Kutachika 37
37
Yilota yaYosefu
1Yakoba washakamini mwituŋa dashakaminiyi tata yindi chawenyi mwituŋa daKenani.
2Yeniyi diyi nsaŋu yaYakoba. Chashikiliyi Yosefu #41:46munyaka ikumi nayitanu nayiyedi (17), wabiŋilaŋa yimuna nawanakwindi. Wadiŋi mukwenzi kwindi nakushakama hamu nawanyana kaBiliha, nawanyana kaZilipa aŋodijatata yindi. Yosefu wamushimwininumu tata yindi mwatamishaŋawu.
3Isarela #25:28wakeŋeli Yosefu chakubadika anyanindi ejima, muloŋa wadiŋi mwana wahawushinakaji windi. Wamuchiminini #2 Sam 13:18chikowelu chamahina eŋi naeŋi.
4Anakwindi chamwenuwu tata yawu wamukeŋa yena chakubadika anakwindi ejima, amuhela nikumuhela nkunyi mbe, kutwesha kuhosha nindi nehi.
5Yosefu waloteli, wayawililumu anakwindi niwena, asweja nikumuhela mbe.
6Wayilili nindi, Tiyenu mwani, chinalotami.
7Twadiŋi mwiha nakukasa yiita; kutala chiita chami chinyamuka nikunyamuka, chimana nikwimana. Kutala yiita yenu hiyikwinza nakunyeŋumuka, hiyikubandamina kuchiita chami.
8Kutiya anakwindi nawu, Aka! Eyi kwaamu wikali mwanta wetwetu? Eyi wutuyuuletu? Hiyakusweja kumuhela mbe nayilota yindi namazu indi.
9Waloteli nawa cheŋi, wayawililumu anakwindi, nindi, Tiyenu, naloti nawa cheŋi; naloti niitaŋwa nikakweji nitutumbwa ikumi nakamu (11) hiyakumbandamina.
10Wayawililumu nitata yindi nianakwindi. Tata yindi hakumuhoshola, hakumwila nindi, Oku kulota kuwunaloteyi kwanka? Ninami nimama yeyi nianakweyi twakaya kwaamu nakukubandamina eyi hamaseki?
11Anakwindi amutiyilili ichima, hakwila tata yindi nsaŋu oyu #Luk 2:19, 51wayihembeli mumuchima.
Chamulandishiluwu Yosefu kudi anakwindi
12Anakwindi ayili kuShekemi akadiishi yimuna yatata yawu.
13Isarela wamwilili Yosefu, nindi, Anakweyi adi nakudiisha yimuna kuShekemi. Inzaŋa nikutemeshi kudi wena. Yena nindi, Vude.
14Wamwilili nindi, Yaku dinu wakatali neyi anakweyi ashakama chachiwahi, neyi niyimuna yidi chachiwahi, wakenzi cheŋi nakunleja. Wamutemesheli mwadiŋiyi muchinekineki chakuHeberoni, yena hakuya kuShekemi.
15Amuweni kudi iyala wumu wudi nakukimbuka mumpata. Iyala wamwihwili nindi, Wukukeŋadi?
16Nindi, Nukukeŋa anakwami; anleji mwani, kwadi nakudiishilawu yimuna.
17Iyala nindi, Akunu afumaku dehi, nayitiya hiyakwila nawu, Tuyenu kuDotani. Yosefu wayilondeleli anakwindi, wayiweni kwokuDotani.
18Wena amumweneni maaya, wachidiŋi kanda ashiki kwakwihi nawenaku, #Mat 12:14; Mak 14:1; Yil 23:12amukwatilili mpúŋa, nawu tumujahi.
19Hiyakuhosha wumu namukwawu, nawu, Talenu, #Yer 38:6, 9Sakulota ona wukwinzona.
20Tuyenu tumujahenu, tumuumbilenu muwina, twakela netu, Chisuma namudyi, kulonda tutali mwakaya kulota kwindi.
21Rubeni chachitiyiliyi hakumupulwisha kudi wena, nindi, Bayi tumujahaku.
22Rubeni hakuyila nindi, Bayi mumwaŋa mashuku; kuminenu dakumuumbila muwina iwu wudi muchinkalampata, bayi mumwila chumaku. Wahosheli chochina kulonda kumupulwisha, akamufuntishi cheŋi kudi tata yindi.
23Chashikiliyi Yosefu kwadiŋuwu anakwindi, amuvuulili chikowelu chindi, chochikowelu chamahina eŋi naeŋi, chadiŋi chavwalayi;
24amukwata nikumukwata, amuumbila nimuwina. Muwina mwadiŋi mwamukunkulu, mwakadi menji.
25Hiyakushakama kwawu nakudya; hiyakufumbula mesu awu, kutala niseku, mukanka wawaIshimeli, awa akuhita awa hiyakufuma kuGileyadi naŋameli jawu, anasendi nisitoraki nimasitiki niladanumi, hiyakuya nayu muEjipitu.
26Yuda hakuyila anakwindi, nindi, Neyi tukujaha manakwetu nakusweka mashi indi, tukudiila hodi?
27Tuyenu tumulandishi nawaIshimeli, etu kwetu bayi tumwila chumaku, yena himanakwetu mwevumu detu. Anakwindi etejeli.
28AMidiyani hiyakuhita, akwakulandisha yuma. Hiyakumukoka Yosefu muwina, #Yil 7:9hiyakumulandisha nawaIshimeli #Kwi 21:16; Lev 27:5; Mat 26:15namali asiliva makumi ayedi (20). Yosefu amutwala nikumutwala muEjipitu.
29Rubeni hakufunta kuwina, kumuwana Yosefu muwina mwosi, #44:13; Kuch 14:6; Yosh 7:6; Mat 26:65; Yil 14:14hakutabula nimahinindi, bwe-chi bwe-chi.
30Hakufunta kudi anakwindi, nindi, Kansi kwosi, indi ami nukuyahi?
31Anoneni chikowelu chaYosefu, ajahili chizamba champembi, aputili chikowelu chindi mumashi.
32Atemesheli chikowelu chamahina eŋi naeŋi, achishikijili kudi tata yawu, nawu, Tunawani chumichi, shinshikaku chachiwahi neyi hichikowelu chamwaneyi, tahindi chacheŋi.
33Yena wachilukili, nindi, Dichi chikowelu chamwanami! Chisuma namudyi! Yosefu chalala amutabola dehi!
34Yakoba hakutabula nimahinindi, bwe-chi bwe-chi, hakuvwala #2 Sam 3:31; 2 Anya 6:30; Yoweli 1:13chikeleyi mumayindi, hakumudila mwanindi mafuku amavulu.
35Anyanindi ejima niamayala nawambanda anyamukili, nawu #Yoba 2:11; Mas 77:2; Yer 31:15amukundeji, ilaŋa yena kwindi kwonti kwindi kumukundeja. Nindi, Ami kwami nakakunkumuka mukaluŋa mudi mwanami nakudila hohu. Tata yindi hakumudila.
36AMidiyani amulandulwili muEjipitu naPotifwari ishidika daFwaro, mukulumpi wawanhembi.
Currently Selected:
Kutachika 37: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
Kutachika 37
37
Yilota yaYosefu
1Yakoba washakamini mwituŋa dashakaminiyi tata yindi chawenyi mwituŋa daKenani.
2Yeniyi diyi nsaŋu yaYakoba. Chashikiliyi Yosefu #41:46munyaka ikumi nayitanu nayiyedi (17), wabiŋilaŋa yimuna nawanakwindi. Wadiŋi mukwenzi kwindi nakushakama hamu nawanyana kaBiliha, nawanyana kaZilipa aŋodijatata yindi. Yosefu wamushimwininumu tata yindi mwatamishaŋawu.
3Isarela #25:28wakeŋeli Yosefu chakubadika anyanindi ejima, muloŋa wadiŋi mwana wahawushinakaji windi. Wamuchiminini #2 Sam 13:18chikowelu chamahina eŋi naeŋi.
4Anakwindi chamwenuwu tata yawu wamukeŋa yena chakubadika anakwindi ejima, amuhela nikumuhela nkunyi mbe, kutwesha kuhosha nindi nehi.
5Yosefu waloteli, wayawililumu anakwindi niwena, asweja nikumuhela mbe.
6Wayilili nindi, Tiyenu mwani, chinalotami.
7Twadiŋi mwiha nakukasa yiita; kutala chiita chami chinyamuka nikunyamuka, chimana nikwimana. Kutala yiita yenu hiyikwinza nakunyeŋumuka, hiyikubandamina kuchiita chami.
8Kutiya anakwindi nawu, Aka! Eyi kwaamu wikali mwanta wetwetu? Eyi wutuyuuletu? Hiyakusweja kumuhela mbe nayilota yindi namazu indi.
9Waloteli nawa cheŋi, wayawililumu anakwindi, nindi, Tiyenu, naloti nawa cheŋi; naloti niitaŋwa nikakweji nitutumbwa ikumi nakamu (11) hiyakumbandamina.
10Wayawililumu nitata yindi nianakwindi. Tata yindi hakumuhoshola, hakumwila nindi, Oku kulota kuwunaloteyi kwanka? Ninami nimama yeyi nianakweyi twakaya kwaamu nakukubandamina eyi hamaseki?
11Anakwindi amutiyilili ichima, hakwila tata yindi nsaŋu oyu #Luk 2:19, 51wayihembeli mumuchima.
Chamulandishiluwu Yosefu kudi anakwindi
12Anakwindi ayili kuShekemi akadiishi yimuna yatata yawu.
13Isarela wamwilili Yosefu, nindi, Anakweyi adi nakudiisha yimuna kuShekemi. Inzaŋa nikutemeshi kudi wena. Yena nindi, Vude.
14Wamwilili nindi, Yaku dinu wakatali neyi anakweyi ashakama chachiwahi, neyi niyimuna yidi chachiwahi, wakenzi cheŋi nakunleja. Wamutemesheli mwadiŋiyi muchinekineki chakuHeberoni, yena hakuya kuShekemi.
15Amuweni kudi iyala wumu wudi nakukimbuka mumpata. Iyala wamwihwili nindi, Wukukeŋadi?
16Nindi, Nukukeŋa anakwami; anleji mwani, kwadi nakudiishilawu yimuna.
17Iyala nindi, Akunu afumaku dehi, nayitiya hiyakwila nawu, Tuyenu kuDotani. Yosefu wayilondeleli anakwindi, wayiweni kwokuDotani.
18Wena amumweneni maaya, wachidiŋi kanda ashiki kwakwihi nawenaku, #Mat 12:14; Mak 14:1; Yil 23:12amukwatilili mpúŋa, nawu tumujahi.
19Hiyakuhosha wumu namukwawu, nawu, Talenu, #Yer 38:6, 9Sakulota ona wukwinzona.
20Tuyenu tumujahenu, tumuumbilenu muwina, twakela netu, Chisuma namudyi, kulonda tutali mwakaya kulota kwindi.
21Rubeni chachitiyiliyi hakumupulwisha kudi wena, nindi, Bayi tumujahaku.
22Rubeni hakuyila nindi, Bayi mumwaŋa mashuku; kuminenu dakumuumbila muwina iwu wudi muchinkalampata, bayi mumwila chumaku. Wahosheli chochina kulonda kumupulwisha, akamufuntishi cheŋi kudi tata yindi.
23Chashikiliyi Yosefu kwadiŋuwu anakwindi, amuvuulili chikowelu chindi, chochikowelu chamahina eŋi naeŋi, chadiŋi chavwalayi;
24amukwata nikumukwata, amuumbila nimuwina. Muwina mwadiŋi mwamukunkulu, mwakadi menji.
25Hiyakushakama kwawu nakudya; hiyakufumbula mesu awu, kutala niseku, mukanka wawaIshimeli, awa akuhita awa hiyakufuma kuGileyadi naŋameli jawu, anasendi nisitoraki nimasitiki niladanumi, hiyakuya nayu muEjipitu.
26Yuda hakuyila anakwindi, nindi, Neyi tukujaha manakwetu nakusweka mashi indi, tukudiila hodi?
27Tuyenu tumulandishi nawaIshimeli, etu kwetu bayi tumwila chumaku, yena himanakwetu mwevumu detu. Anakwindi etejeli.
28AMidiyani hiyakuhita, akwakulandisha yuma. Hiyakumukoka Yosefu muwina, #Yil 7:9hiyakumulandisha nawaIshimeli #Kwi 21:16; Lev 27:5; Mat 26:15namali asiliva makumi ayedi (20). Yosefu amutwala nikumutwala muEjipitu.
29Rubeni hakufunta kuwina, kumuwana Yosefu muwina mwosi, #44:13; Kuch 14:6; Yosh 7:6; Mat 26:65; Yil 14:14hakutabula nimahinindi, bwe-chi bwe-chi.
30Hakufunta kudi anakwindi, nindi, Kansi kwosi, indi ami nukuyahi?
31Anoneni chikowelu chaYosefu, ajahili chizamba champembi, aputili chikowelu chindi mumashi.
32Atemesheli chikowelu chamahina eŋi naeŋi, achishikijili kudi tata yawu, nawu, Tunawani chumichi, shinshikaku chachiwahi neyi hichikowelu chamwaneyi, tahindi chacheŋi.
33Yena wachilukili, nindi, Dichi chikowelu chamwanami! Chisuma namudyi! Yosefu chalala amutabola dehi!
34Yakoba hakutabula nimahinindi, bwe-chi bwe-chi, hakuvwala #2 Sam 3:31; 2 Anya 6:30; Yoweli 1:13chikeleyi mumayindi, hakumudila mwanindi mafuku amavulu.
35Anyanindi ejima niamayala nawambanda anyamukili, nawu #Yoba 2:11; Mas 77:2; Yer 31:15amukundeji, ilaŋa yena kwindi kwonti kwindi kumukundeja. Nindi, Ami kwami nakakunkumuka mukaluŋa mudi mwanami nakudila hohu. Tata yindi hakumudila.
36AMidiyani amulandulwili muEjipitu naPotifwari ishidika daFwaro, mukulumpi wawanhembi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.