Zaŋ 17
17
Zezu in dan kə Ifray zə sum ta zə rumu
1Kəki məni Zezu in dan rum ndəna', mum tle i ta wafray ɓay ini: «Bəba, ri rum mbə si, a ne mbra' ne kə Vay wû, kədan Vay nə wû ne mbra' ta'a. 2Zə ha ne gbəgboŋ ne num wa sôwâ daŋ', kədan mum ne nyî mə də hâ kə sôwâ daŋ' məni ha ne nday ne numu. 3Zə nyî mə də hâ nə kə məni handay wû we, ha Ifray mə kəzin' ɗaw sar, ɓay we Zezu Kris məni ha sini. 4Na ta' mbra' wû wa nya si, ɓay na ndo' sin məni ha ne nan kədan na gi nə si. 5Zə rum, Bəba, a ne mbra' məni na ke kə ndi cop kəri məni nya cu gi məto' ne nan wə kor ru mgbaŋ ni na.
6Na ta' nu ne kə sôwâ məni ha da' nday du sôwâ nya ne nana. Handay mə ha, ha ne nday ne nan, ɓay handay ta zə dan wû. 7Mgbaŋ ni nə, handay we i kwa daŋ' məni ha ne nan car mbə hay' ru, 8zə na ta' dan məni ha ne nan ne nday, ɓay handay ve dan rumu. Handay we kəzin' i na car mbə hay' ru, ɓay handay ve i ha sin nana. 9Na wə wû o zə ndaya. Na cu wə wû o zə sôwâ nya mi, ama na wə wû o zə sôwâ məni ha ne nday ne nana: Handay mə ha. 10Kwa daŋ' məni na kə ndi nə mə ha, ɓay kwa daŋ' məni ha kə ndi nə mə na, ɓay sôwâ də we mbra' man wə du ndaya.» 11Na cu du sôwâ nya za' mi, zə na wə də hay' ru, ama handay wə du sôwâ nya ɓo. Bəba mə kəleŋ, a ji nday zə mbra' semɗe ru, semɗe məni ha ne nan, kədan handay ke ɗaw ce' ndə ha kə na, namba ɗawa. 12Kəri məni na ke kə nday, na ji nday zə mbra' semɗe ru, semɗe məni ha ne nana. Na ji nday, ɓay swə ɗaw du nday cu vi' mi, say swə məni vi' tu rum kədan dan məni wây' wə du Ɗerwa Ifray nə nyen mbi#Nye 41.9; Zaŋ 13.18. 13Ama mgbaŋ ni nə, na wə də hay' ru, ɓay na in dan ndəna' kəri məni na wə du sôwâ nya ɓo kədan handay ke kə kəɗam man mə kəzin' du ndaya. 14Na ta' dan wû ne nday, ɓay sôwâ nya sî nday, zə handay cu mə nya mi, ce' ndə na ta' na cu mə nya mi. 15Na cu wû o kədan a ra' nday mbə du sôwâ nya mi, ama kədan a ji nday hay' Satan. 16Handay cu mə nya mi, ce' ndə na ta', na cu mə nya mi. 17A gi nday faŋ sôwâ wû mə kəleŋe. Dan wû nə dan mə kəzini: 18Na sin nday wə du sôwâ nya, ce' ndə məni ha sin nan wə du sôwâ nya. 19Na ar tu rin daŋ' ne nu zə nday, kədan handay ta', handay faŋ sôwâ wû mə kəleŋe.
20«Na cu wə wû o zə nday taw mi, ama na wə wû o zə sôwâ məni wə də man ve zə dan ka' ndaya: 21Na wə wû o zə nday kədan handay daŋ' faŋ ɗawa. Bəba, say handay ɓa nji kə mba, ce' ndə ha wə du rin, ɓay na wə du ru, say handay faŋ ɗaw kədan sôwâ nya ve i ha sin nana. 22Na ne mbra' məni ha ne nan nə ne nday, kədan handay faŋ ɗaw ce' ndə ha kə na, namba ɗawa, 23na wə du nday, ɓay ha wə du rin, kədan handay faŋ ɗaw kəzin', ɓay kə vari rum sôwâ nya we i ha sin nan, ɓay ha wə nday bə ce' ndə məni ha wə man ba. 24Bəba, ha ne nday ne nan, ɓay na wə wa' i handay ke kə rin wə ri məni na də ke han, kədan handay we mbra' məni ha ne nan, zə ha bə nan cop kəri məni nya cu gi məto'o. 25Bəba mə njeŋ, sôwâ nya cu we nu mi, ama mə na, na we nu si, ɓay sôwâ məni kuni we i ha sin nana. 26Na ta' nu ne nday si, ɓay na də kofo kə wû ta' nday ne kərem, kədan bə məni ha kə ndi zə rin nə də ke du nday, ɓay kədan na kə tu rin də ke du nday ta'a.»
Currently Selected:
Zaŋ 17: KMN
Highlight
Share
Copy
Want to have your highlights saved across all your devices? Sign up or sign in
Le Nouveau Testament et Psaumes en Peve © Alliance Biblique du Tchad, 2014.
Zaŋ 17
17
Zezu in dan kə Ifray zə sum ta zə rumu
1Kəki məni Zezu in dan rum ndəna', mum tle i ta wafray ɓay ini: «Bəba, ri rum mbə si, a ne mbra' ne kə Vay wû, kədan Vay nə wû ne mbra' ta'a. 2Zə ha ne gbəgboŋ ne num wa sôwâ daŋ', kədan mum ne nyî mə də hâ kə sôwâ daŋ' məni ha ne nday ne numu. 3Zə nyî mə də hâ nə kə məni handay wû we, ha Ifray mə kəzin' ɗaw sar, ɓay we Zezu Kris məni ha sini. 4Na ta' mbra' wû wa nya si, ɓay na ndo' sin məni ha ne nan kədan na gi nə si. 5Zə rum, Bəba, a ne mbra' məni na ke kə ndi cop kəri məni nya cu gi məto' ne nan wə kor ru mgbaŋ ni na.
6Na ta' nu ne kə sôwâ məni ha da' nday du sôwâ nya ne nana. Handay mə ha, ha ne nday ne nan, ɓay handay ta zə dan wû. 7Mgbaŋ ni nə, handay we i kwa daŋ' məni ha ne nan car mbə hay' ru, 8zə na ta' dan məni ha ne nan ne nday, ɓay handay ve dan rumu. Handay we kəzin' i na car mbə hay' ru, ɓay handay ve i ha sin nana. 9Na wə wû o zə ndaya. Na cu wə wû o zə sôwâ nya mi, ama na wə wû o zə sôwâ məni ha ne nday ne nana: Handay mə ha. 10Kwa daŋ' məni na kə ndi nə mə ha, ɓay kwa daŋ' məni ha kə ndi nə mə na, ɓay sôwâ də we mbra' man wə du ndaya.» 11Na cu du sôwâ nya za' mi, zə na wə də hay' ru, ama handay wə du sôwâ nya ɓo. Bəba mə kəleŋ, a ji nday zə mbra' semɗe ru, semɗe məni ha ne nan, kədan handay ke ɗaw ce' ndə ha kə na, namba ɗawa. 12Kəri məni na ke kə nday, na ji nday zə mbra' semɗe ru, semɗe məni ha ne nana. Na ji nday, ɓay swə ɗaw du nday cu vi' mi, say swə məni vi' tu rum kədan dan məni wây' wə du Ɗerwa Ifray nə nyen mbi#Nye 41.9; Zaŋ 13.18. 13Ama mgbaŋ ni nə, na wə də hay' ru, ɓay na in dan ndəna' kəri məni na wə du sôwâ nya ɓo kədan handay ke kə kəɗam man mə kəzin' du ndaya. 14Na ta' dan wû ne nday, ɓay sôwâ nya sî nday, zə handay cu mə nya mi, ce' ndə na ta' na cu mə nya mi. 15Na cu wû o kədan a ra' nday mbə du sôwâ nya mi, ama kədan a ji nday hay' Satan. 16Handay cu mə nya mi, ce' ndə na ta', na cu mə nya mi. 17A gi nday faŋ sôwâ wû mə kəleŋe. Dan wû nə dan mə kəzini: 18Na sin nday wə du sôwâ nya, ce' ndə məni ha sin nan wə du sôwâ nya. 19Na ar tu rin daŋ' ne nu zə nday, kədan handay ta', handay faŋ sôwâ wû mə kəleŋe.
20«Na cu wə wû o zə nday taw mi, ama na wə wû o zə sôwâ məni wə də man ve zə dan ka' ndaya: 21Na wə wû o zə nday kədan handay daŋ' faŋ ɗawa. Bəba, say handay ɓa nji kə mba, ce' ndə ha wə du rin, ɓay na wə du ru, say handay faŋ ɗaw kədan sôwâ nya ve i ha sin nana. 22Na ne mbra' məni ha ne nan nə ne nday, kədan handay faŋ ɗaw ce' ndə ha kə na, namba ɗawa, 23na wə du nday, ɓay ha wə du rin, kədan handay faŋ ɗaw kəzin', ɓay kə vari rum sôwâ nya we i ha sin nan, ɓay ha wə nday bə ce' ndə məni ha wə man ba. 24Bəba, ha ne nday ne nan, ɓay na wə wa' i handay ke kə rin wə ri məni na də ke han, kədan handay we mbra' məni ha ne nan, zə ha bə nan cop kəri məni nya cu gi məto'o. 25Bəba mə njeŋ, sôwâ nya cu we nu mi, ama mə na, na we nu si, ɓay sôwâ məni kuni we i ha sin nana. 26Na ta' nu ne nday si, ɓay na də kofo kə wû ta' nday ne kərem, kədan bə məni ha kə ndi zə rin nə də ke du nday, ɓay kədan na kə tu rin də ke du nday ta'a.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Le Nouveau Testament et Psaumes en Peve © Alliance Biblique du Tchad, 2014.