Kutachika 34
34
Dina nawakwaShekemi
1Dina, mwana kaLeya wamumbanda, avweleliyi Yakoba, wayili nakutala anyana awambanda amwituŋa dina.
2Shekemi, mwana kaHamori kaHivi, mwanta wetuŋa, wamumweni, hakumutambula, hakukama nindi, hakumutamisha.
3Muchima windi wamulamatili Dina mwana kaYakoba mbe, wamukeŋeli ona chaŋadima, hakuhanjika nindi nakumukundeja.
4Shekemi wahosheli natata yindi Hamori, nindi, Nsumbwili yeniwu chaŋadimiwu.
5Henohu Yakoba wachitiyili dehi nawu yena namutamishi dehi mwanindi Dina. Anyanindi adiŋi mumpata nawayimuna yindi. Yakoba wadimweneneni kwindi nzo-o nakutalila chakenzawu.
6Hamori, tata yaShekemi, wayili kudi Yakoba nakuhanjika nindi.
7Anyana kaYakoba, chachitiyiluwu, hiyakufuma mumpata mwadiŋuwu, hiyakwinza. Wena amayala atiyili kutama, #39:19; 49:6-7; 2 Sam 12:5; 13:21; Esita 7:7azuwili nankashi, muloŋa yena nakoŋi dehi yawusupi muIsarela, chanakamiyi namwana kaYakoba; chuma china kuchikoŋa chinjila.
8Hamori wahosheli nawu, nindi, Mwanami Shekemi nafwili mwanenu. Mwinkeniyu mwani, asumbuli.
9 #
Kuhit 7:3; Yosh 23:12 Twakasumbwaŋani kwetu, enu mutwinki anyanenu, ninenu nawa mutambuli anyanetu.
10Twakashakami nenu hamu; ituŋa denu odu; shakamenu kwenu nakulandulwilamu, mwakadiheteshelumu mahetenu.
11Shekemi wamwilili tata yamumbanda nianakwindi, nindi, Antiyili luwi, nukuyinka mwonsu mumukunleja.
12Mfuukwilenuŋa nyivu mwonsu mumukumfuukwila mwomu, hela mweneni nankashi, niyiwayishi, mwejima mumwakanleja nukukumina dakuyinka tuhu, chiŋa munyinka iwu chaŋadima nimusumbuli.
13Anyana kaYakoba ayakwili aShekemi natata yindi Hamori nakudimbana, nanochu chatamishiliyi muhelawu Dina;
14ahosheli nakuyila nawu, Etu kwetu chumichi hitunatweshi kuchilaku, tunoni muheletu tumwinkiyi chidima. Chenochu chikututiyisha nsonyi.
15Ilaŋa ntahi neyi enu mukwikala neyi etu, amayala ejima ayalamisha, neyi chochina tukuyiiteja;
16hitukuyinka nianyanetu, ninetu nawa hitukutambula anyanenu, tukushakama nenu, tukwila antu wowamu.
17Ilaŋa neyi kwonti kwenu kututiyilila nakwalamaku, tukutambula kwetu mwanetu, tukudiyila.
18Mazu awu atiyishili aHamori namwanindi Shekemi kuwaha.
19Yenona mukwenzi halabili nakwila chumochuku, nanochu chatiyiliyi kuwaha namwana kaYakoba. Kwitala datata yindi diyi yalemesheluwu chakubadika akwawu ejima.
20AHamori namwanindi Shekemi ayili kuchisu champwembu yamukala wawu, ahosheli nawamayala ahamukala wawu,
21nawu, Wenana amayala twashakama nawu chachiwahi; tuyitejenu kwetu ashakami mwituŋa dinu alandilwilumu. Ituŋa kwadu dinatohi. Tusumbulenu anyanawu, ninetu nawa tuyinki anyanetu.
22Ilaŋa wena hiyakwiteja kushakama nanetu twikali antu wowamuku, chiŋa etu amayala wejima wetu twalami neyi chalamawu wena.
23Niyimuna yawu, niyuma yawu, nianyama jawu ejima akabuli kwikala etwetu? Chakala chituneteji mwanahoshuwu, niwena twakashakama nawu.
24Antu ejima edikilaŋa muchisu chamukala windi atiyili chahosheluwu aHamori namwanindi Shekemi; amayala ejima ayalamishili, wejima wawu edikilaŋa muchisu chamukala windi ayalamishili hohu.
25Chikwelili ifuku damuchisatu, anatiyi dehi kukata, anyana kaYakoba ayedi, iwu Simeyona, iwu Levi, wowu anakwaDina, anoneni wejima wawu mpoku jawu jakabali, ayili kumukala chakuyibazumwisha, ajahili amayala ejima.
26Ajahili aHamori namwanindi Shekemi nampoku yakabali, amwidishili Dina mwitala daShekemi, hiyakuya nikuya.
27Anyana kaYakoba ayili kwajahililuwu antu, apuupili nimukala, nanochu chatamishiluwu muhelawu.
28Akuŋwili nimpembi jawu, ninyikoku yawu, niŋombi jawu, niyimbulu yawu, niyuma yadiŋi mumukala, niyuma yadiŋi mumaha;
29nimahetawu ejima, nianyanawu anyanya ejima, niaŋodijawu, akwata nikuyikwata hiyankoli jawu, apuupili niyuma yejima yadiŋi mumatala.
30Yakoba wayilili aSimeyona naLevi, nindi, Munankabishi, munannunkishi ivumba datama kudi antu amunu mwituŋa, aKenani nawaPerizi; ami nidi nawantu antesha, akampompela nakuntapa; nakajila ji-i, ninami nimukala wami.
31Kuchinka wena nawu, Ochu adi kumukoŋa tuhu muheletu neyi chiyakoŋaŋawu chivumbi?
Currently Selected:
Kutachika 34: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
