Kutachika 11
11
Kaposhi kaBabeli
1Mumpata yejima yamunu mwishina mwadiŋi idimi dawu dimu hohu, mazu awu wowamu hohu.
2Cheliluwu hiyakufuma kumusela, awana nichana mwituŋa #10:10daShinari, ashakama nikushakamaku.
3Hiyakudileja muntu namukwawu nawu, Tuyenu, twilenu #Kwi 1:14matafwali, tuyochenu chachiwahi. Nanochu chabuliluwu malola hiyakukumina dakutuŋa namatafwali ninamaseki akuchaaka chakuchaaka.
4Nawu, Tuyenu, tutuŋenu mukala weneni, nikaposhi kamatafwali, insa yaku yakashiki #Yer 51:53mwiwulu; twakatiyakani ijina, twakabuli kupalaŋana mwahita iseki dejima.
5Yehova #v7; 18:21; Kwi 3:8; 19:11wenjili mwishina nindi akatali nimukala nikaposhi kakutuŋawu anyana kawantu.
6Yehova wahosheli nindi, Antu awa himuchidi wumu hohu, wejima wawu akweti idimi dawu dimu; tala ntahi chakutachikawu; ichi dinu kwosi chuma chakayilekesha kwila mwejima mwanafuukuluwu munyichima yawuku.
7Tuyenu, tusulukenu, twakaluwaŋeshi idimi dawu, kulonda akeli iwu kutiya mwakuhosha mukwawu nehi, iwu kutiya mwakuhosha mukwawu nehi.
8Yehova yoyimwaŋa kwenoku, hakuyipalaŋesha mwejima mwahita iseki; owu mukala aleka nikuwutuŋa.
9Dichi chawutenenawu niijina dawu nawu Babeli; nanochu chaluwaŋesheliyi Yehova kwenoku idimi dawantu ejima ahamaseki; kwokwenoku kwokwayipalaŋesheleliyi Yehova mwejima mwahita iseki.
Kufuma kudi Shemi nakushika kudi Abarama
10Yeniyi diyi nsaŋu yaShemi; Shemi wadiŋi wanyaka nkulakaji (100) yovwala niArapashadi, munahiti dehi nyaka yiyedi nahamwaka wadibaji.
11Shemi chavweliyi Arapashadi wanuŋiluku ninyaka yikwawu nkulakaji jitanu (500), wavweli anyana amayala nawambanda.
12Arapashadi washakamini nyaka makumi asatu nanyaka yitanu (35), yovwala niShela;
13Arapashadi chavweliyi Shela wanuŋiluku ninyaka yikwawu nkulakaji jiwana nanyaka yisatu (403), wavweli anyana amayala nawambanda.
14Shela washakamini nyaka makumi asatu, yovwala niEberu;
15Shela chavweliyi Eberu wanuŋiluku nyaka yikwawu nkulakaji jiwana nanyaka yisatu (403), wavweli anyana amayala nawambanda.
16Eberu washakamini nyaka makumi asatu nanyaka yiwana (34), yovwala niPelegi;
17Eberu chavweliyi Pelegi wanuŋiluku nyaka yikwawu nkulakaji jiwana nanyaka makumi asatu (430), wavweli anyana amayala nawambanda.
18Pelegi washakamini nyaka makumi asatu (30), yovwala niRewu;
19Pelegi chavweliyi Rewu wanuŋiluku nyaka yikwawu nkulakaji jiyedi nanyaka yitanu nayiwana (209), wavweli anyana amayala nawambanda.
20Rewu washakamini nyaka makumi asatu nanyaka yiyedi (32), yovwala niSerugi;
21Rewu chavweliyi Serugi wanuŋiluku nyaka yikwawu nkulakaji jiyedi nanyaka yitanu nayiyedi (207), wavweli anyana amayala nawambanda.
22Serugi washakamini nyaka makumi asatu (30), yovwala niNahori;
23Serugi chavweliyi Nahori wanuŋiluku nyaka yikwawu nkulakaji jiyedi (200), wavweli anyana amayala nawambanda.
24Nahori washakamini nyaka makumi ayedi nanyaka yitanu nayiwana (29), yovwala niTera;
25Nahori chavweliyi Tera wanuŋiluku nyaka yikwawu nkulakaji nanyaka ikumi nayitanu nayiwana (119), wavweli anyana amayala nawambanda.
26Tera washakamini nyaka makumi atanu nayedi (70), yovwala niAbarama, niNahori, niHarana.
27Yeniyi diyi nsaŋu yawanyana kaTera; Tera wavweli niAbarama, niNahori, niHarana; Harana wavweli Loti.
28Harana wamufwilili tata yindi Tera mumesu mwituŋa davwalikililiyi, mwomu muUri wamudi aKaladeya.
29NiAbarama niNahori asumbwili ambanda; iŋodaAbarama ijina dindi Sarayi; iŋodaNahori ijina dindi Milika, mwana kaHarana, yowu tata yaMilika namukwawu Isika.
30Sarayi wadiŋi nshinta, hadiŋi namwanaku.
31Tera watambwili mwanindi Abarama, nimwizukulwindi Loti mwana kaHarana, nimukuwindi Sarayi iŋodamwanindi Abarama, hiyakunyamuka hamu muUri wamudi aKaladeya ayi muKenani; ashika nikuHarana, ashakama nikwoku.
32Mafuku aTera ashikili munyaka nkulakaji jiyedi nanyaka yitanu (205); Tera yofwa nikufwa muHarana.
Currently Selected:
Kutachika 11: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
