Kwidika 12
12
Chipandakenu
1Yehova wahosheli naMosi naAroni mwituŋa daEjipitu,
2nindi, Kakweji aka kudenu kakekalaŋa kakweji kakusambila hatukweji twejima; kakekalaŋa kakweji kokakutachika nachu mwaka wenu.
3Hoshenu nachipompelu chawaIsarela chejima, nenu, Hefuku damwikumi dakakweji kanu amayala ejima akakwati iwu mwana kamukoku, iwu mwana kamukoku (hela mwana kampembi.), mwahita matala awatata jawu, mwana kamukoku hetala, mwana kamukoku hetala.
4Neyi akwetala dimu akakeha, kushikila mukudya mwana kamukoku nehi, mukwetala akabombi mwana kamukoku wumu namukwawu wukweti itala dadikuma nayena, akeseki mwakachindilawu antu; mwakeseki mwadiilaŋawu antu ejima kulonda mwakachindi mwakadiilawu mwana kamukoku.
5Mwana kamukoku wenu chiŋa akabula #Lev 22:18-20hatamayi, weyala wamwaka wakusambila; mwakamukwati hela hadi anyikoku hela hadi ampembi;
6mwakamuhembi ho-o, #Lev 23:5; Kuch 9:1-3, 11nimwifuku dekumi nakawana (14) dakakweji kokamu; antu ejima amuchipompelu chawaIsarela akamujahi namelela.
7Akanoni mashi, akasampwili kuyipamba yakuchisu yamumbadi yiyedi, nihachipamba chahewulu, kumatala kumwakamudiila.
8 #
34:25; Kuch 9:12; Kuhit 16:3-4 Mbiji akayidyi nawufuku wowenowu, yakutunjika kukesi, akayidyi #Kuhit 16:3namankendi akadi iluŋi; akayidyi #Kuch 9:11namafu alula nawa.
9Bayi mwakayidya yayisu, hela yakuteleka namenjuku, chiŋa yakutunjika kukesi hohu; nimutu windi, niyidi yindi, niyamwivumu dindi.
10Bayi mwakayishiyahu yakashika nikubudiduku, kwinza yakashalahu yakashika nikubudidi chiŋa mwakayochi mukesi bwi-i chikupu.
11Tiya mumwakamudiila; mwakadyi iku mwapimpila dehi mahinenu, mwavwala dehi nkwabilu kunyendu yenu, mwakwata dehi ninyitondu yenu kumakasa; mwakadyi chalufuchi hohu; hiChipandakenu chaYehova.
12Muloŋa ami nakahita mwituŋa daEjipitu wufuku wowenowu, #Kuch 33:4nakatapa anyana awedi ejima mwituŋa daEjipitu, niawantu, niawanyama; nakasompesha nakubabesha akishi ejima amuEjipitu; yami Yehova.
13Mashi akekali chinjikijilu chenu hamatalenu imwakekala; chinakamona mashi nakayipandakana, chinakababesha ituŋa daEjipitu, hadenu hihakekala chipupu chakuyijilumunaku.
14Ifuku denodu dakekali ifuku denu dakwanukisha nachu, mwakadihembaŋa nakudiilamu chawija chaYehova chamakiŋu ejima, akadihembi dakudiilamu chawija chachidika chahayanyaka.
15Mwakadyaŋa mankendi akadi iluŋi mafuku atanu nayedi; hefuku dakusambila mwakafumishi iluŋi mumatalenu; yowu muntu wakadya dinkendi dikweti iluŋi kufumisha hefuku dakusambila nakushikija kwifuku damuchitanu nachiyedi, yena muntu owu akamufumishi mudi aIsarela.
16Ifuku dakusambila dakekali ifuku denu dakupompa kwajila, nidamuchitanu nachiyedi dakekali dakupompa kwajila; hiyakakoŋela mwoku mudimu hela wanka hela wankahuku, enu kukoŋa mudimu chiŋa wakudya kwenu wejima wenu.
17Mwakanukaŋa chachiwahi ifuku dachawija chamankendi akadi iluŋi; muloŋa denodu ifuku didu nafumishili mazaza awantu enu ejima mwituŋa daEjipitu; dichi mwakaanukaŋa chachiwahi ifuku denodu kumakiŋu ejima, hichidika chahayanyaka.
18 # v2; Lev 23:5-8; Kuch 28:16-25 Hakakweji kakusambila, hefuku dakakweji dekumi nakawana (14) hamelela, mwakadyi mankendi akadi iluŋi, mwakayidyaŋa hohu nakushikija kwifuku dakakweji damakumi ayedi nakamu (21), hamelela.
19Mafuku atanu nayedi himwakamwekanaŋa iluŋi mumatalenuku; yenowu muntu wakadya yikweti iluŋi, akamufumishi muchipompelu chawaIsarela, hela himwenyi hela himukwakuvwalika mwituŋa.
20Bayi mwakadyahu chuma chikweti iluŋuku; mumatalenu ejima mwakadyaŋa mankendi akadi iluŋi hohu.
21Mosi watambikili akulumpi ejima awaIsarela, wayilili nindi, Yenu mwakakwati anyana kanyikoku mwomweseka yisaka yenu, mwakajahi mwana kamukoku #Heb 11:28waChipandakenu.
22Mwakanoni chiputa chamutuntamu, mwakachiŋiji mumashi adi mumbashila, mwakasampwili nihachipamba chahewulu dachisu, nikuyipamba yamumbadi yiyedi yachisu, namashi adi mumbashila; wejima wenu bayi mwakedika muchisu chetala denu nakwidika hanzuku, chiŋa kunachi dehi.
23Muloŋa Yehova wakahita mwituŋa nakutapa aEjipitu; chakamonayi mashi nihachipamba chahewulu, nihayipamba yamumbadi, Yehova wakawutama hachisu, hakamwiteja mukwakujilumuna kwiŋila mumatalenu ayitapuku.
24Chumichi mwakachihembaŋa chakekali chidika chenu nichawanyanenu hayanyaka.
25Chakela, chimwakashika kwituŋa dakayinkayi Yehova mwomwayikaniniyi, mwakeli mudimu weniwu.
26Chakela chakayihulawu anyanenu nawu, Indi chimukwila mudimu iwu munatwali mudihi?
27Enu kwenu mwakeli nenu, Tukuketula chimuna chaChipandakenu chaYehova, wawutaminini hamatala awanyana kaIsarela muEjipitu, hatapiliyi aEjipitu, hapulwishiliyi mataletu. Antu anoŋamini nyitu yawu, nakudifukula.
28Anyana kaIsarela ayili, elili mwomwenomu mwalejeliyi Yehova aMosi naAroni, mwomweliluwu.
29Chelili hakachi kawufuku Yehova watapili anyana awedi ejima amwituŋa daEjipitu, kufumisha hadi wedi waFwaro washakamini hetanda dindi dawanta nakushikija ndo-o nikudi wedi wankoli wadiŋi mukaleya; niawedi ejima awayimuna.
30Fwaro wahindukili nawufuku, niyena, niambuŋindi ejima, niaEjipitu ejima; muEjipitu mwavwakukili makumbu aweni akudila; hikwadiŋi itala nidimu dakubula mufuku.
Kwidika muwuduŋu waEjipitu
31Watambikili Mosi naAroni, nawufuku, wayilili nindi, Nyamukenu, yenuŋa mufumi mukachi kawantu ami, ninenu nianyana kaIsarela; yenuŋa mwakamukalakeli Yehova mwomumunahoshi.
32Sendenu niyimuna yenu mwomumunahoshi, mudiyili; munkiswili nkisu ninami nawa.
33AEjipitu #Mas 105:38ayishinjilili antu chakuyishinjila, nawu afumi swayi swayi mwituŋa dawu; muloŋa elili nawu, Wejima wetu tunafwi dehi.
34Antu asendeli muvuba wawu wamankendi wuchidi kanda wunani. Asendeli nimbashila jawu jakuvubila mankendi jakukasila mumahina hamafwiji.
35Anyana kaIsarela elili mwahosheliyi Mosi, #3:21-22; 11:2-3; Mas 105:37ayilombeli aEjipitu niyuma yalema wuseya yasiliva, niyuma yalema wuseya yawuru, niyuma yakuvwala;
36Yehova wayikwashiluku antu, ayitiyili kuwaha kudi aEjipitu ayinka nikuyinka yalombeluwu. Ayibuwili aEjipitu.
37Anyana kaIsarela anyamukili kuRamesesa nakuya nikuSukoti, adiŋi nakwenda heseki amayala neyi kwiji makombakaji nkulakaji jitanu nayimu (600,000), kubombelaku nianyana.
38Kwadiŋi niluntu lwalweni lwawantu acheŋi adibomba acheŋi niacheŋi; niayimuna, anyama amavulu nankashi.
39Wuŋa wawu wafumishiluwu muEjipitu ocheli mankendi akubula kunanisha neluŋi, muloŋa wuŋa hiwananinuku; muloŋa muEjipitu ayidishilumu naŋovu hohu, hiyamweni hakulabilaku, hiyatwesheli hela kudiloŋeshela yakudyaku.
40 #
Kutach 15:13-16; Yil 7:6; Ŋal 3:17 Nyaka yashakaminuwu anyana kaIsarela muEjipitu yashikili munyaka nkulakaji jiwana nanyaka makumi asatu (430).
41Chelili chiyakumini nyaka nkulakaji jiwana nanyaka makumi asatu (430), hohefuku dadeni diyakumini nyaka yina, mazaza aYehova ejima afumini mwituŋa daEjipitu.
42Hiwufuku wakushaku muchima nankashi wakwanukilamu Yehova, chayifumishiluwu mwituŋa daEjipitu; diwu wufuku waYehova akawushaŋa kumuchima kudi anyana kaIsarela ejima kumakiŋu ejima.
Mwakudiila Chipandakenu
43Yehova wayilili aMosi naAroni, nindi, Tiyenu mwaya chidika chaChipandakenu; kwosi muntu wakwacheŋi wakachidyaku;
44ilaŋa ntahi anduŋu jawu, antu ejima akulanda namali, neyi munayalamishi dehi, akadyi tuhu.
45Hela muntu wenza nakushakama hohu, hela ŋamba wakukwata kumudimu, hakadya kwokuku.
46Akayidiili mwitala dimu hohu, bayi akafumishuhu mbiji mwitala nakuyitwala hanzuku; bayi mwakakotola hoku #Kuch 9:12; Yow 19:36ifwahaku.
47Chipompelu chejima chawaIsarela akachidyi.
48Neyi muntu wakwacheŋi wakashakama neyi, neyi yena nakeŋi kudya Chipandakenu chaYehova, chiŋa akaalamisha ayindi ejima amayala, neyi chochina, wakamwiteja kuya kwakwihi nakuchidya; wakekali neyi wakuvwalika mwituŋa; ilaŋa chidima bayi akadya kwokuku.
49Akekali nanshimbi yawu yimu hohu, nimwenimbu nimwenyi wenza nakushakama nenu.
50Dimu mweliluwu anyana kaIsarela ejima; mwomwalejeliyi Yehova aMosi naAroni dimu mweliluwu.
51Chelili ifuku dodenodu Yehova wayifumishili anyana kaIsarela mwituŋa daEjipitu hanyikanka hanyikanka.
Currently Selected:
Kwidika 12: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
