Lukə 13
13
I faŋ vunduk ri! La' cu mi si, hi də mara
1Kəri rum, sôwâ məsin mbə hay' Zezu. Handay in dan məni i Pilatə ci sôwâ mə nya Galile kəri məni handay wə po' fur kor Ifray nə ne numu. 2Zezu ɗam vun ndaya: «Hi ɗik i sôwâ mə nya Galile məni kuni fe mar zə handay gi kwa mə bro' pâ sôwâ məsin daŋ' mə nya rum su? 3Cu mi, na in mi ne, ama hi la' cu faŋ vunduk ri mi si, hi daŋ' də mar ce' ndə handaya. 4Ɓay ɓa' si, sôwâ guɓ wa coho' fe mar kəri məni so mə ɗam mbuɗ kədan ji ri məni wə so Silowe nde kaw nday, hi ɗik i handay fe mar zə handay gi kwa mə bro' pâ sôwâ məsin daŋ' məni suk wə so Jeruzalem su? 5Cu mi, na in mi ne, ama hi la' cu faŋ vunduk ri mi si, hi daŋ' də mar ce' ndə handaya.»
Dan mə gəgan wa gu tərum mə dan vra'a
6Kəki rum, Zezu in dan mə gəgan məni nə ne ndaya: «Swə məsin pe gu tərum wə sine gu umu. Mum ta han kədan mum keɓ vra' rum, ama mum cu za' mi. 7Zə rum, mum la' ne kə bə ji sine: "A kar ri', wə du kim hinji' na wə keɓ vra' rum, ama na cu za' mi. A tum si. A ar sə kədan tə tle gbəgboŋ nya uray mi." 8Ama bə ji sine nə ɗam vun rumu: "Bârî, a ar sə suk kim ɗaw kərem, na də dla zra gan zu sə, ɓay na də njay soɗ kwa wə hana. 9Ndəna', ke məsin ta də vra' siwti su na. La' cu mi si, a də tum ɓo ye."»
Zezu car ma mə kə gaɓ dəduŋ kə fəta pemây sôwâ Zuwif
10Kə fəta pemây sôwâ Zuwif, Zezu wə ta' kwa wə rawti so Ifray sôwâ Zuwif. 11Ma məsin kəta' wə han kə gaɓ dəduŋ məni simbeɗ bro' sə gi. Ta gi kim guɓ wa coho' kə gaɓ rum, ɓay ta cu gak car dat mi. 12Kəri məni Zezu we ma rə, mum ɗe sə ɓay la' ne sa: «Mə jwə, gaɓ maŋ ndo' si!» 13Mum njay ɓa rum ta wa sə, ɓay kəkor sar, ta car dat ɓay təŋ kə gi mbra' ne kə Ifraya. 14Ama toŋ ji so Ifray sôwâ Zuwif tle bak zə Zezu car ma rə kə fəta pemây sôwâ Zuwif, zə rum, mum in ne kə raw sôwâ məni gay' wə hana: «Bəka kanki' kəta' məni hi gak gi sin kə ndi. I mbə keɓ car gaɓ mi du bəka rum, ama i mbə kə fəta pemây sôwâ Zuwif mi#Psi 20.9-10; Ddd 5.13-14.» 15Bârî ɗam vun rumu: «Hi sum vur vur, hi cu ulay' naw mi ko kor mi kədan hi də nday jew wa vok ko ne mbi nday ne ce kə fəta pemây sôwâ Zuwif mi su? 16Ɓay ma mə ti ra, ta vay rawti Abraham, məti Satan jew sə gi kim guɓ wa coho', na cu gak sə ulay' kə fəta pemây sôwâ Zuwif mi su?» 17Dan ɗam Zezu gi zur kə sum sî um daŋ', ɓay raw sôwâ məni gay' wə han tuk kəɗam zə sin mə ɓay daŋ' məni mum gi.
Dan mə gəgan wa i mafo'o
(Mat 13.31-32; Mak 4.30-32)
18Zezu ini: «Jwə Ifray nə ra' nji kə mi su? Na gak kənji' vari rum kə mi su? 19Vari rum ra' nji kə i mafo' məni swə tle ɓay jo' du sine umu. I rum ci ɓay jeŋ faŋ ya gu mə toŋ, ɓay rugwa mə wafray mbə ɗam so nday wə ɓa sa.»
Dan mə gəgan wa dlumu
(Mat 13.33)
20Zezu faŋ in kəreme: «Na gak kənji' vari məni Ifray wə də suk jwə wa sôwâ um kə mi su? 21Vari rum ra' nji kə dlum məni ma tle ɓay tlum fut mə kə kwa kənji' kwa hinji' hâ fut rum daŋ' hulumu.»
Vun vari mə kî
(Mat 7.13-14,21-23)
22Kəri məni Zezu wə də so Jeruzalem, mum pâ wə so mə rôwâ kə so mə ɗəre', ɓay mum wə ta' kwa wə hana. 23Swə məsin ci vun rumu: «Bârî, sôwâ cep mba' də ke kə nyî mə də hâ su?» Zezu ɗam vun ndaya: 24«I gi tu ri kə gbəgboŋ kədan i ze vun vari mə kî, zə na in mi ne: Sôwâ juk də keɓ kədan handay cok də han, ama handay cu gak mi.»
25«Kəri məni bə so wə də car ta' vun vari, hi də za' tu ri wə rəka, hi də tu' vun vari ɓay də ɗe: "Bârî, a ar vun vari ne mba", mum də ɗam vun ri: "Na cu we ri məni hi car mbə han nə mi", 26hi də təŋ kə um la' ne: "Namba ti kwati ɓay ce kwace kə ru, ha ta' kwa ne mba wə vari so mba ta'a." 27Mum də mi in kəreme: "Na cu we ri məni hi car mbə han nə mi. I 'ya hay' rin seŋ, hi sôwâ məni wə gi kwa mə bro'o#Nye 6.9!"» 28Wə han hi də ci' ɓay cwə se' kəri məni hi we Abraham, Isak, Yakub kə sum ka' dan daŋ' wə ri məni Ifray suk jwə wa nday, ama hi də za' tu ri rəka. 29Sôwâ də car ga' fəta bəka kə ga' fəta riya, ɓay ga' wa kə ga' zu, ɓay handay də gay' vun tablə wə ri məni Ifray wə də suk jwə wa ndaya. 30«Wə ri rum, sôwâ məni vun kofo tam, handay də faŋ sôwâ mə kəki, ɓay sôwâ məni sôwâ mə kəki tam, handay də faŋ sôwâ mə vun kofo#Mat 19.30; 20.16; Mak 10.31.»
Zezu ɗik dan wa sôwâ so Jeruzalem
(Mat 23.37-39)
31Kəri rum, sôwâ məsin mə du kul sôwâ Zuwif mə ɗe kə Farisiyen mbə hay' Zezu ɓay la' ne numu: «A 'ya ti də ri məsin, zə Herodə wə wa' kədan mum wû ci.» 32Zezu ɗam vun ndaya: «I də in ne kə gewre mə nay' na: Tam kə siw na wə 'way gam ɓay wə car gaɓ, ɓay wə du bəka hinji' rum na də ndo' sin mana. 33Ama say na də kofo kə vari man tam, siw kə səday', zə cu ɓay kədan bə ka' dan fe mar rəka so Jeruzalem mi.»
34«Jeruzalem, Jeruzalem, həŋ kə məni ci sum ka' dan ɓay ge sôwâ məsin məni Ifray sin nday wə hay' riŋ kə gway', sem ma dak na wə keɓ kədan na ɓawa sôwâ maŋ mbə hay' rin ce' ndə ya sinyek wə ɓawa daw sə zə lam tlaw sə su? Ama hi cu bə mi. 35I kar ri'i! Ifray də ar so mi. Na in mi ne, hi cu də man we za' mi, hâ day ri məni hi də in: Ifray nə kuswa' swə məni mbə kə semɗe Bârî#Nye 118.26; Jer 22.5!»
Currently Selected:
Lukə 13: KMN
Highlight
Share
Copy
Want to have your highlights saved across all your devices? Sign up or sign in
Le Nouveau Testament et Psaumes en Peve © Alliance Biblique du Tchad, 2014.
Lukə 13
13
I faŋ vunduk ri! La' cu mi si, hi də mara
1Kəri rum, sôwâ məsin mbə hay' Zezu. Handay in dan məni i Pilatə ci sôwâ mə nya Galile kəri məni handay wə po' fur kor Ifray nə ne numu. 2Zezu ɗam vun ndaya: «Hi ɗik i sôwâ mə nya Galile məni kuni fe mar zə handay gi kwa mə bro' pâ sôwâ məsin daŋ' mə nya rum su? 3Cu mi, na in mi ne, ama hi la' cu faŋ vunduk ri mi si, hi daŋ' də mar ce' ndə handaya. 4Ɓay ɓa' si, sôwâ guɓ wa coho' fe mar kəri məni so mə ɗam mbuɗ kədan ji ri məni wə so Silowe nde kaw nday, hi ɗik i handay fe mar zə handay gi kwa mə bro' pâ sôwâ məsin daŋ' məni suk wə so Jeruzalem su? 5Cu mi, na in mi ne, ama hi la' cu faŋ vunduk ri mi si, hi daŋ' də mar ce' ndə handaya.»
Dan mə gəgan wa gu tərum mə dan vra'a
6Kəki rum, Zezu in dan mə gəgan məni nə ne ndaya: «Swə məsin pe gu tərum wə sine gu umu. Mum ta han kədan mum keɓ vra' rum, ama mum cu za' mi. 7Zə rum, mum la' ne kə bə ji sine: "A kar ri', wə du kim hinji' na wə keɓ vra' rum, ama na cu za' mi. A tum si. A ar sə kədan tə tle gbəgboŋ nya uray mi." 8Ama bə ji sine nə ɗam vun rumu: "Bârî, a ar sə suk kim ɗaw kərem, na də dla zra gan zu sə, ɓay na də njay soɗ kwa wə hana. 9Ndəna', ke məsin ta də vra' siwti su na. La' cu mi si, a də tum ɓo ye."»
Zezu car ma mə kə gaɓ dəduŋ kə fəta pemây sôwâ Zuwif
10Kə fəta pemây sôwâ Zuwif, Zezu wə ta' kwa wə rawti so Ifray sôwâ Zuwif. 11Ma məsin kəta' wə han kə gaɓ dəduŋ məni simbeɗ bro' sə gi. Ta gi kim guɓ wa coho' kə gaɓ rum, ɓay ta cu gak car dat mi. 12Kəri məni Zezu we ma rə, mum ɗe sə ɓay la' ne sa: «Mə jwə, gaɓ maŋ ndo' si!» 13Mum njay ɓa rum ta wa sə, ɓay kəkor sar, ta car dat ɓay təŋ kə gi mbra' ne kə Ifraya. 14Ama toŋ ji so Ifray sôwâ Zuwif tle bak zə Zezu car ma rə kə fəta pemây sôwâ Zuwif, zə rum, mum in ne kə raw sôwâ məni gay' wə hana: «Bəka kanki' kəta' məni hi gak gi sin kə ndi. I mbə keɓ car gaɓ mi du bəka rum, ama i mbə kə fəta pemây sôwâ Zuwif mi#Psi 20.9-10; Ddd 5.13-14.» 15Bârî ɗam vun rumu: «Hi sum vur vur, hi cu ulay' naw mi ko kor mi kədan hi də nday jew wa vok ko ne mbi nday ne ce kə fəta pemây sôwâ Zuwif mi su? 16Ɓay ma mə ti ra, ta vay rawti Abraham, məti Satan jew sə gi kim guɓ wa coho', na cu gak sə ulay' kə fəta pemây sôwâ Zuwif mi su?» 17Dan ɗam Zezu gi zur kə sum sî um daŋ', ɓay raw sôwâ məni gay' wə han tuk kəɗam zə sin mə ɓay daŋ' məni mum gi.
Dan mə gəgan wa i mafo'o
(Mat 13.31-32; Mak 4.30-32)
18Zezu ini: «Jwə Ifray nə ra' nji kə mi su? Na gak kənji' vari rum kə mi su? 19Vari rum ra' nji kə i mafo' məni swə tle ɓay jo' du sine umu. I rum ci ɓay jeŋ faŋ ya gu mə toŋ, ɓay rugwa mə wafray mbə ɗam so nday wə ɓa sa.»
Dan mə gəgan wa dlumu
(Mat 13.33)
20Zezu faŋ in kəreme: «Na gak kənji' vari məni Ifray wə də suk jwə wa sôwâ um kə mi su? 21Vari rum ra' nji kə dlum məni ma tle ɓay tlum fut mə kə kwa kənji' kwa hinji' hâ fut rum daŋ' hulumu.»
Vun vari mə kî
(Mat 7.13-14,21-23)
22Kəri məni Zezu wə də so Jeruzalem, mum pâ wə so mə rôwâ kə so mə ɗəre', ɓay mum wə ta' kwa wə hana. 23Swə məsin ci vun rumu: «Bârî, sôwâ cep mba' də ke kə nyî mə də hâ su?» Zezu ɗam vun ndaya: 24«I gi tu ri kə gbəgboŋ kədan i ze vun vari mə kî, zə na in mi ne: Sôwâ juk də keɓ kədan handay cok də han, ama handay cu gak mi.»
25«Kəri məni bə so wə də car ta' vun vari, hi də za' tu ri wə rəka, hi də tu' vun vari ɓay də ɗe: "Bârî, a ar vun vari ne mba", mum də ɗam vun ri: "Na cu we ri məni hi car mbə han nə mi", 26hi də təŋ kə um la' ne: "Namba ti kwati ɓay ce kwace kə ru, ha ta' kwa ne mba wə vari so mba ta'a." 27Mum də mi in kəreme: "Na cu we ri məni hi car mbə han nə mi. I 'ya hay' rin seŋ, hi sôwâ məni wə gi kwa mə bro'o#Nye 6.9!"» 28Wə han hi də ci' ɓay cwə se' kəri məni hi we Abraham, Isak, Yakub kə sum ka' dan daŋ' wə ri məni Ifray suk jwə wa nday, ama hi də za' tu ri rəka. 29Sôwâ də car ga' fəta bəka kə ga' fəta riya, ɓay ga' wa kə ga' zu, ɓay handay də gay' vun tablə wə ri məni Ifray wə də suk jwə wa ndaya. 30«Wə ri rum, sôwâ məni vun kofo tam, handay də faŋ sôwâ mə kəki, ɓay sôwâ məni sôwâ mə kəki tam, handay də faŋ sôwâ mə vun kofo#Mat 19.30; 20.16; Mak 10.31.»
Zezu ɗik dan wa sôwâ so Jeruzalem
(Mat 23.37-39)
31Kəri rum, sôwâ məsin mə du kul sôwâ Zuwif mə ɗe kə Farisiyen mbə hay' Zezu ɓay la' ne numu: «A 'ya ti də ri məsin, zə Herodə wə wa' kədan mum wû ci.» 32Zezu ɗam vun ndaya: «I də in ne kə gewre mə nay' na: Tam kə siw na wə 'way gam ɓay wə car gaɓ, ɓay wə du bəka hinji' rum na də ndo' sin mana. 33Ama say na də kofo kə vari man tam, siw kə səday', zə cu ɓay kədan bə ka' dan fe mar rəka so Jeruzalem mi.»
34«Jeruzalem, Jeruzalem, həŋ kə məni ci sum ka' dan ɓay ge sôwâ məsin məni Ifray sin nday wə hay' riŋ kə gway', sem ma dak na wə keɓ kədan na ɓawa sôwâ maŋ mbə hay' rin ce' ndə ya sinyek wə ɓawa daw sə zə lam tlaw sə su? Ama hi cu bə mi. 35I kar ri'i! Ifray də ar so mi. Na in mi ne, hi cu də man we za' mi, hâ day ri məni hi də in: Ifray nə kuswa' swə məni mbə kə semɗe Bârî#Nye 118.26; Jer 22.5!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Le Nouveau Testament et Psaumes en Peve © Alliance Biblique du Tchad, 2014.