Kutachika 26
26
Isaka naAbimileki
1Nzala yaholokeli mwituŋa, bayi nzala yakusambila yaholokeli hamafuku hadiŋi Abarahamaku, yacheŋi. Isaka wayili kuGera kudi Abimeleki mwanta wawaFwilistinu.
2Yehova #12:7wadimwekesheli kudi yena, hakumwila nindi, Bayi wukunkumuka wuyi muEjipituku, shakamaku mwituŋa dinakakuleja.
3Shakamaku tuhu mwituŋa dinu, ninami #21:22nakekala neyi, nakakukoolekesha. Nineyi nianyaneyi nakayinka matuŋawa ejima, nakakolesha nimukusanyika kunasanyikili natata yeyi Abarahama.
4Nakavulisha anyaneyi neyi tutumbwa twamwiwulu kuvula, #Ŋal 3:8anyaneyi nakayinka matuŋawa ejima, kudi anyaneyi nyunza yahamaseki yejima yakawenaku kukooleka,
5nanochu chovwahililiyi Abarahama mwizu dami, nakuhemba munakanini, nimunamulejeli, nimuyidika yami, nimunshimbi jami.
6Isaka washakamini muGera.
7Enimbu amayala amwihwili jaŋodindi; nindi, #12:13Himuhelami; muloŋa watiyili woma wakuyila nindi, Hiŋodami; nindi, akenza kanjaha kudi enimbu hamujimba waRebeka; muloŋa wadiŋi walubanji.
8Cheliliyi nashakami dehi kwenoku hanalehi dehi, Abimeleki mwanta wawaFwilistinu watalilili munjanina hanzi, wamweni komana Isaka hakudikumbata naŋodindi Rebeka.
9Abimeleki wamutambikili Isaka, wamwilili nindi, Komana chalala hiŋodeyi, indi eyi wahosheli ŋahi neyi, Himuhelami? Isaka wamwilili nindi, Nelili nami nakenza kafwa hamujimba windi.
10Abimeleki nindi, #12:18, 19Wunatwili ŋahi? Muntu wumu wadi kukama tuhu naŋodeyi, wadi kutukojeja muloŋa.
11Abimeleki wayikumikili antu ejima, nindi, Yowu wakakwata chikasa hadi iyaliwu, hela hadi iŋodindi, chalala akamujaha.
12Isaka wadimini mwituŋa dina, wadiililumu mwaka wowumu mbutu jakusemunwina #Mat 13:8nkulakaji (100). Yehova wamukoolekesheli.
13Isaka waswejeli kuheta, hakusweja nikusweja, yolema nikulema chacheni.
14Waheteli ninyikanka yawampembi niyawanyikoku, ninyikanka yawaŋombi, niaŋamba amavulu nankashi. AFwilistinu hiyakumutiyila niichima.
15Henohu #21:30mashima ejima apundiluwu aŋamba jatata yindi hamafuku atata yindi Abarahama, aFwilistinu ayijika dehi nakushikilamu maseki to-o.
16Abimeleki wamwilili Isaka, nindi, Tufumi. Wunatubadiki etu nankashi ŋovu.
17Isaka hakufuma kwenoku, hakutuŋa yisolu muchinekineki chamuGera, hakushakama kwokwenoku.
18Isaka walahulwili cheŋi mashima amenji apundiluwu hadiŋilaŋayi tata yindi Abarahama, muloŋa aFwilistinu ayishikilili hafwiliyi Abarahama, wayitúmbili cheŋi majina mwomwayitumbililiyi tata yindi.
19Aŋamba jaIsaka apundili muchinekineki, awenumu ishima damenji mwenda mufuuluka chakufuuluka.
20Atubiŋa akuGera #13:7hiyakufwilaŋena natubiŋa twaIsaka, nawu, Menji etu. Ishimodu waditumbili ijina dadu, nindi Eseka, (Ntadi.) nanochu chazuŋiluwu nindi.
21Apundili ishima dikwawu, nidena nawa adifwilaŋeneni. Hakuditumba niijina, nindi Sitina. (Nkunyi)
22Wafumini kwenoku, hakupunda niishima dikwawu. Denodu hiyadifwilaŋenenuku. Hakuditumba niijina daRehoboti, (Mwiluŋa mwakushakama) nindi, Ichi dinu Yehova natushili #Mas 18:19mwakushakama, mwituŋa twakavulilamu.
23Wafumini kwenoku, wayili kuBerisheba.
24Yehova wadimwekesheli kudi yena wowena wufuku owu, nindi, Yami Nzambi yatata yeyi Abarahama; #15:1bayi wutiyaŋa womaku, ami nidi naneyi, nakakukoolekeshaŋa, nakakuvulishila anyaneyi hamujimba waŋamba yami Abarahama.
25Kwenoku watuŋililuku #8:20kameŋa kakulambwila, hakutambika niijina daYehova, hakulemenaku niitenti dindi. Kwenoku aŋamba jaIsaka apundiluku niishima.
26Abimeleki wafumini kuGera hakuya kudi yena, niibwambu dindi Ahuzati, niFwikoli wadiŋi mukulumpi wamashidikindi.
27Isaka wayilili nindi, Munenjilidi kudami, yenu mwanhelaku? Yenu mwanhaŋiluku?
28Kuchinka wena nawu, Twamweni chalala netu, Yehova wudi naneyi; netu, Hekali kusanyika hakachi ketu, hakachi ketu naneyi, #21:22-27tutiyaŋani neyi chitiyaŋenu.
29Chitiyaŋenu chakwila chitunabuli kukwilahu chuma, nichitunakwili mwamuwahi hohu bweŋi, nichitunakwiteji kuya chachiwahi chakadi nsaŋu, eyi nawa kutwiletu chuma chatama nehi. Eyi kweyi komana anakukiswili nkisu kudi Yehova.
30Wayitelekeleli chawija, adiili, anwini.
31Ahindukili ntetemena yayeni, hiyakusanyika nakudishiŋa, iwu nakusanyika, iwu nakusanyika. Isaka wayilekeli ayi, hiyakufuma kudi yena chachiwahi.
32Itaŋwa dodimu aŋamba jaIsaka enjili nakumuleja ishima dapundiluwu. Amulejeli nawu, Tunawani menji.
33Yena waditúmbili ijina, nindi Sheba, (Ishima dachitiyaŋenu) dihu hafuma kutena ijina damukala nawu Berisheba nikulelu.
34Esawu chashikiliyi munyaka makumi awana (40) #28:1, 6-9wasumbwili niYudita mwana kakaHiti Beyeri, niBasemati mwana kakaHiti Eloni.
35Wenana atiyishilaŋa niIsaka niRebeka chikela kumuchima.
Currently Selected:
Kutachika 26: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
Kutachika 26
26
Isaka naAbimileki
1Nzala yaholokeli mwituŋa, bayi nzala yakusambila yaholokeli hamafuku hadiŋi Abarahamaku, yacheŋi. Isaka wayili kuGera kudi Abimeleki mwanta wawaFwilistinu.
2Yehova #12:7wadimwekesheli kudi yena, hakumwila nindi, Bayi wukunkumuka wuyi muEjipituku, shakamaku mwituŋa dinakakuleja.
3Shakamaku tuhu mwituŋa dinu, ninami #21:22nakekala neyi, nakakukoolekesha. Nineyi nianyaneyi nakayinka matuŋawa ejima, nakakolesha nimukusanyika kunasanyikili natata yeyi Abarahama.
4Nakavulisha anyaneyi neyi tutumbwa twamwiwulu kuvula, #Ŋal 3:8anyaneyi nakayinka matuŋawa ejima, kudi anyaneyi nyunza yahamaseki yejima yakawenaku kukooleka,
5nanochu chovwahililiyi Abarahama mwizu dami, nakuhemba munakanini, nimunamulejeli, nimuyidika yami, nimunshimbi jami.
6Isaka washakamini muGera.
7Enimbu amayala amwihwili jaŋodindi; nindi, #12:13Himuhelami; muloŋa watiyili woma wakuyila nindi, Hiŋodami; nindi, akenza kanjaha kudi enimbu hamujimba waRebeka; muloŋa wadiŋi walubanji.
8Cheliliyi nashakami dehi kwenoku hanalehi dehi, Abimeleki mwanta wawaFwilistinu watalilili munjanina hanzi, wamweni komana Isaka hakudikumbata naŋodindi Rebeka.
9Abimeleki wamutambikili Isaka, wamwilili nindi, Komana chalala hiŋodeyi, indi eyi wahosheli ŋahi neyi, Himuhelami? Isaka wamwilili nindi, Nelili nami nakenza kafwa hamujimba windi.
10Abimeleki nindi, #12:18, 19Wunatwili ŋahi? Muntu wumu wadi kukama tuhu naŋodeyi, wadi kutukojeja muloŋa.
11Abimeleki wayikumikili antu ejima, nindi, Yowu wakakwata chikasa hadi iyaliwu, hela hadi iŋodindi, chalala akamujaha.
12Isaka wadimini mwituŋa dina, wadiililumu mwaka wowumu mbutu jakusemunwina #Mat 13:8nkulakaji (100). Yehova wamukoolekesheli.
13Isaka waswejeli kuheta, hakusweja nikusweja, yolema nikulema chacheni.
14Waheteli ninyikanka yawampembi niyawanyikoku, ninyikanka yawaŋombi, niaŋamba amavulu nankashi. AFwilistinu hiyakumutiyila niichima.
15Henohu #21:30mashima ejima apundiluwu aŋamba jatata yindi hamafuku atata yindi Abarahama, aFwilistinu ayijika dehi nakushikilamu maseki to-o.
16Abimeleki wamwilili Isaka, nindi, Tufumi. Wunatubadiki etu nankashi ŋovu.
17Isaka hakufuma kwenoku, hakutuŋa yisolu muchinekineki chamuGera, hakushakama kwokwenoku.
18Isaka walahulwili cheŋi mashima amenji apundiluwu hadiŋilaŋayi tata yindi Abarahama, muloŋa aFwilistinu ayishikilili hafwiliyi Abarahama, wayitúmbili cheŋi majina mwomwayitumbililiyi tata yindi.
19Aŋamba jaIsaka apundili muchinekineki, awenumu ishima damenji mwenda mufuuluka chakufuuluka.
20Atubiŋa akuGera #13:7hiyakufwilaŋena natubiŋa twaIsaka, nawu, Menji etu. Ishimodu waditumbili ijina dadu, nindi Eseka, (Ntadi.) nanochu chazuŋiluwu nindi.
21Apundili ishima dikwawu, nidena nawa adifwilaŋeneni. Hakuditumba niijina, nindi Sitina. (Nkunyi)
22Wafumini kwenoku, hakupunda niishima dikwawu. Denodu hiyadifwilaŋenenuku. Hakuditumba niijina daRehoboti, (Mwiluŋa mwakushakama) nindi, Ichi dinu Yehova natushili #Mas 18:19mwakushakama, mwituŋa twakavulilamu.
23Wafumini kwenoku, wayili kuBerisheba.
24Yehova wadimwekesheli kudi yena wowena wufuku owu, nindi, Yami Nzambi yatata yeyi Abarahama; #15:1bayi wutiyaŋa womaku, ami nidi naneyi, nakakukoolekeshaŋa, nakakuvulishila anyaneyi hamujimba waŋamba yami Abarahama.
25Kwenoku watuŋililuku #8:20kameŋa kakulambwila, hakutambika niijina daYehova, hakulemenaku niitenti dindi. Kwenoku aŋamba jaIsaka apundiluku niishima.
26Abimeleki wafumini kuGera hakuya kudi yena, niibwambu dindi Ahuzati, niFwikoli wadiŋi mukulumpi wamashidikindi.
27Isaka wayilili nindi, Munenjilidi kudami, yenu mwanhelaku? Yenu mwanhaŋiluku?
28Kuchinka wena nawu, Twamweni chalala netu, Yehova wudi naneyi; netu, Hekali kusanyika hakachi ketu, hakachi ketu naneyi, #21:22-27tutiyaŋani neyi chitiyaŋenu.
29Chitiyaŋenu chakwila chitunabuli kukwilahu chuma, nichitunakwili mwamuwahi hohu bweŋi, nichitunakwiteji kuya chachiwahi chakadi nsaŋu, eyi nawa kutwiletu chuma chatama nehi. Eyi kweyi komana anakukiswili nkisu kudi Yehova.
30Wayitelekeleli chawija, adiili, anwini.
31Ahindukili ntetemena yayeni, hiyakusanyika nakudishiŋa, iwu nakusanyika, iwu nakusanyika. Isaka wayilekeli ayi, hiyakufuma kudi yena chachiwahi.
32Itaŋwa dodimu aŋamba jaIsaka enjili nakumuleja ishima dapundiluwu. Amulejeli nawu, Tunawani menji.
33Yena waditúmbili ijina, nindi Sheba, (Ishima dachitiyaŋenu) dihu hafuma kutena ijina damukala nawu Berisheba nikulelu.
34Esawu chashikiliyi munyaka makumi awana (40) #28:1, 6-9wasumbwili niYudita mwana kakaHiti Beyeri, niBasemati mwana kakaHiti Eloni.
35Wenana atiyishilaŋa niIsaka niRebeka chikela kumuchima.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.