Kutachika 24
24
Isaka naRebeka
1Abarahama welili kashinakaji, nyaka yindi yamuvulilili. Yehova wamukoolekesheli Abarahama muyuma yejima.
2Abarahama hakumwila ŋamba yindi, mukulumpi wahamukala windi, yowu wadiŋi mukwakuhemba yuma yindi yejima, nindi, Shaku mwani, chikasa cheyi mwishina dekata dami.
3Nukukusanyikisha wusanyiki Yehova, Nzambi mwiniiwulu, Nzambi mwiniiseki, neyi, hiwukumusumbwila mwanami mumbanda wahadi anyana kawaKenani, awa nashakama nawuku.
4Chiŋa wakaya kwituŋa detu, kudi antaŋa jami, kwoku wakamusumbwila mwanami Isaka mumbanda.
5Ŋamba hakumwihula nindi, Hadaha mumbanda haketeja kwinza nanami kwituŋa dinuku; chiŋa nakamutwala mwaneyi mwituŋa muwafumini, tahindi?
6Abarahama hakumwila nindi, Chinjila! Bayi wumutwala mwanami kwenokuku.
7Yehova, Nzambi mwiniiwulu, wámfumishili kwatata, mwituŋa dinavwalikilili, #13:15; 15:18wáhosheli nanami, wásanyikili nindi, ituŋidi nakayinka anyaneyi, diyi wakatemeshaŋahu dehi kaŋelu kindi, nineyi wakamusumbwila mwanami mumbanda wakwenoku.
8Neyi mumbanda haketeja kwinza naneyuku, eyi wunayiŋi nanichi chiwunasanyiki, hakwila mwanami kumutwala kwenoku chinjila.
9Ŋamba washili chikasa chindi mwishina dekata damwanta windi Abarahama, asanyika nikusanyika hansaŋu oyu.
10Ŋamba wanoneni aŋameli jamwanta windi ikumi, hakuya. Muloŋa yuma yamwanta windi yayiwahi yejima yadiŋi kudi yena. Yonyamuka nikunyamuka, hakuya nikuMesopotamiya, kumukala waNahori.
11Wafukamishili aŋameli hamaseki kunsa yamukala kwishima damenji hamelela, hayilaŋawu ambanda nakutaha menji.
12 #
Kwi 3:6; 1 Anya 18:36 Walombeleli nindi, Eyi Yehova, Nzambi yamwanta wami Abarahama, aŋendeshi mwani #Neh 1:11chachiwahi lelu, amwili mwanta wami Abarahama luwi.
13Tala, yami nukwimaniwu kunu kukaseloki kamenji, nianyana awambanda awantu ahamukala hiyakwinza nakutaha menji.
14Yowu chaŋadima inukwila nami, Tulaku nsaba yeyi ninwi menji, niyena hakwila nindi, Nwaku eyi, ninwishi nawa aŋameli jeyi, yenowu diyi wakela kwindi mumbanda iwunamufuukwili kambuŋeyi Isaka. Hohenaha dihu hinukwilukila nami wunamumwekesheli mwanta wami luwi.
15Cheliliyi yena #Isa 65:24kanda akumishi kuhosha, kutala Rebeka wukwinziwu ninsaba yindi hachifwiji, diyi avweleleluwu Betuweli, niyena mwana kaMilika, iŋodaNahori manakwaAbarahama.
16Yenowu chaŋadima kumutala wasweja lubanji, himujiki kwindi, kanda adiluki neyalaku. Wakunkumukili kukaseloki, hakwinzesha nsaba yindi, hakukanduka cheŋi.
17Ŋamba wayili lufuchi nakumukinkilila, nindi, Anyinkuhu mwani, menji antesha amunsaba yeyi ninwi.
18Yena nindi, Nwaku mwanta. Wanyakeli, hakutenteka nsaba yindi muchikasa chindi hakumunwisha menji.
19Chakumishiliyi kumunwisha menji, welili nindi, Tali niyitahili aŋameli jeyi menji nawa, nichiyakakumishawu kunwa.
20Hakunyakala nikunyakala, hakuhuŋununa muchizawu menji asheli munsaba yindi, hakuya cheŋi lufuchi kwishima nakutaha, hakuyitahila aŋameli jindi ejima menji.
21Iyala saŋa amwenenayi nzo-o, hakumushinshika, kulonda eluki neyi kwiji Yehova namwendeshi chachiwahi munjila yindi, tahindi nehi.
22Cheliluwu aŋameli anakumishi dehi kunwa, iyala hakuloŋolola kazeya kawuru kulema kwaku 6 grams, ninyibulu yiyedi yawuru yakusha kumakasindi kulema kwayu 110 grams.
23Nindi, Indi eyi wumwana kanyi? Anleji mwani. Oku kwitala datata yeyi kudi kwakushikena etu?
24Yena nindi, Ami nimwana kaBetuweli, niyena himwana kaMilika, yowu avweleliyi Nahori.
25Wamwilili nawa nindi, Kwetu kudi nimatahu awuma amavulu nikudya kwakuvulu, nikwakukama antu kudi kwoku.
26Iyala wanoŋamini mutu windi, wadifukwili kudi Yehova.
27Nindi, Kisu kisu, Yehova Nzambi yamwanta wami Abarahama, saŋa amumwekeshelayi mwanta wami #v12niluwi lwindi nikashinshi kindi. Hakwinza ami, Yehova nanlomboli munjila yakuya kwitala dawanakwamwanta wami.
28Chaŋadima wayili lufuchi, wayilejeli kwitala damama yindi mwejima mwanahoshiyi mazu awa.
29Rebeka wadiŋi namanakwindi weyala, ijina dindi Labani. Labani wayili lufuchi kudi iyala kuna kukaseloki.
30Cheliliyi chamweniyi nikazeya, ninyibulu yidi kumakasa amuhelindi, natiyi dehi nimazu amuhelindi Rebeka elayi nindi, dichi chanahoshiyi iyala, hakuya kudi iyala, kumuwana iwu nemaniwu kudi aŋameli kukaseloki.
31Hakwila nindi, Iŋilaku, eyi anakiswiluwu nkisu kudi Yehova; wunemenidi hanzi? Naloŋeshi dehi itala, nimwakukama aŋameli.
32Iyala weŋilili mwitala; Labani hakuyikasununa aŋameli yisenda yawu, hakuyinka aŋameli nimatahu awuma nikudya kwawu, nimenji akumuwelesha nikunyendu yindi yena, nikunyendu yamayala adiŋiyi nawu.
33Amwinkeli yakudya. Yena kwindi nindi, Ami kwami kudya nehi, chiŋa nishimuna nsaŋu yami yinendela. Labani nindi, Shimunaŋa.
34Nindi, Ami niŋamba yaAbarahama.
35Yehova namukoolekeshi mwanta wami nankashi. Wela dehi muneni. Yehova namwinki ninyikanka yampembi nanyikoku, ninyikanka yawaŋombi, nisiliva niwuru, nianduŋu amayala, nawambanda, niaŋameli niayimbulu.
36Sara, iŋodamwanta wami, cheliliyi neli dehi kashinakaji, hakumuvwela mwanta wami mwana weyala. Yena diyi anenkiyi yuma yejima yadiyi nayu.
37Mwanta wami nansanyikishi nindi, Bayi wakamusumbwila mwanami mumbanda wakudi aKenani akweti ituŋa dinashakamaku.
38Nindi, Chiŋa wuya kwatata, kuchisaka chami kwoku wakamusumbwila mwanami mumbanda.
39Ami namwilili mwanta wami nami, Indi neyi mumbanda wakaleka kwinza nanami?
40Yena waŋilili nindi, Yehova, inendaŋa kumesu indi, wakatemesha kaŋelu kindi wuyi nindi hamu, wakakwendesha chachiwahi, wakamusumbwila mwanami mumbanda wakuchisaka chami, kwokwatata.
41Eyi wakayiŋa nachina chiwunasanyiki, chiwakashika kuchisaka chami; neyi akabula kukwinkayi, wakayiŋa nakusanyika kuwunasanyiki.
42Ami lelu chinashika kukaseloki, hinukwila nami, Eyi Yehova, Nzambi yamwanta wami Abarahama, tutali dinu neyi wudi nakuŋendesha chachiwahi munjila yami yinukwenda.
43Yami nukwimaniwu kukaseloki kamenji. Yowu chaŋadima wukwinza nakutaha menji, chinukumwila nami, Anyinkuhu mwani menji antesha munsaba yeyi ninwi,
44niyena hakaŋilami nindi, Anwaŋa mwani, niyitahili niaŋameli jeyi nawa, yoyenowu diyi mumbanda anatoŋweluwu mwana kamwanta wami kudi Yehova.
45Ninami nichidi kanda nikumishi kuhosha mumuchima wami, kutala Rebeka hakwinza ninsaba yindi hachifwiji, hakukunkumuka nikukaseloki hakutaha menji. Hinukumwila nami, Anyinkuhu menji akunwa mwani.
46Yena hakunyakala, hakufumisha nsaba yindi hachifwiji chindi, nindi, Anwaŋa mwani, nukuyinwisha niaŋameli jeyi nawa. Ami ninwa nikunwa, yena hakunwisha niaŋameli nawa.
47Nimwihula nami, Indi eyi wumwana kanyi? Yena nindi, Nimwana kaBetuweli, diyi mwana kaNahori, yowu amuvweleliyi Milika. Nimusha nikazeya kumuzulu windi ninyibulu kumakasindi.
48Ninoŋama ninakudifukula kudi Yehova, nimuhameka niYehova Nzambi yamwanta wami Abarahama, nanlomboli munjila yakadi kujimbala, nimusumbwili mwana kamwanta wami mumbanda, mwizukulu wamanakwamwanta wami.
49Dichi neyi mukumwila mwanta wami chaluwi chakashinshi nlejenu, neyi nehi, nlejenu nawa kulonda nitalishi hela kuchikasa chachidiilu, indi kwiji kuchikasa chachimunswa.
50Kuchinka aLabani naBetuweli nawu, Chuma chinafumi kudi Yehova, hitukweti mwakuhosha neyi hela mwatama hela mwamuwahuku.
51Rebeka owu. Mutambuli, muyaŋa, akekali iŋodamwana kamwanta weyi, mwomwanahoshiyi Yehova.
52Cheliliyi ŋamba yaAbarahama natiyi dehi mazu awu, hakumubandamina Yehova hamaseki.
53Ŋamba waloŋolweli niyuma yasiliva niyuma yawuru, nimahina akuvwala, wamwinkeli Rebeka. Wenkeli nimanakwindi nimama yindi yuma yalema.
54Adiili, anwini, akamini niyena niamayala adiŋiyi nawu. Chahindukiluwu budidi, hakwila nindi, Ŋitejenu nifunti kudi mwanta wami.
55Kutiya nimanakwamumbanda nimama yindi nawu, Muleki chaŋadima tushakamuhu nindi mafuku hela ikumi, hakaya dinu.
56Hakuyila nindi, Bayi munlabishaku, muloŋa Yehova naŋendeshi chachiwahi. Ŋitejenu nifunti cheŋi kwami kudi mwanta wami.
57Wena nawu, Imanaku, tutambiki chaŋadima tutiyi kukanwa kindi yomweni.
58Amutambikili Rebeka, amwihwili nawu, Wukuya nindi iyaliwu, tahindi? Yena nindi, Nukuya.
59Ayilekeli, nimuhelawu Rebeka, ninleli yindi, niŋamba yaAbarahama, niantu indi nawu, Yenuŋa.
60Amukiswilili Rebeka nkisu nakumwila nawu,
Eyi muheletu,
Wakeli mama yawantu makombakaji amakumi amakombakaji,
Anyaneyi akahetaŋa chisu chanawa akayihela.
61Rebeka wanyamukili, nituluŋwiji twindi twawambanda hiyakwenda haŋameli, hiyakuya neyala. Ŋamba watambwili Rebeka hiyakuya nikuya.
62Isaka wafumini kuBeri Lahayi Royi, muloŋa washakamini mwituŋa dakukabeta kakuchidiilu.
63Isaka wayili melela mumpata nakutoŋojoka nikulombela, wafumbwili mesu indi, wamweni aŋameli ana akwinza ana.
64Rebeka niyena wafumbwili mesu indi, chamweniyi Isaka, wasulukili haŋameli.
65Wamwihwili ŋamba, nindi, Ona wukwenda mumpata hakwinza nakutukinkilila hiiyalanyi? Ŋamba nindi, Himwanta wami. Hakunona ihina dindi dakudibuta nachu kumesu, yodibuta nikudibuta wi-i.
66Ŋamba wamulejeli Isaka yuma yeliliyi yejima.
67Isaka wamusokejeli mwitenti damama yindi Sara, wamutambwili Rebeka, niyena hakwikala iŋodindi. Wamukeŋeli. Niwushona wakufwa kwamama yindi wumufuma nikumufuma Isaka.
Currently Selected:
Kutachika 24: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
Kutachika 24
24
Isaka naRebeka
1Abarahama welili kashinakaji, nyaka yindi yamuvulilili. Yehova wamukoolekesheli Abarahama muyuma yejima.
2Abarahama hakumwila ŋamba yindi, mukulumpi wahamukala windi, yowu wadiŋi mukwakuhemba yuma yindi yejima, nindi, Shaku mwani, chikasa cheyi mwishina dekata dami.
3Nukukusanyikisha wusanyiki Yehova, Nzambi mwiniiwulu, Nzambi mwiniiseki, neyi, hiwukumusumbwila mwanami mumbanda wahadi anyana kawaKenani, awa nashakama nawuku.
4Chiŋa wakaya kwituŋa detu, kudi antaŋa jami, kwoku wakamusumbwila mwanami Isaka mumbanda.
5Ŋamba hakumwihula nindi, Hadaha mumbanda haketeja kwinza nanami kwituŋa dinuku; chiŋa nakamutwala mwaneyi mwituŋa muwafumini, tahindi?
6Abarahama hakumwila nindi, Chinjila! Bayi wumutwala mwanami kwenokuku.
7Yehova, Nzambi mwiniiwulu, wámfumishili kwatata, mwituŋa dinavwalikilili, #13:15; 15:18wáhosheli nanami, wásanyikili nindi, ituŋidi nakayinka anyaneyi, diyi wakatemeshaŋahu dehi kaŋelu kindi, nineyi wakamusumbwila mwanami mumbanda wakwenoku.
8Neyi mumbanda haketeja kwinza naneyuku, eyi wunayiŋi nanichi chiwunasanyiki, hakwila mwanami kumutwala kwenoku chinjila.
9Ŋamba washili chikasa chindi mwishina dekata damwanta windi Abarahama, asanyika nikusanyika hansaŋu oyu.
10Ŋamba wanoneni aŋameli jamwanta windi ikumi, hakuya. Muloŋa yuma yamwanta windi yayiwahi yejima yadiŋi kudi yena. Yonyamuka nikunyamuka, hakuya nikuMesopotamiya, kumukala waNahori.
11Wafukamishili aŋameli hamaseki kunsa yamukala kwishima damenji hamelela, hayilaŋawu ambanda nakutaha menji.
12 #
Kwi 3:6; 1 Anya 18:36 Walombeleli nindi, Eyi Yehova, Nzambi yamwanta wami Abarahama, aŋendeshi mwani #Neh 1:11chachiwahi lelu, amwili mwanta wami Abarahama luwi.
13Tala, yami nukwimaniwu kunu kukaseloki kamenji, nianyana awambanda awantu ahamukala hiyakwinza nakutaha menji.
14Yowu chaŋadima inukwila nami, Tulaku nsaba yeyi ninwi menji, niyena hakwila nindi, Nwaku eyi, ninwishi nawa aŋameli jeyi, yenowu diyi wakela kwindi mumbanda iwunamufuukwili kambuŋeyi Isaka. Hohenaha dihu hinukwilukila nami wunamumwekesheli mwanta wami luwi.
15Cheliliyi yena #Isa 65:24kanda akumishi kuhosha, kutala Rebeka wukwinziwu ninsaba yindi hachifwiji, diyi avweleleluwu Betuweli, niyena mwana kaMilika, iŋodaNahori manakwaAbarahama.
16Yenowu chaŋadima kumutala wasweja lubanji, himujiki kwindi, kanda adiluki neyalaku. Wakunkumukili kukaseloki, hakwinzesha nsaba yindi, hakukanduka cheŋi.
17Ŋamba wayili lufuchi nakumukinkilila, nindi, Anyinkuhu mwani, menji antesha amunsaba yeyi ninwi.
18Yena nindi, Nwaku mwanta. Wanyakeli, hakutenteka nsaba yindi muchikasa chindi hakumunwisha menji.
19Chakumishiliyi kumunwisha menji, welili nindi, Tali niyitahili aŋameli jeyi menji nawa, nichiyakakumishawu kunwa.
20Hakunyakala nikunyakala, hakuhuŋununa muchizawu menji asheli munsaba yindi, hakuya cheŋi lufuchi kwishima nakutaha, hakuyitahila aŋameli jindi ejima menji.
21Iyala saŋa amwenenayi nzo-o, hakumushinshika, kulonda eluki neyi kwiji Yehova namwendeshi chachiwahi munjila yindi, tahindi nehi.
22Cheliluwu aŋameli anakumishi dehi kunwa, iyala hakuloŋolola kazeya kawuru kulema kwaku 6 grams, ninyibulu yiyedi yawuru yakusha kumakasindi kulema kwayu 110 grams.
23Nindi, Indi eyi wumwana kanyi? Anleji mwani. Oku kwitala datata yeyi kudi kwakushikena etu?
24Yena nindi, Ami nimwana kaBetuweli, niyena himwana kaMilika, yowu avweleliyi Nahori.
25Wamwilili nawa nindi, Kwetu kudi nimatahu awuma amavulu nikudya kwakuvulu, nikwakukama antu kudi kwoku.
26Iyala wanoŋamini mutu windi, wadifukwili kudi Yehova.
27Nindi, Kisu kisu, Yehova Nzambi yamwanta wami Abarahama, saŋa amumwekeshelayi mwanta wami #v12niluwi lwindi nikashinshi kindi. Hakwinza ami, Yehova nanlomboli munjila yakuya kwitala dawanakwamwanta wami.
28Chaŋadima wayili lufuchi, wayilejeli kwitala damama yindi mwejima mwanahoshiyi mazu awa.
29Rebeka wadiŋi namanakwindi weyala, ijina dindi Labani. Labani wayili lufuchi kudi iyala kuna kukaseloki.
30Cheliliyi chamweniyi nikazeya, ninyibulu yidi kumakasa amuhelindi, natiyi dehi nimazu amuhelindi Rebeka elayi nindi, dichi chanahoshiyi iyala, hakuya kudi iyala, kumuwana iwu nemaniwu kudi aŋameli kukaseloki.
31Hakwila nindi, Iŋilaku, eyi anakiswiluwu nkisu kudi Yehova; wunemenidi hanzi? Naloŋeshi dehi itala, nimwakukama aŋameli.
32Iyala weŋilili mwitala; Labani hakuyikasununa aŋameli yisenda yawu, hakuyinka aŋameli nimatahu awuma nikudya kwawu, nimenji akumuwelesha nikunyendu yindi yena, nikunyendu yamayala adiŋiyi nawu.
33Amwinkeli yakudya. Yena kwindi nindi, Ami kwami kudya nehi, chiŋa nishimuna nsaŋu yami yinendela. Labani nindi, Shimunaŋa.
34Nindi, Ami niŋamba yaAbarahama.
35Yehova namukoolekeshi mwanta wami nankashi. Wela dehi muneni. Yehova namwinki ninyikanka yampembi nanyikoku, ninyikanka yawaŋombi, nisiliva niwuru, nianduŋu amayala, nawambanda, niaŋameli niayimbulu.
36Sara, iŋodamwanta wami, cheliliyi neli dehi kashinakaji, hakumuvwela mwanta wami mwana weyala. Yena diyi anenkiyi yuma yejima yadiyi nayu.
37Mwanta wami nansanyikishi nindi, Bayi wakamusumbwila mwanami mumbanda wakudi aKenani akweti ituŋa dinashakamaku.
38Nindi, Chiŋa wuya kwatata, kuchisaka chami kwoku wakamusumbwila mwanami mumbanda.
39Ami namwilili mwanta wami nami, Indi neyi mumbanda wakaleka kwinza nanami?
40Yena waŋilili nindi, Yehova, inendaŋa kumesu indi, wakatemesha kaŋelu kindi wuyi nindi hamu, wakakwendesha chachiwahi, wakamusumbwila mwanami mumbanda wakuchisaka chami, kwokwatata.
41Eyi wakayiŋa nachina chiwunasanyiki, chiwakashika kuchisaka chami; neyi akabula kukwinkayi, wakayiŋa nakusanyika kuwunasanyiki.
42Ami lelu chinashika kukaseloki, hinukwila nami, Eyi Yehova, Nzambi yamwanta wami Abarahama, tutali dinu neyi wudi nakuŋendesha chachiwahi munjila yami yinukwenda.
43Yami nukwimaniwu kukaseloki kamenji. Yowu chaŋadima wukwinza nakutaha menji, chinukumwila nami, Anyinkuhu mwani menji antesha munsaba yeyi ninwi,
44niyena hakaŋilami nindi, Anwaŋa mwani, niyitahili niaŋameli jeyi nawa, yoyenowu diyi mumbanda anatoŋweluwu mwana kamwanta wami kudi Yehova.
45Ninami nichidi kanda nikumishi kuhosha mumuchima wami, kutala Rebeka hakwinza ninsaba yindi hachifwiji, hakukunkumuka nikukaseloki hakutaha menji. Hinukumwila nami, Anyinkuhu menji akunwa mwani.
46Yena hakunyakala, hakufumisha nsaba yindi hachifwiji chindi, nindi, Anwaŋa mwani, nukuyinwisha niaŋameli jeyi nawa. Ami ninwa nikunwa, yena hakunwisha niaŋameli nawa.
47Nimwihula nami, Indi eyi wumwana kanyi? Yena nindi, Nimwana kaBetuweli, diyi mwana kaNahori, yowu amuvweleliyi Milika. Nimusha nikazeya kumuzulu windi ninyibulu kumakasindi.
48Ninoŋama ninakudifukula kudi Yehova, nimuhameka niYehova Nzambi yamwanta wami Abarahama, nanlomboli munjila yakadi kujimbala, nimusumbwili mwana kamwanta wami mumbanda, mwizukulu wamanakwamwanta wami.
49Dichi neyi mukumwila mwanta wami chaluwi chakashinshi nlejenu, neyi nehi, nlejenu nawa kulonda nitalishi hela kuchikasa chachidiilu, indi kwiji kuchikasa chachimunswa.
50Kuchinka aLabani naBetuweli nawu, Chuma chinafumi kudi Yehova, hitukweti mwakuhosha neyi hela mwatama hela mwamuwahuku.
51Rebeka owu. Mutambuli, muyaŋa, akekali iŋodamwana kamwanta weyi, mwomwanahoshiyi Yehova.
52Cheliliyi ŋamba yaAbarahama natiyi dehi mazu awu, hakumubandamina Yehova hamaseki.
53Ŋamba waloŋolweli niyuma yasiliva niyuma yawuru, nimahina akuvwala, wamwinkeli Rebeka. Wenkeli nimanakwindi nimama yindi yuma yalema.
54Adiili, anwini, akamini niyena niamayala adiŋiyi nawu. Chahindukiluwu budidi, hakwila nindi, Ŋitejenu nifunti kudi mwanta wami.
55Kutiya nimanakwamumbanda nimama yindi nawu, Muleki chaŋadima tushakamuhu nindi mafuku hela ikumi, hakaya dinu.
56Hakuyila nindi, Bayi munlabishaku, muloŋa Yehova naŋendeshi chachiwahi. Ŋitejenu nifunti cheŋi kwami kudi mwanta wami.
57Wena nawu, Imanaku, tutambiki chaŋadima tutiyi kukanwa kindi yomweni.
58Amutambikili Rebeka, amwihwili nawu, Wukuya nindi iyaliwu, tahindi? Yena nindi, Nukuya.
59Ayilekeli, nimuhelawu Rebeka, ninleli yindi, niŋamba yaAbarahama, niantu indi nawu, Yenuŋa.
60Amukiswilili Rebeka nkisu nakumwila nawu,
Eyi muheletu,
Wakeli mama yawantu makombakaji amakumi amakombakaji,
Anyaneyi akahetaŋa chisu chanawa akayihela.
61Rebeka wanyamukili, nituluŋwiji twindi twawambanda hiyakwenda haŋameli, hiyakuya neyala. Ŋamba watambwili Rebeka hiyakuya nikuya.
62Isaka wafumini kuBeri Lahayi Royi, muloŋa washakamini mwituŋa dakukabeta kakuchidiilu.
63Isaka wayili melela mumpata nakutoŋojoka nikulombela, wafumbwili mesu indi, wamweni aŋameli ana akwinza ana.
64Rebeka niyena wafumbwili mesu indi, chamweniyi Isaka, wasulukili haŋameli.
65Wamwihwili ŋamba, nindi, Ona wukwenda mumpata hakwinza nakutukinkilila hiiyalanyi? Ŋamba nindi, Himwanta wami. Hakunona ihina dindi dakudibuta nachu kumesu, yodibuta nikudibuta wi-i.
66Ŋamba wamulejeli Isaka yuma yeliliyi yejima.
67Isaka wamusokejeli mwitenti damama yindi Sara, wamutambwili Rebeka, niyena hakwikala iŋodindi. Wamukeŋeli. Niwushona wakufwa kwamama yindi wumufuma nikumufuma Isaka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.