in dan kə dan mə gəgan mi ne za' mi, ama na də ta' kwa wa Ba man mi ne təlaka. 26Kəri məni bəka rum də mbə, hi də o kwa ɓa Ba man kə semɗe rin ɓay na cu in ne ni i na wə də um o zə ri mi. 27Zə Ba man kə tu rum wə mi ba. Mum wə mi bə, zə hi wə man bə, ɓay hi ve i na car mbə hay' Ifraya. 28Na car hay' Ba man, ɓay na mbə du sôwâ nya. Mgbaŋ ni nə, na ar sôwâ nya, ɓay na wə də hay' Ba mana» 29Zə rum, sum ta zə rum la' ne numu: «Mgbaŋ ni nə, ha in dan ne mba təlak, dan in dan kə dan mə gəgana. 30Mgbaŋ ni nə, namba we si, ha we kwa daŋ', ɓay ha cu kə mê' i sôwâ ci vun ru mi. Zə rum, namba ve i ha car mbə hay' Ifraya.» 31Zezu ci vun ndaya: «Hi ve dan rum hâ mgbaŋ ni nə su? 32Ri rum də mbə kəta', ɓay ri rum mbə si. Hi daŋ' də pla' wa, swə ɗaw ɗaw daŋ' də so um, ɓay hi də man ar kə ɗaw rini. Ama kəzin', na cu kə ɗaw rin mi, zə Ba man kəta' kə rini. 33Na in dan rum daŋ' ne ni kədan hi də ke kə heɓ wə du ɓa nji kə rini. Hi də ce boni wa nya, ama i kaw vunduk, na ŋgô nya si!»
Currently Selected:
Zaŋ 16: KMN
Highlight
Share
Copy
Want to have your highlights saved across all your devices? Sign up or sign in
Le Nouveau Testament et Psaumes en Peve © Alliance Biblique du Tchad, 2014.
Zaŋ 16
16
1«Na in dan rum ne ni kədan hi ar dan məni hi ve nə mi. 2Sôwâ də mi 'way wə rawti so Ifray sôwâ Zuwif də rəka. Ɓay ri rum wə də mbə kəta', wə ri rum, sôwâ məni wə də mi ci wə ɗik i kə vari rum handay wə gi sin zə Ifraya. 3Handay də gi ndəna' zə handay cu we Ba man ko na mi. 4Ama na in dan rum ne ni kədan hi də dla' wa dan məni na in ne ni kəri məni handay wə də gi kwa rumu.»
Sin Simbeɗ Ifraya
«Na cu in dan rum ne ni kə təŋ zu rum mi zə na kəta' kə ri. 5Ama mgbaŋ ni nə, na wə də hay' swə məni sin nan, ɓay swə ɗaw du ri cu ci vun rini: "Ha də ka su mi." 6Ama zə na in ndəna', dan ɗik nyen vunduk ri. 7Ama na in tu dan ne ni: Pram zə ri, say na 'ya. Zə na la' cu 'ya mi si, Bə kawɓa ri cu də mbə hay' ri mi. Ama na la' 'ya si, na də um sin mi ne. 8Ɓay kəri məni mum də mbə, mum də ta' ne kə sôwâ nya i handay vi' vari wa dan kwa mə bro' kə wa dan kwa mə njeŋ ɓay wa dan ɓok Ifraya. 9Wa dan kwa mə bro', zə handay cu ve nan mi. 10Wa dan kwa mə njeŋ, zə na wə də hay' Ba man, ɓay hi cu də man we za' mi. 11Wa dan ɓok Ifray, zə Ifray ɓok dan wa jwə nya məni nə si. 12Na kə dan məsin juk kərem kədan na mi in ne, ama hi cu gak mun zu dan rum mgbaŋ ni nə mi. 13Kəri məni Simbeɗ mə kəzin' wə də mbə, mum də mi ta' dan mə kəzin' daŋ'ŋ. Mum cu də in dan mə wa tu rum mi, ama mum də in dan daŋ' məni mum wə mun, ɓay mum də ka' dan wa kwa məni wə də mbə mi ne. 14Mum də man ne mbra', zə mum də ve dan man ɓay də ka' mi ne. 15Kwa daŋ' məni Ba man kəta' kə ndi, kwa rum mə na ta'a. Zə rum na in i Simbeɗ mə Kəleŋ də ve dan məni wə hay' rin ɓay də ka' mi ne.»
Dan ɗik də faŋ kəɗama
16«Ri gwa' kî, hi cu də man we za' mi, ɓay kəki rum kî, hi də man we kəreme.» 17Zə rum, sôwâ məsin wə du sum ta zə rum ci vun nji mbok nji: «Dan rum wa' dan in ma su? Mum in ne mba: "Ri gwa' kî, hi cu man we za' mi, ɓay kəki rum kî, hi də man we kəreme." Ɓay mum in ta'a: "Zə na wə də hay' Ba mana." 18Kəri məni mum ini: "Ri gwa' kî", dan rum wa' dan in ma su? Namba cu mun zu dan məni mum in nə mi!» 19Zezu we si, handay wa' ci vun rum, zə rum, mum la' ne ndaya: «Na in mi ne: Ri gwa' kî, hi cu də man we za' mi, ɓay kəki rum kî, hi də man we kəreme." Hi wə ci vun nji mbok nji wa dan rum nə su? 20Na in mi ne kəzin', hi də ci' ɓay hi də ge wor, ama sôwâ nya də tuk kəɗama. Hi də ɗik dan, ama dan ɗik mi də faŋ kəɗama. 21Kəri ma həre' kə vra', ta kə ɗik dan zə ri boni za' sa. Ama kəri məni ta la' vra' si, ta ɗumwa boni rum ɓay ta tuk kəɗam zə ta vra' vay wə wa nya məni na. 22Ndəna' kə ri ta', mgbaŋ ni nə hi kə dan ɗik, ama na də mi we kərem, ɓay vunduk ri də tuk kəɗam, swə ɗaw cu gak tle kəɗam rum mbə vunduk ri mi. 23Kəri məni bəka rum də mbə, hi cu də ci vun rin wa dan məsin za' mi. Na in mi ne kəzin', kwa daŋ' məni hi də o ɓa Ba man kə semɗe rin, mum də mi ne. 24Hâ mgbaŋ ni nə, hi cu o kwa məsin kə semɗe rin ɗaw mi. I o, ɓay hi də fe. Ndəna', kəɗam mi də ke kəɗam mə kəzini.»
Zezu nə gaŋsem wa nya
25«Na in dan rum daŋ' ne ni kə dan mə gəgan, ama ri rum də mbə kəta', na cu də in dan kə dan mə gəgan mi ne za' mi, ama na də ta' kwa wa Ba man mi ne təlaka. 26Kəri məni bəka rum də mbə, hi də o kwa ɓa Ba man kə semɗe rin ɓay na cu in ne ni i na wə də um o zə ri mi. 27Zə Ba man kə tu rum wə mi ba. Mum wə mi bə, zə hi wə man bə, ɓay hi ve i na car mbə hay' Ifraya. 28Na car hay' Ba man, ɓay na mbə du sôwâ nya. Mgbaŋ ni nə, na ar sôwâ nya, ɓay na wə də hay' Ba mana» 29Zə rum, sum ta zə rum la' ne numu: «Mgbaŋ ni nə, ha in dan ne mba təlak, dan in dan kə dan mə gəgana. 30Mgbaŋ ni nə, namba we si, ha we kwa daŋ', ɓay ha cu kə mê' i sôwâ ci vun ru mi. Zə rum, namba ve i ha car mbə hay' Ifraya.» 31Zezu ci vun ndaya: «Hi ve dan rum hâ mgbaŋ ni nə su? 32Ri rum də mbə kəta', ɓay ri rum mbə si. Hi daŋ' də pla' wa, swə ɗaw ɗaw daŋ' də so um, ɓay hi də man ar kə ɗaw rini. Ama kəzin', na cu kə ɗaw rin mi, zə Ba man kəta' kə rini. 33Na in dan rum daŋ' ne ni kədan hi də ke kə heɓ wə du ɓa nji kə rini. Hi də ce boni wa nya, ama i kaw vunduk, na ŋgô nya si!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Le Nouveau Testament et Psaumes en Peve © Alliance Biblique du Tchad, 2014.