Kutachika 21
21
Kuvwalika kwaIsaka
1Yehova wayili nakumutala Sara #Heb 11:11mwomwakanininiyi, Yehova wamwilili Sara mwomwahosheleliyi.
2Sara wabaabili ivumu, wamuvweleli Abarahama mwanindi weyala hawushinakaji windi, hakakweji kamutenenenuwu kudi Nzambi.
3Mwanindi wavwalikili, wamuvweleliyi Sara, Abarahama wamutumbili ijina dindi, nindi Isaka.
4Chimwahitili mafuku atanu nasatu Abarahama wamwalamishili mwanindi Isaka mwamulejeliyi Nzambi.
5Chavwalikiliyi mwanindi Isaka, Abarahama washikili munyaka yindi nkulakaji (100).
6Sara welili nindi, Nzambi #Yoba 8:21; Mas 126:2; Isa 54:1nanseheshi, antu ejima akachitiya nakaseha nawu hamu.
7Nindi, Ochu hakeŋa kumwekana muntu wukumwila Abarahama nindi, Sara wamba kaamwishahu mwana? Namuvwela dehi mwanindi weyala hawushinakaji windi.
Chayihaŋiluwu aHaga naIshimeli
8Mwana wakulili, yosumuka nikusumuka; hetaŋwa dasumukili Isaka, Abarahama watelekeli chawija cheneni.
9Sara wamweni mwana kakaEjipitu Haga, avweleliyi Abarahama, hakuseha.
10Hakumwila Abarahama, nindi, Mutemuni yeniwu nduŋu namwanindi. Mwana kayeniwu nduŋu hanatweshi kuswanina hamu namwanami Isakaku.
11Chumichi chamutaminini nankashi Abarahama hansaŋu yamwanindi.
12Nzambi hakumwila Abarahama, nindi, Bayi chikutamina hansaŋu yamukwenzi, hela hansaŋu yanduŋu yeyi wamumbandaku; kumina dakutiya mwizu daSara mwejima mwanahoshiyi, muloŋa #Rom 9:7; Heb 11:17-18anyaneyi akayitenena mudi Isaka.
13Nikudi mwana kanduŋu nakelishaku #25:12-18munza waweni nanochu chaneliyi himwaneyi.
14Abarahama wahindukili ntetemena yayeni, wanoneni niyakudya ninswaha yamenji, wamwinkeli Haga, nakumushila hachifwiji chindi; wamwinkeli nimwana, nindi, Yaŋa; hakuya nikuya, hakukimbuka muchinkalampata chaBerisheba.
15Menji adiŋi munswaha amaninumu to-o, wamuumbili mwana mwishina dachiputa.
16Wayili nakushakama kwakulehi namwana, kuleha neyi chintampu chakwasila muvu; welili nindi, nakamba katala hakufwilayi mwanami. Washakamini kwakulehi chanti namwana, wadilili ikumbu deneni.
17Nzambi watiyili izu dakamukwenzi; #16:7kaŋelu kaNzambi mwiwulu hakutambika Haga, nindi, Eyi Haga, kudidi? Bayi wutiya womaku; Nzambi natiyi dehi izu damukwenzi kuna kwadiyi.
18Nyamukaku, wumunyamuni mukwenzi, wumukwati nachikasa cheyi; ami nakamwilisha himunza weneni.
19Nzambi #Kuch 22:31wamutonesheli mesu indi, yena wamweni ishima damenji; wayili, wenzesheli nswaha yindi, wamunwishili mukwenzi menji.
20Nzambi wadiŋi nindi ona mukwenzi, wakulili. Washakamini muchinkalampata chaParani, welili mukwakwasa nawuta wamukunji.
21Washakamini mwikuna daParani; mama yindi wamusumbwilili mumbanda wamwituŋa daEjipitu.
Kusanyika kwakuBerisheba
22Hamwaka wenowu Abimeleki, niFwikoli wadiŋi mukulumpi wamashidika indi, ahosheli naAbarahama, nawu, #26:28; 28:15; 31:3; 39:2-3; 1 Sam 3:19; 16:18; 2 Kush 1:1; Isa 7:14; Mat 1:23Nzambi wudi naneyi muyuma yiwelaŋa yejima;
23dichi dinu sanyikaku Nzambi kwokwenakunu kumesu ami, nakwila neyi chalala hiwamba kandimbaku, hela ami, hela mwanami, hela mwizukulwami; neyi, mwaya luwi lunakwileyi dimu wakaŋilami niituŋa diwunashakami chawenyi.
24Abarahama welili nindi, Nukusanyika.
25Abarahama wamuhosholeli Abimeleki heshima damenji dadindiluwu aŋamba jaAbimeleki nandombu.
26Kuchinka Abimeleki nindi, Yenowu nakoŋi chenochu ami kwami hinamwilukuku, eyi hiwanlejelumuku, hela kuchitiya hinachitiyili kwamuku chiŋa lelu hohu.
27Abarahama wakwatili nianyikoku niaŋombi, hakumwinka Abimeleki, wena ayedi #26:28atiyaŋeni chitiyaŋenu chawu.
28Abarahama washili hakankawawu anyana kanyikoku anyikaji atanu nayedi akwiyinda dindi.
29Abimeleki hakumwila Abarahama, nindi, Indi awa anyana kanyikoku anyikaji atanu nayedi wunashi kwakankawawu anka?
30Yena nindi, Awa anyana kanyikoku anyikaji atanu nayedi wukuyitambula kudami, eli chuma chakunshimwina nachu wunsahu, nawu yami napundili denidi ishima.
31Dichi henahana watumbiluhu ijina, nindi dihu haBerisheba, nanochu chasanyikiluwu mwayedi wawu.
32Chochina atiyaŋeni chitiyaŋenu chawu muBerisheba. Abimeleki wanyamukili kwindi, niFwikoli mukulumpi wamashidikindi, hiyakufunta cheŋi nimwituŋa dawaFwilistinu.
33Abarahama watùmbili mutondu muBerisheba, kwenoku watambikili niijina daYehova, Nzambi #Kuhit 33:27; Mas 10:16; 45:6; 146:10; Isa 40:28; Heb 13:8Wahayanyaka.
34Abarahama washakamini chawenyi mwituŋa dawaFwilistinu mafuku amavulu.
Currently Selected:
Kutachika 21: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
