Lukə 12
12
Zezu har sum ta zə rum wa dan vur vuru
(Mat 10.26-27)
1Kəri rum, sôwâ raw dle tu si ɓa mbə hay' Zezu hâ handay wə haɓ sem nji. Zezu la' ne kə sum ta zə rum copo: «I ji tu ri wə du dlum kul sôwâ Zuwif mə ɗe kə Farisiyen, ce' ndə məni ini: Dan vur vur ndaya#Mat 16.6; Mak 8.15. 2Kwa daŋ' məni pe' sôwâ də we, ɓay dan daŋ' məni 'yeŋ, sôwâ də munu. 3Zə rum, dan daŋ' məni hi in wə ri mə ura', sôwâ də mun dan rum wə ri mə ɓu, ɓay dan daŋ' məni hi in ne kə nji wə rawti so kə vun rəkway, dan rum də do wa dapa.»
Swə məni hi gak ne wəlok rumu
(Mat 10.28-31)
4Bây man kwa, na in mi ne: I ne wəlok sôwâ məni gak ci tu ri mi, ama kəki rum, handay cu gak gi kwa məsin za' mi mi. 5Na də mi ta' swə məni hi gak ne wəlok rumu: I ne wəlok Ifray məni mum ci swə, ɓay kəki rum, mum kə gbəgboŋ kədan mum ge bə rum də ri ku. Awo, na in mi ne, mum nə swə məni hi gak ne wəlok rumu.
6Sôwâ cu coɓ daw i ra' ghər vatl kə səlay hoɓ mi su? Ama Ifray cu ɗumwa nday, ko ɗaw mi. 7Ko sâ wa ri Ifray in si ɗaw ɗaw daŋ'ŋ. Zə rum, I ne wəlok mi zə hi kə mbra' pâ daw i ra' ghər si.
In dan wa Zezu Kris ko riway wa rumu
(Mat 10.32-33; 12.32; 10.19-20)
8Na in mi ne: Sa su daŋ' məni wə in kor sôwâ i mum mə na, Vay sumra' də in kor sum sin Ifray mə wafray i bə rum mə mum ta'a. 9Ama swə məni wə in kor sôwâ i mum cu we nan mi, Vay sumra' də in kor sum sin Ifray mə wafray i mum cu we bə rum məta'a.
10Ifray də vrum dan mə bro' məni swə wə ge wa Vay sumra', ama Ifray cu də vrum dan mə bro' məni swə wə ge wa Simbeɗ um mə Kəleŋ nə mi#Mat 12.32; Mak 3.29.
11«Kəri məni sôwâ də mi ra' də rawti so Ifray sôwâ Zuwif, ko kor sum rôwâ nya, ko kor sum jwə kədan handay ɓok dan wa ri, i ɗik dan wa dan məni hi wə də in kədan hi də siɗ tu ri kə ndi nə mi. 12Zə Simbeɗ mə Kəleŋ wə də ta' dan rum mi ne kəri rumu.»
Dan mə gəgan wa bə ndak mə laya
13Swə ɗaw wə du raw sôwâ la' ne kə Zezu: «Bə ta' kwa, a in ne kə njər rin kədan nə ɓul bayɗa məni ba mba ar ne mba nə kə rini.» 14Zezu ɗam vun rumu: «Bây man, sa nə cin nan bə ɓok dan ko bə gura kədan na ɓul bayɗa du ri su?» 15Kəki rum, Zezu la' ne kə sôwâ məni wə han daŋ'ŋ: «I mun ri'i! I kaw wa ri du səna' ndaka. Zə ko swə la' ndak juk si, ndak um cu gak um gi suk kə nyî mə də hâ mi.» 16Mum faŋ in dan mə gəgan məni nə ne ndaya: «Bə ndak kəta', sine um gi kwa kura ne num juku. 17Mum ɗik dan wə vunduk rumu: "Na cu kə ri juk kədan na də njay kwa wakaya man wə han mi." Na də gi ma su? 18Mum faŋ ini: "Na də gi ndə ni na: Na də haɓ zəna man kuni si, ɓay na də ɗam zəna mə rôwâ rum, ɓay na də njay vra' viŋə man daŋ' də han kə kwa mə ɓay man məsin daŋ' ta'a. 19Kəki rum, na də in ne kə tu rini: "Ha, ha bə kəcew, ha kə kwa juk məni nja' ɓay gak gi kim kə ru rawa. A pemây ye, a ti ye, a ce ye, ɓay a tuk kəɗam ye." 20Ama Ifray la' ne numu: "Ha lay, kə dukri mə tam ha də mara. La' ndəna' si, sa nə də suk kə kwa məni ha ɓa zə tu ru daŋ' nə su?"» 21Zezu faŋ in kəreme: «Ndəna' ta' kə bə ndak məni wə ɓawa ndak zə tu rum, ama bə rum bə ca kor Ifraya.»
I njay vunduk ri wa Ifraya
(Mat 6.25-34)
22Kəki rum, Zezu in ne kə sum ta zə rumu: «Zə rum, na in mi ne: I ɗik dan wa kwati məni hi kə mê' rum zə bəka nyî ri nə mi, ko wa mbraw məni hi kə mê' rum zə tu ri nə mi. 23Zə bəka nyî ri kə mbra' pâ kwati si, ɓay tu ri kə mbra' pâ mbraw si. 24I kar rugwa fun tayta ri'i: Handay cu jo' kwa ko ɓawa kwa wakaya mi, handay cu kə so njay kwa ko zəna mi. Ama Ifray wə nday uru. Ɓay hi kə mbra' pâ rugwa si. 25Sa du ri gak ge bəka um də han kî kə dan ɗik um nə su? 26Hi la' cu gak gi kwa mə kî mi si, zə mi hi wə ɗik dan wa kwa məni kuni su? 27I kar wəɗi kwa məni wə mbuɗ du za ri'i: Handay cu gi sin ko ci zim mi, ama na in mi ne: Ko Salomoŋ kə ndak um daŋ' cu ge mbraw mə ɓay pâ wəɗi kwa məni kuni ɗaw mi#1Sja 10.4-7; 2Izd 9.3-6 . 28Ifray wə ge mbraw ne kə za məni wə gop tam, ɓay siw sôwâ də ge ku rum, la' ndəna' si, mum cu də ge mbraw mi ne nday pâ mi su? Hi sôwâ məni ve nan kî! 29Zə rum, i ɗik dan kə keɓ kwati kə kwace bəka daŋ' mi, i cik tu ri mi. 30Sôwâ nya məni cu we Kris mi wə keɓ kwa məni kuni bəka daŋ', ama Ba mi we kwa məni hi kə mê' rum nə si. 31Zawa, i ɗik dan wa ri məni Ifray wə də suk jwə wa ri nə cop, ɓay Ifray də mi ne kam kwa məni kuna.»
I ɓawa ndak mi də wafraya
(Mat 6.19-21)
32«I ne wəlok mi, kul mə kî məni wə mun vun, zə Ba mi wə mi ne vari kədan hi suk wə jwə umu. 33I coɓ kwa mə ɓa ri də rəka, ɓay i ne səlay rum ne kə sum ca. I keɓ mbu səlay məni cu gak ɗənok mi. I ɓawa ndak mi də wafray, ri məni ndak rum cu ndo' kpe mi. Wə ri rum hura cu gak cok də han kpe mi, ɓay kwa far kwa cu gak ti ndak rum kpe məta'a. 34Zə wə ri məni hi ɓawa ndak mi wə han, vunduk ri wə han ta'a.»
Sum sin məni wə ji gewa bə so
35«I baŋ tu ri, ɓay i ge ku də baŋgay mi. 36I ke ce' ndə sum sin məni wə ji bârî nday məni car mbə ri cer dər gewa mbə so umu. Handay wə ji kədan handay də ar vun vari um ne kəri məni mum də mbə ɓay tu' vun vari rumu. 37Kəɗam zə sum sin məni bârî nday za' nday wə um ji kəri məni mum mbə daya. Na in mi ne kəzin', mum də baŋ tu rum, mum də nday gi gay' vun tablə kədan handay ti kwati, ɓay mum də car kədan gi zə ndaya. 38Mum la' gewa mbə bây hoɓ ko bây hinji' rum kə du dukri ko kəri mə ka su daŋ' si, mum nday za' handay wə um ji, kəɗam ze ndaya!» 39«I mun ri'i: Bə so la' weri məni hura wə mbə kədan mum ze so um si, mum cu də um ar ze də so um mi. 40Ɓay hi ta', i ke həre', zə Vay sumra' wə də mbə kəri məni hi cu ɗik mi.»
Bə sin mə njeŋ ɓay bə sin mə vur vuru
(Mat 24.45-51)
41Piyer ini: «Bârî, ha in dan mə gəgan rum zə mba taw su, ko zə sôwâ daŋ' su?» 42Bârî ɗama: Sa nə bə sin mə njeŋ kə gwet nə su? Mum nə swə məni bârî um də ne gbəgboŋ wa sum sin um kədan mum ne kwati nday ne kəri kwati rumu. 43Kəɗam zə bə sin məni bârî um də um za' wə gi sin kəri məni mum gewa mbə so umu! 44Na in mi ne kəzin', Bârî nə də ar kwa um daŋ' də ɓa bə sin na. 45Ama bə sin la' ɗik wə vunduk rumu: "Bârî man cu də mbə ga'ri mi" ɓay mum təŋ kə pum sum sin mə njiwkwa kə mə rawkwa məsin, ɓay mum təŋ kə ti kwati kə ce kwace hâ mum faŋ gal kə ndi si, 46ɓay bârî um də gewa mbə kə bəka məni bə sin nə cu um ji mi, ko kəri məni mum cu we mbə um mi, bârî nə də um ci, ɓay mum də ce boni wanji kə sum vur vuru.
47«Bə sin məni we kwa məni bârî um wə wa', ama mum cu tle fur gi kwa rum mi, mum də fe pe juku. 48Ama bə sin məni cu we kwa məni bârî um wə wa' nə mi, ɓay mum gi kwa məni kəri fe pe, mum də fe pe kî. Swə məni swə ne kwa juk ne num, swə nə də ci vun kwa juk ɓa rum ta'a. Swə məni swə ar kwa juk wə ɓa rum, swə nə də ci vun kwa məni pâ kwa mə ɓa rumu.»
Dan Zezu wə ɓul sôwâ
(Mat 10.34-36)
49«Na mbə kədan na ge ku wə nya, ɓay na wə wa' i ku rum nə ye'e! 50Baptem kəta' məni na wə də ve, ɓay na wə du dan ɗik hâ ka kwa rum gi ndo' si! 51Hi ɗik i na mbə kədan na ne heɓ wa nya su? Cu mi, na in mi ne, ama ɓul nji na. 52Daka mgbaŋ ni nə, sôwâ vatl wə cava mə ɗaw, də ɓul nji: Sôwâ hinji' də car wa kə sôwâ hoɓ, ɓay sôwâ hoɓ də car wa kə sôwâ hinji'i. 53Ba vay də car wa kə vay um, ɓay vay də car wa kə ba um, ya vay də car wa kə vay sə, ɓay vay də car kə wa kə ya sə, inja də car wa kə mok vay sə, ɓay mok vay də car wa kə inja sa#Mise 7.6.»
I we kwa mə ta' ri cem cem ri'i
(Mat 16.2-3)
54Zezu faŋ in ne kə raw sôwâ kəreme: «Kəri məni hi we dləmbur car ga' fəta riya, hi in ga'ri: "buŋô wa' də se", ndəna' buŋô wə se. 55Ɓay kəri məni hi we simbeɗ car mbə ga' zu wə sa', hi ini: "Ri wə də ɗuk ɓayrum", ɓay ri wə ɗuku. 56Hi sum vur vur, hi gak we ɓul mbok kwa ta' kwa mə nya kə kwa ta' kwa mə wafray, zə mi hi cu gak we kwa ta' kwa mə bəka mə tam nə mi su?»
A gila' dan wû kə bə sî wû
(Mat 5.25-26)
57«Zə mi hi kə tu ri cu gak kənji' kwa mə njeŋ kədan hi gi mi su? 58Swə la' tum sem ru ɓay mum də kor bə ɓok dan kə ru si, a keɓ vari gila' dan wû kə rum kə ri məni hi wə vari ɓo, la' cu mi si, mum də wû ar də ɓa bə ɓok dan, ɓay bə ɓok dan nə də wû ar də ɓa soje, ɓay soje nə də wû ge də so daŋgay'i. 59Na in wû ne: Ha cu də pâ mbə han mi hâ ha po' bal məni wə wa ru nə si cete!»
Currently Selected:
Lukə 12: KMN
Highlight
Share
Copy
Want to have your highlights saved across all your devices? Sign up or sign in
Le Nouveau Testament et Psaumes en Peve © Alliance Biblique du Tchad, 2014.
Lukə 12
12
Zezu har sum ta zə rum wa dan vur vuru
(Mat 10.26-27)
1Kəri rum, sôwâ raw dle tu si ɓa mbə hay' Zezu hâ handay wə haɓ sem nji. Zezu la' ne kə sum ta zə rum copo: «I ji tu ri wə du dlum kul sôwâ Zuwif mə ɗe kə Farisiyen, ce' ndə məni ini: Dan vur vur ndaya#Mat 16.6; Mak 8.15. 2Kwa daŋ' məni pe' sôwâ də we, ɓay dan daŋ' məni 'yeŋ, sôwâ də munu. 3Zə rum, dan daŋ' məni hi in wə ri mə ura', sôwâ də mun dan rum wə ri mə ɓu, ɓay dan daŋ' məni hi in ne kə nji wə rawti so kə vun rəkway, dan rum də do wa dapa.»
Swə məni hi gak ne wəlok rumu
(Mat 10.28-31)
4Bây man kwa, na in mi ne: I ne wəlok sôwâ məni gak ci tu ri mi, ama kəki rum, handay cu gak gi kwa məsin za' mi mi. 5Na də mi ta' swə məni hi gak ne wəlok rumu: I ne wəlok Ifray məni mum ci swə, ɓay kəki rum, mum kə gbəgboŋ kədan mum ge bə rum də ri ku. Awo, na in mi ne, mum nə swə məni hi gak ne wəlok rumu.
6Sôwâ cu coɓ daw i ra' ghər vatl kə səlay hoɓ mi su? Ama Ifray cu ɗumwa nday, ko ɗaw mi. 7Ko sâ wa ri Ifray in si ɗaw ɗaw daŋ'ŋ. Zə rum, I ne wəlok mi zə hi kə mbra' pâ daw i ra' ghər si.
In dan wa Zezu Kris ko riway wa rumu
(Mat 10.32-33; 12.32; 10.19-20)
8Na in mi ne: Sa su daŋ' məni wə in kor sôwâ i mum mə na, Vay sumra' də in kor sum sin Ifray mə wafray i bə rum mə mum ta'a. 9Ama swə məni wə in kor sôwâ i mum cu we nan mi, Vay sumra' də in kor sum sin Ifray mə wafray i mum cu we bə rum məta'a.
10Ifray də vrum dan mə bro' məni swə wə ge wa Vay sumra', ama Ifray cu də vrum dan mə bro' məni swə wə ge wa Simbeɗ um mə Kəleŋ nə mi#Mat 12.32; Mak 3.29.
11«Kəri məni sôwâ də mi ra' də rawti so Ifray sôwâ Zuwif, ko kor sum rôwâ nya, ko kor sum jwə kədan handay ɓok dan wa ri, i ɗik dan wa dan məni hi wə də in kədan hi də siɗ tu ri kə ndi nə mi. 12Zə Simbeɗ mə Kəleŋ wə də ta' dan rum mi ne kəri rumu.»
Dan mə gəgan wa bə ndak mə laya
13Swə ɗaw wə du raw sôwâ la' ne kə Zezu: «Bə ta' kwa, a in ne kə njər rin kədan nə ɓul bayɗa məni ba mba ar ne mba nə kə rini.» 14Zezu ɗam vun rumu: «Bây man, sa nə cin nan bə ɓok dan ko bə gura kədan na ɓul bayɗa du ri su?» 15Kəki rum, Zezu la' ne kə sôwâ məni wə han daŋ'ŋ: «I mun ri'i! I kaw wa ri du səna' ndaka. Zə ko swə la' ndak juk si, ndak um cu gak um gi suk kə nyî mə də hâ mi.» 16Mum faŋ in dan mə gəgan məni nə ne ndaya: «Bə ndak kəta', sine um gi kwa kura ne num juku. 17Mum ɗik dan wə vunduk rumu: "Na cu kə ri juk kədan na də njay kwa wakaya man wə han mi." Na də gi ma su? 18Mum faŋ ini: "Na də gi ndə ni na: Na də haɓ zəna man kuni si, ɓay na də ɗam zəna mə rôwâ rum, ɓay na də njay vra' viŋə man daŋ' də han kə kwa mə ɓay man məsin daŋ' ta'a. 19Kəki rum, na də in ne kə tu rini: "Ha, ha bə kəcew, ha kə kwa juk məni nja' ɓay gak gi kim kə ru rawa. A pemây ye, a ti ye, a ce ye, ɓay a tuk kəɗam ye." 20Ama Ifray la' ne numu: "Ha lay, kə dukri mə tam ha də mara. La' ndəna' si, sa nə də suk kə kwa məni ha ɓa zə tu ru daŋ' nə su?"» 21Zezu faŋ in kəreme: «Ndəna' ta' kə bə ndak məni wə ɓawa ndak zə tu rum, ama bə rum bə ca kor Ifraya.»
I njay vunduk ri wa Ifraya
(Mat 6.25-34)
22Kəki rum, Zezu in ne kə sum ta zə rumu: «Zə rum, na in mi ne: I ɗik dan wa kwati məni hi kə mê' rum zə bəka nyî ri nə mi, ko wa mbraw məni hi kə mê' rum zə tu ri nə mi. 23Zə bəka nyî ri kə mbra' pâ kwati si, ɓay tu ri kə mbra' pâ mbraw si. 24I kar rugwa fun tayta ri'i: Handay cu jo' kwa ko ɓawa kwa wakaya mi, handay cu kə so njay kwa ko zəna mi. Ama Ifray wə nday uru. Ɓay hi kə mbra' pâ rugwa si. 25Sa du ri gak ge bəka um də han kî kə dan ɗik um nə su? 26Hi la' cu gak gi kwa mə kî mi si, zə mi hi wə ɗik dan wa kwa məni kuni su? 27I kar wəɗi kwa məni wə mbuɗ du za ri'i: Handay cu gi sin ko ci zim mi, ama na in mi ne: Ko Salomoŋ kə ndak um daŋ' cu ge mbraw mə ɓay pâ wəɗi kwa məni kuni ɗaw mi#1Sja 10.4-7; 2Izd 9.3-6 . 28Ifray wə ge mbraw ne kə za məni wə gop tam, ɓay siw sôwâ də ge ku rum, la' ndəna' si, mum cu də ge mbraw mi ne nday pâ mi su? Hi sôwâ məni ve nan kî! 29Zə rum, i ɗik dan kə keɓ kwati kə kwace bəka daŋ' mi, i cik tu ri mi. 30Sôwâ nya məni cu we Kris mi wə keɓ kwa məni kuni bəka daŋ', ama Ba mi we kwa məni hi kə mê' rum nə si. 31Zawa, i ɗik dan wa ri məni Ifray wə də suk jwə wa ri nə cop, ɓay Ifray də mi ne kam kwa məni kuna.»
I ɓawa ndak mi də wafraya
(Mat 6.19-21)
32«I ne wəlok mi, kul mə kî məni wə mun vun, zə Ba mi wə mi ne vari kədan hi suk wə jwə umu. 33I coɓ kwa mə ɓa ri də rəka, ɓay i ne səlay rum ne kə sum ca. I keɓ mbu səlay məni cu gak ɗənok mi. I ɓawa ndak mi də wafray, ri məni ndak rum cu ndo' kpe mi. Wə ri rum hura cu gak cok də han kpe mi, ɓay kwa far kwa cu gak ti ndak rum kpe məta'a. 34Zə wə ri məni hi ɓawa ndak mi wə han, vunduk ri wə han ta'a.»
Sum sin məni wə ji gewa bə so
35«I baŋ tu ri, ɓay i ge ku də baŋgay mi. 36I ke ce' ndə sum sin məni wə ji bârî nday məni car mbə ri cer dər gewa mbə so umu. Handay wə ji kədan handay də ar vun vari um ne kəri məni mum də mbə ɓay tu' vun vari rumu. 37Kəɗam zə sum sin məni bârî nday za' nday wə um ji kəri məni mum mbə daya. Na in mi ne kəzin', mum də baŋ tu rum, mum də nday gi gay' vun tablə kədan handay ti kwati, ɓay mum də car kədan gi zə ndaya. 38Mum la' gewa mbə bây hoɓ ko bây hinji' rum kə du dukri ko kəri mə ka su daŋ' si, mum nday za' handay wə um ji, kəɗam ze ndaya!» 39«I mun ri'i: Bə so la' weri məni hura wə mbə kədan mum ze so um si, mum cu də um ar ze də so um mi. 40Ɓay hi ta', i ke həre', zə Vay sumra' wə də mbə kəri məni hi cu ɗik mi.»
Bə sin mə njeŋ ɓay bə sin mə vur vuru
(Mat 24.45-51)
41Piyer ini: «Bârî, ha in dan mə gəgan rum zə mba taw su, ko zə sôwâ daŋ' su?» 42Bârî ɗama: Sa nə bə sin mə njeŋ kə gwet nə su? Mum nə swə məni bârî um də ne gbəgboŋ wa sum sin um kədan mum ne kwati nday ne kəri kwati rumu. 43Kəɗam zə bə sin məni bârî um də um za' wə gi sin kəri məni mum gewa mbə so umu! 44Na in mi ne kəzin', Bârî nə də ar kwa um daŋ' də ɓa bə sin na. 45Ama bə sin la' ɗik wə vunduk rumu: "Bârî man cu də mbə ga'ri mi" ɓay mum təŋ kə pum sum sin mə njiwkwa kə mə rawkwa məsin, ɓay mum təŋ kə ti kwati kə ce kwace hâ mum faŋ gal kə ndi si, 46ɓay bârî um də gewa mbə kə bəka məni bə sin nə cu um ji mi, ko kəri məni mum cu we mbə um mi, bârî nə də um ci, ɓay mum də ce boni wanji kə sum vur vuru.
47«Bə sin məni we kwa məni bârî um wə wa', ama mum cu tle fur gi kwa rum mi, mum də fe pe juku. 48Ama bə sin məni cu we kwa məni bârî um wə wa' nə mi, ɓay mum gi kwa məni kəri fe pe, mum də fe pe kî. Swə məni swə ne kwa juk ne num, swə nə də ci vun kwa juk ɓa rum ta'a. Swə məni swə ar kwa juk wə ɓa rum, swə nə də ci vun kwa məni pâ kwa mə ɓa rumu.»
Dan Zezu wə ɓul sôwâ
(Mat 10.34-36)
49«Na mbə kədan na ge ku wə nya, ɓay na wə wa' i ku rum nə ye'e! 50Baptem kəta' məni na wə də ve, ɓay na wə du dan ɗik hâ ka kwa rum gi ndo' si! 51Hi ɗik i na mbə kədan na ne heɓ wa nya su? Cu mi, na in mi ne, ama ɓul nji na. 52Daka mgbaŋ ni nə, sôwâ vatl wə cava mə ɗaw, də ɓul nji: Sôwâ hinji' də car wa kə sôwâ hoɓ, ɓay sôwâ hoɓ də car wa kə sôwâ hinji'i. 53Ba vay də car wa kə vay um, ɓay vay də car wa kə ba um, ya vay də car wa kə vay sə, ɓay vay də car kə wa kə ya sə, inja də car wa kə mok vay sə, ɓay mok vay də car wa kə inja sa#Mise 7.6.»
I we kwa mə ta' ri cem cem ri'i
(Mat 16.2-3)
54Zezu faŋ in ne kə raw sôwâ kəreme: «Kəri məni hi we dləmbur car ga' fəta riya, hi in ga'ri: "buŋô wa' də se", ndəna' buŋô wə se. 55Ɓay kəri məni hi we simbeɗ car mbə ga' zu wə sa', hi ini: "Ri wə də ɗuk ɓayrum", ɓay ri wə ɗuku. 56Hi sum vur vur, hi gak we ɓul mbok kwa ta' kwa mə nya kə kwa ta' kwa mə wafray, zə mi hi cu gak we kwa ta' kwa mə bəka mə tam nə mi su?»
A gila' dan wû kə bə sî wû
(Mat 5.25-26)
57«Zə mi hi kə tu ri cu gak kənji' kwa mə njeŋ kədan hi gi mi su? 58Swə la' tum sem ru ɓay mum də kor bə ɓok dan kə ru si, a keɓ vari gila' dan wû kə rum kə ri məni hi wə vari ɓo, la' cu mi si, mum də wû ar də ɓa bə ɓok dan, ɓay bə ɓok dan nə də wû ar də ɓa soje, ɓay soje nə də wû ge də so daŋgay'i. 59Na in wû ne: Ha cu də pâ mbə han mi hâ ha po' bal məni wə wa ru nə si cete!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Le Nouveau Testament et Psaumes en Peve © Alliance Biblique du Tchad, 2014.