Kwidika 19
19
Kumpidi yaSinayi
1Hakakweji kamuchisatu nahafuminuwu anyana kaIsarela mwituŋa daEjipitu, dodena ifukwodu ashikili muchinkalampata chaSinayi.
2Chafuminuwu kuRefwidimi, chashikiluwu kuchinkalampata chaSinayi, atuŋili chiimba chawu muchinkalampata; kwenoku aIsarela ashakamini nakutala mesu kumpidi.
3Mosi wakandukili kudi Nzambi, Yehova hadiŋiyi hana hampidi wamutambikili, wamwilili nindi, Tiya muwakahosha namutaŋa waYakoba, muwakayileja anyana kaIsarela,
4neyi, Enu munamoni chinayikoŋeli aEjipitu, chinayelekelenu kwami #Kuhit 32:11; Isa 40:31; 63:9hampuula jambuulu, chinayishikijili kudami aweni.
5Dichi dinu neyi chalala mukwovwahilaŋa izu dami, neyi mukuhembaŋa chitiyaŋenu chami, mukwikala chuma #1 Anya 8:53; Mas 135:4; Tit 2:14chalema, chamami aweni chakwambula munyunza yejima yawantu; muloŋa iseki dejima damami;
6mukwikala #1 Pet 2:5, 9; Chim 20:6wanta wami wawatupristu, nimunza #Kuhit 7:6; Isa 62:12wajila. Diwu mazu iwukuhosha kudi anyana kaIsarela.
7Mosi wayili watambikili akulumpi jawantu, wayishimwinini mazu awa ejima amulejeliyi Yehova.
8Antu ejima aakwilili hamu, nawu, Mwejima mwanahoshiyi Yehova tukwilamu. Mosi wafuntishili mazu awantu kudi Yehova.
9Yehova wamwilili Mosi nindi, Tiya, ami nakenza kudeyi mwivu dashishita, kulonda awa antu akatiyi chinakahosha naneyi, akakukuhwelelaŋa mafuku ejima. Mosi walejeli Yehova mazu ahosheluwu antu.
10Yehova wamwilili Mosi, nindi, Yaku kudi antu, wuyijiliki nilelu nikumadiki, akosi nimahinawu,
11akadiloŋeshaŋahu dehi kulonda kutalila ifuku damuchisatu; muloŋa hefuku damuchisatu Yehova wakasulukila hampidi yaSinayi kumesu awantu ejima.
12Wakayinyeŋumwishiluku antu chipaŋu kwi-ndo, wakayili neyi, Babalenu, bayi mukanduka hampiduku, hela kukwata kuŋinza jayu bayi mukwata kwokuku, yowu wakakwata hampidi akamujahi hohu chalala;
13bayi akamukwata namakasaku, chiŋa akamwasa malola, hela kumusowa muvu, hela kanyama hela muntu, bayi akahandaku; chiyakavuma mpùŋa vume-e, tu-u-u, haleha, akakanduka nakwinza kumpidi.
14Mosi wakunkumukili hampidi nakuya kudi antu, wayijilikili antu; akoseli mahinawu.
15Wayilili antu nindi, Diloŋeshenuŋahu dehi kulonda kutalila ifuku damuchisatu; bayi mukundama kwakwihi namumbandaku.
16Hefuku damuchisatu, chikwachili budidi, kwelili nikudidima nikukenashana, niivu dashishita hana hampidi, mpùŋa yavumini nankashi naŋovu; antu ejima adiŋi muchiimba #Heb 12:18-21kwakudizaalila hohu.
17Mosi wayiidishili antu muchiimba kulonda amubulakani Nzambi; emeni kwishina dampidi.
18Mpidi #Mas 104:32; 144:5yaSinayi yafwindashanini kwawishi hohu, muloŋa Yehova wasulukililuku #Heb 12:18mukesi; wishi wayu wakakumukili neyi wishi wakuluteŋu, nimpidi yejima #Mas 68:7, 8yakankili nankashi.
19Chiyavumini mpùŋa, hiyikusweja nikusweja kuvuma, Mosi hakuhosha, niNzambi hakumwakula nezu.
20Yehova wasulukilili hampidi yaSinayi, hamutu wampidi kachi; Yehova wamutambikili Mosi ayi hewulu dampidi; Mosi wakandaminuku.
21Yehova wamwilili Mosi, nindi, Kunkumukaku, wuyikumiki antu, akenda kabusa chipaŋu, eŋili mwadiyi Yehova atali, amavulu akenza kajilumuka.
22Niatupristu nawa, akwinza kwakwihi naYehova, chiŋa adijilika, Yehova wakenza kayilotokela.
23Mosi wamwilili Yehova, nindi, Antu hiyanatweshi kukandama hampidi yaSinayuku, muloŋa eyi watuleja neyi, Nyeŋumwishaku chipaŋu kumpidi, wuyijiliki.
24Yehova wamwilili nindi, Yaku, kunkumukaku; wakenza cheŋi kunu, nineyi niAroni hamu neyi; ilaŋa niatupristu niantu bayi abusa chipaŋu nakushika munu mwadiyi Yehovaku, wakenza kayilotokela.
25Nochu Mosi wakunkumukili kwadiŋuwu antu, wayilejeli.
Currently Selected:
Kwidika 19: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
